#لمولاتي_الزهراء

اخذيني من هاي البشر يا فاطمه يا فاطمه
وديني باحزانچ سفر يا فاطمه يا فاطمه
وكلت الچ عيني..بكل شوغه بچيني..مولاتي ربيني يافاطمه
_______________________________
اتمنيت سطرات العدو..ما وصلتچ واجتني
اتمنيت دفعات الغدر..بضلوع صدري ذني
انه الگبل ماله وجه...واجروحي ميزتني
ما جان الي شان وقدر..ودموعي كبرتني

ابداعت الما عنده ضل يا فاطمه يا فاطمه
كون ابقه احبكم حب طفل يا فاطمه يا فاطمه
عالفطرة خليني..بكل شوغه بچيني..مولاتي ربيني يافاطمه
___________________________________
يا مفزعي بوكت الشدد..يالشدتچ جبيره
وضماد ضلعچ فاطمه..ايدور الي عنده غيره
ما ريد بعيوني بصر..انطيني بس بصيره
خليني اباوع بالگلب ..عين البشر گصيره

وهيج انضر الباب الخشب يا فاطمه يا فاطمه
امحضرله كد تعبچ عتب يا فاطمه يا فاطمه
مولاتي دليني..بكل شوغه بچيني..مولاتي ربيني يافاطمه
__________________________________
مثل السواد البعزه..حسبيني يا كريمه
لو ما لحزنچ انّصب..معناها مالي قيمه
وخل جرحي تعتگ صورته..هنيالي بالهضيمه
قانون عدنه بالعشگ ..اغلى الصور قديمه

بالحب ولا عندچ منع يا فاطمه يا فاطمه
گالوا كسر كلتي ضلع يا فاطمه يا فاطمه
بالعبره چويني..بكل شوغه بچيني..مولاتي ربيني يافاطمه
_______________________________
من شربتني امي اللبن..خلطته ابدمعه الكم
منها وكرهت انه الخشب..چي غادر بأبنكم
المالابس اقيود الدمع..ما عايش برزقكم
ميثم فرح من انصلب..چي مدمن الوجعكم

وبسيرته ايبين سبب يا فاطمه يا فاطمه
يتخلد الحب بأدب يا فاطمه يا فاطمه
يازهره ادبيني..بكل شوغه بچيني..مولاتي ربيني يافاطمه
_________________________________
مولاتي لتبدليني ابد..وغفريلي يالحنينة
شعليني بعتبابچ شمع..من تنطفي المدينه
والحاله حالي ومنكسر..بس انتي تشترينه
يغرگ بطوفان الذنب..الما حسبچ سفينه

ويا صورة الگاهه الچ يا فاطمه يا فاطمه
يمهه طواف اتوسلچ يا فاطمه يا فاطمه
قربان قدميني..بكل شوغه بچيني..مولاتي ربيني يافاطمه

🎶 ( ممنونك على رحمة المشايه )

🎤 ملا حسين السعد
🎤 الذاكر سيد محمد الموسوي
✍🏻 للشاعر مصطفى صادق اللامي

🚩 موكب باب الحسين عليه السلام
✔️ البصـــرة - القرنــــة - النهيــــرات
✅ المجلس الإسبوعي
https://t.me/M_hussain_alssad

#محدد_موقفي_اكبر_طائفي_لعين ام الحسن
بعيداً عن ضجيج الشعر وقريباً لأنين القلب
نطق قلبي بما يلي👇👇

