اللحن👆👆


خوتكم الما تنشبع ما طولت هالمره
واليبقه ما عنده اخو يا هوه يسند ضهره
للبخت لا مو للسحگ غترة الساده الخضره

ويلي..بالشام مهضومه البله اخوتهه
ويلي..شلون الاحبال تمس عبايتهه
ويلي..اول اميره ادموع عيشتهه

الخوانه تنذبح..ما يبقه اله صبح
وشيضمد البشر..لوگلبه منجرح
_____________________________
هيه الخيم ما حاربت چا المن يحرگوهه
واثيابكم ما قاتلت بيا حجه ويبوگوهه
الما شافاها حته الهوه تركض ركض شافوها

ويلي..عركة اعيون اعللضعن صارت
ويلي..الما حايره بكل العمر حارت
ويلي..هالمره دنيانه عكس دارت

لمدثره بعشگ..خيمتها تحترگ
ياخوتي گومو الي..هذا حلم صدگ ؟؟
_______________________________
وبجالكم طعم الهضم گلبي ابد ما ضاگه
ومن بعد جفكم و الدفو يگاودني حبل الناگه
فوگ السبي وفوگ الحمل لجفوفكم مشتاگه

ويلي..يحيود هاشم عوفوا نومتكم
ويلي..نوم الترايب ما يلوگ الكم
ويلي..والشام دافن مره من عدكم

امن الخيمه للهزل..امن الخوه للحبل
ياخوتي انهضم..والهضمه شتنحمل
_______________________________.
شكد حلوة خيمتنه قبل من جنه نكعد كلنه
ونوم الخرايب مو حلو كلساعه و يفززنه
جدنه النبي وكلنه بخت والشام ميقدرنه

ويلي..والشام مو موطن العلوية
ويلي..مسبيه لاذت حدر مسبيه
ويلي..زينب غريبه صاحوا اعليه

آاخ بفيبكم جنت..بنص الشمس صرت
والضيعّت اخو..من تمشي تلتفت
_____________________________________
ياخوتي دخان الخيم خرب عطور الزهره
متحضره ارجع للوطن مو للسبي متحضره
وجان الدرب كله جثث اآآخ الد رب شيعبره

ويلي..طرت جثث زينب التهوهه
ويلي..بحبالهم گامو يمشوهه
ويلي..ترضون اختكم غربه شافوها

جان اضلم الدرب..حرمه وتطر حرب
التستحي امن الوحي..اباب القصر تطب
__________________________________

للتنوية...⚘
تم تغيير اسم و صورة
ولكن سوف تستمر القناة بنشر القصائد المنبرية💜

كل ليلة التمر كون انا يمكم
تسوه الدنيا يا كعدة صحنكم
شما ابعد اجيكم
انا اربات اديكم
تسوة الدنيا يا كعدة بصحنكم
@@@@@@@@@@@@@@@
مثل خيط تجره الابره //حسين يمك گوة جرني
شدت اعلوگ اعلحظره //هيچ اريدنك تشدني
انه جنت ال(هذا ياهو؟؟) //بخدمتك صرت شكبرني
لمن بشباچك اشبگ//بجفك اشعر چن شبگني

ليلة جمعه كون بصحن الحسين
ازور و بالبواچي تشبع العين
ومن ارفع اديه
احس ترد عليه
@@@@@@@@@@@@@@@@@
كون اردن طين يمك//وسوي روحي بمشتهاتك
من حلاتك يابو الاكبر//الرمح غص بلهاتك
السهام اعليك تركض//وأنته ما عايف صلاتك
تحن حته اعلل يذبحك//اصبع انطيته وعباتك

كون بصحنك احجيلك هذني
لو ما انته جا محد عرفني
واقرالك قصيده
بنص صحنك جديده
@@@@@@@@@@@@@@@@
ارد اجيلك ورقة بيضه//ابراحتك فوگاهه اكتب
حسين سهرني لحزنكم//الما سهر ما يعرف يحب
كون اجي وحبلي بدية//شما اوعدك ارجع اذنب
الناس تطمع كلت گلبك//لان گلبك حييل طيب

