مولاتي#العليلة
ورجوع الضعن الى #المدينة

من كالوا ضعنكم بالدرب جاي
كعدت اعللدرب احسب بالضعون
باب البيت عفته بضهري مفتوح
وحضرت المكان البي تكعدون

اسولف ويه كلبي وانه اتنطر
بيا لهفه يصدلي من يجي الاكبر
وكبران الطفل يرجعلي اتصور

رحت امسح خشبة كاروكه..وعطرته وحطيت اوساده
هنه اشجم يوم شجم ساعه..وعامر يرجع بيت الساده
_
وشكو حاجة تحبها اختي رقية
اباب الدار بيدي حضرتها
طفله بعمري تتعب من سفرها
وراحتها بنزلها يم اختها

خذتني ام البنين ولزمت ايدية
وكالتلي الضعن هسه على جيه
ومن الفرحه ما عانني رجليه

واتذكر خيّاله اخواني..حاطو عماتي وهودجهن
ويا هسه ترد الخيّاله..الجانت تمشي النوك بسدهن
_
بله خيّاله رد ضعن الغياره
والاوجوه المشن مو هنه هنه
وحته النوك مو نوك الهواشم
ما هنه هزايل نوك اهلنه

وين حسين ابوي الطوله خيمتنه
وين الراية ذيج الفوك عمتنه
بيا هزله التجي الكه رقيتنه....؟؟

لا رايتنه ولا حاملها..ولا طفلتنه الجوه الرايه
وين حسين ووين الاكبر..مو كال ارجع وانطه حجايه
__
حلم ريته حلم مو ضعن الاحباب
ابد هاي العبي لا مو عبينه
راحن بس سواد ايخجل الليل
حمر يا وسفه ردّن للمدينة

اسئل بلكت تكلولي متحلمه
ساعات ويرد حسينج وزلمه
بدورة وجهه تخنك طفلته النسمه

مو يدري امحضرلته اثيابه..وبيدي امعطرتله امصلايه
يا فرحة الما تمت بوية..واول فرحة تصير قرايه

الى مولانا الشهيد
#المُحسن_ابن_علي

اول شاهد اعللصار
يروي عن هجوم الدار
نشغه محسن تسولف
الحدمن واصل البسمار

اثار الجريمه..طفل بالعتبه دامي
شاهد عالمصيبه..ويعرف بالاسامي
ياهو الي دفعها
منو كاسر ضلعها
منو نزل دمعها
يعرفهم المحسن

كل ايد انمدت زجر
كل دفعه موت وغدر
يعرف محسن بالسبب
شخله عيون امه حمر

شهيد وشاهد اعليهم
وجوب العن بأساميهم
_
ما شم الهوه وذبلان
اول شهكه اله دخان
سابگ ولد ابو عالموت
وصار اول نعي وقربان

مذبوحه الطفوله..ابسمار الهضيمه
قبل السم والطفوف..بيك اول جريمه
الاحقاد الدفنية
ومنو بگلبه ضغينه
الضد دار الحنينه
يعرفهم المحسن

جرحه و حقه المغتصب
النگلو كارات الگصب
اتلث تيام اهل الحقد
تحط يم بيبانه حطب

الجهنم مستقر ليهم
وجوب العن بأساميهم
__
محروم الطفل محروم
دللوه ما سمعها بيوم
ما فك عينه وسط اكماط
فك عينه بحرگ ودموم
تكبيرة ولادة..محد بأذنه كبّر
الشوفه الاولى لأمه..خدها صاير احمر
اسباب الضلامه
بخدها والعلامه
السبلو هالسلامه
يعرفهم المحسن

الأم شما تدنه الابن
يدفعوها اهل ال وأن
بين الدم بين الدفع
جان اموادعهم خشن

الگلب غيري ارتضه بيهم
وجوب العن بأساميهم
__
بعينك شفت ابو الحسنين
اموصه امقيد الجفين
ردت تنصره بس الحال
حدك بس نضر هالعين

عشت اهات الحسين..من وصلوا خيامه
حاول مثلك هواي..بس ما صح قيامه
صرعه بس غياره
حسين بكلبه ناره
والقصدو خماره
يعرفهم المحسن

