#ثگيل
لمولاتي رقيه

للموفق سيد فلاح الموسوي

ايامنه الراحت ومامش جيه
وراحت وياكم لذت الحنيه
مشتاكه كلش ليك يا ضي عيني
أمنيتي ترجع مره وتحاجيني
يبويه. يبويه. يبويه

........................................

غربه الشام بويه وصلفه العيون
نبجي بلا دمع على نوك يردون
حمره عليك صارت حته الجفون
نرد بلايه طولك باجر شلون

يا بويه متعوده عليك
شنهي البجسمك ياذيك

يا جرح منك يوجعك دليني
امنيتي ترجع مره وتحاجيني

.........................................
بويه عليك متعودين يحسين
اجينه وياك بس وي غربه ماشين
وفوك جفوفنه صارت نياشين
صبت مو دمع دم صبت العين

من روحتك دمعي يسيل
ما حسبت عني تشيل

اشلون بويه لوحدي تخليني
امنيتي ترجع مره وتحاجيني
....................................
بدلالك عايشه ومتعوده عليك
يبويه انه شكثر مشاكه احاجيك
كل ليل اليمر ضليت اتانيك
هلبت ترجع وماكو جرح بيك

تنزف وما ضل دم بيك
خافن جروحك تاذيك

وشلون باجر من تصدلك عيني
امنيتي ترجع مره وتحاجيني

.....................................
من اهد حرك الخيم ما شايفه النوم
تاذيني الجروح وكلبي ملجوم
اسئل عمتي عنك بويه كل يوم
من دم اذني صارت حمره الهدوم

تنزف بجف ايدي جروح
جا شلي بعدك بالروح

وياك ماتت بويه كل سنيني
امنيتي ترجع مره وتحاجيني

سيد فلاح الموسوي

ماكو ماي...الشام صيّح ماكو ماي💔💔

https://youtu.be/-ikiEZ6O-Ts

#شور_سماعي

الشاعر مصطفى علي

شگد هظيمه

رد ضعنكم صوته خاوي
وهايه ناگتكم غريبه
لايعمه انه الغريبه ..

هايه ناگه واله حادي
الحادي ذباح المصيبه
اي يعمه ومو عجيبه

احنه بالخيمه وسمعنه
دوسة الحافر جريبه
وناكع بدمه مشيبه

ناگه ناگه وباوعي بوجه النوگ
وانشيهن لمن طبينه بسوگ
هزله من تعثر تهز راس حسين
ومن تهز الراس يلتم الشوگ

واتخيله يگلي هظيمه
يابو علي شوف الضليمه
فرو حريمك هيمه هيمه شگد هظيمه
__________________________________________
بلا هوادج رجعونه
عمه هل رديت ابشرچ
بس اسمعي وخل اكلچ

احنه كل مانمشي نخسر
بالخرابه وماتت اختچ
وياي الطمي ماتو اهلچ

گومي احسبي زغارنه وعوفي ال ليش
وشوفي ياهو الميت وياهو يعيش
شكد خسرنه بغفله وزغار تموت
كلها ماتت ماجزه صواب بريش

ياعمه احسبي شجم غريبه
وياهي الي كتلته المصيبه
هذه الضعن قصته عجيبه شكد هظيمه
__________________________________________
عمه لاردت رقيه
لاعبد لاعز دلاله
سولفيلي شنهي حاله

عمه لاتحچيه ميت
زغير والموت شحجاله
شسوه وشمر اعله باله

وانه اعاين عل ضعينه
البالضعن كلهن ثچاله
العازه يانهر الكفاله

عمه شحسب ضعن بس دم وحبال
لياخساره والخسارات ثگال
ثمانين صعدو بالضعن بس زغار
دمهم غبش ياعمه عد يا كتال

جا ماخذيتوني لحزنكم
وضليت اذب حيلي بدربكم
خليني اشم ريحة خيمكم. شگد هظيمه
__________________________________________
بيهم الجتاله حافر
وبيهم الضاع بضعنه
عمه ولله شگد نشدنه