شما اذنب تگلي طايحه ابني
اتفضل يله بيتك هذا صحني
ايا روحي توبي
وابچي من ذنوبي
@@@@@@@@@@@@@@@@@@
انا اجيتك سبحه بيدك//لا اضيعن حيل كضني
مثل متلملم عباتك//هيچ اريدنك تلمني
گلبي اسود لابسلكم//چني هيل بگلبي حزني
اكبر و زنجيلي يكبر//عشره صاير ويه متني

كون اگبالك احچي ويه گبتك
صار براسي حض لمن عرفتك
من يوم العرفتك
صاحب صدگ شفتك
@@@@@@@@@@@@@@@@@
عالزياره امراكض اركض//بيه يعگوب و يحبكم
الزلمه ميحسبونه زلمه//اله من يمشي ابدربكم
شلون ينطيهن گلبهن//الاسهام اطب گلبكم
على جتاف حسين كاعد//و الله گمت احسد درعكم

هنيال السيوف اتگض بديكم
انا اول عدل ميت عليكم
اموت امن اجفي عنكم
واعيشن يم گببكم
@@@@@@@@@@@@@@@@@
ياهو جاي امن الزياره//ابچي واشتم بثيابه
لا اخت عندي سبوهه//ولا طفل نام بخرابه
ولا غريب و اوحدي باقي//اولا بقيت ابلا گرابه
كون اموت انا وعمامي//من رقيه تگول بابه

سالم طولي بس طولك توذر
اعيشن ليش ويموت ابو الاكبر
كون الموته بيه
وروحي تضل سبيه

#شور_لمولى_الموحدين
للموفق #احمد_رحيم

ياضوه الله المانشوف بغيرك ظلمة اهواي
نعطش ويكثر شحيح الوادم وانته الماي
كل دعاوينه نباوع طولك عوز افياي

من عندك المني ويردلك
دليني يمته انشوف شكلك
صيدة حياتي امن التفتلك

گبل امي حنانك واضلوعي مجانك
ياحيدر علي اهواي اتمنه زمانك

سفره..
سفرة وكل محطاتي....بيهن حيدر الآتي
يفرغ بالدرب ذنبي حيدر يدري نياتي
#######################
انه احبك رغم مني اونينك تدري بهاي
كل تعابيري تكلك وينك وانته احذاي
من اشوفنك اشوف حسينك يامولاي

من التراب الكوناني
يابو تراب وهالمعاني
معناها هذي اوليدك اني

يالمن صدرك الريح.....ماترضالي لو اطيح
تلزم جفي وتكول......اسمع مني لو اصيح

جلمه
جلمه وساكنه ابالي.......يعرفها الي يدنالي
من مات انولد حيدر.....نفسه البالهوى العالي
#########################
والدي كلما يكوم ويكع بسمك صاح
(ياعلي ) والكلمة ل امي گلاده شكد ترتاح
مايعرفونك هلي ويردونك دوم اسلاح

سلاح الدعاء الاكبر انته
ياهو الي مثلك منطي مرته
بس عالفقارة يطش ضحكته

كل اشباهك (انته) ............ياحيدر عرفته
مامش حيدر اثنين........وحده اتضل محبته

لاحت
لاحت هامته الطبرة وحس بقرب للزهره
يفرح عنده موته الفوز لكن همه عالفقره
#########################
موضع التربة انشطر واليجري تحبه الكاع
ومنهدها المسك لاف انگابه والنعناع
يا اميري والضوه بساعتها انزاح بساع

لَن انخلق ينباس راسك
السيف اجاك وماتماسك
شاف العجيب بيوم شافك

هاي العادة تعريف......من طب يعتبر ضيف
وانته تعزب بهام.......فشلة اترجع السيف

انته
انته السيف من شفته.....رأساً كلشي ضيفته
هو استعجل وباساك.....بس كملها سالفته
########################
خادمك لمن يجوع عيونك تشبه حيل
وگفة الجندي اعله مگفه الساتر نص الليل
ابلا علي ابلا عافية ولا صحة وكلشي يعيل

