الليلة الثالثه (نزال للعليلة)

مصطفى صادق اللامي

https://t.me/mstfa45

الليلة الرابعه(شور سماعي ملمع لمسلم)

مصطفى صادق اللامي

https://t.me/mstfa45

الليلة الرابعه (ثگيل عن مولاتي حميده)

مصطفى صادق اللامي

https://t.me/mstfa45

الليلة الخامسه(ثگيل ام البنين والعليلة)

مصطفى صادق اللامي

https://t.me/mstfa45

الليلة الخامسه(نزال لأم البنين)

مصطفى صادق اللامي

https://t.me/mstfa45

#للحسين
#فتحة_عزاء_او_شور

يا مولاي يا مولاي..يا مولاي يا مولاي
_________________________________
امن شوكت مجلسكم يأذي اليجيه
انته هم سامع بعش أذه الطيور

وادري (كل مجلس تحت گبة الحسين)
يعني هم الطم عليك وهم ازور

فاتحين اگلوبكم گبل الاذراع
انتو ما بيكم قصور احنه القصور

وشنهي نفعي ابلا سواد ولا عزاء
شنهي نفع الشجره اذا بين الگبور
____________________________
شما شفت دشداشتي السوده اختنگ
وبيش اقنع گلبي اذا اسكت البچن

اعيوني من اخر عزاا لليوم هاذ
هواي صبن جنهن ادلال الحسن

نفس وحشة عاشرك بعد الذبح
هيچ ضل وحشه ويبچينه الصحن

وياهو يسئل عني اگله انه (غريب)
لان جان المجلس لگلبي وطن
__________________________________
لان فارگنه عزائك متنه شوگ
جا شلون الفارگنك وانسبن

هواي يتلفت المضيع عزيز
شكثر گلي اتلفتن لمن مشن

استحي امن امي اذا ماكو عزاء
لان تبقة اتعاتب عيوني الغفن

فشلة الشيخ التخردل بالمضيف
هيچ فشلانين يا راعي الضعن
________________________________
انه خايف على المهدي لو يعود
مثل ضلت خنصرك يبقه وحيد

ومن بعيد نسالمه ونسئل عليه
نگله هذا اسلوب عيشتنه الجديد

وخايف يعاتبنه ويگلنه ليش
امن شوكت تغدر بالاسياد العبيد

هاي شدة وغربل وجيس الصواب
وخل يطيح الرمل ويضل الحديد
__________________________________
گالوا (أن شئت النجاة زر حسين)
واحنه وسط الشده عفنه ازيارتك

وسفه اهل (ياليتنا كنا معك)
البعض منهم ما اجوك بغربتك

أووصفه عدك (طب عشگ) لا ماتخيب
أنطين (اوجيهاتنه من تربتك)

وسيدي يحچون ليزورك يموت
گلت تسوه الموته اذا يم گبتك

مصطفى صادق اللامي

#ثگيل
#عشگ_حسيني

عيشني حبك سيدي() خليني خادم من صدگ
بچيني تعبني بعد () دمع اليحب لذت العشگ
............................................................
حسين مسوي واهس لليخدمون
گلب الما يحبك ينبض شلون
الشوگ الما يذكرك شوگ جذاب
انته اول دموع اتونس العيون

خدمتك حچيي ابوي اگضيها بس صار
صغار و چنه نعشگ دور الانصار

خلي الگلب وي الخيم()اوياهن وقف خل يحترگ
بچيني تعبتي بعد () دمع اليحب لذة العشگ
.......................................................
شمحلاهه اناشغ و انا اصيحه
باطل كل غرام ابلا ضريحه
بكل كعداتي وادمنه تغثني
بس ابمجلسه الكعده مريحه

جان اسمي قبل هذا المنو؟؟ امنين؟؟
هسه شكبره اسمي خادم حسين

وانا وخدمتك سيدي()وكت الچفن بس نفترگ
بچيني تعبتي بعد () دمع اليحب لذة العشگ
......................................................
اول شمس ملمومه بحصيره
اگبال عيونك الدنيا زغيره
بسلفنه الما يحبك موش منه
نكسر عصته وتذبه العشيره