شيخين وفحواهم فارغ عاشوا بدُعه
صح جانو سن بس يتگلگل وواجب شلعه
ولو قارناهم وي قمبر همه و شسعه
مدري شلون ورهمت بيچ تصير الدفعه
___________________________
قلة خيل وفوگ الاول شدو سرجه
ومن صدك روحه وضل يصهل صارت فجه
ما ترهم بين الخياله الخيل العرجه
ومحد بيدة ايصفي المربط غير الحجه
_____________________________
ودرب الثاني اعللگصاب وكرسي الدولة
وسرج الاول فوگه انشد وفرحوا اهله
نفس الطينه الجانت قذرة ونفس البّله
لبرحم امه ابليس امعشعش ياهو يعدله
_______________________________
امفرق اوطان ومتعصب گالوا عني
وارد اسئل بس وين العاقل ويجاوبني
كسروا وتعدوا باب امك ترضه بذني،؟؟؟؟
من تعرف شمّوت المحسن ارجع ذمني
______________________________
ما ساوم بيچ وباحزانچ لا ما جامل
واليستثقف يم اضلوعچ اكبر جاهل
خليت بخدهم طينتهم وانه العايل
الماله اوية ضلوعچ موقف هذا الباطل
________________________________
الينكر حزنچ يا مولاتي بأصله الخله
يم گلبه الاسود يا زهره بيضه الكحله
خل يصفن ويراجع روحه ويسئل اهله
و شيسئل هوه اليبغضكم ضايع اصله

#مصطفى_صادق_اللامي

للموفق حسين الفاطمي
ثگيل إلى مولاتي الزهراء

ويلي على الزهراء ...... ويلي على الزهراء
*************************************
منهو الذي مرتة اتحمل طيحت طفلهة
من دفعو الباب بحقد كسرو ضلعهة
بت خاتم وسيد الرسل تبجي اعلة ابنهة
امصيبة علي ياهالخلك ماكو مثلهة


ويلي على الزهراء......... ويلي على الزهراء
**************************************
منهو ابعمر مرت الوصي عصورها بالباب
نادتلة الحك ياعلي عصروني الاگراب
ماكو نذل مثلك عمر يعصر هوة الهاب
يابوية الحك هسة الي اذوني الاصحاب


ويلي على الزهراء......... ويلي على الزهراء
**************************************
ويا والدي موصي علي باخر وصية
يصبر صبر خير الوصي الخاطر نبية
وانطاه علم موت الحسن وزينب سبية
وحسين وابطف كربلة جثتة رمية
٠

ويلي على الزهراء ....... ويلي على الزهراء
**************************************
انة البتول الطاهرة انة الحزينة
انة الفكدت أطهر بشر من المدينة
وهاذ البشر سيد البشر هوة نبينة
وصة علي يملك صبر ها يعلينة


ويلي على الزهراء........ ويلي على الزهراء
***************************************
يا والدي بتك ترة اصحابك ولوهة
الباب ادفعة هم احركة اعليهة عدوهة
انة الذي نلت اللقب هية ام ابوهة
ياحسرتي ويا وسفتي زهرة اكسروهة


ويلي على الزهراء......... ويلي على الزهراء
**************************************
حسين الفاطمي
لحن قصيدة (شهر البچي )
للرادود مصطفى السوداني

مولاتي اسماء تخاطب مولاتي العليلة

حالچ فاطمه..يشبه فاطمه
صرتي خيال امن الفرگه
________________________
اسماء احاچيچ..يالعمرچ اضعون
يا ثاني فاطم خايفه تروحين مني

اعيون الزچية..هم نفس الاعيون
وكل خوفي اغمض عينچ بجفيني ذني

اصغيره اعللگبور..بيچ اشيدفنون
وطولچ اگدره فاطمه اعلگدار حضني

القارورة باجر..تكسِر خواطر
والميته بالباب..يموتها عاِشر

بثوبه البي دمه..تمشن للسمه
وتردن لابو الاكبر حگه
________________________
يتشابه الليل..بس فرق الاصواب
ما عندچ بضلعچ كسر لا خدچ احمر

اتغطيچ الادموع..وغطاهه التراب
اشموع عشتوا وللاسف صار الوكت حر

كالزهره صرتي..هم خانچ الباب
كلما اتحرك بالهوه گلبچ تكسّر

الفرگه بسمار..وضلوعچ اصغار
الذكرى تچويچ..اكثر مّن النار

عشتي بغربتچ..وعاشت دمعتچ
شما هب هوه ضنّچ ملگه
_______________________
ابنفس الاوداع ..بس عكس الاجروح
ودعها الحسين بشجن من غسلوها

