Faqat… Xudodan, ey Yaratgan Egam, men - nodonga bir chimdim aql ber, deb so’ragan bandasini ko’rganim yo’q!

Yaxshiga ham, yomonga ham birdek yaxshi ko’rinishga harakat qiladigan odam eng xavfli odam!

Hozirgacha o’qigan eng yaxshi kitobimni so’rashardi. Javobim ko’pincha turli xil bo’lgan. Unaqasi ko’p.

Lekin endi kech o’qiganimga afsuslangan aniq kitobim bor. O’tkir Hoshimovning daftar hoshiyasidagi bitiklari.

Balki, hozirgi holatimga tushgandir. Axir kitoblar ham dorilar kabi, aniq kasalingiz bo’lsagina davolaydi.

Erta uxla, erta tur!

Xohishlarimizga erishishni o’rganishdan oldin, to’g’risini xohlashni o’rganishimiz kerak.

Biz yetarlicha shukr qilolmayapmiz.

Men Samarqandda tug’ulganman, shu hududdan 300-400 km janubroqda tug’ulishim ham mumkinmidi? Unda men Afg’onistonda yashagan bo’lardim.

Umuman boshqa taqdir, boshqa hayot, o’zgacha shartlar bo’lardi. O’zbekistonda tug’ulish uchun men nimadir qilib qo’yganmanmi?

Men 1997 yil tug’ulganman, bundan 300 yil oldin tug’ulishim ham mumkinmidi? U davrda tug’ulgan chaqaloqlarning 50%i 5 yoshga yetmasdan o’lib ketardi. Men ham tirik qolmasdim, balki.

Tibbiyot rivojlanganroq davrda tug’ulish uchun nimadir qildimmi?

Hozir ham har 8 odamdan biri o’qish, yozishni bilmaydi. Har 3 odamdan biri to’laqonli sog’lom ovqatlanolmaydi, 13 odamdan biri doimiy to’yib ovqat yemaydi, surunkali och qoladi. Har 4 odamdan birida internet yo’q. Ilm ololmaydi, imkoniyatlar cheklangan.

Qay birimizda bor shu muammolar? Borlar bu matnimni o’qiyolmaydi ham. Sizda aniq yo’q.

Omadli insonligimizga yana nima isbot kerak bizga? Shukr keltirishimiz uchun yana nima sabab kerak bizga?

Bilmadim. O’zimda ham javob yo’q.

@MuhammadUralov

Ko’chada tinchi yo’qning azobi — bir kun.
Uyida tinchi yo’qning azobi — bir umr.

Uncha-bunchaga hayron qolmaydigan odamdan Olim chiqadi.

Hamma narsaga hayratlanadigan odamdan Shoir chiqadi.

Mendan olim, Mohirdan shoir chiqsa kerak)

Yevropada shahar yo’llar mashinalar uchun noqulay, piyodalar uchun qulay, bizda esa teskarisi deyishardi.

Men biz haqimizdagi gapga qo’shilmayman, bizda shahar yo’llari mashinalarga ham, piyodalarga ham noqulay.

O’zgartirsak ikkisini ham o’zgartiraylik.

Blog nomini blog hoshiyasidagi bitiklar deb o’zgartirsammikan deb o’ylab qoldim)

Odam qancha ko’p qiziqsa, shuncha ko’p o’qiydi. Qancha ko’p o’qisa shuncha ko’p biladi. Qancha ko’p bilsa, yashash shuncha qiyin bo’ladi.

Eng qizig’i hamma shu iqtibosni o’zi haqida deb o’ylaydi)

Insonlar yaqindan aslidan ko’ra yomonroq, uzoqdan aslidan ko’ra yaxshiroq ko’rinadi.

Erta uxlasam xuddi umrim tez o’tib ketayotgandek tuyuladi.

Tahlil qilganimda hayotimda eng ko’p yordam bergan xislatlarimdan biri - qaysarligim.

Inson qaror qilgandan keyin uning bosimiga turib berishni ham bilishi kerak. Maslahatlarni har doim ham eshitish shart emas.

Albatta buning to’lovlari ham bor.

Alloh pokdir, poklarni yaxshi ko’radi.

O’z hayotim tajribasini yozsam, unda 1 soat ham yashab ko’rmagan odamlar meni to’g’rilashni boshladi)

Yandex narxini hisobga olmaganda,katta nemat.

Balki, narxi bilan ham ne'matdir. Tirbandlikda mashina haydab borish va qaytish inson energiyasining katta qismini sovurib yuboradi.

Ustoz - biz ona tilida nimani o’rganamiz bolalar?

Boshlang’ich sinf bolalar - so’kinmaslikni)

Ustoz - vazifani diqqat bilan eshitamiz bolalar!

Bolalar - shunda baxtli bo’lamizmi ustoz?)

Chalg’imasdan hayol sura olish - ne’mat!

Uzoq vaqt zerika olish esa hashamatli hayot belgisi!