https://t.me/abdalhassan313
اضافة لقناة خادم الحسين صلوات الله عليه
من بعد طلعة حسينك عشت حاير
عشت حالة حرك خيمة
وشفت بالطف ركض حرمة ومنو الحرمة
حرمة بت اكبر امير
حرمة اخت شيخ الجبير
حرمة اخت اعظم كفيل شماا يصير
حرمة شافت راس اخوهه
وحرمة شافت راس ابنهه
وحرمة شافت كل اهلهه ابين نار
بعد ياحيرة تحير
ومشو بيكم ارض غربة وغربة احد من السيوف
مشو بيكم عطش جوع والشمس مثل اللهيب
بالك يحير شيشيل يشيل اطفال وسبوهه
يشيل اميرة واسروهه
كون كل ذني الكلتهن بيهن امشي الاربعين
كون اصير بكلب احر من الشمس
كون اعطش يم عطشكم
وكون احتار بمسيري مثل ماانت تحير
هذا حال الأربعين المفترض لازم يصير
كون من امشي احس بقافلتكم بالمسير
ولمن اوصل كربله جابر اصير
لازم اتلكاك اشعث اغبر وحافي وكسير
وكون يوم الاربعين بعين كلبي
اتخيل الرجعة اللذي مامنهه رجعه
ظعن رايح من بعد موت الشهيد
ظعن راجع بي نقص باهل الشهيد
ظعن خالي من رقية
ظعن مالاكين بي خولة وصفية
هذا حال الأربعين...

#لشهيدة_الاشتياق

ليل الشوگ جروحه تبين..من دمعي اليتجاره
للزارت والدها وماتت..كلبي يريد ازياره

يمته زيارة موت..صحنج ازورنه
يالتعباج الشام..يتعبني اريدنه

بذيج الازقه اجروح..من مر ضعن وياج
شلاكوج هاي الناس..وانتي بورد ملكاج

خشن جان الشام كلش..طاحن احلام الطفولة
وين راس يلاگيي بته..ووين ابو يمشي اعلطولة
جمر نشغه من حسرتج..يمته يا مولاتي انوله
__
انه اليوجع گلبي بصحنج..يم الشام وقصره
يعني شما فزيتي وشفتي..تلجمج هاي الذكرة

تشوفينة وتذكرين..شبي دارت امن اجروح
ابن الدعي مرتاح..وابن النبي مذبوح

ما تخلص الاهات..دام المصاب وياج
دون البنات انتي..يم القصر مثواج

كل خوات بصفحه ماتن..وانتي وحدج يا رقية
مو قريرة عين نمتي..بصفج اقصور ال امية
اخذيني روحه ابلايه رجعه..ويمج تصير المنية
____
ناوي اكتب عن شوگي لصحنج..بس شوگج لعيونه
خلاني اخجل من مي جابو.صحتي حسين شلونه

يالساگي امشي وياي..خندور ابوي حسين
خنشوفه شارب ماي..لو شربة ماي العين

مديتي ادين اصغار..وراس التودي فوگ
بكل الطفولة البيج...جنتي جبيره شوگ

يمته امد ايدي اعلبابج..وابدي اتخيل مصيبة
بين رمحه وبينج انتي..المسافة شكد قريبة
وما تلاگيتو بدربكم..عاشك امفارك حبيبة
__
لزيارة امن ابعيد تواسي..لگلوب المجروحه
ومن عندج تعلوم الزاير..كون يموّت روحه

ازيارة جرح ودموع..سنيتي للخدام
امن زيارتج لحسين..فوكت الطشت بالشام

صيحتي علويات..فرشن عبي بخربة
لا يوصلنه حسين..وهالمجلس يتربه

هذا مو كدرك حبيبي..صحتي من طب الخرابة
شيبك بگلبي مكانه..مو تغطيك الترابة
گلبي لجروحج رقيه..خلي رحلة اغترابة