وودعتي الحسين..بالنوگ التروح
وطبع المدينه تجرح الما عدها ابوها

قبلچ زهرتچ..ما قبلو تنوح
لمّو دمعها امن المدينه طلعوها

السافر ضعنهم..سكته ابچي الهم
كل خوفي ينفوچ..خارج مدنهم

ابچي بكل هدو..خوفي امن العدو
لا بابچ اعليچ يطبگه
_____________________
والزهره مثلچ..عاشت عليله
كل عافيتها بحيدره ووجها ونضرته

وبروحت حسين..صرتي نحيله
وعافيتچ بعطره البقه تارس حجرته

وتدرين الافراگ..ايده طويله
يراويچ برسوم الحبيب بنص غربته

ما تحمل العين..غربة حبيبين
موتتهن بساع..الما عدهن حسين

ويا غربة ضعن..مابي ام احسن
وحته الهوه يمرهم خنگه
________________________
تتلاگن اگلوب..يم ذيچ الانحور
اتشوفن فواطمچن على النوگ الهزيله

ضعن الله بالشام..وحوله العده اتدور
ويا هيه منهن ما بقت مثلچ عليله

وبيرغكم الطاح..عاموده مكسور
وراعيه طايح عالنهر ما بيده حيله

وضعن الله بالشام..ضل ضعن الايتام
وكل فاطميه..تموتها الايام

تتلاگن سهر..يم ذاك النحر
نفس الوجع نفس الحرگه
______________________________

مجلس عزاء الزهره...مو ياهو جان يحضره
بس التريده وتهواه..يحّضر ودمعاته وياه
______________________________
خل يفرح اليحضر عزه..مولاتي داعيته
ولبّنص مجالسها ربه.. هيه المربيته
ولعينه اخذت عالبچي.. بدموعه عافيته
خادمها ميقيمه ثمن ..بضلوع شاريته

ومن تجي بخيمت خدمه..تفرش قميص امدمه
وأثار خيل الفوگاه..يحّضر ودمعاته وياه
___________________________________
الزهراء تهدي من تشاء..وكل الامر يمها
من عطشت انهار السمه..ما بخلت بدمها
تختاره من بين البشر..وتجيبه خادمها
خدمتها نعمه والِنعم ..ما عاش اليذمها

والذمها ناقص عقله..تلگه بحليبه الخله
وخادمها محد لاحاه..يحّضر ودمعاته وياه
_______________________________
الرايدته لو كله ذنب.. ما تبقه ما بي خله
أتگل للگلب كن فيُكن.. وبجفوفها اتعدله
الحر كطع درب الضعن.. وتالي خدم اهله
والما خدم من كل گلب..خي خاف لتبدله

اشما ادعي دمعي بعيني..مولاتي لتبدليني
والعنده عشره اويه الاه..يحّضر ودمعاته وياه
__________________________________
الراد يبقه بخدمته..وما ينكطع نوحه
بدخان نيران الخيم..خي يبخر اجروحه
وامبين اللاحه الحرگ..دمعاته مملوحه
وللزهره حط گلبه بقفص..وسلم امر روحه

عايف الدنيا وكلشي..وبكيفها يضل يمشي
وبس جرح گلبه الماشاه..يحّضر ودمعاته وياه
___________________________________
مولاتي مكسورة ضلع ..وصاير وجهها احمر
بالگوه جفها ترفعّه ..وعالطمّه تتحسر
لا تكدر ادگ عالصدر..ولا عالوجه تكدر
اهدولها وياكم لطم ..عالباگ لونه الحر

اليهديها لطمت صدره..يكبر بعين الزهره
والناس تعشگ طرواه..يحّضر ودمعاته وياه
__________________________________