الموضوع ده مهم اسمعوا فيه كذا فيديو


https://youtu.be/e27Dns-9QWQ?si=fnJfLGXmHrXWTR5A

﴿لَنْ تَنالُوا البِرَّ حَتّى تُنْفِقُوا مِمّا تُحِبُّونَ وما تُنْفِقُوا مِن شَيْءٍ فَإنَّ اللهَ بِهِ عَلِيمٌ﴾

وإذا تَأمَّلْتَ جَمِيعَ الطاعاتِ وجَدْتَها إنْفاقًا مِمّا يُحِبُّ الإنْسانُ، إمّا مِن مالِهِ، وإمّا مِن صِحَّتِهِ، وإمّا مِن دَعَتِهِ وتَرَفُّهِهِ، وهَذِهِ كُلُّها مَحْبُوباتٌ.

ابن عطية

س: انا في تانية هندسة حاسبات المفروض بس اخدت جاب يير الي هي سنة التفرغ ومش عارف ازاي استغلها عشان اطور نفسي بحاول اتدرب مع شيت حضرتك بس بضيع وقت جامد وبسرح كتير واكتر حاجة بتضيعلي وقتي السرحان اكمل مع الشيت ولا اخد حاجة تاني جنبه خصوصا اني فسنة اولي مستفدتش اوي وعديت السنة بالعافية وعايز اتفوق

ج: بقالي كام يوم عايز اسجل فيديو اقول للناس اوعوا تاخدوا سنة فراغ الغالبية الكسيحة من الناس بتتمرقع جامد ومش بيخلص حاجة

الموضوع عايز جهاد نفس كبير

من تمام وصف الشريعة للزوجة أنها (سكن) للرجل وفي هذه كثير من المعاني اللطيفة:

١. أن الرجل من الترجل فهو كثير المشي قليل القرار، ومن معاني السكن هنا أنها قرار له تلتقف ضجيج نفسه وتسكنه.

٢. ومن معاني السكن هنا الدعم والظهر، فهو يأمن نفسه معها ويعتمد عليها عندما تتبعثر أموره ( وهنا لطيفة عظيمة عندما طلب رسولنا الكريم الدعم من أمنا خديجة؛ فدثرته).

٣. ومن معانيها الهدوء والاطمئنان، ولهذا أثر مباشر على صحة الرجل الفسيولوجية، فالرجال علميا ضحايا أكبر للأمراض المزمنة في حال البيئات المتوترة.

٤. ومن معانيها الملاطفة واللعب فهي بلسم لجراحه اليومية، تنثر لطيف خلقها حتى يطيب قلبه ويدخله الفرح.

وهناك معان أخرى لكن هذه تكفي لبيان إعجاز اللفظ وتمام الوصف، ولتقتفي بعض النساء بهذه المعاني التي ترفعها وترفع زوجها وبيتها.

عمار سليمان

حد يعرف حاجة عن

girlscript summer of code

الفترة اللي فاتت كنت بسمع حاجات عن "تاريخك الشخصي" و تذكر "اساءات الطفولة" وتفهم ايه اللي شكل كيانك الحالي

المهم وانا في الحمام بحلق شنبي تساءلت انا ليه غاوي احلق شنبي
مع انا بابا الله يرحمه كان شنبه كبير وشيك
فافتكرت حاجة مظنش افتكرتها من 22 سنة

لما كنت حوالي 14 سنة وطلعلي شنب زي الشباب
ولاد خالتي المقربين - واللي ابوهم كان بيحلق شنبه - قاعدوا يتريقوا على شنبي ويقولوا
ايه "التفة" اللي في وشك ده وشيل التفة ده
المهم انا قلت لنفسي مينفعش شاب كده في مقتبل العمر بتفة في وشه
فحلقت شنبي من ساعتها

وبكده اكون غطست في اعماق شخصيتي وتاريخي الشخصي ونشوف اللاوعي بتاعنا شوية
وواضح ان التنمر حاجة اصيلة عند كتير من المصريين اللي مبيسيبوش حد في حاله

ان شاء الله انطلاقا من تاريخ شنبي ده هاتغير
وأكون إنسان جديد و من أول يناير خلاص حشيل شنبي لكن بوعي واختيار

#جعلوني_مجرما
#قلب_في_طفولتك

تنويه بديهي

لما حضرتك بتروح تحضر كورس في سنتر بتدفع لهم ثمن الدورة معجلة
وبتكون تحت رحمتهم لو حبيت تنسحب من الكورس وعادة مش بيرجع لك فلوسك (او جزء قليل حسب لوائحه)

في الكورسات اللايف بتاعتي انا بقولك خلاص سجل انت معانا ولما ربنا ييسر لك الامر سدد "الدين".