اللحن👇

دعوة للبكاء في ليلة شهادة الحنونه

زلم الضعن حاچونه..تنامون تتلگونه...؟؟
انه ادري ليرد لاهله..يلگاهم يتانونه

جايبه الروس بلهفتي
وگمت ادور ملگه منكم
صيحة المستحية اصيح
لا تفززكم اختكم
ادرو متوا وانذبحتوا
بس أمل عندي بلبنكم

الينولي ويحشم اخوته
من يصيّح يذبحه صوته
گوه احشمكم يخوتي
_____
بآخر امل ضلينه..تفكون حبل ايدينه
ولكربله تحدونه..ونرجع مثل ما جينه

نرجع بريشات كافل
ورايته تكسر علينه
مثل ما جينه امن اهلنه
نرجع ابلا حبل ادينه
صعبه ينكلي غريبة
ابيت اخوي البالمدينه

حته لو ذب حبل اديه
فكدك يضل جرحه بيه
فگدك اخشن من حبلهم
____
مشتاكه بس خجلانه..رديتلك حيرانه
يحسبنه خاف الكافل..وماكو بنات اخوانه

ابلايه خولة ولا رقية
ولا صفيه ولا شريفه
سكته ناحن سكته ماتن
النشغه تكتلها العفيفه
شجره ضعني ووكتي مايل
والسبي اعلن خريفه

زينب وردت كسيره
جان موتي ديره ديره
وجيتي الكم هاي موته
_____
جية العتب مو لوني..الجاباني شوك عيوني
مشتاكه واطلب منكم..عن طلعتي تعذروني

العذر منكم يا غياره
عن طلعتي ابلا حماكم
عن شكو نسمه غريبة
طبت لريتي بجفاكم
والوراكم عمر تمشي
نامت بخربه وراكم

ابرولي ذمتي يا هواشم
عرفوا اسماء الفواطم
وغربة كامت تحجي اسمهن
___
الروس ندفن بيهن..ودمعاتي تجري اعليهن
يم يا جرح من نحرك..شيباتك نخليهن

انعه وافرح جبت راسك
يعني دفنك كمل هسه
وساعت الانضر جراحك
فرحي مثل الموت احسه
مغسله راسك يا حبيبي
بدمع عيني الما احبسه

تراب كبرك راح اهيله
وادفن العشره الطويلة
اموادع اجروح وسبيه

يا قاضي حاجات اليدك بيبانك
الحاجاته انته منين يبدي يطلبك

مولاي احبك بس بعدني شما زور
ايدي اعلشباجك واطلب حُبك

امتانيك تعصم دمعتي بنضره عين
وترفع الحاجز بين گلبي وگلبك

موكب عطش يحسين انصب بالروح
وخلي النوايا البيه ماي اتشربك

مرات ابجي لغربتك وانعه الصار
ومرات دمعاتي التطيح اتغربك

مرات يم بيتي واحس قربي عليك
ومرات يم صحنك واخسر قربك

ما مفتهم قانون حبك مولاي
ولا اعرف شركض اجدامي بدربك

انته السهل واول سهل ما مفهوم
وشلون بينه لو وصلنه لصعبك

الطير الذليل الجنحه كالو معيوب
مهيوب صار امن ننحسب وي سربك

بعيوبي يا مولاي حسبوني عليك
ولهسه محتار الگلب شيحسبك

محبوب والد غالي مالك للروح
احتاريت دمعي اعللوجن شيكتبك

ومحتار يا باب الادكه والكاك
الحاجاته انته منين يبدي يطلبك

مولاتي#العليلة
ورجوع الضعن الى #المدينة

من كالوا ضعنكم بالدرب جاي
كعدت اعللدرب احسب بالضعون
باب البيت عفته بضهري مفتوح
وحضرت المكان البي تكعدون