حُبك اريده بگلبي شضّى
صومي وصلاتي حتى ترضى
وادمنا دونك كلها مُرضى

تعبنا احنه گلبك......عود احنه النحبك
لو زلينا مرات........گوه يجرنا يدربك

حبنه
حبنه وعركة الشهوى....النطلع منها بالگوه
نرجع يمك ونرجع ....كل كاع المشي رخوه


احمد رحيم الكعبي

اللحن👇

#ثگيل
للموفق #حسين_الفاطمي

من حيدر ودع الايام
صرنا ايتام انداري ايتام
اه بوية .... اه بوية
<<<<<<<<<<<<<<<<<<<<<<<<<<<<<
توجهة حيدرة ايأدي صلاتة
ولي الله علم ساعة مماتة
مسبگة اطيور والباب ابعباتة

لا تتركني يالغالي ......لا تتركهة لمتنة
شگد حلوة وترد الروح .... يامحلاهة كعدتنة
عرض باب الخشب وطيور ... لا ترحل يمهجتنة
اليبچي الحيدر ما ينلام
صرنا ايتام انداري ايتام
اه بوية .... اه بوية
<<<<<<<<<<<<<<<<<<<<<<<<<<<<
حرت يابوية مدري شبيهة روحي
رجف گلبي وبدت تكبر جروحي
وحيدة ابيتي ويواسيني نوحي

جابو والدي مغمض ... كلت تعبان متعود
شيطان الكفر غدار ... علة بيت الله متمرد
ضربو هامتة وملچوم ... علة مصلاية متمدد

محتارة وينتظرچ شام
صرنا ايتام انداري ايتام
اه بوية .... اه بوية
<<<<<<<<<<<<<<<<<<<<<<<<<<<<<<<
اليتامة ازغار منتظرينك احبابك
كلمن دمعتة ابخدة على صوابك
سرة مسوين ماكو احلى من بابك
يتامة ابابة منتظرة .... علي بوية يسمونة
همة من بعد بابك .... ياباب اليدگونة
ابابك وگفة منتظرك.... يتيم وغافية عيونة
ايتام وبعدك ماتنام
صرنا ايتام انداري ايتام
اه بوية .... اه بوية
<<<<<<<<<<<<<<<<<<<<<<<<<<<<<<<
مشة الغالي وبقة خالي مچانة
ليلة ويوم ودعنة وجفانة
مشة وياه كل عطفة وحنانة
كمت اتأملك ترجع .... وترد وياك احبابي
وأذان الصبح أذن .... ابچي واذكر امصابي
فراگك بوية هد حيلي .... ياهو الياخذ اعتابي

راحن وياك الاحلام
صرنا ايتام انداري ايتام
اه بوية .... اه بوية
<<<<<<<<<<<<<<<<<<<<<<<<<<<<<<<
بعدلك فترة ياعيد وتجينة
من هاي السنة ل تمر علينة
تركنة الفرحه كل همنة البچينة

بعدلك بس تسع ايام ....خذت من عندي كل روحي
وكونك ما تضل بالخير .... لا ما تضمد جروحي
وساعة جيتك احتاريت....بقيت الوحدي وي نوحي

لافرحة ولاعيد الدام
صرنة ايتام انداري ايتام
اه بوية .... اه بوية
<<<<<<<<<<<<<<<<<<<<<<<<<<<<<<<
حسين الفاطمي

#على_حب_علي
#شور

فرق بين الطلگ الدنيا ونساهه
وفرق بين العاش بس يركض وراهه
روح گلب كل تواريخ الصحابه
ياهو بيهم نايم اعلفراش طاهه

هوه بس حيدر مجاهد..والبقيه بس كلام
لا يرامينه بحجّاره..الاصله بدعه وبيته جام
زحمه ابن بيت الله احطه..ويه ابن بيت الحرام

علي الحق..وعلي الفاروق
علي رازق..علي مرزوق
يعني لو ماكو علينه
لاكو دنيا..ولاكو مخلوق
________________________________
علي حامي السمه السبعه موفقط جار
علي وي الله علاقة تربة و اسرار
هوه المطلع نبي من ضنكت الحوت
اجزم ايده مو حمامه الحرست الغار

