رامىزان رىشتىسى

ئون ئىككى ئاينىڭ گۈل تاجى،
خۇش-مۇبارەك رامىزان.
رەببىمىزدىن بىزلەرگە،
لۇتفى رەھمەت رامىزان.

خۇش-مۇبارەك رامىزان،
قارىلارنىڭ كۈز ئىيى.
ئاگاھ بولۇڭ قارىلار، !!
بوپ قالماڭلار ھەسرىتى.

بىزدىن بۇرۇن ئۈممەتكە،
پەرىز ئىدىڭ رامىزان.
تەقۋالىقنىڭ رىشتىسى،
بىزگىمۇ پەرىز رامىزان.

سىنىڭ ھەر بىر كۈنىڭدە،
ئايان رەببىم رەھمىتى.
كىشەنلىنەر بۇ ئايدا،
شەيتان دىگەن لەنىتى.

رامىزاننىڭ باش ئونى،
رەھمەت بىلەن ئورىلار.
ئوتتىرسى ئونى مەغفىرەت،
قەلىپ ئۇندا پاكلىنار.

ئاخىرقى ئونىدا رەببىمنىڭ،
سىخىيلىقىغا گەپ كەتمەس.
ئاللاھىم دەپ سالغاننىڭ،
كەچۈرىلىشى شەك كەتمەس.

رامىزاندا بىر كۈن بار،
ئۇ، مىڭ ئايغا باراۋەر.
تۇتالىغان ئۇ كۈننى،
شان-شۆھرەتكە سازاۋەر.

رامىزان تۈتقان ئىنساننىڭ،
ئىغىزى ئەمبەر پۇرايدۇ.
پات پۇرسەتتە جەننەتۇ-
رەيھانلاردا يايرايدۇ.

رامىزاندا كەچۈرىلمەي-
قالغانلارغا پەندىيات.
شەيتان ساڭا نەسىھەت،
بۇنداقلاردىن نىرى قاچ.

تاھىر تاشقىن

قايمۇقۇپ قالماقتا قەدىمىي قەۋىم ،
قىلىچسىز قالغاندا قاتقان قوللىرى ،
قالسىمۇ قانچىلىك قانلىق قىسمەتكە ،
قايرىلماس قۇت قوغلاپ قاققان قانىتى .

قۇزغۇننى قوشۇنغا قىلسا قوماندان ،
قاپلانلار قايغۇدا قالار قورۇلۇپ ،
قەلبىنى قىلمىغاچ قىلچىلىك قايىل ،
قەھىرلىك قەلىبتىن قانلار قۇيۇلۇپ .

قەدىرسىز قالغاندا قىممەتلىك قەلب ،
قاپ – قارا قارچۇقتىن قەترە قۇيۇلار ،
قەپەزگە قامالغان قەرىزدار قۇتلار
قاراڭغۇ قىسمەتتىن قاچان قۇتۇلار ؟

قۇرۇتتەك قەدىرسىز قالغان قىسمەتلەر ،
قاغىدەك قارىلىق قاملاشقان قامەت .
قەپەزگە قامالغان قەيسەر قاپلانلار . . .
قۇيۇلار قارچۇقتىن قەھىرلەر قەۋەت .

قاخشالدەك قاغجىراپ قالغانغا قەدەر ،
قۇياشقا قانالماي قالارمۇ قەلبىم ؟
قۇزغۇنلار قۇترىغان قاراڭغۇلۇقتا ،
قىرقىلغان قىياقچە قالمىدى قەدرىم . . . .

قايمۇقۇپ قالمايدۇ قان – قېرىنداشلار ،
قۇياشتەك قىززىقتۇر قەھىرلىك قەلبى ،
قالسىمۇ قەپەزگە قامىلىپ قامەت ،
قەلىبنى قاماللاپ قالالماس ، قەتئى .

قاناتلار قىرقىلغان قەبىھ قوللاردا ،
قەدىمىي قەلئەمۇ قۇملار قوينىدا ،
قەبرىسىز قېپقالغان قىپ – قىزىل قانلار ،
قىستايدۇ قىساسنى قايتۇرۇشقىلا .

قۇياشقۇ قەدىرلىك قەدىمدىن قەدەر ،
قەغىشلىق قىلىدۇ قارغۇ قەلىبلەر ،
قالمايدۇ قاتاردىن قەھىرلىك قاپلان ،
قەلبىدە قۇترىغاچ قانلىق قەرىزلەر .

قانۇننىڭ قامىتى قالسا قېيسىيىپ ،
< قۇدرەتلىك > قوللاردا قۇللۇققا قېلىپ ،
قەدرىمۇ قالمايدۇ قىرقىلغان قىلچە ،
قاپلانلار قۇزغۇنغا قۇربان قىلىنىپ .

قۇياشمۇ قارىيىپ قالىدۇ قېيداپ ،
قۇزغۇننىڭ قىلمىشى قۇترىسا قانلىق ،
قەسەمخور قازىلار قەلبى قاباھەت ،
قۇيۇلغان قانلارغا قەرىزدار ، قانچىلىك ؟

قايناپمۇ قالىسەن ، قەلبىڭدە قايغۇ ،
قارىغا قالغاندا قەدىردان قەۋمىڭ ،
قاراملىق قاملاشماس قاراڭغۇلۇققا ،
قۇياشنى قىچقىرىپ قالىدۇ قەلبىڭ . . . .

