يا مولاي
يا جواد الائمة عميت عين لم تبكي لمصابك


يكسر صيامه الصايم بماي
وبالسم فطورة يصير مولاي
امن ام الفضل مي راد عطشان
گلها سره السم كطع احشاي

انطت ضهرهه لسيد زمنهه ..وسدت عليه الدار
ضامي الجواد ومحد يعينه..بحشاه سموم ونار
لا اخوه عنده ولا ولده يمه..وما حن عليه اي جار

فوك الثره ينوح باه
مسموم وتصيح اشفاه
انا ابن الحسين
وهل انسى الحسين
____
ضاك الهوه بصدره وبقه اوحيد
المجروحه ريته انفاسه تنهيد
لسطحه نوه يتعنه مولاي
ما ضل هوه يشمه وهوه يريد

شلون الشباب وبخت الهواشم..المامره هزه الريح
يعالج تنعه لسطح المنية..وكلما يكوم يطيح
لا عنده حيل يعينه اعلمشية..ولا عنده صوت يصيح

اشما طاح يرفع يمناه
عطشان مثلك جداه
انا ابن الحسين
وهل انسى الحسين
_
راح الجمال البالرضا جان
موت السمار الهاشمي حان
البي كل ملامح حيدره طاح
بحر الشمس يا ناس ذبلان

عشرينه ذابن نار بجبدته..ونار العطش يحموم
وهاي الشمس ما ترحم منامه..مضلوم ابن مضلوم
اتعنه الحمام يريد بجناحه..يضلل على المسموم

فيي الحمام الحاطاه
لجده وسهامه وداه
انا ابن الحسين
وهل انسى الحسين
__
عدوانه ما كفاهم الحال
ملعون امته أآمر وكال
من سطحه ارمو جثته للكاع
ومن سطحه دفعوا جثته الانذال

من يا ديانه ومن يا شريعه..بالميت تغدرون
الزهره الحزينة تصد اعلحاله..وتنعه ابلحن محزون
ضلعي كسير ولو دفعوا ابني..اتلكه ابني شلون

امه وتدور ملكاه
جن جده محد شالاه
انا ابن الحسين
وهل انسى الحسين

يا موسى ابن جعفر يا محمد الجواد
صلوات الله عليكما يا سادتي💔

لوبيدي اهجر هاي الديار
وبالكاظمية نحول الدار
عالجورة شايل مشتري الجار
جيران بيتي شلون گبتين

اغبش واصابح هيج جيران
واغسل عيوني بنور الاحنان
وللجورة حگ افراح واحزان
وبحيلهم گد ذني الاثنين

هنيالي اصير اويه المعازيب
وزوار جفي ايودي ويجيب
واخذلي حصه اويه المصاويب
واتلوحني امن الحرگه سهمين

وميهمني لو مذموم محمود
ينگص الشط ايغرگ ايزود
شيصير عندي الصحن موجود
واتحرز امن تراب امامين

ولو يدنه مني شهر الامصاب
بعتبهم اكعد والزم الباب
وما گوم حد ما اسمع اجواب
ومن عدهم اخذ حصة للعين

يامن يوديني اعلبغداد
واكعد اكعود اباب الامراد
مي گصتي اشمره وكصتي يزداد
ميها وبختها امن الجوادين

اتعنه لازم واشعل اشموع
وعاشور واطلبه وارد موجوع
مفجوع گلب الزهره مفجوع
واسعدها ردت امن المرادين

اتعنه عنوة بلهفة اطفال
واكعد لعند اجدامهم ذال
اهنا يامن اتصعنون الارجال
زلمة ارد اصير انجرح لحسين

يا فرج الله
اللهم عجّل لوليك الفرج 💔

مولاي مسلم ابن عقيل صلوات عليه

من فوگ القصر ناديت
ابيت الله وغريب تصير
وين تروح يم يا بيت...؟
لا من توصل يرحموك
وما تنعاف سالم حته لو رديت
وانته ابيتك يطلبوك
ويم گبر الرسول يصير
ذبحك حته لو ما جيت
وين تروح يم يا بيت
هايحسين ها يحسين وين تروح يم يا بيت
من فوگ القصر ببچاي
تسلم عيني لعيونك
شگلك اسرع ببمشاك
شگلك بالمشي هونك
تحمّل ما تحمّل ماي
يعطشونك يعطشونك
بالصحره تحط خيمة ويلحگونك
وين تشيل بضعونك
لو عمرك سفر يخلص هم باجر يذبحونك
وين تشيل بضعونك
يبن عمي ورفيج الروح
يبو الگامه الجليله والحجي المملوح
الحجي المن شفه مفطورة
يوصل للاذن مجروح
وانه بشفتي التصب ادموم
صحت يحسين وين تروح
يالمالك حمل مطروح
من هالدنيا وين تروح
زرتك سالم امن سطوح
وباجر تگصد انته تزور
اباب الكوفه نتجاور
منحور وشبگ منحور
نتجاور حجر واجروح
ونضرات الزيارة تصير
مذبوح وحجي المذبوح ما مسموح
ومو بس انته يا عطشان
زينب باجر امن الشام وين تروح
ما دام الحجي فوك القصر مسموح
اخير احجاية احجيلك
قبل موعد طلاع الروح
زينب باجر امن الشام وين تروح