ابن ود لمن تعده..ياهو دگ صدره وضهر
الما عرف يصنع سفينه..المن يذم البحر
شجاب المخلف دنائه..يم المخلف گمر

علي الحب..وعلي المحبوب
علي الرب..وعلي المربوب
علي لو ما حاضر الهم
ما يرد يوسف ليعگوب
________________________________
علي وبگد ما تلثم وانطه فقره
وجنته من اللثام لهسه حمره
ينطق الله بصوته مو معناهه ذاته
يعني عد الله علي هوه احله نبره

ماكو مثله ولا شبيهه..اسوالفه كلهن جبيره
ليش يحچي بصوته ربنا..خوب يحچي بصوت غيره
علي احچايات الله كلها..البالبداية و الاخيره

علي عابد..علي معبود
علي الجيش..وعلي الجنود
ريح صرصر عاتيه لعاد
علي سخرها لنبي هود
______________________________________
ياهو عده المثل ميثم بي تجنن
بكلهن الاول علي وبكلهن احسن
من شفت مصلوب ميثم گلبي ادرك
العبودية لعلي هم تعتبر فن

ياهو يدفن بيده روحه ..بس علي السواها بيهم
لدغة اذيال العگارب..كله سم ينگط حچيهم
علي يغطي الشمس بيده..وعلى العوره تغطي اديهم

علي الاول..علي الاخر
علي الطف..وعلي العاشر
حسين مات بحب علي وگال
اخذي صدري يا حوافر

زيارة مليكة الدنيا والآخِرة والدة القائم (صلوات الله عليهما )

#السيدة #نرجس

«السَّلامُ عَلى رَسُولِ الله صلى ‌الله‌ عليه‌ وآله الصَّادِقِ الاَمِينِ، السَّلامُ عَلى مَوْلانا أَمِيرِ المُوْمِنِينَ السَّلامُ عَلى الأَئِمَّةِ الطَّاهِرِينَ الحُجَجِ المَيامِينَ، السَّلامُ عَلى وَالِدَةِ الإمام وَالمُودَعَةِ أَسْرارَ المَلِكِ العَلامِ وَالحامِلَةِ لأشْرَفِ الأنامِ، السَّلامُ عَلَيْكِ أَيَّتُها الصِّدِّيقَةُ المَرْضِيَّةُ، السَّلامُ عَلَيْكِ يا شَبِيهَةَ أُمِّ مُوسى وَابْنَةَ حَوارِيَّ عِيسى، السَّلامُ عَلَيْكِ أَيَّتُها التَّقِيَّةُ النَّقِيَّةُ، السَّلامُ عَلَيْكِ أَيَّتُها الرَّضِيَّةُ المَرْضِيَّةُ، السَّلامُ عَلَيْكِ أَيَّتُها المَنْعُوتَةُ فِي الاِنْجِيلِ، المَخْطُوبَةُ مِنْ رُوحِ الله الاَمِينِ، وَمَنْ رَغِبَ فِي وُصْلَتِها مُحَمَّدٌ سَيِّدُ المُرْسَلِينَ، وَالمُسْتَوْدَعَةُ أَسْرارَ رَبِّ العالَمِينَ، السَّلامُ عَلَيْكِ وَعَلى آبائِكَ الحَوارِيِّينَ، السَّلامُ عَلَيْكِ وَعَلى بَعْلِكِ وَوَلَدِكِ، السَّلامُ عَلَيْكِ وَعَلى رُوحِكِ وَبَدَنِكِ الطَّاهِرِ. أَشْهَدُ أَنَّكِ أحْسَنْتِ الكَفالَةَ، وَأَدَّيْتِ الاَمانَةَ، وَاجْتَهَدْتِ فِي مَرْضاتِ الله، وَصَبَرْتِ فِي ذاتِ الله، وَحَفِظْتِ سِرَّ الله، وَحَمَلْتِ وَلِيَّ الله، وَبالَغْتِ فِي حِفْظِ حُجَّةِ الله، وَرَغِبْتِ فِي وُصْلَةِ أَبْناءِ رَسُولِ الله، عارِفَةً بِحَقِّهِمْ، مُؤْمِنَةً بِصِدْقِهِمْ، مُعْتَرِفَةً بِمَنْزِلَتِهِمْ، مُسْتَبْصِرَةً بِأَمْرِهِمْ، مُشْفِقَةً عَلَيْهِمْ، مُؤْثِرَةً هَواهُمْ ، وَأَشْهَدُ أَنَّكِ مَضَيْتِ عَلى بَصِيرَةٍ مِنْ أَمْرِكِ، مُقْتَدِيَةً بِالصّالِحِينَ، راضِيَةً تَقِيَّةً نَقِيَّةً زَكِيَّةً؛ فَرَضِيَ الله عَنْكِ، وَأَرْضاكِ، وَجَعَلَ الجَنَّةَ مَنْزِلَكِ وَمَأواكِ، فَلَقَدْ أَولاكِ مِنَ الخَيْراتِ ما أَوْلاكِ، وَأَعْطاكِ مِنَ الشَّرَفِ ما بِهِ أَغْناكِ، فَهَنَّأَكِ الله بِما مَنَحَكِ مِنَ الكَرامَةِ وَأَمْرَاكِ.

