G’oliblar har doim “qimmatroq” to’laydi.

Yaxshi chiqqan darslarimning onasi o’xshamagan darslarim.

Metroga homilador ayol chiqdi 3 erkak birdan joyimizdan sakrab turdik. Hamma joy berishga shoshildi.

Holatdan, insonlardagi insoniylikdan xursand bo’ldim. Ta’sirlandim. Yaxshi odamlar ko’p ichimizda deb o’ylab qo’ydim.

5 daqiqadan keyin ko’zim o’ng tarafga tushdi, yana bir homilador ayol, tik turardi. Uning oldidagi barcha insonlar xotirjam o’tirishar. Ayolga e’tibor berishmasdi.

Tushmaganlarini ko’rib oldilariga bordim, o’tiring joy bor dedim. Keyingisida tushaman dedilar.

Ichimda aralash hissiyotlar aylandi.

Metro bir vagonining ikki tarafi ikki xil olam, ikki xil insonlar.

Insonlar deganda qay biri ko’z oldimga keltirishim kerak, bilmadim.

Xudoyim bandasiga mehribondur, va lekin bandasi o’zi yomondur.

Qulga balo kelmas,
Haq yozmaguncha!
Haq balo yozmas,
Qul (yoʻldan) ozmaguncha!
Haq quldan intiqom,
Qul ila olur!
Dinu irfon bilmagan,
Buni Quldan (deb) bilur...

©Mavlono Jaloliddin Rumiy.

Qancha emas, qanday pul topasan deb so’rasak inson haqida to’g’ri xulosa qila olamiz.

Har bir muammoli vaziyat chiroyli axloq ko’rsatish uchun zo'r imkoniyat.

Nega ta’lim haqida instagramga kontent qo’yayotganlar orqa fonga qayg’uli qo’shiq qo’yib qo’yishadi?)

https://t.me/Mohirspeaks/2213

Olgan proyektingni vaqtida topshirolmasang, rahbarga qarab aytiladigan gap bo’libdi)

Men unga maslahat bersam, u menga bahona topdi.

Hozirgi holatingga loyiq ekansan dedimu, kettim.

Biror sohada biror natijaga erishganlar — shu sohaga o'zini bag'ishlaganlar!

Erishmoqchimisiz? Bag'ishlang!

U biladi, biz bilmaymiz.

“Isyonkor ruhi” borlar, hamma narsaga xo’p deb ko’nib ketmaydiganlar, jamiyat qoliplarini sindiradiganlar bilan ishlagim keladi.

Nafaqat ishlagim, balki, yashagim, do’st bo’lgim, suhbatlashgim ham.

Yoshligida jahli chiqsa farzandini qarg’ab, katta bo’lganda noqobil bo’lib yetishsa, hayron qoladigan ota-onalarga hayron qolaman.

Blogingizda lifestyle(hayot tarzingizni) yurgazmaysiz, odamlarga ochib bermaysiz deyaverishadi.

O’ylab ko’rsam hayot tarzi yuritmasligimga sabablardan biri bu “zerikarli” hayotda yashashim ekan.

Hayotim: ishlash, o’rganish, sport va uyqudan iborat. Har kuni shu ishlar takror va takror bo’laveradi.

Shunaqa hayotda yashayman, o’zim, ongli tanlaganman.

To’ylar, yig’ilishlar, har xil ko’ngil ochar joylar yo’q(kam). Bir xillik.

Uzoq muddatda natija beradigan zerikarli yo’l.

Rahbar bo’lib xursand bo’laman deb o’ylardim.

Chuqurroq o’ylasam, javob beradigan odamlarim ko’payibdi.

Avval faqat dars beradigan o’quvchilarimdan so’ralardim. Hozir 200 dan ortiq ustozlardan va ular dars beradigan sinflardan so’ralaman.

Hammasiga adolat qila olyapmanmi? Bilmayman. Bu qiynaydi. Hazrati Umar roziyallohu anhu esimga tushadi.

Gapirayotgan odamdan ko’ra gapning o’ziga qarayman.

Eng donishmand deganimiz ham adashishi mumkin. Mutloq “avtoritet” yo’q tiriklar tiriklar ichida!

Bir iqtbosdan ta’sirlanib yurardim, iqtibos egasi ancha yillardan keyingi suhbatda bu bo’yicha fikrim o’zgardi, avval no’to’g’ri o’ylagan ekanman dedi.

Men fikrga emas, odamga ishongan ekanman. Shundan keyin kimdan maslahat eshitsam tahlil qilib ko’raman.

Yo boy hayotni, yoki tinch, xotirjam hayotni tanla.

Birinchisida yashab ikkinchisini orzu qilma.

Erkaklar eng katta lazzatni go’zallikka qarashdan, ayollar esa go’zal ko’rinishdan oladi.

Bizning eng katta sinovlarimiz ham shu yerdan kelgan. Erkaklarga ko’zlarini tiyish, ayollarga esa uni berkitish buyurilgan.

Bunga amal qilganlar esa qablarida nur bilan yuradilar.

O'zingiz yashayotgan davlat tilini yaxshi bilmas ekansiz, yo siz telbasiz, yoki bosqinchi!

Gandi