التتخيله بعقلك يصير تتخيل نفسك مريض ثاني يوم تتمرض تتخيل سنك بي مشكلة ثاني يوم يوجعك تتخيل خير يصير وره فترة تنرزق ،تتخيل اكو مشكلة بدون سبب راح تحصد القلق والخوف القدر مرتبط بالمنطق اليكول على جهالة فشلة غالباً راح يطلعون فاشلين واليكول على يومه اسود ويبالغ بي كل ساعاته يعيشها احباط التتبطر على عيشتها ماكو شي يملي عينها خلي بالك سبب هلاكك تفكير بسيط تقنع بي نفسك وتعيشه مناعتك هو لسانك وخيالك وحجايتك وأفكارك بسهولة يصيرن افعال كل نصر قبله صبر وكل عسر نهايته يسر والقادم افضل بعون الله

#الكاتب_مستر_عبودي ❤️

شلون تقنعلك رخيص بعين نفسه
تكله انته انسان غالي ؟

العِلاقات بيها نوعين من العقليات

العقلية الأولى تسوي واجباتها وتاخذ حقوقها والعقلية الثانيه ماتقدم واجباتها بس تريد حقوقها

العقلية الأولى تحبك لذاتك وشخصك، والعقلية الثانيه تحبك علمود عطائك والي تقدمه

العقلية الأولى تخلي قواعد للعِلاقة تمشون عليها إنتو الاثنين والعقلية التانية تحطلك قواعد تمشي عليها إنتَ لوحدك.

العقلية الأولى شايفة إن الصح صح والغلط غلط، والعقلية الثانيه شايفة إن اي شي تسوي هو الصح ولو انت الي سويتها هذي غلط

إختار العقلية الأولى لإن هاي الي تعمر بيوت وابتعد عن العقلية الثانية لان تمرضك وتكبرك عشر سنين ليكدام

#الكاتب_مستر_عبودي ❤️

صار عندي اقتناع تام في نهاية المطاف وانا رضيت رضيت بكل احوالي وظروفي وباللي انا بيه رضيت بالنصيب ورضيت على الإبتلاء وراضي باللي راح يجي اليوم وباجر وماراح اعترض لحظة واكول انسدت بوجهي كل الطرق لان ما اعرف شنو يصير باجر انا كلي يقين بعوض رب العالمين كلي يقين إن رضايا وصبري ماراح يروح بالخالي بلاش ورب العالمين راح يجبر خاطري في يوم من الايام (ولسوف يعطيك ربك فترضى)كن راضياً، لن يصيبك إلا نصيبك
الله يجبر خاطر كل الناس

#الكاتب_مستر_عبودي ❤️

"وعلى نياتكم ترزقون.."

واحدة من أكثر الجمل التي أؤمن بها والتي تطمئن قلبي دائما هي جملة "وعلى نياتكم ترزقون"أنا أؤمن جدا بهذه الجملة وأطمئن بها فعندما تكون نقيا من الداخل يمنحك الله نورا من حيث لا تعلم يحبك الناس دون سبب وتأتيك مطالبك دون أن تنطق بها صاحب النية الطيبة هو من يتمنى الخير للجميع دون استثناء فسعادة الآخرين لن تأخذ من سعادتك وغناهم لن ينقص من رزقك وصحتهم لن تسلبك عافيتك واجتماعاتهم بأحبتهم لن تفقدك أحبابك دائما كن الشخص الذي يمتلك النية الطيبة اللهم إنا نسألك سلامة القلب

#الكاتب_مستر_عبودي ❤️

لقد كنت قوي هذه السنة، السنة المقبلة سأكون سعيد

السلام عليك يا بنت سيد الأنبياء
السلام عليك يا بنت صاحب الحوضي واللواء السلام عليك يا بنت من عرج به الى سماء و وصل الى مقام قاب قوسين أو أدنى يارب بحق عقيلة بني هاشم بجاهج عند رب العالمين أجبري خاطري وفرحيني
السلام عليك سيدتي ومولاتي فاطمة الزهراء عليها السلام

#الكاتب_مستر_عبودي

شسالفة اليوم البنات مقابل الحديقة حاطات الموبايل ع الكاميرا و وحدة تشيل الثانية 🙃

بسمك اللٰهم نبدأَ ..🙏🏻
شهر النهايات ، و شهر البدايات…
-جمعة مباركة🖤

‏إذا قطعت علاقتك بشخص فاقطع لسانك عنه.

- صاحب بإحسان وأعرض بإحسان.

‏الشعور اللي ميخليك تتمنى الاحسن لغيرك وتضوج من تشوفه نجح بشي وتقارن نفسك بي دائماً نوع من الهوس النفسي وطول ما انت هيج بعمرها الدنيا مراح تفتح باب الخير والسهولة الك

#الكاتب_مستر_عبودي ❤️

تروح للدوام تكتم مشاكلك الي بالبيت وترجع للبيت تكتم ضغوطاتك الي بالدوام وكان الله في العون