للموفق ضياء ستار الفرطوسي

الامام الصادق ع يقول

#مره_بداري

مره بداري شبت نار
صرت اتخيل طف بالدار
حركو داري وبيها احباب
تخمد ريت ب ريح الهاب
مره بداري شبت نار

------------------------------------------

جعفر الصادق انه النار الشفتها
ذكرتني بنار اهلنا الما عشتها
ذكرتني بعمتي زينب واعرفتها
هيه نفس النار اظنها اتذكرتها

بنفس الموقف ركض اطفال
بس التفرق سبي اعيال
وبيها رماح وروس اكبار
مره بداري شبت نار

------------------------------------------

انه حرگوا داري واذكر بالغريبه
عمتي زينب بالخيم عاشت مصيبه
انه بره البيت ويأذي لهيبه
عمتي من وسط الخيم تركض عجيبه

زينب تبجي بكلمة وين
تحشم وين حسين حسين
احتركت خيمه وبيها ازغار
مره بداري شبت نار

------------------------------------------

ركضو عيالي برعب وابجي واراقب
ركضت المرعوب وجهه لونه شاحب
تخيلت بيهن رقيه وعمها غايب
شجابها اجدام الطفولة اعل المصايب

بنص الصحره وظلمة ليل
وامست ترعب بيها الخيل
وتراب الصحره ايأذي وحار
مره بداري شبت نار

------------------------------------------

وي لهيب النار افكر بالضلامه
ليش محد يرحم بحال اليتامه
اتخيل سكينه المحت طاحت عمامه
نادت العمها ولگت حرگوا خيامه

سكينه اتخيل تحجي بهاي
عمي الكافل عوف الماي
عمي لصوب الخيمه اندار
مره بداري شبت نار

(المحت = لمحت = نظرت)
------------------------------------------

انا ما ميت سليب ويجري دمي
وانه لا شايف اخوي بموته يمي
لاني خيل الاعوجيه مطشره جسمي
وانه ما طايح بعيد وأختي همي

سالم صدري ابلايه خيول
لا فوك الحر من مكتول
‏واكدر امشي وما محتار
‏مره بداري شبت نار

------------------------------------------

#ضياء_ستار_الفرطوسي

#لمولاي_الحجه_عج


تسد بيبانها وترتاح..العالم من يصير غروب
ويا عمتك تسد ياباب.. ما بيها الخرايب بوب
ها يا يوسف الزهراء..بناسك ماكو شح يعگوب

ومن نامت الحره بخرابه
هم غمضت بالليل عينك...؟؟
وتسمعها كل ليلة تندبك
فك حبل ادي يا مهدي وينك

