#دكة_ونص_شور
لسيد العشق

اول مره حب وكره ضل بيه
باب الكاسر امن ضلوع جوريه
كرهته وعالمك خلاني اتغير
واحبن طاري بيبان الحسينيه

وبداخلي يابوعلي امنية واحچايه
معروفه كافور وجفن بالكبر ويايه
بس انه خلولي ترب من جدم مشايه
ايها الغريب ايها الغريب
_
ندري الابو كل حنيته لاودلاده
بس انته التحن عالخدم كالعادة
طبع الشيخ ما لفاهه كل الناس
بس انته تلفي العام والساده

كل المشايخ لو حچوا ينكسر محچاهم
ورغم انته ساكت سيدي احچ‌ايتك فوگاهم
شكد طيحولك وانته ابد ما كاعد وياهم
ايها الغريب...ايها الغريب
____
برداً كوني يا نار اقره هالايه
حسب فقه النواعي وفقه القرايه
يعني الله بدّل نار ابراهيم
بحطب وبنار موكب مال مشايه

والخادم المر بضرف يلگاك تچايه
كل هاذ سويته الي احجيلك حجايه
لاجلك اسوي دنيتي من اقرايه لقرايه
ايها الغريب ايها الغريب
__
كأساً زنجبيلاً نسُقى بالجنه
وشراب الكاس كلش زين اعرفنه
شراب الكاس اقسم چاي مشايه
وبس اليدخل امطين شرب منه

طين الترب اقدس دوه للمحترگ گلبه
واليلگه روحه بمجلسك يعني رضه ربه
الما مغتربلك سيدي عمره خلص غربه
إيها الغريب إيها الغريب
_
عشيّق النبي ليعشقه صبح ديته
والرابي بمجالس يعني تربيته
خرز سبحه ويطشرنه الوكت ونطش
ويرد يلمنه كلنه باربعينته

اجتافي وكبرتي وهيبتي من زاد موكبكم
غرگت مراكب هالخلگ وضل يمشي مركبكم
يهل المراجل والهلا امچلب بشاربكم
إيها الغريب إيها الغريب


مصطفى صادق اللامي
@Mustfa2k 👈👈 اللحن

مستعد اخسرها كلها حته اربحك
ليش اصاحب ناس تتچه اعلرمحك
الليله راح اسهرلك وابدي اقرر
(لوجرحلك گلبي لو ابقه اجرحك)

كون ما جامل بدمعي...لو احب لو ما احب
ليش اضحك لليكرهك...وانته بعدك منسلب
اخذ گلبي ويه ضعنك..بلكت الله وينهب

هاك عيني ووكت سهمك بيه شوف
انته جرحك ناس مو جرحك سيّوف
من اسولف بيك كون اعرف شگول
گبلي هم غدروك يحسين بحروف

اخذ ناسي انطيني دمعك
انطيني بس الجاسه ضلعك
كافي اسمع حچي العالم
ارد اگضي الباقي اسمعك
________
گمت احسك بس وجه ماتنطي ضهرك
ما اريد ادعّي بيك انوب اخسرك
ما اريد باسمك امشي وگلبي اسود
العطش هم جان بيك واخذ عمرك

اسري بيه بسمه حزنك..خذني يم سابع دمع
كون اوصل يم خيامك..قاب قوسين وضلع
ووين ما گلبي اطشره..بگصب نعشك ينجمع

كون اصاحب غربتك واندلهه وين
الما نطالك گلبه ما انطيله عين
الما يقدر الحسره من تطلع عليك
شامر احجار اعلضعنك يا حسين

اخسر لخاطر رقيه
اقرب الناس العليه
الدنيا ملك الري حبيبي
ولو محبتك لو امية
__________
وين ما غثتني ناسي اذكر رحمتك
عيني ضيگه ووسعت لخاطر دمعتك
كافي افتّي بخدمتك حته ارضي روحي
كون اقرر لو مزاجي لو خدمتّك

گصب نعشك فييّه فوگي..وانه جواه بس نسيت
وياهو حارگ بيته گبلك..حته يكتب جرحي بيت
طلگتلك شاعريتي..وجية امجدي اجيت

هواي ناسه الحر قبل ما تاب ليك
وعافهم كلهم واجه يدور عليك
شيلني امن الناس خليني وحيد
شلون ما عبد الله شلتّه ابين اديك