نعثر وننشد عليهم
نوصللهم ماگدرنه
راح حيلي وما وصلنه

راح اسولفلج هظيمه
بل خيم لمن گعدنه.
يمنه ماي وماشربنه

گطعو الماي اوذرو وين الزين
وحسين شيخ الدنيه ماضل حسين
هاي انه زينب ماشفت عتبت باب
اركض ومادري يعمه اركض وين

شرد احجي عمه من سبونه
وبذبح اخوتي عذبونه
بين المخيم ضيعونه شگد هظيمه
_________________________________________
مات ابوي وردت اگله
ماخذيتوني بضعنكم
عل اقل جا ودعتكم

چانت الناگه اعله بابي
وما خذيتوني لحزنكم
صوتي للطف ماوصلكم

الغربه البليله رقيه
بيه لمن ضيعتكم
بويه ولله استاحشتكم

جاهم متت وياكم وماضليت
ولاعدلت بمجانكم وسط البيت
شو من اكولن اهلي راح يردون
تبجبي بحزن مكسور حيطان البيت

ياموت اليبرد دلالي
وياسيف اليبوگك يغالي
كونك شفت يابويه حالي شكد هظيمه
_________________________________________
#مصطفى_علي

https://t.me/joinchat/V2xa5XKjnVXoKdoF


يدعونني خادم😔

(هلبت استحق هذا اللقب)


شاعر حسيني

#شور

مولاي أمير المؤمنين (عليه السلام )
بعد استشهاد مولاتي فاطمه الزهراء (عليها السلام )
<<<<<<<<<<<<<<<<<
ابتدي شلون
تلجم قصتي
وتهمل دمعتي .. بغياب الاحباب

ابعمر الازهور
يا املاك السمه
ماتت فاطمه .. من عصره الباب


شيريد مني .. اثم زماني
هدالي حيلي.. وما طاوعاني
تمنيته موتي .. گبل الحبيبه
من عندي ماخذ .. زهره حناني



مو انه ذاك الي قلع باب وعبر
كل حيلي راح وكمت احس ظهري انكسر
البسمار هد حيلي وفجعني ابفاطمه
من صدمتي كمت انه اجر ابروحي جر
>>>>>>>>>>>>>>>>>>>>>>>>>>
محترگ باب
عالزهره اندفع
والمحسن وگع .. من گد الالام


منطفي النور
عگب ام الحسن
گلبي اعليهه حن .. كل ليلي مانام


مو مالت اوداع .. ها يالحنينيه
واولادچ تصيح .. ردي علينه
لحضات الاوداع .. بانت قريبه
من عگبچ النوح .. ظل يحدي بينه



فقاري بگرابه بقه وما منشهر
هديت بجفوفي وانه ابگلبي جمر
بيباني محترگه والي محسن وگع
وشلون بيه الزهره غطاهه الگبر
>>>>>>>>>>>>>>>>>>>>>>>
انعصرت اباب
بسمار ابظلع
والخد منصفع .. وابابي ذباح

كومت جروح
زادت بالگلب
وادموعي تصب ..  شيرجع الراح


واستني روحي .. ابهاي الرزيه
وام الحسن اه .. ماتت بديه 
غطاهه التراب .. هيه وحزنهه
دافن حياتي .. وجروحي بيه


مت عيني فوگ ارموشهه ينزف دمه
ومن حادثتهه اهتزت اعروش السمه
ياخير الله اعله ألارض مرت الوصي
ميته ابصمت رحتي امن ادي يافاطمه
>>>>>>>>>>>>>>>>>>>>>>>>>>>>
خلصت وياچ
يافاطم صدگ
ليله ونفترگ  .. ما صدگ الصار

نفترگ ليش
عشت انه بحزن
وابصمتي اون .. واگبالي بسمار


بس بيچ اسولف .. من رحتي عني
والنار والباب .. منچ چزني
محتار بالصار .. حيرني دهري
وسوالف الباب .. هم تعبني