يا ابا عبد الله دخيلك

يا حسين وتسوه اضحيلك شبابي..يالي ماضلك شباب
كل معانيك التحبهن بناتك..فوگهن دم وتراب

حسين..بس انته المكطوعه اوداجه
يا مولاي وتكضي الحاجة
بجفك دم عبد الله وتكرم
حته الناس الما محتاجه

دم عبد الله بيدك بعده يفور
يذبحونه اعلجفك كل عاشور
خذته امن الرباب اتشربه الماي
ورجعته لحضنها بس منحور
_
هاي يالمغيرني وامغير بناتك..بس فرق بين الاثنين
هنه وداهن زمنهن على الناگه..وانه امدلل بالحسين

حسين ااه..حسين ااه
امغيرني وعدك كل قدره
كلشي بهاي الدنيا تغيره
وما غيرت بواقع حالك
من ركضتلك طفلة اصغيره

اصعب شي طفل يدخل بحماك
ومن حضنك توخره اجفوف اعداك
تفز غيرة وترد يحسين اتطيح
الا يا ليتني مذبوح وياك
((يا ليتنا كنا معكم لنفوز فوزا عظيما))
___
امصابك اكبر من حجينه وما اضنها..اتدركه يحسين العقول
طولك الجانت تشبره اشبار امك..هسه ما بين الخيول

حسين ااه..حسين ااه
ما جاي استوعب هالحاله
طولك محد يدنّاله
طولك حصت حضن الزهره
مو حصّت خيل وخياله

يمخلي گلب امك مفجوع
ما بين الخيول تضل مصروع
ضلوع انته انطيت وانه ابجيك
ويا دمعه لتشافي كسر اضلوع
___
اصعب جروح الرجولة اعللهواشم..العلاوي امخدرات
وضعن علويات مسبي امسنسلينه..يا حسين اعليك فات

حسين ااه..حسين ااه
اتأثر بكلشي وما تتأثر
يقهرونك ما جاي اتصور
جا ليش تأشرلك زينب
وتأشر لزينب ما تكدر

فوك التل اتدور واليهه
بس ايدك ارفعها ودليهه
امدللهه جنت بس هالدنيا
دارت وانته صرت امبجيهه

نوادب رايد ووصيت بالصادق
أجر خلگ تبچي وقيم تعزيتي

عمت عيني تأجر ناس تبجي اعليك
هذن عيوني المن يابعد بيتي

قدر المستطاع ابجيك يا مسموم
قدر المستطاع وتعلم بنيتي

صح مو بدمي لمّن اببابك جيت
بس شنكسر بيه علي تندله
ما جيت اگلك داوي وشد هاي
جيتك ردت حيل وطريجي تكمله
كلما افزعلك لازم ارجع مصيوب
امصوب وياك ولا امعافه بذله
وملح العماره البيه بي رس اعناد
يغمگون جرحي وانا اصيح افزعله
ميثم الزارع نخله حته يصلبوه
يحرجني موقف علي شرد ازرعله...؟
أنا الگيت اسمك قبل ملگه الدين
واتوجهت للصورة قبل القبله
وانته الگدتني بياعلي اعللتوحيد
وبتربة ابنك ربنا گمت اسجدله
وانا الكبرت وزلف جدمي اويه الناس
بس رحمتك ما عافته وتوصله
المستور يم الناس يمك مكشوف
وياما بثوبك يا أمير تضمله
الطگلتها اتقد قميص الوالاك
واعلوگك اتستره وتجي اتخيطله
وما دام كلمن فازعلكم مصيوب
ان شاء الله اصوابات گلبي تكتله
ومولاي عالتنصيب ما ناقش دوم
عد غيري صاير مُختلف ويهمله
كل الحچي البيه ارد اصيرلكم حوك
ذاك اليقل حجيه ويسولف فعله
وما دام ضهري بيا علي يضل مشدود
روس الحياية بوكتي ما تتعله
احياية الرمل عالمرمر ابلايه اثار
من تمشي بس سمها الشري شيبدله..؟

يا أم المصائب
يا زينب الكبرى💔

صاحو غريب..وفززني وجداني
صاحو غريب..الكل عمره خاواني
صاحو غريب.. لا صيح الساني

گالوا وحيد..الكل حيلي من حيله
گالوا وحيد..وعايف مداليله
گالوا وحيد..گتلهم امشيله

مو غريب ابن امي هذا
كافي يا دنيا المصايب
ومو وحيد اشلون اعوفه
الوحده ابين النوايب
امسابگ وحافر يريده
وانا اريدن صدره طايب