شلون اتوب اسنين اسئل
وجاوبتني جروحي بالحل
الناس متوبلي گلبي
الغربه باب التوبة الاول
__________
من اجامل بيك معناها غدرتك
والدليل الماي جامل على شفتك
كافي اهم لحچي الناس وانسه حچيك
خل يكرهوني ولا اخسر محبتك

راح اغربل گلبي كلش..لحد ما اصفه بقرار
انته تخطب بينه كاعد..وكعدتي بصف الانصار
حدي لليل واعوفك..لو احارب بالنهار...؟؟؟

حسك سعدان التلمه هم اگوم وياك الم
لوجمَل اخذ الليل وابقه بالروحه اهم
كون كل موقف اخير روحي هيج
لو من العافوا الخيمة لو بسعين الزلم

الراد يربح روحه الكم
لا يحط شركه اعلحبكم
خل يخير گلبه ويحب
لو دنيته لو حزنكم

مصطفى صادق اللامي

https://t.me/mustafaali23

قريباً قصائد محرم الحرام

#شور_دكه ونص

بابك دوومه ضل مفتوح..معزب يابوعبد الله
عدد خطارك اكثر من..عدد خطار بيت الله
فرق بيهه نحسهه هواي..ابابك لو بشر صلّه

جيت ابابك عبد..واحزامي ليك اشد
لا سامح الله من..تطردني ما ارد

واليعوف الدرب..اضن ماله گلب
نضيع ابلا عزه..مثل صيحه بحرب
_______
تترسنه هلا مولاي..وانته الما گلت كلمه
حته البالغلط مر ضيف..بسفرتك سيدي تلزمه
ليش اليمشي يخدم بيك..تخلي الوادم تخدمه

نمل من الهوه..نمل من الضوه
وابد لا ما نمل..من نمشي لنينوه

العزه من ينصب..سوة كلنا نطب
صح هواي العدد..ولكن فد گلب
__________
سفرتك ما تكفي الضيف..تفيض وترجع ازياده
وحته اليوگف يعزب..تكرمه وياخذ امراده
من بيوتنه لبيتك..على احسابك يبو الساده

يابودمعي الصدگ..خليني احترگ
وانطفه اويه الخيم..وما ينطفي العشگ

منذ الازل عهد..وما تنكضي بعد
فطرس مشاية اجاك..لمن جنت بمهد

_________
عشگ روحي يمذبوحي..يبعد الروح والريه
انه وكل هذول الناس..فدوة لوگفة ارقيه
ما ارتاح اله امشي..العزائك انه يومية

بعزائك گلبي راد..تنضفه امن السواد
غيري منك يريد..وبواچي گلبي راد

امتعبتني هالنفس..ويمك حنان احس
هيج وتصير الي..وبمجلس انحبس
_______
راح ابچيك ما مذبوح..راح ابچي اعلحنيتك
لبيت الله تروح الناس..وما تلگه مثل بيتك
يمنسيني حته اهلي..امن امشي بأربعينتك

والينسه كل هله..ساحرته كربله
ما سامع بملك..خدامه امدلله

شما موكب انصب..يشعلنه كل حطب
الروحية تختلف..امن نحط طين الترب
__________

اللحن 👈👈 @Mustfa2k

حساب الانستجرام
https://instagram.com/mp_sp1?igshid=YmMyMTA2M2Y=

معرف الانستجرام
@mp_sp1

#ثكيل_للأمام_الصادق عليه السلام

حلم..ركعتين الزياره بصحنك العامر
حلم..صحنك بي لشبه لحسين بالعاشر
شما توكف اتطيح المناره
والشيعه محرومه الزياره
يا جعفر الصادق..يا جعفر الصادق..
_
المريض يسافر..لطبيبه ويحصل دوه
ومريضك انه..ولزيارتك كلبي هوه
علك عازلك..بس وين اشده من اجي
واباوع كبرك..وي الترب صاير سوه

ولو زرتك صدك مولاي..خجلان اكعد بكترك
فشله اكبور اهالينه..صارت اعلى من گبرك

حلم..من نفسي اللئيمة اشكي بعتابك
حلم..اخذ صوغه لامي امزوره ابابك

گبور اهلي اعلى شكد جساره
والشيعه محرومه الزياره
__
لنفرض جيتك..وارسملي گبه اعللترب
الهوه يخربهه..اوي ال النبي كلشي حِرب
الزياره اقراهه..يم يا حجر من الكبر
وشدك واستأذن..وكل باب الك ماكو امن اطب