ظل بيتي ظلمه ومايمر بيهه الضوه
والراح من داري گطع عني الهوه
هاذ انه حيدر شامخ ابوكت الشدد
هالكسره والشامخ اضن صارن سوه
>>>>>>>>>>>>>>>>>>>>>>>>>>>
#حسين_الفاطمي
لطلب اللحن @Hsfto

https://t.me/HuseenAlftme

تنبيه للمؤمنين ... 👇

بدعة القول باحتفال التتويج او تنصيب الامام صاحب الامر عجل الله فرجه الشريف ..👇

✅✅✅
✍🏻
مع الاسف بسبب عدم التدقيق في التطبيق
ما جاء به آل محمد عليهم السلام حرفيا"،
قد اختلط عند بعض المومنين بسبب حالات الرائجة ك الاحتفال بتنصيب الحجة عليه السلام و تسميته بعيد التتويج !!! و هذا مخالفا" تماما" مع الروايات و ايضا"مع الفطره لعدة أسباب ؛
اولا ؛ 🔻
ليس لدينا نحن الشيعة رواية واحدة اوخبر واحد لا من ائمتنا عليهم السلام ولا من علمائنا الابرار تدل على استخدام هذا العبارة ((التتويج او عيد التنصيب )) !!!
او حتى لفظ الاحتفال بتنصيب الامام عج!!

ثانيا؛ 🔻
التتويج تستخدم للملوك او جلوس ملك جديد او عيد العرش او وضع التاج وما اشبه و ائمتنا عليهم السلام اجل وأشرف من هكذا مناصب دنيوية سياسية سلطوية رخيصة حتى ننزل مقامهم الشريف بهكذا عبارات، خارجة من تخيلنا الوهمي المغلوط !!

ثالثا؛ 🔻
استشهد امام الحسن العسكري عليه السلام في وقت الفجر ليوم الثامن من ربيع الاول و في لحظة الاستشهاد انتقلت الإمامة الى مولانا صاحب الامر ،
وليس في يوم التاسع من ربيع الاول كما يخطأ فيه البعض،
وكما في الروايات الشريفة المتواتره لا تخلو الارض ولا لحظة من حجه من حجج الله ،
((في لحظة استشهاد الامام يصبح الامام التالي امام وحجة على الارض )) ...

رابعا؛🔻
لايوجد لدينا و لايصح و من الخطأ الاحتفال بتنصيب اي امام،
و فطريا" ومن باب وجوب الاحترام لإمام الذي استشهد قبل هذا الامام بابي وامي يترك مظاهر السرور والفرح ..
اذا صح هكذا فعل ، ينبغي ايضا" نحتفل في يوم عاشوراء لاجل تنصيب الامام علي السجاد عليهم السلام!!!
وهذا لا يقوله ذو فطرة وعقل سليم !!

وأخيرا "🔻
ما قصة بدعة التتويج والتنصيب ؛

في الواقع بسبب التقية المغلوطة و تنازلات في العقيدة لاجل المخالفين و ابعاد الناس عن المفهوم الأصلي للمناسبة الحقيقية
و هو هلاك فرعون ظالم اهل البيت ، هلاك عدو الله ورسوله، هلاك قاتل الزهراء سلام الله عليها ،
(( عمر بن خطاب لعنه الله )) ، كما في روايات المتواترة ، وتسمية يوم تاسع من ربيع الاول بعيد غدير الثاني،((عيد البرائة)) كما في عيد الغدير الاول عيد ((الولاية)) ،

قد اخترع هكذا بدعة !!!