قاغىلار قورقۇتۇپ قىينار قۇشقاچنى
قاپلانغا قەست قىلار قورقىتالمىغاچ ،
قۇرۇتلار قەدەمداش قاغا – قۇزغۇنغا ،
قاسراقسىز قالغاندا قاتمىغان قاقاچ .

قۇياشسىز قاغجىراپ قالار قەلبلەر ،
قەلەندەر قارالماس قۇتسىز قالغانلار ،
قەدىرسىز قالغاندا قەلىپ قەسرىدە ،
قارۇنمۇ* قەلەندەر قېتىدا قالار .

قارا قول قۇترايدۇ قاپقانلار قۇرۇپ ،
قاپلانغا قەست قىلىپ قانىدۇ قەلبى ،
قەدىرسىز قالىدۇ قىيامەتكىچە ،
قاتمۇ قات قوشۇلۇپ قىساسى – قەرزى .

قەھرىمان قەدەمدىن قايتمايدۇ قەتئى ،
قالسىمۇ قاپ – قارا قىسمەت قوينىدا ،
قەلبىدە قۇترايدۇ قانلىق قىساسى ،
قارايدۇ قۇياشقا ، قىلىچ قولىدا .

قاۋانلار ، قۇرۇتلار ، قۇزغۇن قاپلىغان ،
قىلمىشتىن قارايغان قاراڭغۇ قەسىر .
قومورۇپ قاپقىنى قانلىق قىلىچتا ،
قاراڭغۇ قىسمەتكە قىلماقتا قەھىر . .

قەلەمنى قورال قىپ قەلىبنى قېزىپ ،
قەترىلەر قويىمەن قەيسەر قەۋمىمگە ،
قارىسام قاراڭغۇ قارا قىسمەتكە ،
قۇيۇلار قەھىرلەر قۇتسىز قەلبىمگە .

قېينايدۇ قەدەمدە قۇرۇلغان قاپقان ،
قانچىلاپ قەيسەرنى قەپەزگە قاماپ ،
قۇياشسىز قاراڭغۇ قاباھەتلەردە ،
قارچۇقمۇ قەھىردىن قالىدۇ قاناپ .

«دوپپا رىشتىسى»

ئاتامدىن مىراس ئاي دوپپام،
ئانامدىن مىراس گۈل دوپپام.
ئاي يۈزلىكىمدىن يادىكار،
چىمەن تەشكەن ئۇز دوپپام.

ئانام دەيتتى ھەر دائىم،
دوپپا ئەرنىڭ زىننىتى.
ئۇنى كەيگەن كىشىنىڭ،
ئاشار قەدىر-قىممىتى.

دادام دەيتتى دوپپىدا،
تۈمەن مەنا، تۈمەن شەن.
ھەر بىر چىچەك ھەر رەڭدە،
ئەجداد روھى مۇجەسسەم.

شۇندىن بىرى باشىمدا،
چىمەن تەشكەن ئۇز دوپپام.
يىلدا ئەمەس بىر قىتىم،
دائىم ھەمراھ جان دوپپام.

مەسچىتكە قەدەم ئالغاندا،
ئاللاھىمغا باش ئۇرغاندا.
شاھىت تۈمەن-مىڭ سەجدەمگە،
باشۇ-تاجىم گۈل دوپپام.

مەن مەدرىسكە ماڭغاندا،
ساۋاق بىرىپ قايتقاندا.
بىر كۈنلا ئەمەس ھەر كۈنى،
باشىمدا ئىدىڭ گۈل دوپپام.

ھەر رامىزان كەلگەندە،
بەلكىم بەك خوش بولاتتىڭ.
چۈنكى مەدرىس مىھراپتا،
قۇرئان-كەرىم تىڭشايتىڭ.

سىنىڭ بىلەن دوسلۇقۇم،
تىرناق بىلەن گۆش كەبى.
سىنى سۆيسەم يىلدا بىر،
توزۇپ كىتەي كۈل كەبى.


تاھىر تاشقىن

تون كەيگۈدەك
ئابدۇرەھىم پاراچ

بىر ئۇيغۇرنى ھۆر قىلدىڭمۇ تون كەيگۈدەك,
ياكى ياۋدىن ئوق يىدىڭمۇ تون كەيگۈدەك.
باشقىنى خوپ دىمەي تۇراي بىرەر قېتىم،
مىللىتىڭگە يىغلىدىڭمۇ تون كىيگۈدەك.
يوقاپ كەتسە يول باشچى ۋە ئۇستازلىرىڭ،
نەدە ئۇلار؟ ئىزدىدىڭمۇ تون كەيگۈدەك.
دار ئالدىدا مەغرۇر تۇرۇپ نوزۇكچىلىك،
ئىپپىتىڭگە ياق دېدىڭمۇ تون كەيگۈدەك.
ۋەتىنىڭدىن سۆز ئاچمايلى، ئۇيغۇر ئۈچۈن،
بىر مەھەللە توپ قۇردۇڭمۇ تون كەيگۈدەك.
ياكى بىلمەي قالدۇقمۇ بىز، جان چىقسىمۇ،
ھەق ئۈستىدە تىك تۇردۇڭمۇ تون كەيگۈدەك.
ياكى «زەپەر پەقەت سىنىڭ قولۇڭدا» دەپ،
بىشارەتلىك چۈش كۆردۈڭمۇ تون كەيگۈدەك.
زۇلمەت باسقان بۇ مىللەتنىڭ ئاسمىندا،
چولپان بولۇپ پارلىدىڭمۇ تون كەيگۈدەك.
كۆزى چۈشۈپ قامىتىڭگە ياكى خاننىڭ،
پەقەت سەنلا يارىدىڭمۇ تون كەيگۈدەك.
تارتىنىشنىڭ ھاجىتى يوق، ياكى دىسەم
شاھلىققا چاچ تارىدىڭمۇ تون كەيگۈدەك.
2020- يىلى 6- ماي

