ກົມເຕັກໂນໂລຊີ ແລະ ນະວັດຕະກຳ ອອກແຮງງານລວມ ຂໍ່ານັບຮັບຕ້ອນກອງປະຊຸມສຸດຍອດ ອາຊຽນ ຄັ້ງທີ 44 ແລະ 45

ໃນຕອນແລງຂອງວັນທີ 7 ຕຸລາ 2024, ອົງການຈັດຕັ້ງມະຫາຊົນ ຊາວໜຸ່ມ, ແມ່ຍິງ ແລະ ກໍາມະບານ ກົມເຕັກໂນໂລຊິ ແລະ ນະວັດຕະກຳ, ກະຊວງເຕັກໂນໂລຊີ ແລະ ການສື່ສານ ໄດ້ຈັດຂະບວນການອອກແຮງງານລວມໃນຂອບເຂດສໍານັກງານຂອງຕົນ ຢູ່ເຂດດອນຕິ້ວ ເພື່ອຂ່ຳຂັບຮັບຕ້ອນກອງປະຊຸມສຸດຍອດອາຊຽນ ຄັ້ງທີ 44 ແລະ 45 ທີ່ ສປປ ລາວ ໄດ້ຮັບກຽດເປັນເຈົ້າພາບ ຊຶ່ງຈະຈັດຂຶ້ນໃນອາທິດນີ້ຢູ່ນະຄອນຫຼວງວຽງຈັນ. ທັງເປັນການບົວລະບັດຮັກສາຄວາມສະອາດອ້ອມຂ້າງສໍານັກງານໃຫ້ມີຄວາມຈົບງາມ ໂດຍໄດ້ປັດກວດຂີ້ຝຸ່ນ, ຂີ້ເຫຍື້ອ, ຕັດຫຍ້າບໍລິເວນຮົ້ວ, ແຄມທາງ ໂດຍການນຳຂອງ ທ່ານ ຄຳຜາ ທອງວັນນາ, ຮອງເລຂາໜ່ວຍພັກ, ຮອງຫົວໜ້າກົມເຕັກໂນໂລຊີ ແລະ ນະວັດຕະກຳ ແລະ ມີສະມາຊິກຂອງ 3 ອົງການເຂົ້າຮ່ວມຢ່າງພ້ອມດ້ວຍບັນຍາກາດຟົດຟື້ນໃນການສ້າງຂະບວນການດັ່ງກ່າວ.


📱 Telegram

📱 Facebook

📱 YouTube

🌐 Website

ລາວ-ຈີນ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ໂດຍຕອບສະໜອງຕາມຄໍາເຊື້ອເຊີນຂອງ ສະຫາຍ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ, ສະຫາຍ ຫຼີ ສຽງ, ນາຍົກລັດຖະມົນຕີ ແຫ່ງ ສປ ຈີນ ໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງການ ແລະ ເຂົ້າຮ່ວມກອງປະຊຸມສຸດຍອດອາຊຽນ ທີ່ ສປປ ລາວ ໃນລະຫວ່າງວັນທີ 09-12 ຕຸລາ 2024, ເພື່ອສືບຕໍ່ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ, ການພົວພັນຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ກໍຄື ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ໃຫ້ເລິກເຊິ່ງກວ່າເກົ່າ.

ພິທີຕ້ອນຮັບຢ່າງເປັນທາງການ ໄດ້ຈັດຂຶ້ນໃນຕອນເຊົ້າຂອງວັນທີ 12 ຕຸລາ 2024 ທີ່ ສໍານັກງານນາຍົກລັດຖະມົນຕີ ໂດຍການເຂົ້າຮ່ວມຂອງຄະນະທາງການຂອງສອງປະເທດ ນໍາໂດຍ ສະຫາຍ ນາຍົກລັດຖະມົນຕີ ສອນໄຊ ສີພັນດອນ ແລະ ສະຫາຍ ນາຍົກລັດຖະມົນຕີ ຫຼີ ສຽງ. ຫຼັງຈາກນັ້ນ, ນາຍົກລັດຖະມົນຕີຂອງສອງປະເທດ ແລະ ຄະນະ ໄດ້ດໍາເນີນການພົບປະສອງຝ່າຍຢ່າງເປັນທາງການ ເພື່ອຮ່ວມກັນທົບທວນຄືນການພົວພັນຮ່ວມມືສອງຝ່າຍໃນດ້ານຕ່າງໆ ພ້ອມທັງກໍານົດທິດທາງການຮ່ວມມືໃນຕໍ່ໜ້າ.

ໃນໂອກາດນີ້, ສະຫາຍ ນາຍົກລັດຖະມົນຕີ ສອນໄຊ ສີພັນດອນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການເດີນທາງມາເຂົ້າຮ່ວມກອງປະຊຸມສຸດຍອດອາຊຽນ ແລະ ສືບຕໍ່ດໍາເນີນການຢ້ຽມຢາມ ສປປ ລາວ ຢ່າງເປັນທາງການໃນຄັ້ງນີ້, ພ້ອມທັງໄດ້ຕາງໜ້າໃຫ້ພັກ, ລັດຖະບານ ແລະ ປະຊາຊົນລາວ ສະແດງຄໍາອວຍພອນຕໍ່ພັກ, ລັດຖະບານ ແລະ ປະຊາຊົນຈີນອ້າຍນ້ອງ ເນື່ອງໃນໂອກາດສະເຫຼີມສະຫຼອງ ວັນສະຖາປະນາ ສາທາລະນະລັດ ປະຊາຊົນຈີນ ຄົບຮອບ 75 ປີ ໃນຕົ້ນເດືອນຕຸລາ 2024 ຜ່ານມາ.