✅👇🏻

انتبهوا على سلامة دينكم وعقيدتكم يا شيعة ال محمد صلوات ألله عليهم وانقلوها لأولادكم و اسرتكم و الاجيال

#شور_فزعه


گلبي لمّن هواك
ضل يمشي بس وراك
وما دور بس رضاك

يا فرصة مو مثل الفرص
گلبي اكتفه بيك وخلص
اكسرلي جنحان الگلب
واقفل علي باب القفص

حته بعذاباتك ترف
ويا جو عزائك يختلف
انه العرف وي دمعتك
وبس انته متضيع العرف

روحي وياك..ما تجي الروحيه وي أي ثاني
انته مسلوب..وانته سالب مني كل وجداني
خذني مولاي..على گد عقلي اعلگد الساني
________
اسلبني الاختيار
كون ابقه ابلا قرار
ووياك اگضيهه صار

وهوه اليحبله منذبح
ميدور بدنياه ربح
اذبحني واستعجل علي
هم يله اشيّب عالرمح

همّ يله اموتلك بچي
ماريد احبك بس حچي
الميتله واحد من هلّه
بفاتحته ميضل منتچي

على الوجدان..لا عزيز ولاكو حاكم غيرك
جتفي يحسين..كبّر منك سيدي ومن خيرك
ها يعطشان..اسنيني دبرها بحسّن تدبيرك
______
يا عاري الفلوّات
ريجك ذل الفرات
جرحك ينزف حياة

بكل صورة اشوفك انفجع
ساكت وحچيك ينسمع
يحن صدري بس اللطمتك
شيعودلك هذا الضلع

شايلنه شيلة رايتك
وقوّت الگلب بس دمعتك
ما شايلك جان الرمح
اگلوب التخدمك شالتك

الاعمه مولاي..هذا التجيبه انته بس ما شافك
يخسر هواي..الصدّت گلبه ونسه گلبه وعافك
كلشي مولاي..يرخص ويغله الحزن لشفافك
______
يا حبل الله المتين
دمك ملح السنين
باحزانك استعين


يجذبني كلشي انته بي
حته انكسارك والسبي
شكد دورت بين القصص
ماكو اعلكد جرحك نبي

حزنك لحد ربك وصِل
ولتجننه اخيامك عقّل
ياهوه گبّلك منذبح
ويقروله يم صحنه غزل

ضامي منحور..انّعز عليك الچفن يا مولانه
دنيا وتدور..((ناس خيّره ومالهم دفانه))
كلها بگبور..وبس جثثكم بالشمس عريانه
_____
يا عرفان العبيد
بگلبي رايح بعيد
بكيفك ابقه اريد

اسلبلي الاسنين البقن
لو مجلسك لو بالصحن
وباذني خليهه ترن
اجراس نوگك والضعن

يالماتفشل سائلك
هذا انه منك بس الك
وبالليل احس بيه نقص
لو ما جداوه اتوسلك

أاسري بيه..من حياتي لوحشتك واحزانك
رتبه گلبي..وخلني اعيش بدمعتي انسانك
عبدك هواي..اقسملي كون ابقه عبد غلمّانك

#مصطفى_صادق_اللامي

#ثگيل

وضع علي سيفه في حجِرة بعد حادثة الباب واستشهاد مولاتي الزهراء ع

وقال له..

يا سيفي اعذرني بهالشده..املثم بگرابك ضليت
لو ما راعي البيت اموصه..شيوصلهم لام البيت
ياسيف وعتبي اعللباب..العالوا ما يسوون اعتاب
___...
كترتك وفازع رحت..وشفت ام حسن مدفوعه
ومعروف من جرت النفس..المتكسرات اضلوعه
من يفحط بنص الحچي..ومن يختنگ بدموعه
معناها ما ضلاله شي ..و الليل يطفي اشموعه

من نبرتها ومن نضرتها..حسيت بفاطمتي اتموت
ياسيفي واخ امن الدنيا..الخلت غربه الداري تفوت
وعرش الله جن ضلعه انصاب..العالوا ما يسوون اعتاب
___
وابني لگيته اعللثره..يشهگ هوه ويتشهد
من شاف دفعوا فاطمه..اغتاض محسّنه وهد
اتمنيت كل خشبه مهد..وبالعتبه اهز لمدد
ما شاله جفي للاسف..بس جفي بحبال انشد

