Buncha chiroyli namoz o‘qiyapti..!
Sajdasi sajda, rukusi ruku… Rukudan turganida qaddini g’oz tutib, ikki sajda orasida to‘liq o‘tiryapti. G‘oyat hotirjam.

Men ham namozimni o‘qidim. Namoz yomonliklardan to‘sadi degan mazmunda oyat bor. Biroq, qanchalab odamni bilaman, namoz ham ularni yomonlik qilishdan to‘xtatmayapti..! Xo‘sh..? Unda oyatda yolg‘on aytilganmi? Shubhasiz, unday emas. U holda gap nimada..? Demak, kishi namozni to‘liq ado etmayapti. Shunchaki egilib-turib, namoz o‘qidim deb hisoblayapti. O‘zim o‘qigan namozlarni o‘ylab uyaldim…

📖Hamza

Тавсия

📜Намоз дарду аламларда энг яхши оғриқ қолдирувчи, тинчлантирувчи доридир.

"Сабр ва намоз ила ёрдам сўранг. Ва албатта, у чин дилдан қўрқувчилардан бошқаларга жуда катта ишдир", Бақара сураси, 45 - оят.

©️ arabicuz

Nega yig'lamaysan, ey ahli islom?

Hofiz ibn Rajab rohimahulloh aytadi:
Ey yigirma yosh­lilar..!Tengqurlaringizdan qanchasi vafot etdi-yu, sizlar esa ortda qoldingiz (tirik qoldingiz).
Ey o‘ttiz yosh­lilar..!
Sizlar yoshlik davriga yaqin bo‘la turib (uning qadrini bilmadingiz), nahotki afsuslanmasangiz?
Ey qirq yosh­lilar..!Yoshlikning navbahorlari ketdi, sizlar esa hali ham behuda o‘yin-kulgiga berilib o‘tiribsizlar!
Ey ellik yosh­lilar..!
Yuz yilning yarmini yashab qo‘ydingiz, ammo hali ham (amalda) insof qilmadingiz… Sizlar hali ham o‘yin-kulgi va behuda ishlar bilan bandmisiz..?

Batahqiq haddingizdan oshibsiz..!

“Latoiful maorif”dan.

©️arabicuz

Ba’zi narsalardan Alloh roziligini istab voz kechar ekanmiz, U zot hali bundan ortig’i bilan rozi qiladi!

Ифтор
#ramazon

📜 Абдуллоҳ ибн Умар розияллоҳу анҳумодан ривоят қилинади, Расулуллоҳ соллаллоҳу алайҳи васаллам ифтор қилган пайтларида: "Заҳабаз зомау, вабталлатил урууқу ва сабатал ажру, иншааллоҳ", яъни «Чанқоқ қонди, томирлар ҳўлланди ва ажр собит бўлди, иншааллоҳ», дердилар.

Абу Довуд ривояти.

13593. Бугунги кунда ёшлар (фитнес залларга бориб) темир (тошлар) ва оғирликларни кўтарадилар.
Лекин бомдоднинг азони айтилган вақтда эса устларидаги кўрпани-да кўтаришга қодир бўлмайдилар...

Эй уммат ёшлари ҳолингиз аламлидир.

@arabicuz

Bizning shamimizni o’chirayotganlar o’zlari ham qorong’uda qoladilar.

Muhammad G’azzoliy

13731. Танбеҳ

Агар сен равотиб суннатларни тарк қилаётган, витр намозини ўтказиб юбораётган, зикрлар сенга оғирлик қилаётган бўлса ва соатлаб ижтимоий тармоқларни кузатишдан ҳузур топаётган бўлсанг — демак, бу қалбингда охиратдан кўра дунё устун бўлиб қолганидан бир огоҳлантиришдир.

Қалбингга қайт ва уни покла, аъзоларинг(кўзинг, қулоғинг, тилинг ва ҳаказо)ни Аллоҳ рози бўладиган ишларга ишлат. Аллоҳга қасамки, ҳеч биримиз (дунёдан) қачон кетишимизни билмаймиз!

Аллоҳдан гўзал хотима сўраб қоламиз.
 
Али Шиблий.

@arabicuz

iOS | Android

Instagram | Facebook | Twitter | Tiktok | Youtube

13765. Аллоҳнинг ҳилмидан (гуноҳларингни яшириб, жазоларни кечиктираётганидан) ғурурга кетиб қолма! Иқоб келишидан олдин тавба қилишга шошил.

Шайх Умар Дийб.

©️arabicuz

Мубашшир Аҳмадга

Актёрдек юзимга гриммдан суртиб,
Ўйнамоқчимасман, қайғургандек роль.
Сизни ёв-ғанимлар қўйдилар туртиб,
Менинг ёрдамим ноль, ҳаракатим ноль.

Туркистон бағридан отилиб чиққан,
Бир улуғ олимсиз сизни соғиндик.
Ким сизни бўлсада қамоққа тиққан,
Дилимиз оғриди, жуда оғриндик.

Тўкин дастурхоннинг атрофидамиз,
Сахарлик қиламиз... юрак сиқилар.
Иштаҳамиз бордир, ёлғон не керак,
Ифтор чоғ эсласак луқма тиқилар.

Ҳовлимдаги беҳи бўлган гувоҳи,
Ифтор қилган эдик сиз ва етмиш шахс.
Ҳаммага далиллар топган эдингиз,
Жуда қизигандан қизиганди бахс.

Аллоҳ насиб қилса болаларимга ҳам,
Қаҳрамон деб айтгум сиз хақда мен ҳўп?
Сизни асли қанча эъзозласак кам,
Икки йил олти ой қамоқ лекин кўп.

Тез кунда қамоқдан чиқиб келасиз,
Хақ истаса... дилдан ғамни ўчиринг.
Сиздек шижоатли устознинг биздек,
Қўрқоқ шогирдларин фақат кечиринг.

P.S: Шогирдлик даъво қилмайман.
Менга мусулмонлигим, Аллоҳга қуллигим кифоя.
Шеър у кишини ҳамма эъзозлаганлар номидан ёзилди.
Чин юракдан.

00:46-23.02.2026
Абдураҳмон Мешаян

#quron

وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُورًا

📜"Ва Расул: «Роббим, албатта, менинг қавмим ушбу Қуръонни тарк этдилар», – деди", Фурқон сураси, 30 - оят.

arabicuz