قېيدىما

سەن ئۇچۇنلا يارالغان دۇنيا يوقتۇر قىيدىما
ھەممە ئادەم ئۆزغىمى غەمخاھ يوقتۇر قىيدىما
ھاياتلىققا ھەممىمىز جاۋابكارمىز تەڭمۇ تەڭ
ئاللاھ پەقەت سىنىلا ياراتمىغان قېيدىما

سەن قىيدىساڭ دوسلۇرۇڭ يول قويىدۇ بىر قىتىم
پەقەت ئۆكتەملىكىڭگە قول قويىدۇ بىر قىتىم
قىلىۋەرسەڭ ئۆكتەملىك يەپ قالىسەن دەككەڭنى
يول قويغاننى قەدىرلە يول قويمىسا قېيدىما

ئاتاڭ سالغان شەرىڭ يوق دائىم گىپىڭ ئاقارغا
سىنىڭ ئەمەس ئاي قوياش خالىغاندا ياقارغا
دوسلارغا بول سەمىمىي ئۇ ئاش ئەتسە تەمەچ تەر
مەن دىگەندەك بولمىدى دەپ ئويلىساڭ قېيدىما

سەن ئويلايسەن ھەمىشە ئۇلار دوستۇم ئانامغۇ
ئىغىرىمنى كوتۇرسۇن چۇنكى ئاچام ئاكامغۇ
پۇتى بىلەن ماڭغاننى يۆلەپ قويۇش تەس ئەمەس
مىنىۋىلىپ گەردەنگە چۈشكىن دىسە قېيدىما

دەيسەن مىنىڭ رايىمغا باقماس دوسلار نىمىشقا
باشقىلارمۇ مۇھتاج بىل يولدا كەڭرەك مىڭىشقا
چۈشەنمىسەڭ ئۆزگىنى قىينىلىسەن قىينايسەن
يول قويۇشنى بىلمىسەڭ ، يول قويمىسا قېيدىما

بولسا بىرەر قىيدىغاق بوزار سورۇن كەيپىنى
ئۆزىنىلا ئويلىغاچ بىلمەس ئۆزىنىڭ ئەيىپىنى
قاپاق تۈرۈپ غوتۇلداپ كۆڭلۈمدە بار تاپ دىمە
كەلمە ياكى سورۇنغا كەلسەڭ خۇش تۇر قېيدىما

يامانلىغان ھابدالنىڭ تولىماس ئىكەن خۇرجىنى
شۇنچە كەڭرى دۇنياغا سىغماس ئىكەن بىر جىنى
رازى ياشا چىندىلدىن ,تەقدىرىڭدىن ، رەببىڭدىن
ھەر نىممەتكە شۇكرى قىل ياراتقانغا قېيدىما

2013- يىل 29- ئاپرېل

ئۇيغۇرۇم ھەقىقى ئۇيغۇردەك ياشا

ئۇيغۇرسەن ھەقىقى ئۇيغۇردەك ياشا،
ئۇيغۇرلۇق غورورۇڭ ۋىجدانىڭ بىلەن.
ھەر ۋاقىت ھۇشيار تۇر ئادەمدەك ياشا،
باسمىغىن قەدەمنى گۇمانىڭ بىلەن.
ئۇيغۇرۇم ھەقىقى ئۇيغۇردەك ياشا.

غەپلەتتە ئۇخلىما كۈزۈڭنى ئاچقىن ،
شەيتانغا دوسىت بولما ئۇنىڭدىن قاچقىن.
ئۇيغۇرغا سانجىما نەشتەر سۈزۈڭنى،
ئۇيغۇرۇم بىرلىشىپ داۋانلار ئاشقىن.
ئۇيغۇرۇم ھەقىقى ئۇيغۇردەك ياشا.

ئۇيغۇرۇم ئۇيغۇرنى تىللىما ھەرگىز،
ئۇيۇشۇپ ياشىساق ئۇيغۇر ھەممىمىز.
خەلقىمىز كۈلمەمدۇ ئالقشلاپ چەكسىز،
دۇئالار تىلىگىن ئاللاھتىن شەكسىز،
ئۇيغۇرۇم ھەقىقى ئۇيغۇردەك ياشا.

ئەقلىڭنى ھۇشۇڭنى ئىزلىگىن بول تىز،
يىڭىلىق ياراتقىن ئىزدىنىپ چەكسىز.
خەلقىڭگە يامانلىق قىلمىغىن ھەرگىز.
كەلگۈسى ئەۋلاتقا قالدۇرۇپ بىر ئىز.
ئۇيغۇرۇم ھەقىقى ئۇيغۇردەك ياشا.

ئۇيغۇرلار ھەممىمىز بىر مىللەت تۇرۇپ،
يۇۋاشنى كۆرگەندە تىللىساق ئۇرۇپ.
كۈنىمىز ئۈتەمدۇ شۇنداقلا دائىم،
قالمامدۇق ئاخىرى يالغۇز ئاھ ئۇرۇپ.
ئۇيغۇرۇم ھەقىقى ئۇيغۇردەك ياشا.

يالغاننى راست دىمە ئۇيغۇرۇم بولساڭ،
ھارامنى ئىزلىمە ئۇيغۇرۇم بولساڭ.
ھارامغا تويامدۇ بىچارە نەپسىڭ،
ھارامدىن يىراق تۇر مۇسۇلمان بولساڭ.
ئۇيغۇرۇم ھەقىقى ئۇيغۇردەك ياشا.

