أكثروا من الصلاة على حبيبنا وسيدنا محمد ﷺ
و"من قرأ سورة الكهف يوم الجمعه أضاء له من النور ما بين الجمعتين"🤍

#Team_Mr_Lotfy_Zahran

اصدقائي الغالين👋🏻
عاملين اي ،اتمني تكونوا بخير وتكونوا مستوعبين أن الامتحانات خلاص ع أبوابها 🫣
مش بخوفكم ولا حاجه بس يااريت يكون ضميركم صحي من بدري وبداتوا ف تظبيط المراجعات النهائيه بالنسبه لأولي ثانوي 🙄
والمراجعات الجزئيه مع نفسكم بالنسبه لتانيه ثانوي اتمنى 👀
ف العموم انتظروا بكره بإذن الله فديو ع اليوتيوب فيه تفاصيل نظام شهر 12 واحداث اخر الترم🔥
-------------------------
📌طلابنا الغالين تالته ثانوي سواء علمي أو ادبي (عام-ازهر)
انتوا حالياً وصلتوا للمرحله التشتت ايوه عارفاه المرحله ده بتردد مع نفسك دائما سواء مراكم أو واقع ف الماده أو المواد الأخري هل هلحق دا خلاص خلال خمس ست شهور الامتحانات 📑
ف احب اقولك يصديقي متسبش نفسك لدماغك أو وساوس الشيطان اللي هتظهرلك ف الوقت ده وتعتاد نفس السؤال يومياً لحد ما تلاقي نفسك وصلت لفتره الامتحانات خلاص وسبت دماغك ونفسك لسؤال هل هلحق ؟؟؟؟؟؟؟؟؟!
⏪ايوه يصديقي تلحق مدام عندك ثقه بالله ثم نفسك انك تقدر تجتهد وتواصل لمراحله الارضاء عن نفسك وعن المجهود اللي هتبذله خلال الفتره الجايه ده ف احب اقولك انك هترتاح جداً وهتكون راضي بإذن الله عن اي نتيجة هتوصلهاا مهما كانت بس هتكون راضي جداً
عن المجهود اللي عملته ،ف يصديقي ابدأ كده واستعين بالله و هتلاقي كل امورك متيسره قدام بجد بس اعمل اللي عليك واجتهد الفتره ده واللي جايه 🤍
قال رسول الله صلى الله عليه وسلم: إن قامت الساعة وبيد أحدكم فسيلة، فإن استطاع أن لا يقوم حتى يغرسها فليفعل
------------------------
ف يلا ي اصدقائي نشدوا الهمه🤍

#Team_Mr_Lotfy_Zahran
#Somaya

أي رايكم ف المقدمه الجديده 🥰❤️
بإذن الله هنستمروا عليها ❤️
حاولوا تخلوا ليكم ورد ف اليوم ي شباب وقبل ما تبدوا مذاكره حتي لو صفحه ❤️❤️❤️
وأسأل الله يرزقك سرعه الفهم وصفاء الذهن ❤️
#Team_Mr_Lotfy_Zahran