عدنه بهالسلف مولاي قانون
عشيرتنه تضل بس لليخدمون

عاشرنه غيرك سيدي()مولاي ما بيهم صدگ
بچيني تعبني بعد () دمع اليحب لذة العشگ
..............................................................
يكبر بيه حبك دمعه دمعه
بيك مسافر وما ريد رجعه
نبجي بالدعاء احنه ونذكرك
اذا جف يندعي ومبتور اصبعه

و تخنگنه الاطفال البزياره
من تضيع ابوها تضل حياره

نذكر رقيه امحيرة ()و من الله رأساً نختنگ
بچيني تعبتي بعد () دمع اليحب لذة العشگ
..............................................................
شما تكبر العين الفضل كحلة
وانا بثوبي الاسود صيتي كله
گلبي الما يحنلك كون اذبه
غمه الما يحن و يريد اهله

فاهي اليوم اذا ما بي مجالس
دور رسنه اضنن بي لعابس

ندور على المجلس مثل()طير ويدور عالعثگ
بچيني تعبتي بعد () دمع اليحب لذة العشگ

#مصطفى_صادق_اللامي

#ثگيل
#عشگ_حسيني

كل ليلة التمر كون انا يمكم
تسوه الدنيا يا كعدة صحنكم
شما ابعد اجيكم
انا اربات اديكم
تسوة الدنيا يا كعدة بصحنكم
@@@@@@@@@@@@@@@
مثل خيط تجره الابره //حسين يمك گوة جرني
شدت اعلوگ اعلحظره //هيچ اريدنك تشدني
انه جنت ال(هذا ياهو؟؟) //بخدمتك صرت شكبرني
لمن بشباچك اشبگ//بجفك اشعر چن شبگني

ليلة جمعه كون بصحن الحسين
ازور و بالبواچي تشبع العين
ومن ارفع اديه
احس ترد عليه
@@@@@@@@@@@@@@@@@
كون اردن طين يمك//وسوي روحي بمشتهاتك
من حلاتك يابو الاكبر//الرمح غص بلهاتك
السهام اعليك تركض//وأنته ما عايف صلاتك
تحن حته اعلل يذبحك//اصبع انطيته وعباتك

كون بصحنك احجيلك هذني
لو ما انته جا محد عرفني
واقرالك قصيده
بنص صحنك جديده
@@@@@@@@@@@@@@@@
ارد اجيلك ورقة بيضه//ابراحتك فوگاهه اكتب
حسين سهرني لحزنكم//الما سهر ما يعرف يحب
كون اجي وحبلي بدية//شما اوعدك ارجع اذنب
الناس تطمع كلت گلبك//لان گلبك حييل طيب

شما اذنب تگلي طايحه ابني
اتفضل يله بيتك هذا صحني
ايا روحي توبي
وابچي من ذنوبي
@@@@@@@@@@@@@@@@@@
انا اجيتك سبحه بيدك//لا اضيعن حيل كضني
مثل متلملم عباتك//هيچ اريدنك تلمني
گلبي اسود لابسلكم//چني هيل بگلبي حزني
اكبر و زنجيلي يكبر//عشره صاير ويه متني

كون اگبالك احچي ويه گبتك
صار براسي حض لمن عرفتك
من يوم العرفتك
صاحب صدگ شفتك
@@@@@@@@@@@@@@@@@
عالزياره امراكض اركض//بيه يعگوب و يحبكم
الزلمه ميحسبونه زلمه//اله من يمشي ابدربكم
شلون ينطيهن گلبهن//الاسهام اطب گلبكم
على جتاف حسين كاعد//و الله گمت احسد درعكم