2012-يىلى 12-ئاينىڭ 1-كۈنى

ئۆزۈمگە مەن ئۆزۈم قويدۇم كۆپ سوئال،
بۈگۈنكى بىزلەرنى قىينىغاچ بۇ ھال.
جاۋابنى سىز ئەزىز خەلقىمگەسۇناي،
ئىلھامنى تىڭشىغاچ سۈرۈڭ بىر خىيال .

بەختىمدۇر ۋە ياكى تەلەيسىزلىكىم،
دۇنياغا ئۇيغۇر بولۇپ تۇغۇلماقلىقىم.
بىر گۈزەل ۋەتەننى تاشلاپ كېلىپ ،
يات ئەلدە ھىجراندا سېغىنماقلىقىم .

دېدىكى بەختىڭدۇر بىلسەڭ چۈشەنسەڭ،
نېمە بولساڭ ئىنسان بولۇپ يارالغانلىقىڭ.
ئوقۇشنى ۋە ياكى ئەركىنلىك ئىزدەپ،
مۈشكۈل بىر سەپەرگە ئاتلانغانلىقىڭ .

دېدىمكى جازامۇ ۋە ياكى سىناق،
ۋەتەن تۇپرىقىدىن ئايرىماقلىقىم.
دوزاخقا باشلارمۇ ياكى جەننەتكە،
ھەر زامان ئۇيغۇر دەپ تۇۋلىماقلىقىم.

دېدىكى ئىمتىھان دۇنياسىدۇر بۇ،
سەبرىڭدۇر غەلبىگە يول ئالغانلىقىڭ.
باشلايدۇ جەننەتكە گۇمان قىلمىغىن ،
ھەر تىنىق مەزلۇم دەپ جار سالغانلىقىڭ.

ئۈمىدنى ئىنساندىن كۈتكەنلىكتىنمۇ،
يېتىم بالىدەك قىلىپ قالغانلىقىم.
تارىخنى ئۇنتۇپ ،بۈگۈنگە مەست بولۇپ،
دۈشمەننىڭ ھىيلىسىنى تۇيمىغانلىقىم .

دېدىكى يالغۇزلۇق پىشۇرار سېنى،
ئۈمۈد ئۇ ئۆزۈڭدۇر، تىك تۇرغانلىقىڭ.
تارىخ ئۇ يىلتىزىڭ ئۇنۇتمېدىڭكى،
دەلىلىدۇر بۈگۈنگە ئۇلىغانلىقىڭ .

كىملىكى يوق ئۇيغۇر زىيالى

بىشىدا يوق ئۇيغۇر دوپپىسى
يا ئىڭەكتە ئەركەكلىك ئىزى
ئوغلى كەيمەس كانىۋاي كۆينەك
قىزى كەيمەس ئۇيغۇر ئەتلىسى
نىيۇزەيكۇغا ئاشىق پىدايى
سۆلىتى يوق ئۇيغۇر زىيالى

ئۇيغۇر ئۆرپى ئاڭا خۇراپات
ئىتقادى،دىينى تىخى يات
قۇرئان بىلمەس ئىيمان چۈشەنمەس
ئاش ناندىنلا ئىزلەيدۇ ھايات
تىلى ئەبجەش،ئازغۇن خىيالى
ئۆز سىپى يوق ئۇيغۇر زىيالى

مەھمۇد،يۈسۈپ باشتا تاجىسى
پىشانىدە ماركسنىڭ كۆزى
«قۇتاتغۇ»نى ھۆرمەتلەپ قويار
يازغانلىرى (كاپىتال) ئۆزى
ئىزچىل ئەمەس ھىچ بىر نىشانى
يىلتىزى يوق ئۇيغۇر زىيالى

يا ئۆزىنى كاپىر دىيەلمەس
يا مۇئمىن دەپ سەپكە كىرەلمەس
مۇسۇلمانغا كۆيۈنۇپ قويار
چىن يۈرەكتىن ئەمما سۆيەلمەس
ئىسلام دىسە ئۆڭەر چىرايى
كىملىكى يوق ئۇيغۇر زىيالى

مەسجىدلەردىن ئەمەس ئۇ رازى
يازغانلىرى چىركوۋ ئوبرازى
قەلەملىرى مىڭ ئۆي چۈشەيدۇ
ئۇيقۇ بۇزار ئەزەن ئاۋازى
رىئال ئەمەس ھىچبىر خىيالى
تارىخى يوق ئويغۇر زىيالى

ياىشلىغىدا يازار «ئويناڭ قىز»
قىرىغاندا يازار «ئويلاڭ قىز»
ئەرگە بىرىىپ مۇھەببىتىنى
دەيدۇ تىخى تاشلىۋەتكەن بىز
يالغان يىغلاپ يالغان كۈلىدۇ
ساداقەتسىز ئۇيغۇر زىيالى

ئەركىنلىككە دىندەك ئىشنەر
يالىڭاچنى توغرا چۈشىنەر
يۈز ياپقاننى، ساقال قويغاننى
سېسىتماققا بەكمۇ كۈچىنەر
ئەنئەنىسىز ئىجادىيەتسىز
تەشۋىقاتچى ئۇيغۇر زىيالى

