Senga balki ayon, balki noayon,
Bir hayot hadisin aylayin bayon.
Mayli, suvlar kechgin, mayli, o'tda yon,
Hargiz iltimosga kuning qolmasin...

A. Oripov

Dunyoda mukammal narsa yo’q. Hatto muhabbat deb atalmish oliy tuyg’uda ham adolatsizlik bor. Kim qattiqroq sevsa, o’sha ko’proq iztirob chekadi.

Erta-indin ustozlar uchun masterclass o’tyapmiz samarali dars o’tish bo’yicha, qiziqsangiz qo’shilishingiz mumkin)

https://t.me/+a8MRfdButFM3ZjQy

Muvaffaqiyat siri: biz bilan ishlaganlar baraka topsin!

Biz bilan birga ishlaganlar baraka topsin deganda tilak emas, fakt haqida gapirgandim.

O'qituvchi bo'lsak biz bilan ishlagan maktab ota-onalardan rahmat eshitsin. Kamida bizni deb yaxshi o'quvchilari ketib qolmasin.

Rahbar bo'lsak biz bilan ishlagan jamoa yaxshi imkoniyat, yengillik va moliyaga ega bo'lsin.

Biz bilan ishlaganlar baraka topsa biz ham baraka topamiz, muvaffaqiyatga erishamiz.

Rahbardan qo’rqish va unga ko’p paxta qo’yish o’z ishini sifatsiz qilayotganlikning belgisi.

Ishini sifatli qilayotgan odam tashqaridan tasdiq qidirmaydi. Ortiqcha qo’rquv bo’lmaydi.

Fikrlar va gaplarda botirman.

Hayotda shunday vaziyatga tushib qolsam botirligimdan asar qolarmikan deb ko’p o’ylayman…

Oxirgi 1 oyda haftada 7 kun ish bo’lganligi uchun haftaning qaysi kunini kutib yashashni ham bilmay qoldim)

Ukamga ertaroq uxla, ertalab turishga qiynalasan desam, erta uxlasamam baribir qiynalyapman, shunga kechroq uxlab qiynalganim yaxshikan o’ylab ko’rsam deydi)

G’oliblar har doim “qimmatroq” to’laydi.

Yaxshi chiqqan darslarimning onasi o’xshamagan darslarim.

Metroga homilador ayol chiqdi 3 erkak birdan joyimizdan sakrab turdik. Hamma joy berishga shoshildi.

Holatdan, insonlardagi insoniylikdan xursand bo’ldim. Ta’sirlandim. Yaxshi odamlar ko’p ichimizda deb o’ylab qo’ydim.

5 daqiqadan keyin ko’zim o’ng tarafga tushdi, yana bir homilador ayol, tik turardi. Uning oldidagi barcha insonlar xotirjam o’tirishar. Ayolga e’tibor berishmasdi.

Tushmaganlarini ko’rib oldilariga bordim, o’tiring joy bor dedim. Keyingisida tushaman dedilar.

Ichimda aralash hissiyotlar aylandi.

Metro bir vagonining ikki tarafi ikki xil olam, ikki xil insonlar.

Insonlar deganda qay biri ko’z oldimga keltirishim kerak, bilmadim.

Xudoyim bandasiga mehribondur, va lekin bandasi o’zi yomondur.

Qulga balo kelmas,
Haq yozmaguncha!
Haq balo yozmas,
Qul (yoʻldan) ozmaguncha!
Haq quldan intiqom,
Qul ila olur!
Dinu irfon bilmagan,
Buni Quldan (deb) bilur...

©Mavlono Jaloliddin Rumiy.

Qancha emas, qanday pul topasan deb so’rasak inson haqida to’g’ri xulosa qila olamiz.

Har bir muammoli vaziyat chiroyli axloq ko’rsatish uchun zo'r imkoniyat.

Nega ta’lim haqida instagramga kontent qo’yayotganlar orqa fonga qayg’uli qo’shiq qo’yib qo’yishadi?)

https://t.me/Mohirspeaks/2213

Olgan proyektingni vaqtida topshirolmasang, rahbarga qarab aytiladigan gap bo’libdi)

Men unga maslahat bersam, u menga bahona topdi.

Hozirgi holatingga loyiq ekansan dedimu, kettim.

Biror sohada biror natijaga erishganlar — shu sohaga o'zini bag'ishlaganlar!

Erishmoqchimisiz? Bag'ishlang!

U biladi, biz bilmaymiz.