يا فقاري الجف الشالك.. ماشال ابني وشو مشدود
قتّال الفرسان الاعظم..التموا ضده وضل مگيود
محسن لو ضل بالطف شاب..العالوا ما يسوون عتاب
___
جم يوم مر اعللكسر..وولدي ركض صاحوني
گالولي ماتت فاطمه..وانباگ  حيلي و لوني
يعثرني ضل حته الهوه..وطال الدرب بعيوني
مدري ابچي للفرگه اضل..لو ولدي اليبچوني

طبيت البيت وجان اضلم..دگول انه الميت مو هيه
احچي اويه الزهره وماتحچي..وكلها التمت تبچي اعليه
لحزن الزهره ضل بنگاب..العالوا ما يسوون عتاب
____
الحاسبها شركة اويه الگلب..و العندي والما عندي
بيدي اغسلها گمت..واولادي تبچي بسدي
وما ندري ماخذنه البچي..صحنالها شكد كعدي
و من جبت فوگاها الجفن..فزت وشبگت ولدي

بيدي امچفن حلمي الوردي..الرايح لونه بسد الباب
اصحاب وسوو كل ذني..ما خلو شي للاغراب
الناس اتسميهم اصحاب..العالوا ما يسوون اعتاب
____
ومن نزلتها للگبر..نزلت گلبي وياها
وهيه المثلها تنسي..حته اكدر انه انساها
گوه عفتها باللحد..والحسن ما عافها
رديتها لربها بكسر..الجانت امانة طه

نفرش ثوب الزهره المغرب..ونلتم ونسولف وياه
ومحد بينه تغمض عيونه..لو ما شمه وما باساه
ابهر گلبي ابنص تراب..العالوا ما يسوون عتاب
____
ياسيف احس وحشه علي..والهضمه ضلت تكبر
الكاسر ضلع ام الحسن..كدامي كلساعه ومر
اغتاض ويدگ الگلب..وارجف وارد اتكتر
واذكر وجهه بالغسل..نص منه صاير احمر

وچي عندي احجاية اويه الباري..ضليت امكابر عالصار
راح انطيك لجف المهدي..وردو الحگ لأهل الثار
ما يبرد جمري وضل شاب..العالوا ما يسوون عتاب
__
#مصطفى_صادق اللامي

علي الحسن
•

القناة تحتوي على قصائد منبريه لاهل البيت ع
وهيه رزق من مولاتي الزهراء ع
إقرؤا و إنتقوا ما يُعجبكُم بدون إستئذان ،
و لا تَنسوني من خالِص دُعائكم
https://t.me/AliAlhasssn

افضل الاعمال الصلاة على محمد وآل محمد

شور

المهدي قاضي المحكمه
العجل  بفاطمه
>>>>>>>>>>>>>>>>>>
لعنه ضد القاتلين
والصحابه الخائنين
يالثار ام الحسين
لحد موتي


وحته بااحضان االگبر
العن اركان الكفر
بگبري والصوت الکسر
يعله صوتي


عهد خادم ما اكسره ابخدمتي واصراري
ونار باب الزهره تخمد یالله تخمد ناري

فاطمه ابدعواتي
رددت چلماتي


المهدي قاضي المحكمه
العجل بفاطمه
>>>>>>>>>>>>>>>>>>>>
الما تبره من الطغاة
شنهي نفعه من الحياة
عندي فاطم كالصلاة
ماعفتهه


رددت والساني صاح
ومحسن اعله الباب طاح
فاطمه دمهه استباح
ياوكتهه


ام حسن رحمه وشفاعه ابوابهه مفتوحه
والغصب حق الزجية خسر دينه و روحه


اعله العرش مرسومه
دخيلها المظلومه

المهدي قاضي المحكمه
العجل بفاطمه
>>>>>>>>>>>>>>>>>>>
من حكايات الزمان
باب من بوب الجنان
وصار مسلوب الامان
ياحسافه