ئۇنتۇپ كەتكەن ئەرلىك ھوقوقنى
ئايال پەرەس سۆزلەپ نوتۇقنى
ئەر بارمۇ دەپ قاخشار قىز-خوتۇن
ئۇ تالىشار قازان قوشۇقنى
تەڭلىك نىمە تەڭپۇڭلۇق نىمە
بىلمەي ياشار ئۇيغۇر زىيالى

ئۇيغۇنلىشار ھەر خىل سۈلۈككە
كومۇناغا شەخسى مۇلۈككە
قەلەم ھەققى بەرسەڭ يازىدۇ
مەڭگۈ ھايات دەپمۇ ئۆلۈككە
جان بىقشىتۇر پۈتكۈل خىيالى
رەڭ تونۇماس ئۇيغۇر زىيالى

ئورۇس بولغان بىر چاغلار قوپۇپ
ئىسمىنىمۇ قويغان بىرمىيۇپ
ئەمدى دەيدۇ كەئبەم غەرىپتە
ئۆزلۈك نىمە قويماس ئويلۇنۇپ
خۇددى ئاپتاپپەرەس مىسالى
قىبلىسى يوق ئويغۇر زىيالى

مىڭ ئۆي ،نوم دەپ قاينار بىر تاغا
ساپال بۇتنى ئالسا يادىغا
شۇ بۇتچىلىك كۆيمەس ۋە لىكىن
ھازىر مەۋجۇت ئىتقادىغا
تۇغسىز ياشاپ يولسىز ئۆلىدۇ
ھەيرانلىقتا ئۇيغۇر زىيالى

تارىخ يازسا يازار يالغاننى
پەقەت مەشرەپ مۇقام چالغاننى
ئەقىدىلىك مىللەت نەسلى ئۇ
بىلمەس دىننى دىندار ئىنساننى
خەققە ئۆگەي بىزگە ئۆز ئەمەس
يىلتىزى يوق ئۇيغۇر زىيالى

سوقاشتۇرار دىنغا مىللەتنى
دىندىن كۆرەر ھەر بىر ئىللەتنى
يازار نىزا قىلغان كۈلپەتنى
تىلغا ئالماس قىلغان خىزمەتنى
ئەۋلىيانى تىللاپ ئۆلتۈرۈپ
گۈمبەز ساتار ئۇيغۇر زىيالى

بىرلىشەيلى دىسەڭ ئازىدۇ
يوللىرىڭغا ئازگال قازىدۇ
ئۇيغۇرمۇ سەن مۇسۇلمانمۇ دەپ
تور بەتلەرگە سۇئال يازىدۇ
غەرەزلىكتۇر قويغان سۇئالى
قارا كۆڭۈل ئۇيغۇر زىيالى

ھەممە ناچار ئەمەس ئەلۋەتتە
قارا قويۇق سۆكتۇق غەيۋەتتە
ئەلدە كۆز بار ھەقتە تارازا
ئەلنى سۆيگەن قالماس بىر چەتتە
دىنداش دىلداش بولار چىندىلدىن
ئۆز خەلقىنى سۆيگەن زىيالى

يۇيۇلماقتا كۆڭۈلدىن داتلار
دىندارلاشتى يىڭى ئەۋلاتلار
كىملىكىنى تاپتى ئىيماندىن
يىڭى ئەۋلات زىيالى زاتلار
شۇنداقتىمۇ بىزدە يوق ئەمەس
كىملىكى يوق ئازغىن زىيالى

مەنبە: ساجىيە تورى

ئىلتىجا

سۇفىي

ئىلاھا ، تىللىرىم گالدۇر كۆرۈپ سەندىكى شەۋكەتنى ،
بىر بارە تەرىپىڭ ئۈچۈن چېكىپ مىڭ مەررە ھەيرەتنى .

زامان بەرسەڭ «ئادەم»دىن تاكى روزى قىيامەتكە ،
ماختىشىم ھامان ناقىستۇر سۈپەت كامالى قۇدرەتنى .

ئۇلۇغلۇق ساڭا تالىقتۇر ، زەئىپلىك ماڭا بەخشەندە ،
نىتەي رەببىم ئۈمىدسىزمەن ، تاپمىدىم ماختاشقا غەيرەتنى .

بارلىقىڭ ئەزەلدىن باقىي ، بىرلىكىڭ ئەبەدكە يا رەب !
«ھۇ» تارتىپ يىغلىدىم ، تالدىم ، ئىچىپ شارابى ۋەھدەتنى .

قاساۋەت ئەھلىمەن ھەرۋاق ، كۆزۈم كوردۇر ، قۇلاغىم گاس ،
قولۇمدۇر تۇتمىغان ھەقنى ، ئوقۇي مىڭلارچە «تەببەت»نى .

مەئسىيەت ئىزلىبان يۈردۈم ، كەينىدىن يۈگۈردۈم ، چاپتىم ،
قەلب كىرلەشتى ھەسرىتا ! ئەمدى كەس ھاۋايى - شەھۋەتنى .

مۇساپىر بولدۇم ئۆزۈمگە ، نىشانىم تاپمىدىم ، قايدىم ،
دەردىما ، دەردىم ئەجەپ ، چالدىم ساپايى كۈلپەتنى .

نىھايەت ئۆزگە چارەم يوق ، ساڭا خارلارچە تەسلىممەن ،
قۇللۇقۇم بىرلە باش قويدۇم ، سورايمەن زەررە شەپقەتنى .

بارلىقىم سېنىڭ ئىلكىڭدە ، نە باركى «ھېچ» ئىكەن بەندەڭ ،
«ھېچ»لىكىم ھەم ساڭا ئائىت ، قوبۇل قىل شۇنچە زىللەتنى .