هنيال السيوف ابين اديكم
انا اول عدل ميت عليكم
اموت امن اجفي عنكم
واعيشن يم گببكم
@@@@@@@@@@@@@@@@@
ياهو جاي امن الزياره//ابچي واشتم بثيابه
لا اخت عندي سبوهه//ولا طفل نام بخرابه
ولا غريب و اوحدي باقي//اولا بقيت ابلا گرابه
كون اموت انا وعمامي//من رقيه تگول بابه

سالم طولي بس طولك توذر
اعيشن ليش ويموت ابو الاكبر
كون الموته بيه
وروحي تضل سبيه

مصطفى صادق اللامي

مولاتي العليلة


ليلة ليلة احسب وتاني
ها اجاني ما اجاني.؟؟؟
_____________________________
(١)
گطعت ارگاب السنابل..فرگتك گطعتلي گلبي
بديرتي الغربه عشتها..اخلافكم تيهت دربي

خشن..حچي الوادم من رحت كلش خشن
وگطن..گلب بتك ابيض بلون الگطن

اصفن واذكر ضحكتك..كسرت اگليبي فرگتك
دوهن احسابي زماني ..ليلة ليلة احسب وتاني
_______________________________
(٢)
وفقاً لقانون هاشم ...الابو ميفارگ بناته
نفرض وهانت فرگتك...جيب اليهون الشماته

اجن..وحدي كالت عندي اخيتي اتاني جيتي
اذكرت..شكد لعبت بحوش داري انه ورقيتي

كلمن يودي بناته..وجيب اليهون الشماته
ودمعتي اتبلل ارداني..ليلة ليلة احسب وتاني
________________________________
(٣)
لو تصير المغربيه...كل طفل وي اهله راجع
وانه وحدي اباب داري..اكسر الخاطر وباوع

اجو..يمي متعمدين باسو خد طفلهم
وردت..تجي يمي وبويه تحضني مثلهم

اذكر ايامك وادنگ...جنت اشبگك هسه ششبگ؟؟
ليش ضعنك ما خذاني..ليلة ليلة احسب وتاني
______________________________
(٤)
وتالي ارد لبيتي وحدي..ماكو ام وتلولي فوگي
وتعرض بعيني صوركم..وجيب اليبردلي شوگي

انام..بويه واتغطه برسايلكم واناشغ
أون..من اشوف امجانك بنص بيتي فارغ

طفله والتمن عليهه...وماكو ام وداري بيهه
ولا حضن لملم حناني..ليلة ليلة احسب وتاني
__________________________________
(٥)
وجانت دموعي رساله...وكاتبه بدمعي قصايد
بعد حضنك يالجلاله..كلشي مر بضلوعي بارد

حزن..دگت البيبان جانت كل فشلتي
اركضت..وما لگيتك وارجعت تالي بدمعتي

غيبتك يابوية تكبر..ولمرض لبروحي يكثر
حچه گلبي بگد لسّاني..ها اجاني ما اجاني

مصطفى صادق اللامي

#ثگيل
(حياة خادم)
هيه مختصر لحياة الخادم


الطفل اول ما يجي يبچونه
امن ادموع عينه خادم يعرفونه
وأمه بوجعها تشكر شكد الله
هذا الاجاني خادم لعبد الله
___________________________
بين صوت الله أكبر والبچي والياهله
گال ابو بس الله يفرج اخذ ابني لكربله

وگبل متشربه امه ويضوگ اللبن
شرب حبك من حچتله اعللصحن
ومن كثر ما حبك اعيونه بچن

ويا زنده شدو بي علگ من عدك
ولابس حرز والحرز صورة ولدك
وبدموعه جده كض ترتبته وصله
هذا الاجاني خادم لعبد الله
______________________________
ومر عليه اول محرم وعمره چان اچم شهر
لبسو دشداشه سوده و طلع احله امن الگمر

وجده شاله وبالمواكب ضل يفر
و لو يجي يم التشابيه و يمر
على الفطره ايدير وجهه امن الشمر