ومن تفاصيل المصاب
داحي باب يكسره باب
واعله بيت الله انقلاب
اشهالصلافه

والسئل عالجاني ياهو ؟ الثاني هو الجاني
والدفع  باب اعله ورده  يلعنه دووم الساني

موقفي الجاباني
بالضلع دلاني

المهدي قاضي المحكمه
العجل بفاطمه
>>>>>>>>>>>>>>>>>>>>
احنه يم فاطم عبيد
غيره حقهه مانريد
لاتضن صمتك يفيد
عالجريمه

روحي ماضل بيهه روح
تكاثرن بيه الجروح
على الحنينه ليلي نوح
بالهضيمه

گد كلمتي وابقه اكولن فاطمه يمصابچ
الما تبره من الصحابه اعتبره دافع بابچ

عالظلم موضوعي
فدوه الهه ادموعي

المهدي قاضي المحكمه
العجل بفاطمه
>>>>>>>>>>>>>>>>>>>>
حسين الفاطمي
https://t.me/HuseenAlftme

ي (ام) الضوه ودعتي بالطف جم ضوه
مختنكه جي بالعاشر امودعه الهوه
ودعتي الحسين وعرفتي شكد عطش
وشكد مآسي اتكشفت من نينوى

عمرج..كله اعلموده حسين وعياله فده
عمرج..من شفتي جثته تمنيني موتج بده
عمرج..ماكلتي ابني بالطف عليه شسده

عفتيهم كلهم ماصبرتي
بالطف عالكافل مانشدتي
بس لحسين انتي شكد سألتي
@@@@@@@@@@@@@
يالدعوه وحده بجانبج تمحي البله
رايد نظرتج عالمجالس كربله
لو باجر نظل لا عزاء ولالطم
موتتنه اهوّن من وصول المرحلة

فجأة نلكه المجالس مابيها وادم ابد
فجأة درب الزيارة ينسدعلينا مدد
فجأة مشايا ماكو لاتلكه لطمه اعله خد
يم عباس نموت اعله هاجس
مانرهم من غير المجالس
صح نذنب بس ملهمنه عابس
@@@@@@@@@@@@@
ام البنين ام الشجاعة والنعم
اي شي فداءاً عدها ل اطراف الخيم
نذرت ولِدها فدوه كل الاربعة
بس الحسين اليبقى سالم المهم

فدوه نذرت عمرها وتنطر كبرها بعشك
فدوه مامش مثلها خدمتها كلها صدك
فدوه نخله وبعدها كل عاشر الها عثك

عدها كلشي امن الله بصبرها
ماتملك شي واحد يسرها
ماعدها ال(ماعندي) بعمرها
@@@@@@@@@@@@@
خدامه كالت جيتي بهذا الصحن
ماتقبل يسموها ب اسم ام الحسن
خافن يحنون الأئمة امن الذكر
ضلت عمرها ام البنين الهالزمن
كالت توفيقي اني حيدر اجاني ولي
كالت خدامه اسمي فدوه انه دمي العلي
كالت خدامه عدكم صعبه اني اكلكم هلي
وشكبر ل انسانيه عدها
ماتسمع يايمه وتضدها
وموصيتهم بيها ولدها
@@@@@@@@@@
بالطف تمنت خامسه بعد الولد
كسرتها جانت من درت ميت عبد
لو ما العقيلة بلا ولي جا قاتلت
ضلت على جسم الحمد تقره الحمد

حسرة كبرت لأنها مودعه وطنها وحزن
حسرة والحره يمها تذكر خيمها ودفن
حسرة ماعدها والي ودمعه يلالي الجفن

صح يتشعب بالطف وجعها
بس كدام الكافر دمعها
ماينشاف ويصطك شمعها

احمد رحيم
https://t.me/aklrh
اللحن👇