چېكى يوق پەزلى - لۇتفىڭدىن ئاتا قىل ماڭا بىر تامچە ،
ئۆزۈمنى تېپىپ مەن قايتا ، تۇتاي نەپسىمگە نەپرەتنى .

ھىجرىيە 1441 - يىلى رامىزاننىڭ 27 - تۈنى .

2020 - 5 - 20

مۇساپىرلار ھېيتىڭىزغا مۇبارەك

مۇساپىرغا بولمايدىكەن ھېيت ئايەم ،
مىھرى بىلەن كۈلمەيدىكەن كەڭ ئالەم .
ئامان بولسۇن ھەر يەردىكى جان پارەم،
مۇساپىرلار ھېيتىڭىزغا مۇبارەك !!!

ئاتىلارنىڭ دىدارىنى كۆرەلمەي ،
ئانىلارغا مەڭزىلىرىنى سۈرەلمەي ،
قېرىنداشلار بىر قاتاردا يۈرەلمەي،
مۇساپىرلار ھېيتىڭىزغا مۇبارەك !!

داغدۇغىسىز كەلدى بۇ ھېيت سىلەرگە،
تەلمۈرۈشتە ئۆتەر بۈگۈن كىملەرگە ؟
يوق بىر تونۇش سىلىنى ياخشى بىلەرگە،
مۇساپىرلار ھېيتىڭىزغا مۇبارەك !!!

توپۇلۇق يول كۆزۈڭلارغا كۆرۈنۈپ ،
يۈرەتتىڭلار لاي سۇلارغا چۆمۈلۈپ .
ئەسلەيسىلەر شۇ كۈنلەرنى سۆيۈنۈپ،
مۇساپىرلار ھېيتىڭىزغا مۇبارەك !!!

كۆڭۈل يېرىم شەھەر كاتتا تۇرسىمۇ ،
بىر تونۇش يوق، ئادەمگە لىق تولسىمۇ.
سەن غېرىپسەن ئاتا ـ ئاناڭ تۇرسىمۇ ،
مۇساپىرلار ھېيتىڭىزغا مۇبارەك !!!

بىلىم ئېلىش، پۇل تېپىشنىڭ تەسلىكى ،
تىگىپ تۇرار ھەر قەدەمدە تەستىكى .
يوقاتمىسۇن ئىرادىنى ـ غەشلىكى ،
مۇساپىرلار ھېيتىڭىزغا مۇبارەك !!!

يۇرت مەھەللە كۆزۈڭلاردىن ئۇچسىمۇ ،
سېغىنىشلار يۈرەكلەرنى تۇتسىمۇ .
بىلىم ئېلىش ئەڭ شەرەپلىك ئىش جۇمۇ،
مۇساپىرلار ھېيتىڭىزغا مۇبارەك !!!

تائام ئۆتمەس گېلىمىزدىن سىلەرسىز ،
ھەر لوقمىدا ئالدىمىزغا ئۈنەرسىز .
يۇرتۇم مىنى ئەسلەيدۇ دەپ بىلەرسىز،
ئاھ مۇساپىر ھېيتىڭىزغا مۇبارەك !!!

ئەلۋىدا ئۇستاز

قايغۇنىڭ ئەڭ ئۆتكۈر تىرناقلىرىدا،
قانچە رەت تىلىنغان ئىدى بۇ يۈرەك.
ۋا دەرخ تاڭ سەھەر سىرتماقلىرىدا ،
ئېسىلدى ،قىروۋدا ئۈششۈگەن گۈلدەك.

كۆزۈم كور ئەمەسقۇ لېكىن كۆرگىنىم،
تاۋۇشسىز ئاۋازدىن يېرىلغان لەۋلەر.
قۇلىقىم گاس ئەمەس ئاڭلاپ تۇرغىنىم،
كورلۇققا سۆرىگەن دەھشەتلىك خەۋەر.

«ساتارىم »چېلىنماي چېقىلىپ كەتسە،
قانداقمۇ چىدايدۇ شۇ «گۈلى رەنا».
«بەش يۈز يىل»ياشالماي ئۇستاز خوش دىسە،
«يۇلتۇزۇم»چاقنامدۇ ئەمدى ئاسماندا .

ھەممىنىڭ ئارزۇسى «قالدى »«بۇ كېچە»،
رىئاللىق خۇرسىندى «بۇ چۈش ئەمەس»تى .
«ئەركەك»لەر مەيدىسىن مۇشتلاپ سەھەردە ،
بوزلىدى «سەھرالىق دادا »كەلگۈچە.

شۇ«تەنھا كىيىك»تەك مۇڭلانغان شەھەر،
سىزگە خوش دىيەلمەي يۇم -يۇم يىغلايدۇ.
«ئۆرلە ۋەتەن»نى توۋلىغان لەۋلەر،
سىز كەبى ئۇستازغا قانداق چىدايدۇ.

سىز تېخى كىرمىگەن ئاتمىش ياشقىمۇ،
نى ئارزۇ لىق ئىدى بەلكىم يۈرەكتە.
قويماسكەن نۆۋەتتىن قارا چاچنىمۇ،
گۈل تولسۇن يوللارغا بىزنىڭ تىلەكتە.

ئەلۋىدا تىلىدۇق ئەڭ گۈزەل ماكان،
گۈل بويلۇق بولۇڭ بۇ بىزدىكى ئارمان.
ئەلۋىدا «ئەركەك »دەك ياشىغان ئۇستاز،
ئەلۋىدا خۇشئاۋاز مەھمۇد سۇلايمان.

