#لليلة انصار الحسين عليه السلام
#عگيلي


التموا غيمه. اباب الخيمه
ربع حسين الكلهم شيمه
..............
صاحوله ابشر ياأبوسكينه
مو هينة اصحاب أمسمينه
كل سيف أگرابه مكسرينه
والطف ماخوفنه إبضيمه
.................
متحزمين الشاب وشايب
جدامك يحسين انحارب
لو نختاظ انزين اشوارب
ونگصبلك عسكر بالهيمه
...............
انته ويانه بسهله وصعبه
الينحز نحره تعيش بگلبه
وفاية الحد گطع الرگبه
حب بالدم ينخط تكريمه
................
يحسين احنه ويانه الكافل
يعني إبجيشين انته تقاتل
بخيلة وزلمة انرده العايل
ساس الشر واجب تهديمه
................
ابيا لليل انعوفك مانفزع
لا گوم أنهاب ولا مصرع
فدواك اصحابك تتگطع
لو حان الموت وتحتيمه
................
يالباشط. يالواضح لونك
ما تنعاش الدنيه إبدونك
والمات وماعاف أظعونك
بالجنه أمحظر تسنيمه
................

#قصائد محرم الحرام ١٤٤٥ هجري


سيد عباس الفاضلي

#لمولاتي فاطمه العليله صلوات الله عليها
#ثگيل

اخر نظرات الوالد. جانت للمقتل شاهد
ماگتله شلون. - شهدلي عيون
أخر نضرات الوالد
_____

أوگف بويه اترجاك ثگلت روحتك عني
البنات إتحظرن وآنه. دمعي واصل المتني
شفتك ناوي ع روحه. تسولف بل اليلچمني
اذا حزنك كلف يحسين ماظن يوصل لحزني

رايح من ديره الديره. وعايف بالدار أزغيره
ياروح الروح - ترسني جروح
اخر نظرات الوالد
_____

حاچيت الولي حچايه أگولن ليش واتحسر
خذت كل الظعن وياك عفتني بدمعتي اتعثر
أكدر عالسفر يحسين وعن فرگاك ما أگدر
وكل ماگتلي راح نروح وجهي ينگلب اصفر

حالي ابلياك. حچايه. بستان وينشف مايه
ألملگاك أحتام - بعيوني أحلام
اخر نضرات الوالد
_____

عمر وبلا ابو. يخلص حگه من الفرح وشل
عگبك ياصبح ينشاف. حتى الماي هم يذبل
الفارگ ظحگتك معذور. لون بالموت يتوسل
والتغرب عليه حگه إبدمع. عيناه يتغسل

عايف گلبي ألياوادم. - مجنونك بسمك هايم
گلبي من سنين. - يشهك يحسين
أخر نضرات الوالد
_____

احاه من شفت سكنه ويه حسين تتمشه
تمنيت الگلب ينطر وياريت أنگطع هرشه
انه فاطم عزيزتكم. صارت حصتي الوحشه
بويه ولو نويت تروح. عمري أبيمنتك طشه

بخنجر مطعون حساسي ينزف لموادع ناسي
بظنوني أللتاع. - راوني أوداع
أخر نضرات الوالد
_____

حنينه وكلكم اتعرفون حچيكم ياكل بحيلي
اذا چان المرض يمنع ومامش يمنه توميلي
بعد المن اعيش بدار. رحل عنهه اليتچيلي
ارحم صار اليه الموت من دمعي وسهر ليلي

ضليت بطرگ أونيني من غرب ظعن حسيني
أخر چلمات - جانن دمعات
اخر نضرات الوالد
_____

#قصائد محرم الحرام ١٤٤٥ هجري


سيد عباس الفاضلي

ظَايع وحُبك لِگَاني ،وبعد مَا اريدن أَظِيع ،
صِك عَلَيّ بخَتِم حُبَّك ،عَبْد ولأمرَك أَطِيع
"

اللّٰهُمَّ عَجِّل لِوَلِيِّكَ المُنتَقِمِ الفَرَج
https://t.me/mustafaalmuhammadawi

اعلخد جدرك احط خدي
واهيم وابدي اتذكرك
وحطب نارك يجر بيه
وضل ابجي جمر صدرك
العذاب ابشاره ابد ما صار
منو بچوية يجي يبشرك...؟
أامن احلامي تحقق
اذا اتچوه من جدرك
تجويني واسافر بيك
وعذابك سيدي يفسرك
ادوارة اخت صعدت تل
منو بكلبه بقه يدورك ...؟؟
تعذرنه اعلكل سوئة
ومن نطلب وما تطينه منعذرك
منو متعايش بجمرك...؟
منو يدري ..؟الرمح ما سهرك عيونك
بناتك سيدي اتسهرك
ضگت مرّنه وهذاك انته
ولا ضگنه عسل مرك
تجاره وياك عشنه الحب
تكبر اگلوبنه وبگلوبنه نكبرك
شني سرك...؟

ولا زال القوم يتنازعون
وكل الخوف
ان يكون عبد الله الرضيع ضحية مرة اخرى لنزاع القوم😭😭

٧ ليالي مرت
ولم نستشعر خوف الخرابة

٧ ايام مرت ونحن كوفة مصغره

فمن الضحية هذا السنه لنزاع القوم...؟

يا رب الحسين ابعد بلاء نزاع القوم عن الحسين🤲🤲