باب الزهره اعليها شب
ونيران اخيام ولهب
كل حادث لال النبي
شيخين الفتنه السبب

الحقد اول فتاويهم
وجوب العن بأساميهم

#ثكيل
#للسيدة_الزهراء
صلوات الله عليها

عدنه اليموت بعمر الورود
اعلسباب موته اهواي نسئل
وعمر الزچيه ١٨ عام
ااسئل ضميرك على المقتل

اتبرر للفاعلها
تشارك وي قاتلها
___
عوف التقيه بهالجرم..بضلم ام حسن لا تختصر
البسمار صح صاحب ذنب..بس قبله اسباب شكثر
محزونه جانت عالنبي..قبل الدفع قبل العصر
وواسوها امتها بو أن...يدفعوها تدفع تنكسر
 
ومو حزن حزنين جانن للبتول
حزن ام وحزن بت اعللرسول

هذا سكوتك عن الاسباب
بسمار فوگ الزهره چمّل
عدك امصاب وتلگا جيران
تحرگ بدارك گلي تقبل..؟؟
والنار ،،، من تقبلها
تشارك،،،،وي قاتلها 
___
مكروبة ولفرّج كرُب..عن  مؤمن  تحبه السمه
وتوها عمرها ١٨ ..شبسرعه مالت  فاطمه
ومن شوكت ضيگ الصدر..ليفرجه بسمار ودمه
شلون اعلريحانة علي..امتدت ايادي مجرمه

بابه يندگ ادري بالعنده مصاب
وليش عالزهره اندفع ياناس باب

دخان حاط الزهره دخان
وخلص دفع اخر عمرهه
بموقفك لو تنحسب عالنار
لو ماي واتطفي بجمرهه
يمك..لو متحلها
تشارك...وي قاتلها
___
مغمومة والغم باللغه..الكُرب اليذوب امن البدن
للباب راحت فاطمه..ورجعت خيال ام الحسن
احااه يا ذاك الجذع..حارم طفل من اللبن
راحتله حامل بالولد..ورجعت حمل وابن اختفن

مايله ام حسين مفجوعه اجت
بيا بخت كسروا ضلع بت البخت

بين الحطام وبين الارماد
مو بين اخوته انولد محسن
لتبرر افعال اليقتلون
وصير بجراح الزهره مؤمن
روحك..ما تسئلها
تشارك..وي قاتلها
____
كسر الضلع اخر جرم..من كاعها الزمره بدوو
مغصوبة ذى القربى بقت..ومن حقها الها ما نطوو
وغصبوا خلافه من علي..وبكاعها ما اكتفوا
عالدار نگلو بالحطب...وعالباب ركضوا فزّعوا

فمذ رآوها عصروها عصره
كادت بنفسي ان تموت حسره

حايط ونار واجه البسمار
وولية الدفع ما عدها اي حل
اللهُ اكبر صاح جبريل
خزانة الاسرار قد سل
تسكت،،، هم تسلها
تشارك،،،،وي قاتلها
__
مقتولة من كثر الضرب..الله اليشل الطگها
((طبگ الرمش لا بل اشد...باب الخشب يطبگها))
شيريد من عدها بعد..مو كافي ماكل حگها
مو كافي مكسورة ضلع..الدار لا تحرگها

جانت الزهره بكل نفس تتألم
تفاحه نزلت رجعت بفيض الدم

بس تسكت وما تحچي وتخاف
وياهم انته تصير حطاب
كافي تسد اذنك على الصار
واسئل ضميرك على الاسباب