2020-يىلى 11-ئاينىڭ 23-كۈنى

تۇرمۇش سەھنە ھايات بىر كۈرەك ،
رولغا ئۈزۈڭ چىقىشىڭ كىرەك.
كۈتكەن بۈلەك ئىرىشكەن بۈلەك ،
نىم_ نىمىلەرگە كۆنمەيدۇ يۈرەك .

مىۋە بەرمەس ھەممىلا چىچەك ،
تىلەك پېتى قالىدۇتىلەك .
كىم _ كىملەرگە ئۈمۈرلۈك يۈلەك،
نىم_نىمىلەرگە كۆنمەيدۇ يۈرەك.

يىغلىيالماي كۈلىسەن گاھى،
بىزار تۇرۇپ سۈيىسەن گاھى.
كۆنمەيمەن دەپ كۈنىسەن گاھى،
نىم _ نىمىلەرگە كۆنمەيدۇ يۈرەك .

گاھى قاچاڭدا مىننەتنىڭ ئېشى ،
گاھى تىگەر تۆھمەتنىڭ تېشى .
گاھى ئاقار خۇشاللىق يېشى ،
نىم _ نىمىلەرگە كۆنمەيدۇ يۈرەك.

گاھى كۈلسەڭ مىھرىگە قېنىپ ،
گاھى قالار باغرىڭ ئىزىلىپ .
بولماس ئىكەن سىرىنى بىلىپ ،
نىم _ نىمىلەرگە كۆنمەيدۇ يۈرەك.

تارتىپ ئازاپ چىكىپ جەبرىنى ،
ئۆز_ ئۆزىگە تىلەپ سەبرىنى .
بېغىشىغا تۈگۈپ دەردىنى ،
نىم _ نىمىلەرگە كۆنمەيدۇ يۈرەك .

يەردە قالار گاھى ياخشى كۈڭۈل ،
سانچىلغاندەك تىزەكلەرگە گۈل.
قىسمەتلەرگە ئاچچىق _ ئاچچىق كۈل،
نىم _ نىمىلەرگە كۆنمەيدۇ يۈرەك .

💔خارلانغان ئەقىدە💔

جەننەتنىڭ ئىشقىدا ئاتلانغان قىزلار

مەن بۇ شىئىرىمنى ئاللاھ ئۈچۈن بارلىقىنى ئاتاپ مىھرىبان ئاتا- ئانىسى، سۆيگەن ۋەتىنى، جانىجان يارەنلىرىنى تاشلاپ ئۆزىنى رەببىگە بىغىشلاپ جەننەت ئىشقىدا يۈرگەن مۇھاجىرە قىزلىرىمغا بىغىشلايمەن .

رەببىڭ ئۈچۈن ئاتلانغىن قىزلار ،
ئۆچمىسۇن مەڭگۈ سەن سالغان ئىزلار....

شۇ مىسكىن ئۆتمۈشكە خاتىمە بېرىپ،
تۇمەنمىڭ قىساسنى قەلبىگە پۈكۈپ.
تارىخقا يىڭى بىر ئىزلارنى ئېچىپ،
جەننەتنىڭ ئىشقىدا ئاتلانغان قىزلار.

ئاللاھنىڭ ئەمرىگە قىلىپ ئىتائەت،
رەببىنىڭ غەيرىدىن بولدى بىھاجەت.
ئاتىدىن _ئانىدىن ئالماي ئىجازەت،
جەننەتنىڭ ئىشقىدا ئاتلانغان قىزلار.

ئۇنىڭمۇ ئارزۇسى بولغان بولغىيتى،
ۋەتەنگە سۆيگۈسى تولغان بولغىيتى.
قەلبىگە ئارمانلار پۈككەن بولغىيتى،
جەننەتنىڭ ئىشقىدا ئاتلانغان قىزلار.

كۇفرىغا قىلچىمۇ قەددىنى ئەگمەي،
ئىززەتنى ھۆرمەتنى دەپسەندە قىلماي.
ھاياتنى -ماماتنى ئەسلا ئويلاشماي،
جەننەتنىڭ ئىشقىدا ئاتلانغان قىزلار.

مۈشكۈللۈك سەپەردىن ھەرگىز بوشاشماي،
ئاچاللىق يوللاردىن قىلچە ئاداشماي.
مۇرتەد ھەم تاغۇتقا ئەسلا بويسۇنماي،
جەننەتنىڭ ئىشقىدا ئاتلانغان قىزلار.

ئۈمۈد ۋە غايىنى قۇرئانغا باغلاپ،
تەۋەككۇل بابىنى مەھكەم قۇچاقلاپ.
رەببىدىن مەڭگۈلۈك بەخىتنى كۆزلەپ،
جەننەتنىڭ ئىشقىدا ئاتلانغان قىزلار.

بۇ يولدا ھارمىسۇن ھەر_بىر قەدىمىڭ،
ئۈممەتكە چېچىلسۇن مىھنەت تەرلىرىڭ.
ئۈلگە بول ئەۋلاتقا ئاشسۇن سەپلىرىڭ،
جەننەتنىڭ ئىشقىدا ئاتلانغان قىزلار.

قەلەمدە: ئۈمىد نۇرى

قىزلار

يۈسەنجان رۇزى

ئاۋات

قىزلاردۇر ھاياتنىڭ ، شەرەپ ھەم شانى .
قىزلاردۇر ئەدەپ ھەم ، ئەخلاقنىڭ كانى .
قىزلار سىز بەخىتنىڭ ، يوقتۇر ئىمكانى .
قىزلارنى تۈمەن يىل ، ياشىسا دەيمەن .