ອ່ານຕໍ່ ↗️


📱 Telegram

📱 Facebook

📱 YouTube

🌐 Website

ເຜີຍແຜ່ດຳລັດ ວ່າດ້ວຍສະມາຄົມ ໃຫ້ແກ່ພະນັກງານພາຍໃນ ກຕສ ແລະ ບໍລິສັດລັດວິສາຫະກິດໂທລະຄົມມະນາຄົມ

ໃນຕອນເຊົ້າຂອງວັນທີ 16 ຕຸລາ 2024, ກົມຈັດຕັ້ງ ແລະ ພະນັກງານ, ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຈັດກອງປະຊຸມເຜີຍແຜ່ ດຳລັດ ວ່າດ້ວຍສະມາຄົມ ຂຶ້ນທີ່ຫ້ອງປະຊຸມໃຫຍ່ ຂອງສູນອິນເຕີເນັດແຫ່ງຊາດ, ໂດຍການເຂົ້າຮ່ວມເປີດກອງປະຊຸມຂອງ ທ່ານ ຄຳພູ ດວງຖະໜອມ, ຄະນະປະຈຳພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ, ກະຊວງເຕັກໂນໂລຊີ ແລະ ການສື່ສານ ແລະ ໃຫ້ກຽດເຜີຍແຜ່ເອກະສານໂດຍ ທ່ານ ນາງ ມາລາທິບ ແກ້ວຫານາມ, ຕາງໜ້າກົມພັດທະນາການບໍລິຫານລັດ, ກະຊວງພາຍໃນ, ມີຕາງໜ້າຄະນະກົມ/ທຽບເທົ່າ, ຄະນະອຳນວຍການບໍລິສັດລັດວິສາຫະກິດໂທລະຄົມມະນາຄົມ, ຄະນະພະແນກ ແລະ ພະນັກງານວິຊາການທີ່ເຮັດວຽກສັງລວມ/ບໍລິຫານຈັດຕັ້ງ ເຂົ້າຮ່ວມທັງໝົດຈຳນວນ 65 ທ່ານ, ຍິງ 22 ທ່ານ.

ໃນການເຜີຍແຜ່ເອກະສານຄັ້ງນີ້ ໄດ້ຍົກໃຫ້ເຫັນເຖິງຄວາມສຳຄັນຂອງການສ້າງດຳລັດວ່າດ້ວຍສະມາຄົມກ່ຽວກັບ ການສ້າງຕັ້ງ, ການເຄື່ອນໄຫວ ແລະ ການຄຸ້ມຄອງສະມາຄົມເພື່ອເປັນບ່ອນອີງພື້ນຖານ ໃຫ້ແກ່ການສ້າງຕັ້ງສະມາຄົມ ຂອງພົນລະເມືອງລາວ, ອົງການຈັດຕັ້ງຂອງລັດທີ່ກ່ຽວຂ້ອງ ໃນການຄຸ້ມຄອງ, ຕິດຕາມ, ກວດກາ ແລະ ຊຸກຍູ້ໃຫ້ສະມາຄົມ ມີການເຄື່ອນໄຫວຖືກຕ້ອງຕາມກົດໝາຍ ຂອງ ສປປ ລາວ ປະກອບສ່ວນສົ່ງເສີມຄວາມສາມັກຄີເປັນປຶກແຜ່ນຂອງຊາດ, ລຶບລ້າງຄວາມທຸກຍາກຂອງປະຊາຊົນ, ຊ່ວຍເຫຼືອສັງຄົມ ແລະ ພັດທະນາເສດຖະກິດ-ສັງຄົມ ຂອງປະເທດ.

ກອງປະຊຸມເຜີຍແຜ່ດຳລັດວ່າດ້ວຍສະມາຄົມ ແມ່ນບັນລຸໄດ້ຕາມຈຸດປະສົງ-ລະດັບຄາດໝາຍ ທີ່ວາງໄວ້, ຜົນສໍາເລັດດັ່ງກ່າວນີ້ ກໍລ້ວນແຕ່ມາຈາກຄວາມເອົາໃຈໃສ່ ຂອງຜູ້ບັນຍາຍ ແລະ ໃນນີ້ ກໍປາສະຈາກບໍ່ໄດ້ການຮ່ວມມືຂອງບັນດານັກສໍາມະນາກອນທຸກທ່ານ, ມີຄວາມຕັ້ງໃຈຮັບຟັງການບັນຍາຍ, ເອົາໃຈໃສ່ຕິດຕາມທຸກໆຂັ້ນຕອນການໃຊ້ງານໜ້າທີ່ຕ່າງໆ ຊຶ່ງມີຄຳຖາມ-ຕອບ ແລະ ຂໍ້ສະເໜີ ກອງປະຊຸມເຜີຍແຜ່ເຖິງວ່າຈະມີເວລາສັ້ນ ແຕ່ກໍເຕັມໄປດ້ວຍເນື້ອໃນອັນອຸດົມສົມບູນ ແລະ ເປັນເຄື່ອງມືນໍາໃຊ້ໄດ້ຕົວຈິງໃນການປະຕິບັດວຽກງານອົງການຈັດຕັ້ງສັງຄົມ ໃນການພັດທະນາປະເທດຊາດ. ກອງປະຊຸມເຜີຍແຜ່ເອກະສານໄດ້ດຳເນີນມາຮອດເລວາ 12:00 ໂມງ, ຂອງວັນດຽວກັນ.


📱 Telegram

📱 Facebook

📱 YouTube

🌐 Website