الاسباب ،،، من تجهلها
تشارك..وي قاتلها
__

تكبّر فوك ابوك ويمك اعداك
وحدّت بالسيوف اكلوب ميته
اجنازه تصلي فوك اجنازه ما صار
طفل بس قلق موت هناك عشته
من اخر سجده للسرداب اهات
دربك فوك گلب امك ركضته
طف ثاني اعلنرجس رادو يصير
وقصة علي وليلى تعيدها انته
اخر رحمه لله امشرده تعيش
الله شلون تتهجر رحمته
خسرنه اهدعش كبلك وانسكت ليش
واخافن تضهر وهم نبقه سكته
الماي اتراوه بالسرداب ندمان
وراد اوياكم يصلح غلطته
أمام وأامن بسرداب الاجروح
وما أمن يضل يم دور امته
يصير نغربك واسمك نضم بي
غريب نكول عالنعرفهه قصته...؟؟
بني العباس راحو والوكت فات
يمته اسمك اكوله والگه لذته
الامه الخايفه الما سولفت بيك
صار سنين واسمك ما حجّته
لا تترجه صوت وخرسه الاحلوك
وبعيقك شاهد اعللحجي الگلته
لا خلوك تضهر حته تبني
ولا عاونوا ايد تريد گبته
السم مره بجبد والد تحس بي
ومره الثانية امن امتك شربته
الله يعضم اجرك والحچي هواي
ووحقك قلق موت وياك عشته

عطشان يابوالفضل..عطشانك امن الصغر
رايد علاقه وصل..تعبر احدود الدمع
مو بس قصيده وحبر
بين الصدك والجذب..نيران باب وجذع
ونضرات ما تنخسر
بحب سكته يملي الكلب..وياك اريد العمر
بين الحجر والترب..مضموم عاش الشذر
وبس ينكشف للبشر..ينباع بارخص سعر
الخادم العاشك جرح..بالخدمه ساعة رمل
كلما يگلبَه الوكت..يبديلك امن الصفر
مره البس اسود حزن..ومرات نيتي الستر
بارد واضل باسودك..جي گلبي بي يختمر
ببروده  عاش الفحم..وبس دني يمه الحرك
يشتعل كلبه بجمر
دين المواقف صعب..عابر حدود الشعر
وعباس حد الخدم..يشبه الحد الفِصل
بين الصبح والفجر
دين الهواشم عطش..والماي اذا ينلزم
لازم يرد ينشمر
والناكع امن الوفه..حاول يشربه النبي
ومن النبي يعتذر
ميت بقه ومستحي..جي شفه بين الخيم
تستنصر وتنفطر
عباس نخوه ضمه..ونخوه هوادج خضر
يالمانسيت الخيم..وناسي العذر والاسف
نسيني كلمة عذر
نسيني كلمة عذر

امروة اتنگط وما تنشف بيوم
ونريد تصب اعلينه مروتك هاي
ضال الماي عدنه وخير الاجفوف
ومو كل جفه يصبه يصير سگاي

امن اطلوگ امنه بدت
كلمة (علي)ويانه
ونتلقّن ب(يا علي)
يم روس موتانه
من يا علي اليا علي
قوسين دنيانه

عالم مولاتي فاطمة عليها السلام
#عالم_الزهراء

عالم الزهراء..جوه ما ينوصف
انكسار ونوح..بس حنان وعطف

عالمها يبدي امن الدمعه الاوله
وتشيب وتبقه بحب طفولة
يلم جفها دمعك وترتبه گلبك
وبس يمها تلگه الحب اعلصوله

اتداري الروح..وترحم بأحوالي
كلها اجروح..بس تداوي امثالي
كلشي يروح..وفاطمة تبرالي
.........................................
عالم الزهراء..كلشي بي منفرد
ما يقدر املوك..بس يقدر العبد

حزني الاعرفه يكئب المشاعر
وحزن الزجيه يطيب الخواطر
امعيشتنه حب ورحمه ومحنه
وعيشتها باب وطف وحوافر

باب ونار..وزهره تدفع بيهم
والبسمار..زاد جورة اعليهم
بخدها شصار..الله لا ينطيهم
...............................................
عالم الزهراء..ما يحده سكن
وي كل ادموع..بخد اليحب ضعن

نتسوطن بحبها والمصيبه
غصبو فدكها وضلت غريبة
ومن دار اهلها هم شيلوها
جي تبجي عن والدها الحبيبه