قىزلاردۇر دۇنيادا ، زەردىن ئەتىۋا .
قىزلارغا ئارتۇقچە ، پىچماڭ پەتىۋا .
قىزلاردەك قىزىلگۈل ، ئويلاڭ نەدە با ؟
قىزلارنى تۈمەن يىل ، ياشىسا دەيمەن .

قىزلارسىز ياشىماق ، بالا ھەم قازا .
قىزلار سىز زۇلمەتتۇر ، ئايۋان ھەم تالا.
قىزلار سىز ھاياتمۇ ، رەڭسىز بوپ قالا
قىزلارنى تۆمەن يىل ، ياشىسا دەيمەن .

قىزلار سىز ئۆتمەيدۇ ، گالدىن ئاش نانلار .
قىزلار سىز پۈتمەيدۇ ، شېئىر داستانلار .
قىزلارسىز چېچەكمۇ ، ئاچمايدۇ باغلار .
قىزلارنى تۈمەن يىل ، ياشىسا دەيمەن .

قىزلاردۇر پەرزەنتكە ، دۇنياغا ئانا .
قىزلارنى ھەرۋاقىت ، ماختايمەن يانا .
قىزلارغا بۇ سۆزۈم ، ئازلىق قىپ قالا .
قىزلارنى تۈمەن يىل ، ياشىسا دەيمەن .

قىزلاردۇر جېنىم دەپ ، بىلگەن ھايانى .
قىزلارسىز ، يېزىلماس ، سۆيگۈ بايانى .
قىزلار سىز شائىرنىڭ ، كەلمەس ئىلھامى .
قىزلارنى تۈمەن يىل ، ياشىسا دەيمەن .

قىزلار بار ئويلايمەن ، نۇزۇگۇم باردەك .
قىزلارنىڭ مەرتلىكى ، مەختۇمسۇلادەك .
قىزلارنىڭ كۈلكىسى ، بۇلبۇل گويادەك .
قىزلارنى تۈمەن يىل ، ياشىسا دەيمەن .

قىزلارنىڭ خوشلۇقى ، كەتمىسۇن يىراق .
قىزلارنىڭ كۆز يېشى ، دىلىمغا پىچاق .
قىزلارنىڭ بەختىنى ، تىلەيمەن ئۇزاق .
قىزلارنى تۈمەن يىل ، ياشىسا دەيمەن .

قىزلاردۇر گۆھەردىن ، ئەزىزدۇر قىزلار .
قىزلاردۇر بەك تاتلىق ، مېغىزدۇر قىزلار .
قىزلاردۇر چولپان ھەم ، يۇلتۇزدۇر قىزلار .
قىزلارنى تۈمەن يىل ، ياشىسا دەيمەن .


2020-يىلى 12-ئاينىڭ -5كۈنى .

بىرىدە بىھېساپ دۇنيا ئىزىدىن ۋارىسى يوقتۇر،

بىرىنى باستى قىز پەرزەنت، ئوغۇلغا چارىسى يوقتۇر.





بىرىنىڭ ئۇيقۇسى كەلمەس، ساراي سالقىن، تۈشەك يۇمشاق،

بىرى سۈت ئۇيقۇدا ئەسنەر، تېگىدە بورىسى يوقتۇر.





بىرى پەرھىزدە گۆش-مايدىن، كۆنەلمەي كۈندە كۆكتاتقا،

بىرىنىڭ بىجىرىم بەستى، غاجارغا غورىسى يوقتۇر.





بىرى زارلايدۇ ھال ئېيتىپ، ئېرى بەتخەج، خوتۇن پىخسىق،

بىرىنىڭ سۇنغۇدەك چاينى قېشىدا جۆرىسى يوقتۇر.





بىرى ھال ئېيتىدۇ يازنىڭ تونۇردەك تەپتىدىن قاقشاپ،

بىرى تىترەيدۇ جۇت پەسلى، بۆلەك بىر نالىسى يوقتۇر.





بىرىگە ئۆتمىگەي قەدرى ھاياتنىڭ، باقمىغاچ ئاغرىپ،

بىرىنىڭ ئارمىنى ساقلىق، شىپاغا دورىسى يوقتۇر.





ئەزەلدىن كۆرمىگەن ئالەم مۇراد-مەخسەتكە قانغاننى،

جاھان سەيناسىنىڭ كەمسىز ياسالغان ھويلىسى يوقتۇر.





ئەزىز بىلگىن ئېرىشكەننى، كېيىن قوغلاپ يېتەلمەيسەن،

ئۆمۈرنى سۈزگىلى سەندە ھاياتنىڭ چويلىسى يوقتۇر.

ئەي خالايىق ئەرگە تەگكۈم بار

ئايپاتەم


بېرىپ قالدى يېشىم ئوتتۇزغا،

ئاقلار چۈشتى چېچىم قۇندۇزغا.

ئۇيات بولدى مەندەك بىر قىزغا،

ئەي خالايىق ئەرگە تەگكۈم بار.


كىملا كەلسە قوغلىدى دادام،

توينى ئېغىر يۈكلىدى ئانام،

قاچتى خەقلەر دەپ ئاللا-كالام،

ئەي خالايىق ئەرگە تەگكۈم بار.


سەت كۆرۈندۈم ئاكام كۆزىگە،

چىدىمىدىم يەڭگەم سۆزىگە،

قانداق قاراي خەقنىڭ يۈزىگە،

ئەي خالايىق ئەرگە تەگكۈم بار