#عشق_مع_الحسين

يا قابل الحر
اقبلني خادم للخيم
🔴🔴🔴🔴🔴🔴🔴🔴🔴🔴🔴🔴

اشرد امن الدنيا ويلمني الضريح
العاشگ اليركض حلاته من يطيح

ازور
رايد توفقني واگصدلك ازور
قصور
ابنك انا وحته لو بيه قصور
غرور
گبل ما عرفك ترس روحي الغرور

ابداخلي احجايه
صالهه اهوايه
ارزقني مشايه
حسين

هيج وامشيلك
انطيني من حيلك
فدوه اغديلك
🔴🔴🔴🔴🔴🔴🔴🔴🔴🔴🔴🔴
عنده حسره و حسره العاشگ سهر
رايد اكعد بينك و بين الگمر

الثنين
تسوه دنيا الكعده ما بين الثنين
ادين
كون اناشغ وانا رافعلك ادين
حسين
شعدنه غيرك هوه بس انته حسين

ردت امشي الكم
واكعد بسدكم
هايم بحبكم
حسين

گلبي عطشانك
فكلي بيبانك
بداعت اخوانك
حسين
🔴🔴🔴🔴🔴🔴🔴🔴🔴🔴🔴🔴
انا كل مغرب اكل لگلبي توب
انته اول حب خذاني امن الذنوب

حيات
العاشگك من صدك حس طعم الحيات
نجات
منك و تبطل بعد سفن النجات
صلات
الما يحبك بعد شتفيده الصلاة

گلبي نادالك
رايد اوصالك
حيل حنالك
حسين

شكثر صليتك
ردت يم بيتك
باربعينتك
حسين
🔴🔴🔴🔴🔴🔴🔴🔴🔴🔴🔴🔴
واهس بدمعي اذا بالحضره طاح
انته اول دمعه ابجيهه استراح

غريب
انته اول وطن بس اسمك غريب
حبيب
للوحيد ابلايه حب انته الحبيب
مجيب
گبل لا يحجي الگلب انته مجيب

الرايد امراده
يگصد الساده
علي واولاده .. حسين

وانا گاصدكم
رايد امشي الكم
حاجتي عدكم.. حسين

🔴🔴🔴🔴🔴🔴🔴🔴🔴🔴🔴🔴
✍ مصطفى صادق اللامي

#ثگيل
#عشگ_حسيني

عيشني حبك سيدي() خليني خادم من صدگ
بچيني تعبني بعد () دمع اليحب لذة العشگ
............................................................
حسين مسوي واهس لليخدمون
گلب الما يحبك ينبض شلون
الشوگ الما يذكرك شوگ جذاب
انته اول دموع اتونس العيون

خدمتك حچيي ابوي اگضيها بس صار
صغار و چنه نعشگ دور الانصار

خلي الگلب وي الخيم()اوياهن وقف خل يحترگ
بچيني تعبتي بعد () دمع اليحب لذة العشگ
.......................................................
شمحلاهه اناشغ و انا اصيحه
باطل كل غرام ابلا ضريحه
بكل كعداتي وادمنه تغثني
بس ابمجلسه الكعده مريحه

جان اسمي قبل هذا المنو؟؟ امنين؟؟
هسه شكبره اسمي خادم حسين

وانا وخدمتك سيدي()وكت الچفن بس نفترگ
بچيني تعبتي بعد () دمع اليحب لذة العشگ
......................................................
اول شمس ملمومه بحصيره
اگبال عيونك الدنيا زغيره
بسلفنه الما يحبك موش منه
نكسر عصته وتذبه العشيره

عدنه بهالسلف مولاي قانون
عشيرتنه تضل بس لليخدمون

عاشرنه غيرك سيدي()مولاي ما بيهم صدگ
بچيني تعبني بعد () دمع اليحب لذة العشگ
..............................................................
يكبر بيه حبك دمعه دمعه
بيك مسافر وما ريد رجعه
نبجي بالدعاء احنه ونذكرك
اذا جف يندعي ومبتور اصبعه

و تخنگنه الاطفال البزياره
من تضيع ابوها تضل حياره

نذكر رقيه امحيرة ()و من الله رأساً نختنگ
بچيني تعبتي بعد () دمع اليحب لذة العشگ
..............................................................
شما تكبر العين الفضل كحلة
وانا بثوبي الاسود صيتي كله
گلبي الما يحنلك كون اذبه
غمه الما يحن و يريد اهله