الثاني فلان..تغثه منهه الحسره
ودار احزان..علي حط للزهره
لحد الان..تبجي بي منكسره
...................................................
عالم الزهراء..نادر بكل امر
تجبر المكسور..ام ضلع منكسر

تأمن حياتي الرايح أمنهه
بعالمهه يفرق قدوة حزنهه
شكبره سبيل الماي بخدمته
يذكّر اليجونه بمصاب ابنهه

أشرب ماي..واذكر الما ضاگه
الماله افياي..ويابسات ارياگه
وابجي لهاي..موحنينه الناگه
.............................................
عالم الزهراء..مختلف بالحزن
بي ابن مذبوح..وام كسيره وتحن

اتبدل كساء العدهه وتغير
وشالت قميص امبجيهه واحمر
هذا القميص بجفهه تخيط
يخيول أمية الله اكبر

اقدس عين..انتو شو بجيتي
شجابج وين..يا صدر مسيتي
بطول حسين..كلشي ما خليتي

#انشروا_السواد_الفاطمي

نصرةٌ لقضية مولاتي الزهراء صلوات الله عليها
ورفع الضُلامة عن ذكرها
نشر هذا البوست لتعميم السواد في كل مكان بدآ من منازلنا ...

#محرم فاطمه

وذكرهم بأيام الله 💔
السلام على أم الحسنين

#يا_فاطمة

وين الوذ بضلع دامي..بگلب ضامي..لو خيم والنار كبره
وين الوذ وگلبي گايل..بدمع سايل..انه بحماكم يزهره

عشت بحماكم والوذ اباب جذعج
ارد اصيرن حاجز اگبال اليدفعج
شما احاول الگه يدفع عني ضلعج

ضريبة دمعة الخدام
ضلع بالباب يتكسر
وضريبة ثوبي الاسود هاذ
جمر بيبانج اليسعر

يا أمان المثل امانج..ويا حنانج يالحنينة
احجايتي امي امن الطفوله..فاطمة تنّشر علينه
__
ما ضكت طعم الخساره..بس طهاره..ضكت يم جمرات بابج
احله من كل فرح حزنج..خيري منج..امدلل اليبجي لعذابج

ياهو حمره عيونه عين الزهره حمره
الراد يسعد فاطمة خيعيش جمره
بدمع يلا ينمسح دمعج يزهره

فاطم ياهو عاونها
وبجه من گلبه واتألم
دون الناس والدنيا
يسعدهه البچي والهم

اتخيلو البضعه بعضمها..تنتضر موعد بچينة
احجايتي امي امن الطفوله..فاطمة تنّشر علينه
___
امن الطفوله اسمع هواجس..بالمجالس..تحضر اويانه الزجية
لوذ طفلة بحضن امها..من تضمها..لذت باحضان العزية

هيه التربي اليجي المجلسها يحضر
لا عليه خوف وحزن لبضهره منبر
أمنه حرستنه بضلعها وصدت الشر

تطلّع من عبايتها
جفين لأبوفاضل
تمسح روسنة الزهره
ومدمعنه يضل سايل

يعني جوه اجفوف كافل..احنه خدامج ربينه
احجايتي امي امن الطفوله..فاطمة تنّشر علينه
___
جرحي عامر من فضلهه..خير اهلهه..غطه كل هاي الخليقه
واليصيبة الخير منه..نگول عنه..الزهره وگفتله بطريقة

شكبر بخته الوكفت بدربة الوديعة
ما يهدنه بالحشر جف الشفيعة
احنه دفعت بابهه السوتنه شيعة

وي المحسن ودمه
وما بايعنه اي جاني
ما ناسي مجالسهه
شلون بموتي تنساني..؟

ميت بجف المغسل..كلبي بجفوف ألامينة
احجايتي امي امن الطفوله..فاطمة تنّشر علينه
____

#برائة
#يا_فاطمة

مؤمن بالضلع والصار
واعلن حربي باطمئنان
قانوني اويه ناسي الباب
لو صحبان لو عدوان

الثار نفس الثار يبقه..من الاوجوه الجديده والقديمه
وفقاً لكل المحاكم..التستر عالجريمه اكبر جريمه