هيچ الطفل بحضانكم ضل يربه
ايسكتونه من يبچي ابصور للگبه
والدخل گلبك يا بشر يوصله
هذا الاجاني خادم لعبد لله
__________________________________
بصف الاول توه يدرس وانسئل عن الوطن
الوطن گلهم يعني مجلس نبچي بي وي ام حسن

وحته حيطان المدارس صفگت
و العصافير التزقزق غورگت
والمعلم عينه ما صبرت بچت

الدار يعني الصحن جان يگلهم
والدور من يبدي عزه موكبهم
وبالمجلس يضل يكنس بكل عطّله
هذا الاجاني خادم لعبد الله
_____________________________________
كبر طولة وشاربه انخط وشاب صار ابخدمتك
وگل لأبو حزمني فدوة وضهري شده بغترتك

وجان هذا اكبر ورث من ضهر ابو
بنفس غترت و الده من حزمو
حته نفس اللطمه لمن باوعوا

وهم وارث احزانه على المسبيه
و وراث مكانه الي بالحسينية
والشرب حزنك ما تجيسه الغفّله
_______________________________________
شيب الخادم وحدب و ولده لمو كبّرته
وضل على اولاده ايتعكز وما لزم عكازّته

وللمجالس بي يگودون الولد
شايب ووكت العزه ينزل يشد
قصه الخدام احله امن الورد

يحسين حزنك بينه كلش غزر
انموت ويعيشنه طاري المنبر
عيشنه طعم اللچمه يا وجه الله
هذا الاجاني خادم لعبد الله


مصطفى صادق اللامي

#ميمر
(الى الانسان العباس ع)

سيف وقلم....كتاب وسهم..شايل عِلم وي العَلم
اكتبهن بورقة وشوف
يطلعلك اسم العباس
.............................................
شمخلي ربك سيدي بتكوينك
يمكن بديها الزهره سوت طينك
بگلب اختك انته يمكن امخلينك
وياك الدرب
بصلح وحرب
والمي حرم ما ينشرب
اله الگه فوگاه مكتوب
هذا سبيلك يا ياس
..................................................
روج النهر ليهسه يرجف خايف
منك يبوفاضل خطيه اشايف
ذب لونه طعمه وكلشي يمك عايف
من الركض
خلص لأرض
لو بيدة عگبك ينقرض
ما يدري يشرد ليوين
ضل لابد بريج الناس
.................................................
يخنگ خواصرها ويغير اعليهم
ما يخطي تفرق هوه يستخطيهم
يصد لنسلهم بلكي خير بيهم
يلفهم مثل
لفت حجل
ايخليهم بأيد الطفل
ويسوي سبحه امن الروس
حته بذبحهم حسّاس
........................................
شما تكبر الدنيا اصغر امن عيونك
اعله اخلاقك شكد جانو يحسدونك
العبد المطيع الصالح يسمونك
مثل الشمس
شما تنحبس
تضوي وترد احلة امن امس
ضيك يشع من كل صوب
بصفك يضيع الالماس
.........................................
ما ضل نهر ما طافك وزاهدهن
چي مي جربتك اقدس امن العدهن
وبگصّتك عندك نهر سابگهن
اطول نهر
بگصتك الگمر
من هامته لحد النظر
بمي غيره نشرگ مرات
ويروينه مي العباس
..............................................
خرسة المنارة الما تكّبر طوله
وادمنه ما شايفته ويحنوله
منكع وفه اليم العرش يدعولة
شما نختنگ
نشربك شهگ
ما لايگ الغيرك عشگ
صاحب فضل بس نكرو
من الشجر عصة الفاس

مصطفى صادق اللامي

مولاتي العليلة
اول جراحات محرم

موعدنا ليله امام دار الخادم سيد هادي البخاتي

#نزال_للخدمه

سجني الدنيا مولاي..افراج لمجلسك جاي
_______________________________
ضگت طعم الفرگه من عفته حزنكم
شصار بالطفله العليلة الفارگتكم
انه جم يوم ورجعت بنص حضنكم
وهيه ماتت بس بعدهه امتانيتكم