محد قدر النعمه..النعمه بجفنا واتبدت
بوب التوبة تفحلي..بوب الصحنك انهدت

حلم..وحلم ازيارتك سيدي يبجيني
حلم..اصد لمع القباب وتنترس عيني
لبگلبه جمره اتعيشه ناره
والشيعه محرومه الزياره
_
من اطب للمجلس..يالصادق بدمعي انكسر
مكاني شكبره..وما عندك لصحنك كتر
الفضل من عندك..من كمت اجي لمجلس
واشكرك حاير..وكل شكري يحتاج لشكر

بفضلك عندي صاير بيت..وصحنك بالترب صاير
يالمعلمني ازور حسين ..ما يمك ولا زاير

حلم..شلون الناصبي يحرس على حدودك
حلم..وين الجعفرية ووينها جندوك
كلب اليحب وينه قراره
والشيعه محرومه الزياره
__
الوصال يدور..عاشك يضحي بكل وكت
ورقية الشاهد..حبت وماتت عالطشت
ردت دعوتهه..تدعيلي ما اضيع فرص
اذا اوصلك..ما ريد ارد نفس الرحت

فرق ازياره المرتاح..عن ازيارة العاشق
وملهوفه تجي الزهراء..تزور بجعفر الصادق

حلم..قبل لا احلم بسجده على عتابك
حلم..كون احلم شلون ابني أنه ابابك
بنيانكم حلم الغياره
والشيعه محرومة الزياره
_
بوجاهت امك..من الله نطلب هالطلب
البقيع نطبله..عماله ونشيّد الگبب
اذا شاء الله..وصار البناء بحضرتك
العطش من عدنه..ماي امن ابوصالح شرب

طلب لو بينه ذره حب..يصير ومرقدك يشهد
الحب يخلق معاجز كون..ونريد اعجازنه الغرقد

صدك..ما ريد الحلم واقع اريدنه
صدك..ما ضل شي بناء الصحن مطلبنه
والحلم يتحقق مساره
والشيعه محرومه الزياره

مصطفى صادق اللامي

اليكدر يلحنها يرسل اللحن ويكون متفضل👇
@Mustfa2k

#ثكيل
للسيدة المليكة نرجس عليها السلام

أني اريد يا مليكة امان
مستمسكاً من طارق الزمان
بكهف المهدي البي انصاره آويني
حب اكبر من قال الراوي انطيني
___
گلبي ادخيل ابابچ نرجس...ضمي عن نفسي الآماره
وهوه الله بعضمه ومنزلته...ضم يمچ اخر اسراره
علمي عالحب النصراني..البأول نضره تصير اقداره
وكون اول ما شوف المهدي..انه وگلبي نصير انصاره

علميني اتهجه حجي الغرام
كل خوفي اصدله وما اعرفه امام
من يحط عيونه التزهي بعيني
حب اكبر من قال الراوي انطيني
__
يالربج اخفالج حملج..ابقداسج مجروح اتذلل
يا ريحانه گلب المهدي..گلبي شوي شوي ضل يذبل
اخفيني الدنيا اندلتني..ومن خدمتكم خوفي اتبدل
بجاهج راح اطرق باب الله..لا يستبدنلي بغيري اسئل

موتي ولا استُبدل واروح
انطيني فرصه يا مليكة انوح
ارد ارجع ذاك الكلشي يبجيني
حب من قال الراوي انطيني
__
محد يندل عالم حبج..يا نرجس بس دليتني
انه المحد يقبل بيه..نعملّه اعليج اقبلتيني
انه الجان املثگ گلبي..ومن دون العالم جبتيني
ومعروفه المذنب يتعاقب..بس ليش اذنب وترحميني

جويني حته ارجع صدك احب
اقسى عذاب الرحمه عالذنب
برحمانيتج جاي انتي تعذبيني
حب من قال الراوي انطيني
_
العاشگ ما يوصل معشوگه..اله ايحرك شوگه اونينه
وعالمهدي مكلفج مولاتي..ام و تمونين اتحاجينه
يالمسجونه لخاطر طولة..ميردج من اتطلبينه
لو يضهر باجر مولانه..خل يقبل يا نرجس بينه

ولو الله شاء وخلص العمر
يردني لنُصرته وانه بالگبر
شاهر سيفي ومتجفن صدگيني
حب اكبر من قال الراوي انطيني
__
حبيتج بس ابقه مقصر..امن القلة انه الي يذكرنوج
اعتب مولاتي اعله امثالي..ينسوج وما يندلونج
بسامره ومحد دك بابج..بس وين وقلة اليزورنج
ام اخر معصوم لله..ووسفه العالم ميعرفونج