فاهي اليوم اذا ما بي مجالس
دور رسنه اضنن بي لعابس

ندور على المجلس مثل()طير ويدور عالعثگ
بچيني تعبتي بعد () دمع اليحب لذة العشگ

مصطفى صادق اللامي

#شور
#عشگ_حسيني

حسين حسين حسين

اشجم مره گتلك راح اتوب
و انسه المعاصي و الذنوب
واركظ ركض لذنوبي
و اكسر گلب محبوبي
يا روحي بسج توبي

يا مولاي يا مولاي
عبدك مشه لدرب الذنب
يا مولاي يا مولاي
حته دمع عيني جذب
حسين حسين حسين حسين
............................................
اخلف و ارد اذنب و اگول
شكد زحمه من ابن البتول
وي روحي انا اتعارك
انساهه وامشي لدارك
يل ما ترد خطارك

يا مولاي يا مولاي
وياك ما عندي وعد
يا مولاي يا مولاي
جر اذني هالمره بعد
....................................................
وهم انسه وارجع نفس امس
بالسوء اماره النفس
واگصد ضريحك حافي
وذنوبي فوگ اجتافي
من عدها بلكي وكافي


يا مولاي يا مولاي
كاتلني هالمره الخجل
يا مولاي يا مولاي
انطيني توبه لو اجل
..................................................
لو بيه يرجع هالعمر
جا ما ردت هذا الكبر
وابقه طفل عالفطره
واحسبهه امي الزهره
وعندي شكبرهه الحضره

يا مولاي يا مولاي
رجعلي گلبي مال امس
يا مولاي يا مولاي
من جنت ارسمك عالشمس
................................................
ليام امس اتمنه ارد
چنه نشوفك بالورد
عالفطره نلتم كلنه
نلملك فلوس العدنه
بحرگه نوزع چنه

يا مولاي يا مولاي
بس ذيج ايامي صدگ
يا مولاي يا مولاي
چنه بمحرم نختنگ

مصطفى صادق اللامي

#مشاية_الحسين

مشيتنه..خدمتنه.. لمتنه....الك
دمعتنه..ولطمتنه..ووگفته...الك
.......................................
لمكبر لمتنه ...الرازقنه بخدمتنه
المصعد همتنه
مولانه
شسوه الحب ادخيلك..غصباً عني امشيلك
بالفطره انا ابجيلك
مولانه


هنياله اليخدمهم زوارك
لمتهم جن لمت انصارك
خدامك خدام لخطارك

حرگتنه..فطرتنه..حسرتنه..الك
دمعتنه ..ولطمتنه..ووگفتنه..الك
......................................................
والعاشگ يتبره...ينذر كلشي بعمره
لمحبوبه ابن الزهره
معشوگه
ايحضر اثيابه السوده..يحط رايه اعلزنوده
طير وحن للعوده
اعلعثوگه

نغمض العين ونمشي نندلك
عطره يجيب التايه خبز اهلك
و الحبك بگليبه يوصلك

رازقنه..اموفقنه..وجايبنه..الك
دمعتنه..ولطمتنه..ووگفته...الك
...........................................................
اليحبك مو سمعه..كون يحشم ربعه
ويگصد لابن البضعه
ترف راية
الحبيناه يستاهل..حگ الله ومنجامل
يتلگانه الكافل
مشايه

مشيت دربك دلتني بدربي
لوما دمعك ما اندل ربي
شوفت گبتك راحه لكل تعبي

امعلينه..امدلينه..وكل احنه ..الك
دمعتنه..ولطمتنه..ووگفته...الك
.....................................................
متانيك امن العاشر..كلهه تصيح باجر
يا اهلاً بالزاير
يا اهلاً
يالنيتك للحضره..عطرك عطر الزهره
خنخدمك هالمرة
يمرهدن

اتبره امن اجدامي الما تمشي
حسين الخير الاول و الكلشي
يمخضر دمعات ابنص رمشي

انصارك..احرارك..ثوار احنه..الك
دمعتنه..ولطمتنه..ووگفته...الك
.....................................................
يحسين وهالرحلة..شما اطول شما تحله
كلمن عايف اهله
لعيونك
فدوه احنه لميمونك... يبطل كل حب دونك
يالتارسني بلونك
مجنونك