السلام وعليكم 🤍
جاهزين لشامل يشباب 👀🔥
⚠️ يلا نعطيكم نبذه عن تفاصيل الشامل 🚸
📌الصف الاول الثانوي الامتحان هيكون شامل ع المنهج كله🫣
-معاد الامتحان هيكون يوم السبت الموافق 7/12
الامتحان متاح لمده 33ساعه
من الساعه 3عصراً يوم السبت لحد 12منتصف الليل يوم الحد ⏱️
-مده الامتحان : ساعتين
-عدد الاسئله:27سؤال
-----------------------
📌الصف الثاني الثانوي (دفعه الصياح)😂🤍
الامتحان هيكون شامل محتوي شهر 11 فقط 🙂‍↔
-معاد الامتحان هيكون يوم السبت الموافق 7/12
الامتحان متاح لمده 33ساعه
من الساعه 3عصراً يوم السبت لحد 12منتصف الليل يوم الحد ⏱️
-مده الامتحان : ساعتين
-عدد الاسئله:20سؤال
-----------------------
📌الصف الثالث الثانوي شعبه علمي (عام -ازهر)
امتحان ال40الف💰
الامتحان هيكون شامل اللي اخدناه (التفاضل والتكامل والفراغيه)
-معاد الامتحان هيكون يوم الجمعه الموافق 6/12
الامتحان متاح ليوم واحد فقط
من الساعه 8صباحاً ل12منتصف الليل 🕚
-مده الامتحان : ساعتين ونص
-عدد الاسئله: 30سؤال (15سؤال تفاضل وتكامل و15سؤال فراغيه)
--------------------
📌الصف الثالث الثانوي شعبه ادبي (احصاء)
الامتحان هيكون شامل كل اللي اخدناه ع المنصه (الباب الأول والتاني والدرس الأول من الباب التالت)
-معاد الامتحان هيكون يوم التلات الموافق 3/12
الامتحان متاح لمده 24ساعه من معاد نزوله من يوم التلات قبل العصر لحد يوم الاربع المغرب⏱️
-مده الامتحان : ساعتين
-عدد الاسئله:20سؤال
----------------------------
🛑 الامتحان هيكون متوفر ع المنصه ف محتوي شهر 11
و ف المواعيد المحدده فقط الكل يجهز وانتوا عارفين تنبيهات الامتحان المعروفة
الامتحان متاح دخوله مره واحده فقط ،النت كويس ،حسابك ع جهاز واحد فقط
وقت ما تدخل الامتحان متطلعش منه غير وانت حاله ومسلمه 📑
وبس كده يشباب ،بالتوفيق ان شاء الله 🤍🔥
لينك المنصه:https://lotfy-zahran.com/
#Team_Mr_Lotfy_Zahran
By: Somaya

https://whatsapp.com/channel/0029VauWgm8ISTkTu7OR5U2a
فكره حبيت اشاركم فيها ده قناه الواتساب هتكون خاصه بكل حاجه هتنزل ع المنصه والمهام اللي المفروض تعملوهاا
ونتابعوا معاكم لو محاضره نزلت نبلغوكم بيهاا وتذاكروا اول بأول وازاي تذاكروا الرياضه بإذن الله هينزل عليها كل حاجه 🤍
#Team_Mr_Lotfy_Zahran
M:Somaya🤍

كيف التراكمات ؟!
لا بأس يصديقي انها فقط القليل من الايام التي تحتاج إلي المزيد من الاجتهاد ،عليك ان تبذل فيها ما تستطيع لأنها ستصنع مستقبلك بإذن الله 🤍
#Team_Mr_Lotfy_Zahran
#Somaya🙈🤍

مساء الخير 👋🏻
جايه احذركم من خطه تم تدبيرهاا وهيتم التطبيق عليها آخر الشهر بإذن الله 🫣
دلوقتي تم اضافه خاصيه
اللي ساتره ربناا يفضحه تيم المتابعه 😂🤍
🛑 دلوقتى عملنا ابديت (تحديث)ع المنصه داتا كامله
لإحصائيات الشوامل والكويزات

⚠️ف ذلك هيترتب عليه كالتالي :
ان بإذن الله هيوصل ل ولي الامر احصائياتك خلال الشهر كله سواء امتحنت أو لا
ودرجات الشامل بالذات الطلبه اللي مبتمتحنش هاااا😈
ف بالتوفيق ي شباب 🤝
#Team_Mr_Lotfy_Zahran
#Somaya🙈🤍

السلام وعليكم 🤍
جاهزين لشامل يشباب زي ما اتعودناا 👀🔥
⚠️ يلا نعطيكم نبذه عن تفاصيل الشامل 🚸
📌الصف الاول الثانوي الامتحان هيكون شامل ع المنهج كله🫣
-معاد الامتحان هيكون يوم الاتنين الموافق 30/12
الامتحان متاح لمده يومين
من الساعه 3عصراً يوم الاتنين لحد 6مساءا يوم التلات ⏱️
-مده الامتحان : ساعتين ونص
-عدد الاسئله:20سؤال
-----------------------
📌الصف الثاني الثانوي (دفعه الصياح)😂🤍
الامتحان هيكون شامل فروع البحته فقط (جبر و تفاضل وحساب مثلثات)🙂‍↔
-معاد الامتحان هيكون يوم الاتنين الموافق 30/12
الامتحان متاح لمده يومين
من الساعه 3عصراً يوم الاتنين لحد 6مساءا يوم التلات ⏱️
-مده الامتحان : ساعتين ونص
-عدد الاسئله:27سؤال
-----------------------
📌الصف الثالث الثانوي شعبه علمي (عام -ازهر)
🛑هيكون امتحانين منفصلين🤝
1⃣الامتحان الاول :هيكون شامل اللي اخدناه خلال محتوي شهر (12) وهو (فرع الاستاتيكا) 🧮
-معاد الامتحان هيكون يوم الجمعه الموافق 3/1
الامتحان متاح ليوم واحد فقط
من الساعه 8صباحاً ل12منتصف الليل 🕚
-مده الامتحان : ساعتين
-عدد الاسئله: 20سؤال