وين انتضاري لصاحب العصر
وانه امه ما خليهه بالذكر
عن نسياني لقداسج عذريني
حب من قال الراوي انطيني


#مصطفى_صادق_اللامي



اليكدر يلحنها يراسلني
@mustfa2k

بعض من قنوات التليكرام لشعراء ساداتنا أهل البيت ( صلوات الله عليهم )


حيدر الموسوي

https://t.me/hidar_almosoy

~
مصطفى علي الموسوي

https://t.me/mustafaali23

~
سيد احمد الموسوي

https://t.me/Ahmadal430

~

سجاد الكريزي

https://t.me/sajjad_algreazy
~

احمد عباس المياحي

https://t.me/ahmadabasa

~

مقتدى كريم الركابي

https://t.me/Muqtada_Alrekabi

~

علي هادي الخزعلي

https://t.me/alihadi2334

~

منتظر الجنابي

https://t.me/montathr2000

~

ابو نوح الكناني

https://t.me/abonoh1

~

ضياء ستار الفرطوسي

https://t.me/ZSJ11

~

حسين الفاطمي

https://t.me/HuseenAlftme

~

احمد رحيم الكعبي

https://t.me/aklrh

~

مصطفى سلمان

https://t.me/kmarbnehashm

~

عبد الرحمن الفضلي

https://t.me/abdulrahman1m

~

عبد الله الفريجي

https://t.me/abdullaalfregy

#شور_فزعه

يا حسين.. اطلب وانته الكريم
يا حسين..بگلبي مجلس فدوه قيم
يا حسين..جرحي مو ذاك القديم

مشيني اعمه ومشيتي حبيبي وراك
كل خوفي ريتي تفارگ محنه هواك
بشهوة شبابي خساره ابدل عزاك

غلطان وجاي تحكموني
بصحنك يا ريت تسجنوني
لو ما خادم صاير اسمي
الله اليعلم شيسموني

بفضلك اباهل بالشباب.. يالمنتشلني امن الخراب
____
يا حسين.. فجأه بارد حبي صار
يا حسين..ردني ذاك الجرحه حار
يا حسين.. اليخدم بالليل و نهار

تبردلي بالي اذا تجوي جرحي بخيام
ردني هذاك الدمعته اعلخده وينام
اسبي دمعتي اعلناعي يصيح يشام

فر وجداني بنوگ الهّزل
ميت گلبي ويمك يعدل
مو شرط الأول تعدادي
شتعدني وياكم انه اقبل

قابل تحطني اخر اسم.. مختارني انته المهم
____
يا حسين.. ارحمني وانه بروحي الوم
يا حسين.. وردني ذاك اليبجي دووم
يا حسين.. اليذكر اسمك من يگوم

گلبي يودي وأنه بگلبي گوه اجيب
رجعّت خساره ادنگ واجيك بنحيب
اويه الما يخدمك احس روحي كاعد غريب

ابنادم اكبر غلطة بعمره
يعوف عيونك يبن الزهره
والغلطه الاكبر من عدهه
يحسب نار اخيامك شهره

والعاشك بُحب وادب.. هذا صدك يتسمه حب
___
يا حسين..شما كبرلك مو جبير
يا حسين..طفل بالخدمه ارد اصير
يا حسين..اكسرلي جنحي خاف اطير

الدور تجاره بجراحك يضل بالاخير
العاشك ضماك شيريد شيحاول يصير
عرشك حصير ومتت شيعوك بحصير

لهسه وثوبك باقي بدمه
العنده امصاب يحير بهمه
مو عايف جرحه وخيماته
ويبقه يدلل بأهل الخدمه

لو اهجر احسانك واروح.. من هسه لتخليلي روح

#مصطفى_صادق_اللامي

‏مقطع صوتي من مصطفى صادق اللامي

#مولد_الضامن
لمولانا #علي_ابن_الرضا عليه السلام

بمولد الضامن وثامن الساده
كل گلب كل گلب اعلن اعياده
الليلة ميلاد الرضا..الليلة ميلاد الرضا
...............................................................
يا أنيس انفوسنا وحبنا وقراره
الفرح مثل الحزن هم بحراره
كون كلمن يفرح ترزقه ابشاره
لمشهدك يا سيدي يحصل زياره