اسولف ويه كلبي وانه اتنطر
بيا لهفه يصدلي من يجي الاكبر
وكبران الطفل يرجعلي اتصور

رحت امسح خشبة كاروكه..وعطرته وحطيت اوساده
هنه اشجم يوم شجم ساعه..وعامر يرجع بيت الساده
_
وشكو حاجة تحبها اختي رقية
اباب الدار بيدي حضرتها
طفله بعمري تتعب من سفرها
وراحتها بنزلها يم اختها

خذتني ام البنين ولزمت ايدية
وكالتلي الضعن هسه على جيه
ومن الفرحه ما عانني رجليه

واتذكر خيّاله اخواني..حاطو عماتي وهودجهن
ويا هسه ترد الخيّاله..الجانت تمشي النوك بسدهن
_
بله خيّاله رد ضعن الغياره
والاوجوه المشن مو هنه هنه
وحته النوك مو نوك الهواشم
ما هنه هزايل نوك اهلنه

وين حسين ابوي الطوله خيمتنه
وين الراية ذيج الفوك عمتنه
بيا هزله التجي الكه رقيتنه....؟؟

لا رايتنه ولا حاملها..ولا طفلتنه الجوه الرايه
وين حسين ووين الاكبر..مو كال ارجع وانطه حجايه
__
حلم ريته حلم مو ضعن الاحباب
ابد هاي العبي لا مو عبينه
راحن بس سواد ايخجل الليل
حمر يا وسفه ردّن للمدينة

اسئل بلكت تكلولي متحلمه
ساعات ويرد حسينج وزلمه
بدورة وجهه تخنك طفلته النسمه

مو يدري امحضرلته اثيابه..وبيدي امعطرتله امصلايه
يا فرحة الما تمت بوية..واول فرحة تصير قرايه

الى مولانا الشهيد
#المُحسن_ابن_علي

اول شاهد اعللصار
يروي عن هجوم الدار
نشغه محسن تسولف
الحدمن واصل البسمار

اثار الجريمه..طفل بالعتبه دامي
شاهد عالمصيبه..ويعرف بالاسامي
ياهو الي دفعها
منو كاسر ضلعها
منو نزل دمعها
يعرفهم المحسن

كل ايد انمدت زجر
كل دفعه موت وغدر
يعرف محسن بالسبب
شخله عيون امه حمر

شهيد وشاهد اعليهم
وجوب العن بأساميهم
_
ما شم الهوه وذبلان
اول شهكه اله دخان
سابگ ولد ابو عالموت
وصار اول نعي وقربان

مذبوحه الطفوله..ابسمار الهضيمه
قبل السم والطفوف..بيك اول جريمه
الاحقاد الدفنية
ومنو بگلبه ضغينه
الضد دار الحنينه
يعرفهم المحسن

جرحه و حقه المغتصب
النگلو كارات الگصب
اتلث تيام اهل الحقد
تحط يم بيبانه حطب

الجهنم مستقر ليهم
وجوب العن بأساميهم
__
محروم الطفل محروم
دللوه ما سمعها بيوم
ما فك عينه وسط اكماط
فك عينه بحرگ ودموم
تكبيرة ولادة..محد بأذنه كبّر
الشوفه الاولى لأمه..خدها صاير احمر
اسباب الضلامه
بخدها والعلامه
السبلو هالسلامه
يعرفهم المحسن

الأم شما تدنه الابن
يدفعوها اهل ال وأن
بين الدم بين الدفع
جان اموادعهم خشن

الگلب غيري ارتضه بيهم
وجوب العن بأساميهم
__
بعينك شفت ابو الحسنين
اموصه امقيد الجفين
ردت تنصره بس الحال
حدك بس نضر هالعين

عشت اهات الحسين..من وصلوا خيامه
حاول مثلك هواي..بس ما صح قيامه
صرعه بس غياره
حسين بكلبه ناره
والقصدو خماره
يعرفهم المحسن

باب الزهره اعليها شب
ونيران اخيام ولهب
كل حادث لال النبي
شيخين الفتنه السبب

الحقد اول فتاويهم
وجوب العن بأساميهم