بطولي المابان..وگلبي العطشان
افزعله واركضله
هيج الخوان

اركض واصيح..خوية حسين
اوگف واطيح.. خوية حسين
__
بنص الشموس .. يستاهل اركضله
بنص الشموس ..واوگفله عالتله
بنص الشموس.. ابن امي وافزعله


عالتل وانود..واتعاين الحومة
عالتل وانود..وين احضه برسومه
عالتل وانود.. وفزالي من نومه

شفت تل اسهام يومي
يأشر يگلي تعالي
وانزلتله شلون نزله
وجنت ادري بتلي عالي
حسين اذا مو الك المن
اعثر ويوكع دلالي

اتضاهر جاي..عدله بممشاي
شحچيله..ششچيله
وهوه بلا ماي

ما بينيت..خوية حسين
كسري ولفيت..خوية حسين
_
من تل اجيت..وعالخوه انعاله
من تل اجيت..وغاطيني برماله
من تل اجيت.. وحاطتنه خياله

گتله شتريد..ما حرك السانه
گتله شتريد..يومي اعلصيوانه
گتله شتريد..من اخت عطشانه

ضامي من ضامي ايترجه
ماي حته يعود حيله
خوية كل البيدي هذا
ايكاسرك ضل العقيلة
وما مطوله بضهري امانه
بضهري نار وركض عيله

ما عندي اخيام..بس عندي ايتام
عطشانه ولهفانه
ابين الضلام

مجبورة اروح..خوية حسين
عندي جروح ..خوية حسين
_
بوجهي ادير..خوية امشي وامدنگه
بوجهي ادير..ماحصلت شبگه
بوجهي ادير..محتامه للملگه

للنار اروح..امقويتني جلماتك
للنار اروح..واجمع اماناتك
للنار اروح..واتلاحگ ابناتك

يالتوصيني بدلالك
ياهو التوصي عليه
عندي بالسبعين طفله
وبس يخويه اثنين اديه
على خوله من احامي
العدو يروح لرقية

بطرت المصباح ..نتوادع راح
موسهله بهالزله
وانت اعلرماح

الى الوداع.. خوية حسين
الى الضياع.. خوية حسين

صلوات الله على فواطم فاطمة


كعدن فزن امن النوم
طلعن من خرابتهن
زينب رايه العباس
راحن جوه عمتهن
____
آيا فزة المصباح
من بنص خرابه تفز
وانت البيتك الموصوف
أول بيت بأهل العز
من يحتارن النسوان
ياهي اولهن التبرز

وزينب كل صبح تطلع
وتتصدر مصبيتهن
____

طلعت روح عبد الله
طلعن للحبل والهم
يمشن وحده حدر آخره
مشي يشبه مسيل الدم
والتسلم بنومتها
الصبح بالطلعه ما تسلم

ياهو اليلحگ النسوان..؟
اذا صرعه گرابتهن
___
حدر اسيوف اعاديهن
يطلعن للسبي گوه
الما ملچوم متنه هناك
تلگاه جدمه الامچوه
وحاديهن يلوحلهن
بخنجر گاطع الخوة

ورغم كل الجره والصار
ما مجروحه عفتهن
_
جارح مسرع بممشاه
من بلده عله بلده
غير اليحدي ضعن اطفال
كون بمشية يتهده
للحادي ومشيته اسباب
هدايا للقصر عده

بنات حسين هالدنيا
هدايا شلون حسبتهن
__
سؤال امن الصبح لليل
يشغل بالگلب يشغل
يفك احباله تالي الليل
حادي النوگ من ينزل
لو حبل بحبل للنوم
هيج الضعن ضل مجبل

اه يا جفلة الاطفال
لو حل وكت نومتهن
___
نفرض لو يفك حبله
الصباح احساب معناها
التطلع من خرابتها
جفها تمده لعداها
لو يعني علي السجاد
جف نسوانه شداها

هيج مصاب ما سامع
ولا موجوده غربتهن
___

#نعي
رجوع الضعن
يا حسين 😭😭

بحبالي رديت
لفيتك من سبي وبحبالي رديت
لگبرك تعنيت
على ريحة علي لگبرك تعنيت
امشينه للبيت
يبن امي الجبتنه امشينه للبيت
____
ماشاني سلاب
اجيت اعتذر جي ماشاني سلاب
مو جية اعتاب
جية مستحه مو جية اعتاب
ما ضلت احباب
شيردني الدارنه وما ضلت احباب
_
لو ونه لو ويل
گضيّت الدرب لو ونه لو ويل
ما نايمة الليل
تشهد روسكم ما نايمه الليل
من ركضة الخيل
بعدني بخوفتي من ركضة الخيل
____
امولحه العين
من كد البواچي امولحه العين
والحال موزين
اريد توچه جيت الحال موزين
اتوچه يحسين
يبن امي عليك اتوچه يحسين
___
تچوني يطياب
جيت بهزل تچوني يطياب
بالغيره شرناب
اخوة زينب وبالغيره شرناب
تثنون الارجاب
اذبن روحي لو تنثون الارجاب