2⃣ الامتحان التاني:هيكون شامل فرع (التفاضل والتكامل والفراغيه)🫡
-معاد الامتحان هيكون يوم السبت الموافق 4/1
الامتحان متاح ليوم واحد فقط
من الساعه 8صباحاً ل12منتصف الليل 🕚
-مده الامتحان : ساعتين
-عدد الاسئله: 20سؤال
--------------------

📌الصف الثالث الثانوي شعبه ادبي (احصاء)
الامتحان هيكون شامل كل اللي اخدناه ع المنصه (الباب الأول والتاني والتالت)
-معاد الامتحان هيكون يوم الاربع الموافق 1/1
الامتحان متاح لمده 24ساعه من معاد نزوله من يوم الاربع قبل العصر لحد يوم الخميس المغرب⏱️
-مده الامتحان : ساعتين
-عدد الاسئله:20سؤال
(15سؤال احتمالات -5 اسئله ع اول بابين)
----------------------------
🛑 الامتحان هيكون متوفر ع المنصه ف محتوي شهر 12
و ف المواعيد المحدده فقط الكل يجهز وانتوا عارفين تنبيهات الامتحان المعروفة
الامتحان متاح دخوله مره واحده فقط ،النت كويس ،حسابك ع جهاز واحد فقط
وقت ما تدخل الامتحان متطلعش منه غير وانت حاله ومسلمه 📑
وبس كده يشباب ،بالتوفيق ان شاء الله 🤍🔥
لينك المنصه:https://lotfy-zahran.com/
#Team_Mr_Lotfy_Zahran
By: Somaya Nabil

الدنياا مقلوبه والطلابه فيها اللي مكفيهاا من الامتحانات و التراكمات
احنا ع الواتس:
https://whatsapp.com/channel/0029VauWgm8ISTkTu7OR5U2a
#Team_Mr_Lotfy_Zahran
#Somaya🙈🤍

اصدقائي 🤍
أتاكُم شهرُ رجب فاغتنموه..
بدأت أمس أول ليالي شهر رجب المُعظَّم ، شهرٌ حرام من أربعةِ أشهرٍ حُرم، الحسنات فيه مضاعفة، والذنبُ فيه جدُّ
خطير، شهرُ الزَّرع الذي يرويه شعبان وتُحصَد ثماره في شهر رمضان، فأحسنوا فيه العمل، وتزودوا فيه من الصالحات، وأحسنوا فيه الظن بربكم فقد كان رسول الله صلى الله عليه والصحابة الكرام يجدون أرزاقهم تزيد في رجب، ومرضاهُم تُشفى في رجب، وكانوا يكثرونَ فيه من الدعاء لأن الله يصُبُّ فيه مِن بركاته ورحماته وسعة الأرزاق🤍
#Team_Mr_Lotfy_Zahran
#Somaya🙈🤍

⚠️هل لسه فيه وقت ؟!
السلام عليكم
اصدقائنا طلاب الصف الثالث الثانوي شعبه علمي رياضه (عام -ازهر)🤍
📌كده زي ما اتفقنا أن هيبقي فيه امتحانين واترفع كده الامتحان الاول الشامل (الاستاتيكا) واخره انهارده بإذن الله الساعه 12 منتصف الليل ⏱️
📌بالنسبه للامتحان الشامل التاني شامل (التفاضل والتكامل والفراغيه) تم تأجيله🫣
ليوم الثلاثاء الموافق 7/1
الامتحان متاح من الساعه 8صباحاً ل12منتصف يوم الخميس الموافق 9/1 لحد الساعه 12 منتصف الليل
كده الامتحان متاح لمده
(3 ايام)📑
ــــــــــــــــــــــــــــ
🛑 وبإذن الله بكره ع المنصه بدايه فرع جديد (فرع الجبر )🔥
https://lotfy-zahran.com/
كده خلصناا شوط كبير من رحلتنا وخلصنا الفروع التاليه (تفاضل وتكامل وفراغيه واستاتيكا )
اتبقي فرعين (الجبر والديناميكا)
وتنتهي رحله الخلاص عشان خلاص🫡
ونبدوا ف الفرم المراجعات 🔥