گلبي ناصب مأتمه..وديني مجلس فاطمه..وسفه ويلوحك ضمه..وكوثر امك
اسمك تارس الماي..افراج لمجلسك جاي
_________________________________
بمنبرك شدني بحبل رتبني بأيدك
الدنيا سودة وبيهه الابيض بس عبيدك
خذّني لو سرِج اعلخيلك بلكي افيدك
وما اريده ياحُسين الما يريدك

كون اضل مثل العلگ..شما يشدوو واختنگ..بحضرتك اكثر شبگ..وما يعوفك
بين الراي والراي..افراج لمجلسك جاي
_____________________________________
ابلا حزنكم كلشي فاهي ابلا موده
والي ما عنده حسين شباقي عنده
اخلاف مجلسكم ولا تحلالي كعده
اتحزم و الطم حزنكم مثل هده

خدمتك حرب الزلم..واسم خادم احله اسم..شامة الليل النجم..ودمعي شامه
ودليل اسوالفي هاي..افراج لمجلسك جاي
____________________________________
ادموعي كبرن سيدي وبهاي ابشرك
ايطلعن ابحدهن اشما گمت اذكرك
ما اندل أبيتي بس اندله گبرك
اكسرلي گلبي يالبگه مكسور ضهرك

لصدرك الخلص سحگ..حزم جروحي بحرگ..شب علي نار العشگ..يا حبيبي

يا رازونة فياي..افراج لمجلسك جاي
___________________________________
من خدمتك صيتي كله وكل نعمتي
يعني ميضلي وجه لو ما خدمتي
خير ما بيه ولا خير بكبرتي
لو اعوفن عاشرك وانسه دمعتي

واحسب ابقه لعاشرك..حته انضف جادرك..امنيتي اصبح قمبرك ..ياحبيب
غربل شدتك هاي..افراج لمجلسك جاي

مصطفى صادق اللامي

عِشْگي المنابِر ديني الشَّعائِر
خادِم حُسيني خادِم حُسيني
——
العشِگ يبدْي ابْصراحه واَصارِح بالمَناحه
اودمعْتي اَحْسبها راحه ابْحياتي
يعزّر بيّه مِلحه رَهَم دمعي اعله جرحه
ونيني الطاري رُمْحه نجاتي

هوّه العشِگ مثْل الوُضُوء اِوقِبلتي الكافِل
يا قدوة العاشِگ صدِگ ريشات ابو فاضِل
والماله بالدّمعه عرِف عرفه اوعلي باطِل

لومه المدامِع چا آنه ضايع
خادِم حُسيني خادِم حُسيني
——
تره اجْروحي ضمايه وانه ادْمُوعي سبايه
اوخرابتها الرّزايه تِلِمْها
صُبَح گلبي حياته مناحه النايباته
عله السّلبوا بناته اوخيمها

نِشروا قميصه بالسّمه اوزينب بُقت تنحَب
بيّن اوْيَ اهلال الشَّهَر مسلُوب وامترَّب
وابْلا شعور آنه صحِت (ويلي عله زينب)

دمعي هديّه الدمْعَةْ رُقيّه
خادِم حُسيني خادِم حُسيني
——
وَلا تحلالي لَمّه إذا مو طاري خِدمه
منو ينطيني دَمّه اوخِيامه
منو المنطيني گلبه اوشُمَر دَمّه اعله ربّه
اودواه للمُرضه تُربه ابْسلامه

ياهو المْسَوّي من هذَن دَلّوني اخدمنّه
ياهو التچوّه بالشمِس بَسْ باب للجنّه
والسوّه ذنّي عتبته أترسها اِلَه حِنّه

الطش لله دمّه فدوه آنه لِاِسْمه
خادِم حُسيني خادِم حُسيني
——
أنه اسْنيني مُحرَّم حياتي كلها مأتَم
مثِل عُمري اتّقدَّم خِدِمْتي
إذا ما دمعي يجري يوجّ ابگلبي جمري
دوه اتطيح اعله صدري لَطُمْتي