وصتني امي وگالت هالچلمه
المايخدم من ولدي موش امه
خلي يموت وخل گبره يضمه

ربونه..ووصونه..نضل نمشي..الك
دمعتنه..ولطمتنه..ووگفته...الك
..................................................
وعندي الوالد هيبه...تارس وجهه بشيبه
كل عام انته تجيبه
ويمشيلك
وامنگب بالغتره.. بالحب خلص عمره
يضم عن ربعه سره
ويحجيلك

والد كاعد ويوصي بأبنه
گلالي المايخدم مو منه
وبحزام الخدمه احنه اتحزمنه

كبرتنه..وشيبتنه..تخدم بس..الك
دمعتنه..ولطمتنه..ووگفته...الك

مصطفى صادق اللامي

الساعة ال٤
يا علي

#ايام_الخدمه

حسين حسين
يا امير گلوبنه
حسين حسين
صاحب ومحبوبنه
.....................................................
(١)
مولاي
أربعينك خلصت وردينه
مولاي
شكد كصيره المده بس حنينه
مولاي
ليلة الرجعه شكثر ونينه

امشابگ ودمعات كاتلنه النحيب
وهم نعوفك وحدك ترجع غريب

مدري احنه الغربه
لان عفنه الگبه
الخادم الرد لاهله
ناسي يمك گلبه
...................................................
(٢)
مولاي
والله مو مالت اموادع لونك
مولاي
حيل ما ترهم نعيش بدونك
مولاي
ايساعد الله گلوب اليحبونك

خادم ايصبر اعلخادم من مشو
عل ضريح اعيونهم وشكد بجو

جن يتامه ابلا ابو
يلي صرتلهم دفو
أصواتهم بُحت عليك
اخو ومفارك اخو
.............................................................
(٣)
مولاي
امشابگ الخدام جنهه اخيامك
مولاي
من شبگت ابعاشرك صحبانك
مولاي
عوز شبگتنه دفو ذرعانك

شكد بجينه وهية عشرت نص شهر
وانته عشرة اسنين ربيت الگمر

شلون جنت اتودعه
بيا حچي بيا دمعه
وتدري بي من رايح
ما اله اي رجعه
..............................................
(٤)
مولاي
خوش لمه اوداعتك لميتنه
مولاي
على حب الله وعلي مشيتنه
مولاي
عفنه اهلنه وصار گلبك بيتنه

بسفره وحده تكعد الخدام يمك
المانعرف اسمه نصيحه نكله بأسمك

بگلب واحد كلنه
ولو بشر يسئلنه
حسين شيعود الكم
شيخنه وصاحبنه
..................................................
(٥)
مولاي
جاي اكض گلبي نقص شوبية
مولاي
اتعودت بيتتي بحسينيه
مولاي
جنه ما نغفه اله عاللطميه

جاي احن ليامي ذيج واختنگ
حيل يسون سيدي تريد الصدگ

والله جانت وادم
خادم يحب خادم
اتواعدوا نتشاوف
وي ليالي فاطم

حسين الساعدي
مصطفى صادق

#كعدية
نص واحد لافتتاح مجالسكم به

مرسال الطف يوصلنه مخطوط بدم العباس
بأصلاح الامه يطالب ويطالب توعيت الناس
لا ترضون اعللذله
لوجنتم جداً قله
مخطوط بدم العباس
......................................................
ثورو عالظالم ابدمكم الثورة يحتاجلهه دم
من تثورون اعله فاسد تطفه نيران الخيم
حسين من يلگه وعيكم يروح من صدره الالم

الحر يحب المثله هم حر
الكاع من دمكم تخضر
حسين يفرح باليطبر من لگاه ثار بقيم

نقراك احنه بكل ثورة
قائد ما بين الثوار
من يبرد دين اجدادك
خل ينزل دمك چي حار

الباطل گوم انته وذله
لو جنتم جداً قلة
مخطوط بدم العباس

مصطفى صادق

https://youtu.be/RecFI2Phhos

كلمات خادمكم

https://youtu.be/ml7b7tNDypY

بمعية ابن الزهراء ع سيد بشير البخاتي

الى محسن فاطمه (ع)