حابه أوجه رساله لاصدقئنا اللي لسه بتضيع وقت وبيصيح من اللاشيء
انت حالياً مسؤول عن الوقت اللي بيضيع منك ده ف التفكير من اللاشيء وفيه غيرك فاق وبيكمل رحله بدون ما يسأل نفسه هل فيه وقت !!!!!
لأنه أدرك أن فيه وقت وبالفعل بدا الفتره ده وشد ع نفسه مش بس ف الرياضيه لا ف المواد التانيه وبيكمل رحلته ف سلام 🤍
ف ابدا يصديقي لسه رحلتك مخلصتش وفيهاا وقت كبير بس
متضيعهاش ف
هل لسه فيه وقتتتتتتتت!!
#Team_Mr_Lotfy_Zahran
#Somaya🙈🤍

اصدقائنا أولي وتانية ثانوي طلبه اليوتيوب والمنصه 🙈
زي ما انتوا عارفين ان المستر دايما مروق عليكم كل ترم واحلي ختام بالمراجعات والزتووووونه ف ليالي الامتحانات 🔥
ف دلوقتي يصديقي نزلك الزتووونه ع اليوتيوب
ف اجهز كده واسمعهاا وارجع هنا قولنا أنه تم الخلاصه عشان نضربلك احلي رصاصه😂👀🚀
#مستر_لطفي_زهران
#Team_Mr_Lotfy_Zahran
#Somaya🙈🤍

طلابنا الأعزاء أولي وتانيه ثانوي (عام وخاصه الأزهر) 🫡🤍
جدول زتوووونه اخر الترم 🫒
🛑اولي ثانوي نزلكم زتووونه الجبر وحساب المثلثات اتبقي زتووونه الهندسه هتنزلك يوم الخميس 9/1 بإذن الله 🫒🔥
ـــــــــــــــــــــــــ
🛑تانيه ثانوي ليكم خمس زتونات عندنا😂🫒

نزلكم اول زتووونه الجبر الباقي هيتوزع كالتالي 🔥
ملحوظه تم تغير خطه مواعيد المراجعه لأجل اصدقائنا الازهرين ف هننقلوا ع فروع التطبيقيه 🙂‍↔🤍
⭕يوم الاربعاء الموافق 8/1
🫒زتونه الفراغية وكذلك الاستاتيكا ف نفس اليوم بإذن الله 🔥
⭕يوم الخميس الموافق 9/1
🫒زتونه حساب المثلثات 🔥
⭕يوم الجمعه الموافق 10/1
🫒زتونه التفاضل 🔥
📌وبكده تكون قصتناا معاكم ف الترم الأول انتهت وبنتمنوا نكونوا قدمنا لكم خلال الكام شهر اللي فاتوا دول افضل شئ ومنتظرين الفيدباك بالذات اصدقائي دفعه الصياح 🙈🔥
وكل سنه وانتوا طيبين ونتقابلوا الترم التاني ع خير وبقوه بإذن الله 🙈🔥
ـــــــــــــــــــــــــــ
🛑 طلابنا الغالين الصف الثالث الثانوي شعبه علمي رياضه مستكملين مع بعض ي ابطال ف فرع الجبر ونزلكم تاني محاضره انهارده بفضل الله ع المنصه ف اياك ثم اياك التراكمات لأننا خلاص داخلين ع فتره خلق لا يفترس 😈🔥
ف ظبط الدنيا كده وبالنسبة لطلبه اللي بتسأل عن اجازه نص السنه بإذن الله هتكون اول عشر ايام من شهر 2 الاجازه وبعدها هنبدوا ف ختام اخر فرع من فروع الرياضه وهي الديناميكا بإذن الله وبعدها هتلاقي خطه المراجعات نزلتلك ف نشدوا الهمه 🔥
ـــــــــــــــــــــــ
🛑 بالنسبه لطلبه تالته ثانوي شعبه ادبي (احصاء) والآن مع المفاجأة الكبري🤡
خلصناا الاجازه ي حماده 😂🤍
المفروض اول محاضره ف الباب الرابع تنزلك بكره ع المنصه ف محتوي شهر 1 بسسسسسس
هنعطيكم يوم إجازة كمان
والمحاضره هتنزل يوم الخميس بإذن الله الموافق 9/1 🙈🔥
📌وبس كده ده هتكون فعاليات الأيام القادمة بإذن الله ف يلاا بينا ي أبطال عشان مع بعض هنكملوا المشوار
لتقفيله عشان دي شغلانتنا 😉🚀🚀🔥
#Team_Mr_Lotfy_Zahran
#Somaya🙈🤍