چَم جمره منّ الخيمگه مطبُوعه بعْيوني
من گلْب ابو فاضل عطش ماخِذ عطَش لوني
عين العقِل بالخِدمه أدري اِيْماني واجْنوني

ايْلومُوني خَلْني بس يرضه عَنّي
خادِم حُسيني خادِم حُسيني
——
اليعشگك بالطّفوله يشِب جرحه اعْله طوله
الخدامه چَن حَموله اوعَشيره
تلِم هاي المآتم أوادِم خوش اوادم
تصير اعْليها فاطِم أميره

ابْخَطّ الشّعائر ناس ابد ما عافت الخِدمه
لَطْمتها تحسبها رزق عدها الدّمِع نِعمه
الخادِم يباوِع للخدَم خوّانه من دمّه

والخدمه أُمنه هيّه التِلمنه
خادِم حُسيني خادِم حُسيني
——
سِمَه اجْرُوحي مدامِع أنه ارْتاح ابْمواجِع
بلايه الخِدمه ضايع تراني
ابْكثُر حُبّه اوغلاته عِشتهِن نايباته
أعِيش ابْفَيْ عباته ضماني

أصبح وِقاري بالجَزَع، صار الحزِن عاده
أطلُب أشُوف اِعيونه اَبَد ما أطلُب امْراده
حتّه ابچي عالعلويّه لمّن ذبحوا السّاده

الحزْن الغريبه عِشْت المُصيبه
خادِم حُسيني خادِم حُسيني
——
للشّاعرَين:
زين العابدين المريّاني
مُصطفى صادق اللامي

#هوسات_فزاعيه
(لطم نسوان)

بتك والحوافر دورن صدرك
وحده تريد شبگه ووحده التكسرك
وحده بطولك تلم وحده لتطشرك
وبلكت تستحي الخيول وتعبرك
(هونج يا خيل ..بصدره ابنيته تغفه)
______________________
هدو خيلهم وگلوبنه انهدت
وصلوا للخيم والسالفه اشتدت
خوية جفوفك التسطر عجب بردت
وليش بدمك احوافرهم انحدت
(ولحگتنه الخيل ..خوية لصعدت التل)
_______________________
يا خيمه الاطبهه الگاهه محترگه
اريد الگاك بس ارماد شو الگه
امن الدخان خوية اجر شهگه
ولگيتك جثه بس شو بارد الملگه
(امغيرك لتراب..يا شمامة أمك)
_______________________
الخيل اطشر وأنه الم بيكم
ونحركم ماكو وين الگه محاچيكم
وفرَن للبراري كل علاويكم
ركضتلهن ولا لحگت احاچيكم
(راسك يحسين..بيد الغربه طايح)
________________________
يخوي اوداعت الله الخيل لحگتنه
واجينالك ركض نبچي يزلمتنه
نشكيلك وطول بطول دمعتنه
ها يحسين هاي الخيل غثتنه
(مو وكت النوم.. خوية الحگ علينه)
________________________
اجت الاحبال خوية وعرضت اصوّرك
و السانه طلع لمخربط بضهرك
لازم راسك بيا رمح و يكدرك
ها يالحار شو جنك برد جمرك
(احاا يحسين..دنيا ودارت اعليك)
___________________________
مصطفى صادق اللامي

#شور
(أمنية مولاتي الرباب)

تمنيتك يعبد الله...تصير بكد علي الاكبر
و درعك يلمع بصدرك..وبيك اتباهه و اتبختر
بس سهمك كتل حلمي..وصوب گلبي و المنحر


يبني و دمك بطولك ...غافي امن العطش يبني
السهم بايگ ضوه عيونك..يل تارس جنت حضني

ومن هودت نار الخيم لميت المعطبات
و الهن الولي يالولد جي بيهن انته تبات
كاروكك الباقي الي و احترگن الخشبات
___________________________________
يبني و من يجيني الليل...افز و اركض و ادورنك
و اتبع كل صهيل الخيل...اخافن لا يسحگنك
وهسه بحيره انا ضليت...أجفنك مدري اگمطنك