طحت ابعتبت باب الساده
يعگال الساده الما يوگع
رادوك لطفهم تچايه
محسن والله افراگك يوجع
..........................................
هلك صامو الك و اتنطروك هلال
سوالف عالولد علگو فوگ البال
طايح جن مطر لو طاح ما ينشال
برحيك وكع بس ما لگاله اسلال

گبل مينام حيدر جان يلزم سيف
حته يدربك شما تمر يمه بطيف

بس هالمره طيوفك ماكو
بسمار الباب أمأخرهن
كلما ينون يمشن يمه
البسمار بكل قوته يجرهن
......................................................
ميلادك صبح بين الضلع و الباب
وكاروك الخشب صاير گبر وتراب
يمخاوي اللحد يل ما شبگت احباب
لوضليت جا هسه انته بالطف شاب

يا شارة الساده وحوبة الفقره
ضلت حسره عدهه اتشوفك الزهره

رحت ابساع ابساع بغفله
حته تلوليك ما لحگت
انته ابنص العتبه امدد
وهيه اعليهه الباب انطبگت
.......................................................
الغيم البسمه من يمشي ما بي صوت
هيچ بسكته يمشي من اجاك الموت
عمرك بالخشب ينحسب يا مبخوت
من خشبت الباب لخشبت التابوت

بدمك من اجيت و حيدر ايلاگيك
يغسلك بيد ويده الثانية يناغيك

رايد بس حچاية بابا
وشفافك ما گالن چلمه
راد يشوفك شاب بطوله
مو بالتابوت ابنه يفطمه
......................................................
زينب جابت اگماطك يالمرهدن
لبسته بس لبسته وانته تتجفن
تحاچي بگبرك احجاراته ما يحچن
تناغي اهدومك وبلكي الله ويضحكن

دگول امحسبه للمحسن الوليله
موش لروحه اقره الفاتحه الليله

محسبه بطولك كافل ثاني
مو هيچ بسرعه اتفارگهه
نار الباب الحرگت دارك
هيچ افراگك ضل يحرگهه
........................................................
هم نعمه وزلم نصبوهه فاتحتك
بفاتحت الحسين الوگف بس اختك
وعندك ناس لمن طحت شايلتك
مو وحدك تطيح و كلهه عايفتك

همزين ورحت من صغرك لگبرك
جا كطعوا جفوفك لو كبر عمرك

اخ الطف شكد يلجمهم
لا خيمه ولا زلمه يلمهم
لهسه اثار اجدام اطفالك
موجودات بكد ركضتهم

مصطفى صادق اللامي

للمزيد  من القصائد المكتوبه
فاطميون @h_ameer1       
الرسميه   @h_ameer2
القصائد   @h_ameer3      
النسائية   @h_ameer4

#مره_ثانية_عذرا_لقلة_التواصل

#الي_محتاج_شي_اخدمه_بشي

#يشرفني_هنا 👇👇
@mstfa4

#شور_عشگ
#كرار_زاير_البخاتي

حبچ اية الله و صعب تفسيره
بلا عفوچ اتيهن انه بل حيره
اخلاف عيونچ يخّلص ضوه الديره

زهراء يا كعبة عشك وانتؤ غرامي وروحي
وبس بيچ روحي تنجرح وانت دواها جروحي
وعليچ كلبي منذبح يا سر بكائي ونوحي

مدد يا فاطمه مدد...
،،،،،،،،،،،،،،،،،،،،،،،،،،،
يا منهج عطف يصعبلي تفسيرچ
يا مولاتي تارسني عشگ خيرچ
تلوگ الدمعه الچ مالاگت لغيرچ

ضكت نفس خنگت زلم بس جان طولچ نسمه
زهراء أكبر من بحر يصعب عليه فهمه
مولاتي بلكي ب العزاء تشفعلي هاي الطمه

مدد يا فاطمة مدد ...
،،،،،،،،،،،،،،،،،،،،،،،،،،
حيل عل الجرح مولاتي ما بيه
واجزع لو يمرني طاري مسبيه
ما صارت قبل تنسبي علويه

كون اليحبكم من صدك لازم الطف يجرحه
وكون الجرح ما ينشفي واله الدمع ليصلحه
ويبقه يدور عل عزاِ وينسه شنو الي يفرحه