السنة هاي طويلة بحيث نضجت بطريقة ماجنت اتوقعها خسرت ناس جنت مؤمن بوجودهم عمر ويايه عرفت شغلات جنت معمي عليها وإنحطيت بظروف كلش صعبة وعبرتها سنة بكد ماهيه طويلة عليه نسيت أحداثها نسيت الأشياء الي فرحتني واللحظات الي زعلتني نسيت منو ضرني ومنو جان وياي وراح للأسف ما مر عليه يوم وأخذت شي استحقه فعلًا، كل الأذية والضرر الي تقدمتلي بحياتي من الناس الي اني جنت كلش زين وياهم والتعب الي تحملته جان أكبر من طاقتي وأغلب النّاس الي تعمقت وياهم جان لازم أعاملهم بسطحية ومن بعيد، كل هالشي صار لأنه اني صعب أنفهم، ظروفي ما تتقدر بالطريقة الصح، مشاعري تنحط دائمًا بالناس الغلط ما ضل شي يفاجئني لو يصدمني ، صار العمر شريط كدام عيني يخلص ويرجع من أول وجديد

#الكاتب_مستر_عبودي ❤️

أسلوبي و وجهي ونظراتي يتحولن 180 درجة من اكون زعلان من الي كدامي وحقيقة اني ماعرف أتصنع ولا أمثل ولا أجامل والي يقلبي يبين على وجهي يعني ماعرف اضل زعلان منك وأعاملك اعتيادي لازم يبين عليه اني مطايقك ولا يصير انته قريب عليه وغالي وأعاملك عادي لازم اكو افعال تبينلك انته كلش مهم عندي
اني شخص مشاعره دائماً مرسومه على وجهه

#الكاتب_مستر_عبودي ❤️

عندة كديلاك ويتمنى يصير عندة بنتلي
عندة جيب ويتمنى يصير عندة تاهو
عندة سني ويتمنى يصير عندة اوبتما
هذه حالة طبيعية في الحياة الكل يطمح الى الافضل ويتمنى ولكن بدال ما يكون ما عاجبك حالك خلي يصير عندك طموح وتجتهد راح توصل وتكون فخور اكثر بنفسك الموضوع محتاج ارادة ومثابرة
غير من نفسك نحو الافضل الاحلام ما تتحقق بالتمني وانما بالتعب والمثابرة


#الكاتب_مستر_عبودي ❤️

الأزمات بمختلف أنواعها راح تعدي المشاكل تخلص و تنحل والاحتياج يصير فترة وينتهي و الحزن ياخذ وكته و يروح ماكو شغله تظل مثل ماهيه غير بس ردود فعل الي داير مدايرك منو الي من احتاجيته وكف وياك و منو من زعلت اِهتمّ بزعلك و حاول هواي إنه يفرحك بكل الطُرق الممكنه. و الغير مُمكنه و منو من وكعت بمشكلة دور وياك على حلّها لحد ما لكيت الحل كل الابتلاءات مهما جانت صعبة راح تعدي و أغلبها حتى تعرف منو الي يحبك ومنو مسوي نفسه يحبك رب العالمين يبتليك محبه بيك حتى ينوّر بصيرتك و تشوف الي داير مدايرك صح شكد ما اكو ناس صح بحياتك شكد ماانت راح ترتاح نفسياً

#الكاتب_مستر_عبودي ❤️

الانسانة الي رفضتك مراح تندم وتتمنى ترجعلها عادي راح تتزوج وتعيش مرتاحة
شغلك الي عفته ماراح يعزلون من وراك راح يكملون عادي والله يرزقهم أكثر الشخص الي جرحك لتنتظر يتعاقب يمكن احواله تصير احسن منك الدنيا بأرضها بأشجارها وطيورها ماراح توكف على حزنك حتى لو تشوف نفسك تستحق الاحسن
ولا راح يتأثر الكون اذا اختفيت حتى لو انت شخص زين عادي حياتك تبقى طايح حظها لا تستغرب عيش حياتك بواقعها مو تسيرك اغنية لو مقولة وتصدكها وتبقى عايش بأوهام

#الكاتب_مستر_عبودي ❤️

تعرف شنو أحلى شي بتقدمك بالعمر
إنك كل متكبر سنة تخليك تستصغر هواي امور جانت تستهلك من طاقتك ومشاعرك بيوم من الأيام والدرس الأهم جان خلال كل سنه إذا ما نجحت بالدرس على الأقل تتعلّم

#الكاتب_مستر_عبودي ❤️

لمن احد يتغير لـ افضل ماله داعي كل شوي هااا تذكر من جنت هيج هااا تذكررر شجنت تسوي شسالفه اي انسان آي انسان يغلط ويغلط وبعدهاا ينضج ويتغيررر كل انسان بينه يمر بمرحلة الفوضى مايعرف شيسوي ما يعرف هذا غلط لو صح فـ لمن بعدها يتغيررر مالها داعي اتصيرون براسه نبي كلنا نغلط ونتعلم من غلطنا وكلنا عدنااا مرحلة بحياتنا مليانه عيوب فـ كافي لمن تشوفون احد تغير لـ احسن شجعوو بدل ما كل شوي تذكر ها وها ترى يعرف هووو شنو جان يسوي وكلش كافي انو الواحد يوعى عُ الغلط الي يسوي اذا الله بنفسه غفور رحيم منو انتو حتى تظلون تعيرون الواحد بـ اغلاطه وانتو مليانين اغلاط فـ بطلو تخاذون دور الرب

#الكاتب_مستر_عبودي ❤️

لا تخشَ البدء من جديد، فهي فرصة لبناء شيء أفضل هذه المرة.

‏وفي يوم الجمعة

‏اللهُم لا ضياع، ولا إختيارات خاطئة، ولا طرق مؤدية للهلاك، اللهُم دُلني وخذ بيدي، يارب أرح قلبي، براحه تُغنيني عن كل شي، وأبعد عني خيبات الحياة، وتعبها، سُبحانك إنك على كُل شيءٍ قدير ♥️