كاروكك صبح خالي ...و ترسته بدمعت اعيوني
(ااخ) انشغلك و اوكع...اجيلك ما يخلوني

اگماطك لزمّته بين أدي واتبده شيب أعلي
ويا يمه ما مّت بسهم بس موتاك المّي
ومن التعب گلبي صبح يشبه سمّار الفي
___________________________________
من ارجع شگل لاختك...عليله بضحكتك تشفه
ابلايه اخوان لا والد...شگللهه الحجي كلفه
اذنهه استاحشت صوتك...واختك صوتك تعرفه

وحّدهه بطرگ ذكراك...و ترسم ضحكتك احلام
تنام بصف رسم وجهك...وتلولي وما تريد تنام

و بّكل رسايلها تحن وتنشدني عن صحتك
وما تكدر اتشبگك بعد و النبلة شابگتك
ارجعلي يمه يالولد لخاطر گلب اختك
__________________________________
بشفتك كل فطر صله...العطش يسجد على ريتك
تقاتل وي ابوفاضل...يضي عيني تمنيتك
بخشب كاروك اريدنك..مو خشبت توابيتك

عطشانه ارد اناغيلك..شحلات الام اذا ناغت
احنن للسوالف ذيج..و اصد للوانك انبأگت

وخيّاتك اگبالي اجن ونن اخونه راح
نصن بچيچن لا يفز نايم عبد مرتاح
وما ادري ماخذني الجزع لوليت الك بصياح
__________________________________
راسك عالرمح احسن...عرجه الناگه تاذينه
خافن من اهزن بيك...توكع يا لولد بينه
و اخاف بجفك الملموم..يشد احباله سابينه

طير وصوبو جيدك...وبقت تتلولح اجدامك
و كلما هزو براسك..تطيح اعللثره احلامك

يا يمه خاف امن الهزل توكع على التربان
وتدري الگبر فوگ الترب فاتح الك بيبان
يمسوي واهس للخيم شو منذبح عطشان
____________________________________
#توفيقهم_ونعمتهم
مصطفى صادق اللامي

يا علي
هيئة فطيم السهام

ابتداءً من يوم الاحد

#شور_عشگ(للخدام)

اعلفطرتنه عرفناكم..حضن دافي لگيناكم
اليفطمونه بضريح حسين..شتضنونه ينساكم

امن الصغر بيه كبر رس الغرّام
اله يحجولي اعله قصتك يله انام
بالطفوله بكل تشابيه التصير
ما ارد البيتي اله اشبگ لمام

وحبيبي صار ابو الاكبر...اكبر والعشگ يكبر
وما مستوعب الهاليوم...سومر وجهك امن الحر
_______________________________
صغير وفتحت عيني..ولگيتك انته شاريني
دافع بيه دم وخيام..ابوكت محد يلفيني

ابچي لو لعبه هلي يجيبولي
اله زنجيل وعلگ يشرولي
وابقه افرفح يوم كامل ما انام
لو هلي ثوب اسود يفصلولي

وتمر صحباني يوميه...ونسير عالحسينيه
كدما ما غزرت بينه..فصيلة دمنه لطميه
___________________________
بلغت وما احس أله..بعزائك لازم الدله
واوزع لليجي والراح..وعرفت اليخدمك يغله

ثاري لتحبه وتريده بدربك
غصباً اعلگليبه يعشگ گلبك
لهسه ما اعرف شدلاني عليك
بيه مدري شلون يكبر حبك

اثاري الخدمه هم نعمه..وهم مقسومه الي قسمه
الميجيبه العشگ لحسين..يضل طول السنين اعمه
____________________________
وهنه اسوالفك ذني...امخلي الوادم تحبني
لو ما ثوبي الاسود هاذ..جا محد يصاحبني

اتعلقت بيك ولگيت والد
شما اطيحن تفزع اول واحد
فدوه چوي اگليبي من نار الخيام
العشگ ما ينراد اذا ضل بارد