مدد يا فاطمه مدد .......
،،،،،،،،،،،،،،،،،،،،،،،،،،
احتارن من اوصفچ يا بخت لحساس
شسولف لو يسئلوني عليچ الناس
اسمچ تربة وجه وگفه ضل ينباس

اشكر عيونچ والخيم جي بلعزاء كمت احضر
مولاي اكتب لچ عشك مو حته بسمچ اكبر
كلبي عليكم فاطمة من صغري والله اتفطر

مدد يا فاطمة مدد...
،،،،،،،،،،،،،،،،،،،،،،،،،،،،،
كرار زاير البخاتي

#شور
#جزع

رخص دموعك بعد كثر النحيب
الدمعه كشختهه على البطف خضيب
الجان شيخ بديرته بس ضل غريب
گال مولانا الرضا لبن شبيب

(ان كنت باكيا فبكي الحسين)
..............................................................
الرايد يحب الله ولحبه ينول
خل يحب حسين و الباقي يزول
يعشگ الله اليعشگك ابن البتول
هنانه استشهد انا بقول الرسول

(احب الله من احب حسينا)
...............................................................
لو شفتك ذنبك مشه بروحك سهام
ابجي عل ضلت عياله ابلا خيام
وترجع ابيض جنك اجناح حمام
عن ابو محمد رضا هذا الكلام

(فعلى مثل الحسين فليبك الباكون ، فإن البكاء عليه يحط الذنوب العظام)

مصطفى صادق اللامي

#كل_يوم_وكل_عام
#وانتم_ع_طريق_ال_محمد
#والله_يديم_عليكم_نعمة_خدمة_الحسين

❤❤

🎙 #شور
🛑 #يا_زهراء

🎤#اداء : ملا رائد الشمري
✍#كلمات : مصطفى صادق اللامي
🎤#ذكر : سيد جاسم

🕌 - #هيئة_رقية_خاتون
- العماره - الليالي الفاطمية 1441 هج

#شور_سماعي
الى #الحجه_عج

دخيل عيونك وطولك
دخيل عيونك وطولك
💠💠💠💠💠💠💠💠💠💠💠💠💠💠
ريت اتلاكه أنه وياك
وحجيلك حزن ليام
وكلك يا وكت مولاي
علويه وتطب للشام

شلون وبيا صوره تشده بالك
صورة الطف لو سبايا عيالك

صفت بس للمصايب
تباريهه النوايب
الربت يم حضن ابو تراب
غفت هسه بخرايب
💠💠💠💠💠💠💠💠💠💠💠💠💠💠
لبيتك من ترد متعوب
ياهو يگلك شلونك
الله يعينك وشتنام
والطف تارس عيونك

گوه حلمك ياخذك للعاشر
و تفز تبچي من يهد الحافر

بديك اداري عمتك
و ترد ذيچه ضحكتك
ولكن دنيه غمه
على اهلك أخرتّك
💠💠💠💠💠💠💠💠💠💠💠💠💠💠
واگلك بوية سولفلي
وتحط ايدك على اجتافي
وتگلي اسنيني اگضيهن
اركض للخيّم حافي

أفزع لعمتي وتكضني ذنوبك
ليش كاسر گلبي مو محبوبك

اهد انه وجربتي
وتصير اگبالي عمتي
وركض ذنبك ركضلي
و يخرب كل ركضتي
💠💠💠💠💠💠💠💠💠💠💠💠💠💠
شلون اتسلم اعلحسين
و اصبع ناقص بجفه
ما شافن جمال البي
سجاجين الذبح صلفه

كتر سالم ما بقالة بجسمه
السيف جا عاتبته بس مو زلمه

كلت طولة الحوافر
تفرهد بالخناجر
الرمح كلما يهزه
يهز اشگد ضماير
💠💠💠💠💠💠💠💠💠💠💠💠💠💠
شلون تغمض بهالليل
وعمتك باتت بهيمه
يحرگون المخيم ليش
شمأذيتهم الخيمه

تباوع اعللنوگ من جابوهن
تصّيح بهيده اذه تصعدوهن

لقصرهم گوه طبن
علاويكم يونن
ورقيه تبجي گامت
واليشمتن يضحكن
⚫⚫⚫⚫⚫⚫⚫⚫⚫⚫⚫⚫⚫⚫
✍مصطفى صادق اللامي