لحد هسه من الشام گلبك محروگ
اذنك تسّدها لو يمر طاري النوگ
وتختنگ كل ما ذكروا العلويات
وصاحب الثار يموت لو ضل مخنوگ
________________________________
ضعنك هذا مو سبحه..ليش العالم تفره
وحبلهن مو دلو بنص بير..شجاها الناس وتجره
عيونك جن عبايتهن...من كثر البچ‌ي حمره

بعينك تشوف ادموع ضعنك
وتجيب ماي و تبچي يمهن
وبذنوبي اعثرهن اجدامك
وما اخلي مايك يوصل الهن

اچم مره ناوي تنام وبهيده تبات
ويعرض على عيونك ضعن مسبيات
ومن نومك تفز يابوصالح وتصيح
اذبحني انه وعوف هالترچيات
_____________________________
عمرك ينحسب ضعفين..الغربه اتكبر الفاكد
تشابيهك ولا تمثيل..بس تغمض تشاهد
تشوف الشمر وفعاله..وين بيا صدر كاعد

شرد احچي ودري الطف يغايب
مثل الرمش ما عاف عينك
اچم مره متحلم يمهدي
وي السبايا امچتفينك

شمسوي بيك الشيب ها يمولاي
گلبك يضل يرجف اذا تشرب ماي
تتخيل اشصار بمحرم بحسين
يركض يلملم ذيج تتطشر هاي
__________________________________
يمهدي الهزله من تميل..تميل وياهه علوية
يالبعينك حمّار اغروب..ذبحو ضحكت ارقيه
بس گلبك صدك مچوي..ماكو اگلوب مچويه

ونوم الخرايب يابوصالح
مو زين عالطفله الصغيره
الثامك يمهدي ذبه فدوة
يا اخر ازلام العشيره

مولاي اشهر سيفك وشد اعنان
بس انته طلاّب البقيت العدنان
كل القبايل خذتهه نسوتهه هناك
وبس الهواشم ضاعتلهم نسوان
___________________________________
اعلكد حاجتنه من نتوب..ومن تخلص نرد نذنب
تره يغير الحب الناس..ومتغيرنه اذن منحب
خايف لو رجع ضعنك..المثلي بضعنك يسلب

وبذنوبي عطلتّك على اهلك .
وانوب أگلك عجّل النه
كل خوفي طف ثاني نسوي
وهم تنغدر لو ترجعلنه

شكد بايعك بس مشتريني بكلهن
شما اغلط انته اغلاطي لتصلحهن
الباعاني بعيوبي يعدد مولاي
وگتله اسكت انه المشتري وقابلهن
__________________________________

رزقهم

مصطفى صادق اللامي

ثكيل لمولاتي العليله (عليها السلام )


الونة ثجيلة ... بنيتةالعليلة
وانة ارتجيلة... امشي وياه
_ _
يا سند عمري وحياتي خلني بحضانك ابات
حسبت امشي يبوية حالي من حال البنات
لاتركبني اعلة محمل اكعد ابصف الخوات
يا عزيزي اخلاف عينك ماكو معنة للحياة

ميتة بغيابة... كلة مهابة
حرك ركابة... زيدني اه
_ _
من يسافر علة الموعد انة ابقة ساهرة
اغفة ليلية وافزن وابقة ليه امناطرة
شو اشوفن كل خواتي صفة وانة مكترة
انة كل ضني اروحن ما اضل امحيرة


غركن عيوني... خابت ضنوني
ذبلت جفوني... من البجي
_ _
نزلت الدمعة ابعيوني وابجي لمن سافرت
ابعتبت الباب انة اوكف بوية ليك اتنطرت
ما تكلي صعدي بتي هالكلام انة ردت
انة بغايبك يروحي هجرتني وهاجرت


يالماخذتني... يالودعتني
لمن عفتني... انغة عليك
_ _
من وكفت اباب داري الناس كلهة اتنوعت
كامو ويحجون عني هاي هية الما مشت
ليش عفتوني ومشيتو وليلي كلة انة انحبت
انةكمت ابجي يغالي وروحي من كلبي اطلعت


انة ابونيني... ولهفت حنيني
ما جن تجيني... وية العيال
_ _
حسين الفاطمي