اعيش بخير كل حلمك..اختصار لكل محّنّه اسمك
الخلود بنحرك اتخلد...والحرية من دمك
_____________________________
حبك سودن الوادم..اليحبك ما يضل سالم
ويا دربك ايدور افعال..مو بس بالحجي خادم

الطير كلما طار يرجع لأهله
ومجلسك لو غبت عنه ارجعله
العنده وجهين ابطريقك ما يعيش
گطن حجيه وگلبه مثل الكحله

الخادم ما يذم ربعه...التواضع طينته وطبعه
والما يركض اعللصيت..حسين ابحده يرفعه

مصطفى صادق اللامي ١٤٤٢ محرم

طيحه طيحه جروحي تكبر
ضعني شمعه والوكت حر
من اجو بحبالهم يم السبايه
لگوا دار ايتام لابد بالعباية
_________________________
چي امخيطتها اليه الزهره
مو عباية دكول بيت شكبره
ولو طفل عالجمر داست رجله
يصير لون عيونه مثل الجمره

وچم طفل بعيونه شاَهد..تنذبح كدامه أهله
الشاف بعيونه المصيبه..بيش اسكته وشرد اگله

كلها تبچي وانه اسّكت..والحسين اگبالي ميت
هسه ماتوا ليش عفتوهم عرايه
لگوا دار ايتام لابد بالعباية
______________________________
ندري بيت الساده ميدوسونه
والله دنيا وصارو يحرگونه
قماش خيمتنه علگ يتفصل
ووسفه هسه گاموا يسحگونه

النار من لاحت خيمنه..صيّح السجاد فرن
امدللات حسين ذني ..امن الامراكض تالي فحطن

الماي عز روحه علينه..نطفي بالنار بأدينه
والاگلوب اتكسرت مثل المرايه
لگو دار ايتام لابد بالعبايه
________________________________
للاطفال اركض والملم بيهم
النار مدري الشوك المبجيهم
الگبل كعدتهم بحضن الكافل
هسه فوگ الهزّل امكعديهم

ركضو وركضو وراهم...الحافر ابطول اليتامه
يعني التدوسه الحوافر ..يقره عالدنيا السلامه

الخيل ما يعرفله طفله..الداس وجه الله شگله
من خلص صدر الحنين وگضه افيايه
لگوا دار ايتام لابد بالعباية
___________________________________
البله اخوو احجايتها ما مسموعه
الينسبي من يحچي بس بدموعه
الجانت ابنياته تغفه بصدره
للحوافر شو انطاهه اضلوعه

وهوسوا يمنه بقميصه..حرگوا الخيمه وگلبنه
امن الدُخان الترس كلشي ..گمنه ما نندل دربنه

وثوب يوسفنه تشگگ..وكلنه صحنه ياعلي الحگ
كلنه صحنه ياعلي شكد صعبه هايه
لگوا دار ايتام لابد بالعباية
___________________________________
كلشي خوف وبس عباتي المأمن
وكهف ردني يلم بناتي الركضن
غمضّن سدن اذنهن يبجن
اصياح نار و ذبح كلش تعبن

وصوت ضل يدوي بأذنهن..حسين من صاح ادركوني
وفزن يفزعن لابوهن..و سوه اوياهن جتفوني

وبالحبل دارو علينه..وتعبن أمن الشد ادينه
ومن اجو شافو الخيمه ابلايه رايه
لگوا دار ايتام لابد بالعباية
____________________________________
بالهوه يعثر الماكو اخوانه
التوكع اهله يوكعّن ذرعانه
هيه لتغث گلبي وتبچيني
ناس خيره و مالهم دفانه

وگلت حرگوا خيم زينب..من مشينه بصف جثثكم
اولا فزع طلاب ليه...بعد ياخوتي شگلكم


كون من عمري العمركم..ووكلت للمهدي أمركم
گتله بينه اتعلموا فن الرماية
لگوا دار ايتام لابد بالعباية

مصطفى صادق اللامي