لعن الله..لعن الله
العايش بخيراتچ وينكر مصابچ
يشوف بابچ محترگ ميطفي بابچ
سلماً لمن سالمكم..حرباً لمّن حاربكم
_________
ولا احچيلك بتاريخ
راح احچيلك الوجدان
فلان ابابكم يحرگ
شني موقفك وي فلان...؟؟

حبهه بالوجدان يبدي..بالحليب ابلا كتب لا منهجيه
لان كل تاريخ اسود..ينصف القاتل وما ينصف ضحيه

لعن الله..لعن الله
كل شخص ما مؤمن بضلعج يزهره
شينكر وشاهدنه عينچ لسه حمره
__________
بالانسانية تحچيلي
واجيت وياك جاريتك
مره يسقطون ابن منها
هم تقبل انسانتيك

الگبل كاسر ضلعها..هسه اجه بحجة الوحده ونكر كلشي
زين اذا محد دفعها..ليش للمجلس تجي محنية تمشي

لعن الله..لعن الله
الدره بجرحچ بس على ضلوعج يجامل
ولعنة الله عاليدافع على قاتل
_________
ندري الينغصب حقه
يرفع شكوى للسلطان
والمن يشتكي المغدور
اذا سلطانه غاصب جان

المشتكى يم يا خليفه..وهمه غصبوها الخلافه من وليها
الخله حيدر علي رابع..بيده شاعل نار واتهجم عليها

لعن الله..لعن الله
الما رضه نلعن شياطين الخلافه
المحترگ يفرّق على العايش ترافه
سلماً لمّن سالمكم..حرباً لمّن حاربكم
_________
فدك قسمتهم الضيزى
والله الذام قسمتهم
المحسن وألضلع شاهد
يثبت كل ادانتهم

المهدي باجر من يعجّل..يصلب اعللشجره شيخين بحقدهم
اليحب الزهره يربح..واليحبهم ينصلب باجر مثلهم

لعن الله..لعن الله
العمره ما يصحّه ضميره وباع ذمته
باجر يعثّره الضلع ويطيحه بخته

#يا_فاطمة
#حزنها_لولدها_الحسين صلوات ربي عليهم

يا يمه..موعد كسرة كلب امك بالطف صار
يا يمه..والدم بقمصانك ما يبرد حار
يا يمه..مشتعله اعلمصابك ما تطفه النار

ثوبك بيدي يمه وبيه الاجروح
أنه امضيعة وادور وين الينوح
ما لحكت يبني انصب عزه اعليك
كلب الزهره يالمذبوح مذبوح

ادور بالمجالس مثل المضيعه
بلجن صوت ناعي اعللولد ينعه
_____
يا يمه..ما افك اسود حزني رايحلي حسين
يا يمه..يالثوبك ضل احمر حومرت العين
يا يمه..وين الشاطت روحه اعلمصابك وين

بالعزيات اكعد اخر الناس
افك حضني واحط جفوف عباس
وامسح راس اليطب رايد ينوح
وارش دمعاتي واحضرهم بالاحساس

ارش باب الحسينيات بالدمعه
بلجن صوت ناعي اعللولد ينعه
__
يا يمه..المثلك مو متغرب يحكم ويشور
يا يمه..وكون اوسادة راسك مو رملة ازهور
يا يمه..بكلب الزهره شسوت عملة عاشور

كلب الامهات اعليك مفتوت
ومنو بكدك يبعد الزهره مبخوت
البخيت تحني داره الناس يحسين
مو محروك داره وماله تابوت

ادور ليك يمه اكلوب منفجعه
بلجن صوت ناعي اعللولد ينعه
____
يا يمه..شما صد ام تلولي يبجيني ارباي
يا يمه..الكوثر حكمه بأيدي وما عندك ماي
يا يمه..وين الكد امصابك وين البجاي

وين المنفجع لحسين وينود
نود الفاجدات اعليك مريود
ووين البنيابه دك الاضلوع
اعللطم اضلوعي ما بيه يمضهود