نبتهج نبتهج بهجة ميلاده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
ليوم ميلاد الرضا انطر واتاني
فرحتي تقربني من صاحب زماني
ابتشارات وهلا ونحسب ثواني
ينولد مولانا ليحقق لاماني

يا هلا يا هلا والمحب ناده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
يا عزيز اختك المعصومه الكريمه
فرح گلبي بمولدك مولاي ديمه
الشمعه من اشعلها الك تنطيني قيمه
ورجعتني رأفتك فطرة سليمة

سيدي سيدي يدلل الراده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
يا شمس طوس الابد ما قل ضواهه
يا روؤف التكرم الحب والوجاهه
يا أنُس روحي وغزلها ومحتواهه
كبتك تحرك مشاعر من هواهه

واليحب واليحب يطلب امراده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
دمعة الفرحة عزيزه اعلينه تصبح
وگلبي وي سلطان عشگه بدمعه صرح
انه لو ما افرح الكم المن افرح
غلط كلشي بدنيتي وبس انتم الصح

والبجه والبجه سيدي زاده
كل گلب كل گلب اعلن اعياده

الليلة ميلاد الرضا..الليلة ميلاد الرضا

مصطفى صادق اللامي
اللحن👇👇

لحن ((مولد الضامن))

🌺 يوم واحد حتى ميلاد الإمام الرضا عليه السلام

حساب الانستكرام يتم نشر اسئلة حول حياة ساداتي

وقريباً مسابقة #الغدير
بجوائز ثمينه

https://instagram.com/mp_sp1?igshid=YmMyMTA2M2Y=

#ثكيل
#ليلة_الخدمه

" من وجد برد حبنا على قلبه فليكثر الدعاء لأمه ، فإنها لم تخن أباه " !
الإمام الصادق (ع)
بحار الانوار ؛العلامه المجلسي
ج٢٧ ؛ ١٤٧

ادعي لامي اعللحليب
ضگتك بدرهه حبيب
جاذبيت الحب لبنهه..اشكر الله صرت ابنهه
............................................................
ابطن امي وطول اشهرهه التسع
غير القرايات ما عدهه طبع
البچي البيه انگطع وامي تصب دمع
ان شاء الله حبل السبي هم ينگطع

من الثواب البالعزه..ابطن امي تغذيتي
من عالم الذر للرحم..ضل مجلسك بيتي

علمتني ابچي عليك..وانه صارت روحي بيك
خدمتي وارثهه عنهه
اشكر الله صرت ابنهه
.....................................................................
قبل اول شربة اليه امن اللبن
شدت بجفي علگ من الصحن
منهه نذرتني ومدامعها جرن
لكل مره مضيعه ولد من الضعن

وانه اعلدين امي صرت..تحيّني تعزيتك
يحسين رباني اللبن..وحسبوني تربيتك

من وعيت وشفت نور..علمتني الجمعه ازور
الخدمه صارت ديني منهه
اشكر الله صرت ابنهه
.....................................................................
اصغير وجانت تكعدني الفجر
بيدهه تحزمني وانه المبتشر
امن الطفولة لهسه امي اعللنذر
العشره الاولى( بجمرته) يضل الجدر

شما نطبخ نصد صورتك..متعلگه فوگانه
وعدنه عقيدة ومعتقد..بالزهره ويانه

وجنه وي جدرك نفور ..نكابل الصورة ونزور
وچان موكبكم وطنهه
اشكر الله صرت ابنهه
......................................................................
شما كبر زنيجلي وياه اكبرت
وبين نعيي امي ونعي الناعي عشت
من حضنها لحضن مجلسكم رحت
يعني ابنكم  وابن دمعتكم صرت

مثل العلگ ياسيدي..يشدني اسمك والتم
واترجه يگرب عاشرك..وقمصانك ابلا دم

وكل سنه تنعاد هاي..تريد ماي وماكو ماي
وامي ما فكت حزنهه
اشكر الله صرت ابنهه
..........................................................
الحمد لله فطرة امي فطرتي
الحمد لله بس مجالس عشِرتي
وياك يربطني الحليب ودمعتي
من هوان الدنيا اعوفن خدمتي

مولاي انه ودمعتي..امن الزهره للزهره
وندري احنه باليحضر عزه...بگبره تجي تحضره

وراح تحضرني واشوف..طولك وما بي سيوف
بفضل امي وفضل ونهه
اشكر الله صرت ابنهه

اللحن👇👇