قال رسول الله ﷺ:
[مَنْ قرأَ حرفًا من كتابِ اللهِ فله به حسنةٌ ، والحسنةُ بعشرِ أمثالِها لا أقولُ آلم حرفٌ ، ولَكِن ألِفٌ حرفٌ، ولامٌ حرفٌ، وميمٌ حرفٌ]
ــــــــــــــــــــــــــــــــ
جمعه مباركه 🤍

لا تنسو قراءة سورة الكهف ي اصدقائي
والصلاه ع الحبيب🤍
#Team_Mr_Lotfy_Zahran
#Somaya🙈🤍

اصدقائي الاعزاء
اولي وتانية ثانوي (دفعه الصيااااااح) هيفضل معاكم اللقب لآخر السنه بإذن الله ومش هتنازل عنه 🙈🤍

⭕ بفضل الله تم الانتهاء من الترم الأول ع خير 🫶🏻
والحمد لله وبفضله المستر مقصرش معاكم ف شئ خلال الترم سواء من شرح وحل ومراجعات اللي الحمد لله فرقت كتير اوييي معاكم بفضل الله
وكمان التيم🫡
ـــــــــــــــــــ
ف بكده الحمد لله الترم الأول انتهي ع خير ف استمتعوا بالإجازه الاسبوعين دول 🙂‍↔
وبالنسبة لتفاصيل الترم الثاني عشان المسدجات الكتير اللي بتوصلناا واصدقائنا اللي بيسألوا 👩🏻‍💻
ف هتنزل خلال الفتره الجايه
من يوم 25/1 كده لاخر الشهر ف الوقت ده التفاصيل هتنزل ع اليوتيوب بإذن الله 🔥
وانتظروا 🫣🔥
⭕ بالنسبه للطلابنا الغاليين الصف الثالث الثانوي شعبه (علمي)
الاجازه هتكون اول عشر ايام من شهر 2 بدايه من 1/2 ل 10/2 بإذن الله 🤍
⭕بالنسبة ل شعبه( ادبي) ف زي ما انتوا عارفين اننا خلصناا الاجازه🫣

ف اجتهدوا ف الفتره الجايه ده عشان ده اهم فتره بجد وربناا يرزقكم الاتقان فيهاا ويباركلكم ف الوقت وبالتوفيق ي أبطال 🤍
#Team_Mr_Lotfy_Zahran
#Somaya🙈🤍

ما بعد الانتهاء من ضغط الترم الاول:
#Team_Mr_Lotfy_Zahran
#Somaya🙈🤍

تعالوا ندردش مع اصدقائنا 🤳🫶

الحق نفسك ي حماده لو مراكم 😂👀

https://youtu.be/kxmvRsUEEx4?si=XQOZ5oJGTDLFLAVP
#Team_Mr_Lotfy_Zahran
#Somaya🙈🤍

تخيل انك تقدر تقيم الليل وانت تحت البطانية.

مش مصدق صح ؟!

قيام الليل مش صلاة بس ، ممكن إستغفار أو ذكر أو دعاء أو قراءة قرآن ، باب القيام واسع جدا وكل عبادة هتعملها من بعد العشاء لحد الفجر مع النية انك كدا بتقيم الليل فـ هتاخد ثواب القيام إن شاء الله 🤍

ف ادعوا الله بما شئت يصديقي واليقين كله ف قلبك أنه مجاب بإذنه🤍

#Team_Mr_Lotfy_Zahran
#Somaya 🫶🙈

السلام عليكم 🤍
طلابنا الغالين الصف الثالث الثانوي شعبه (علمي وادبي)🫶🏻👀

⭕اكيد بقيتوا حافظين الدخله ده خلاص😂🫣

جاهزين لشامل ⁉️👀

أكيد جاهزين بإذن الله 🫶🏻
____
🛑 بالنسبه لطلابنا الصف الثالث الثانوي شعبه علمي رياضه🫶🏻
هيكون فيه تلات امتحانات 🏃🏼‍♀️