حيل امك بعد يحسين شيرجعه
بلجن صوت ناعي اعللولد ينعه
__
يا يمه..كلما سيف يطوفك ازداد اجراح
يا يمه..ما مكتوبة بولدي يحسين ارتاح
يا يمه..مدري شطاح بكلبي من مهرك طاح

كل ام تحسب لفرحة ولدها
كلي شتسحب الذبحو سعدها
الكل ترجع لاهلها وتكطع النوح
وامك بالعزه تبجي بعدها

بلكي اعللعزه خادم اله رجعه
بلجن صوت ناعي اعللولد ينعه

https://youtu.be/c_mG5rDPuu0?si=4N_31Lu1r-3rC59p

مصباح شهادة مولاتي الزهراء صلوات الله عليها
كون كل شخص يشغل المقتل ابيته
حته لو بينه وبين نفسه يشغله ويستمعله

خل نزرع مقتل الزهراء وقضية مولاتي بگلوبنا اليوم
حته نكدر باجر بأذنهم يصير مقتل الزهراء كمقتل حبيبها الحُسين صلوات ربي عليهم

وافاطمتاه
وامصيبتاه

#مولاتي_الكريمة
السيدة فاطمة المعصومة

اكبر من حدود الخيال
اجمل من معاني الجمال
اكرم من اجاب السؤال..معصومة

اصدق حب يمثله حبيب
متغربه لاخوهه الغريب
الها امن السبايا نصيب..معصومة

جاباها شوگ الرضا جاباها
لمشهد اخوها جان منواها
اندار الدرب بدموع معصومة
جن الدرب للشام وداهه

دمعتهه..السوتنه..العلمتنه
من نشتاگ شلون
نبجي دموع عيون
ونعيش الاهات

متعنيه..بحرگتهه..بشوغتهه
واشباح الاقدار
خلتها تحتار
وكتلتها الحسرات

ماتت من درب يهضم
مولاتي الكريمة بقم
____
بت موسى كليمة جروح
الدمعة اليمها تشفي الروح
اعظم لذة لأهل النوح..معصومة

صح مرقدها عنّه بعيد
واقرب النه من الوريد
ادره بكل نوايا العبيد..معصومه

سحرتنه هيه بنور گبتها
وجذبتنه فوگ الگبه رايتها
شكد باجي گلبي شكد تصب عيني
بس ما لگيت بطعم دمعتها

ودتنه..بگبتهه..برايتهه
لمرقد امها الغاب
للزهراء والباب
ولذيج النيران

زايرهه..يتحير..يتصور
زاير ام حسين
المرقد ضايع وين
عشنه وياه حرمان

للخدام صارت أم
مولاتي الكريمة بقم
___
حرز اهل البجي امن الشر
عاشت للحزن منبر
گلبك يمها يتغير..معصومة

احسان الما يرده احسان
النعمة الما وصفها السان
يم مرقدها اصير انسان..معصومة

مثل الطفل بادي المشي توه
گادتلي گلبي خطوه وي خطوه
اندلينه درب اهل العطش يمها
ويمها عطاشى الرحمه تتروه

برحمتها..كادتنه..وخلتنه
من خدام حسين
امن الناس الباجين
لخيام العطشان

بجتنه..وحبينه..اندلينه
درب اهل العزيات
وعلگنه الرايات
وصرنه اهل احزان

تحكم عالگلب تحكم
مولاتي الكريمة بقم
_
مختصره الطريق الطويل
اليندل حبها اصبح قتيل
عالم حبها ماله مثيل..معصومة

عالم بي خيم واطفال
عالم بي سبي واحبال
اهات وحزن كتال..معصومه

لو تبيس اجروحك دمع تروي
بعز اللطف والشغف بس مچوي
توديك يم خيل وركض عاشر
توديك يم خيمة وسرج ملوي

بالصاير..جوتنه..وربتنه
وصرنه انتاني الثار
وين السيف الحار
وينك يابو الحگ

للمهدي..وثاراته..ودمعاته
اتحسسناها وياه
ندعي يعجل اه
بلكي وياه نلحك

گلبي يشاء اذا شئتم
مولاتي الكريمة بقم