كتابة اسم الموضوع تختاري

وخط واضح وجميل

ومقدمة وخاتمه دزيته لكم وفي الوسط اكتني عن الموضوع الي اختاريتي

مع ايه قرانيه أو بيت شعر

كل سؤال بالصفحة المتخصصه له

واذا لم تكفي تكتبين تابع في الصفحة الاخير بخط واضح وكبير

ركزوا على المسرحية ثانية يجي الحسين

كل سنه تأتي

وعلى الجواهري

وفرقوا بين الروايه والقصه لتشابه بعض الاسىلة

يعني من الغلاف إلى الغلاف

وحبيباتي النفي والاستفهام تمارين هم مهمه

وان شاء الله ميضيع تعبكم

دنو:
1-عـدكم وقـت هـواي راجعوا المـادة وكمـلوها ركزوا ع المهم والـوزاري
اكلوا الكتاب اكل
هايهية هاي آخر مرة ندرس هالمادة بحياتنا

2-لا تكتلون نفسكم! وترحون منايمين!
لا بالعكـس ع الأقل ناموا 3ساعات حتى لو بس ترتاحون تغمضون بيهن
الي يروح ما نايم يتندم

3-اكعدوا الفجر صلوا ادعوا اكلوا شي صحي المهم ترحون متريكين ادعوا لنفسكم بالصلاة خلوا مي يمكم وراجعوا ع السريع قبل الساعة من الأمتحان أتركوا كُلشي لتراجعون حضروا نفسكم وطلعوا قبل نص ساعة من الأمتحان للقاعات

4-قبل لا يوزعون الاسئلة ديروبالكم تتوترن حتى لو اجتكم رهبة الأمتحان خلوها بس دقايق لا تخلوها تأثر عليكم
وبلـشوا اقروا سور والمعوذات وادعوا واستغفروا لحـد ما تتوزع الأسئلة

5-اجتكم الاسئلة مو تقروها كلها ❌!
كلش غلط غطوها بالدفتر الأمتحاني
وجاوبوا سؤال سؤال فرع فرع نقطة نقطة!
ديروبالكم تقروها كلها!!!!!!!!!!!
ترا هيج تتلخبط عدكم المعلومات وتضيعيون الأول والتالي، مفهوم!

6-وانتـو تحلون بهــدوء وتركيـز حلوا ع كيفكم! عدكم وقت هـواي يكفي وزيـادة
ومو تخافون من تشوفون وحدة واكعة! لو وحدة هابط ضغطها لو وحدة تبجي وتخلوها تأثر عليكم! ترا تلگيهن محد نايمة لو ضاغطات ع نفسهم
راح تشوفون كُلشي بالقاعة تذكروا كلامي وخليكم نفس ساندي بعالم وحدها✨ هيچ كولوا احنا بعالم سلام وهدوء وتحقيق هـدف🤍.

7-لا تضيعون وقت هسـة وتفترون بالنـت
كابلوا كتبكم وادرسوا واستغـلوا كل دقيقة
أحبـكم هواي ودعواتي الكم ✨.

سـاعات معـدودة وَ يبـلش أول أمتحان،
إلي أريده منكم من الجانب النفسي :
هو لتضـيعون تَعـب سنة كاملة!
بحجة خايفين متتوترين اخاف ما نجاوب
ناسيين المادة، اخاف الأسئلة تجي صعبة
اخاف ما الحك اكمل مراجعة....... الخ.......
من هـاي الأمور النفسية المشتركة
الي تضيع عليكم الأول والتـالي ❌
وكُـلها أوهام عقلية!
بالعـكس أريدكم ترحون وأنما عدكم موعد مهم وي مستقبلكم
هاي اللحظة شكد تعبتوا حتى توصلون إلها! مو بسـهولة اي واحد يوصل لهنـا
وانتـو وصلتوا الحمدلله والشكر✨
خـليكم
-واثقين
-مطمئنين
-واعيين
كولوا بينكم وبين نفسـكم اني درست وتعبت وسـويت الي عليـه هاي اهم شي
رب العـالمين يشوفني إذاً راح يوفقني ومراح تضـيع ولا ذرة من تـعبي
رب العالمين أوصاني بالسـعي وسعـيت
والـباقي ع الله 🤍.

اطمئنوا الله شاف دراستكم وتعبكم وعيونكم المحاوطتها الهالات عَسى انو النتيجه تكون گـَد تعبكم واكثر وعلى گد كل حسراتكم بوقت الدراسة ، عَسى انو ماتضيع آي نتفه بذلتوها ولا سعيكم يروح سراب
وصلتوا الى ايام تحقيق الحلم ...
وصلتوا الى الايام اللي رح تحصلون بيها ثمرة تعبكم ...
شدوا حيلكم و توكلوا على رب العالمين وماخاب من توكل عليه🤍.

حبيباتي هذا الانشاء يشمل هوايه مواضيع

جدول امتحانات الدور الثاني