ثواني بس متصدموش 😂👀

1⃣ الامتحان الأول
هيكون شامل (جبر وهندسة فراغيه)
عدد الاسئله:20سؤال🗒️
الوقت: ساعتين ⏱️

2⃣ الامتحان التاني
هيكون شامل (تفاضل وتكامل)
عدد الاسئله:20سؤال🗒️
الوقت: ساعتين ⏱️

3⃣ الامتحان التالت
هيكون شامل (الاستاتيكا فقط)
عدد الاسئله:20سؤال🗒️
الوقت: ساعتين ⏱️

⭕مواعيد الامتحانات ع المنصه ⁉️
التلات امتحانات هيكونوا متوفرين من يوم الخميس الموافق 30/1 من الساعه 8صباحاً
لحد يوم الأحد الموافق 2/2 ل الساعه 11مساءاً ⏱️

طب لي الشوامل ده كلهاا عشان خلاص كده احناا بنوقعوا الفروع متبقاش غير الديناميكا هنبدوا فيها بعد الإجازة والديناميكا معتمده ع أجزاء كبيره من التفاضل والتكامل
ف نكونوا جاهزين كده 🫶🏻
⭕ بالنسبه للاجازه هتكون اول عشر ايام من شهر 2 وبعدها هنبدوا ف الديناميكا وجدول المراجعات هينزل خلال الفتره اللي هنكونوا بنخلصوا فيهاا الديناميكا واجهزوا لاقوي مراجعات بإذن الله 🫶🏻🔥
______
🛑 بالنسبه لطلابنا الصف الثالث الثانوي شعبه ادبي احصاء 🫶🏻

هيكون فيه امتحان شامل ع كل اللي اخدتوه خلال السنه (اول اربع ابواب)👀
عدد الاسئله:25 سؤال🗒️
(15سؤال باب رابع -10اسئله اول تلات ابواب)
الوقت: ساعتين ونص⏱️
معاده :هيكون متوفر من يوم الاتنين الموافق 3/2 من الساعه 8صباحاً لحد يوم التلات الموافق 4/2 لحد الساعه 12 منتصف الليل ⏱️

بالنسبه الاجازه خلصت بالنسبالكم زي ما انتوا عارفين 😂🫣
وكده وقعناا اربع ابواب اتبقي الباب الخامس هنخلصوه ف محتوي شهر 2 بإذن الله ونبدوا مراجعات 👀🔥
_____
🛑 تنبيهات الشوامل زي ما عارفين ان الامتحان هيكون متاح دخوله مره واحده فقطططططط 📵
حسابك ع جهاز واحد فقط
قبل ما تسلم الامتحان راجع واتاكد أن الاجابات اتحفظت ع الجهاز والنت يكون كويس 🫶🏻

ولازم تمتحن خلال الفتره المحدده عشان درجتك توصل ل ولي الأمر وانك امتحنت🫶🏻
وبالتوفيق ان شاء الله ي أبطال 🫶🏻🤍

🛑 طلاب الصف الاول الثانوي ودفعه الصياح تفاصيل الترم الثاني هتنزل خلال اليومين دول ف جهز حسابك ع المنصه واستعد لاقصر ترم 👀🙈
لينك المنصه:https://lotfy-zahran.com/

#Team_Mr_Lotfy_Zahran
#Somaya 🙈🤍

دفعه الصياااح
المحاضره هتنزل ع المغرب بإذن الله 🙈❤️
بقولكم اي شجعوني كده 👀
وحابه اعرف رايكم ف الشات بوت اللي من شهور بحاول اعمله بس مكنش فيه فرصه ف الحمد لله وبفضله اتعمل 🙈
وهل سهل الدنيا عليكم وفيه كل حاجه كافيه ؟!🙈❤️
https://t.me/MrLotfyZahran_bot

مع انكم برضوا بتفضلوا تسألوا وفيه كل حاجه حرفيا وبتعملوا ضغط رهيب🥹😡

لينك المنصه:https://lotfy-zahran.com/

#Team_Mr_Lotfy_Zahran
#Somaya🫶🙈