فالحقيقة بمجرد ارسال الايميل انت عليك دين لي

يعني مينفعش واحد يبعت يقولي انا هكفر يمين عن القسم اللي بعته وكده ليس علي دين

انت مدين سواء اقسمت لو لا
انا فقط استعظم في نفسك الدين لا اكثر بالقسم

لو سمحت قبل التسجيل شوف الفيديوهات المجانية اولا
لو سمحت لا ترسل ايميل القسم والتسجيل الا وانت راغب في الكورس

وكما قلت من قبل
من توفاه الله او عجز عن سداد الدين مع حرصه على سداده فأنا اعفو عنه ولا اختصمه يوم القيامة وبالمثل في كوبونات يودمي

انهارده قابلت شاب مصري بيعلب في cyber security من وهو صغير
المهم في تانية كلية زهق من الكلية ومستوى الدكاترة فراح ساب الجامعة وكمل مشاريعه مع نفسه

هو بيشتغل في امريكا بثانوية مصر :D
بس هو معاه الجنسية بالولادة

لكن يبدو انه شاطر وده كان بديل للشهادة

وعلى كلامه سوق امريكا فيه عجز في المجال ده

من احب مواطن الاخوة الايمانية التي قرأتها كانت لفتاة تقول ما معناه

"اني أشفق على شباب المسلمين مما يروه من تبرج النساء في الشوارع"

الحقيقية انا اصبحت لا احصي كم النساء التي اراها في الغرب وبلدنا المسلمة من المسلمات بملابس المتبرجات...ترى الكثير من تفاصيل جسدها...اشفق عليها تارة مما ينتظرها يوم القيامة...وأشفق على شاب كبر عمره ولا يجد من تعفه ويفتن كلما خرج من بيته...وعلى نفسي في صراعها المستمر مع غض البصر

وكل واحدة منهن ورائها اخ وأب وزوج وابن يسأل عنها سؤال عظيم يوم القيامة

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .


والشفقة ايضا على كل شيخ يعتلي منبر رسول الله عليه الصلاة والسلام ولا يحذر الناس ولا يذكرهم. انا لا اكاد اذكر خطبة او درس يتم تنبيه الناس على هذه الكبيرة

والشفقة ايضا على كل فتاة مسلمة ملتزمة بالحجاب الشرعي ترى صحابتها وزميلاتها متبرجات سنوات طويلة في الكلية والعمل "وتتكسف" او "تكبر مخها" من نصح اخواتها

سعدت بدردشة مع شباب من فلسطين


https://www.youtube.com/watch?v=ttauLF3mucI

معاني مهمة وأخص بالذكر اي حالة وهم يعيشه الناس

https://www.youtube.com/watch?v=ruYiLOa69C4

بصوا يا اخونا

زمان كانت كتير من كورسات يودمي بتاعتي للناس على يودمي والناس بتدفع ليودمي مباشر

يودمي عنده الجورزمات ماشين ليرنينج بتشوف ايه اعلى سعر ممكن اعرضه لفلان ده عشان يشتري (فكرة معروفة في الماشين)

فمثلا لو منى هتدفع لو قلنا لها 350 فخسارة نقلها تدفع 200
لكن محمد نادرا ما يشتري فنحاول نقلل له السعر اكثر لعله يشتري

جيت فترة قلت للناس اشتري مني مباشر عشان يودمي بيديني في الاخر بعد الضرائب 25%
ده حلو؟ بس ايه تبعاته؟
بما ان ناس كتير من يودمي لا تشتري فيودمي بيقلل الشرايح اكتر للناس لعلها تشتري
فبدل ما يعرض 300 يعرض مثلا 220

دلوقتي المصريين عندهم مشاكل فيزا يشتري من يودمي
بالنسبة للالجورزم بتاع الماشين انت كده مش بتشتري خالص
فبيحاول مع كتير منكم بارقام زهيدة اكتر عشان يمكن تشتري

وبسبب ده السعر بتاع الكورسات بينزل اكتر واكثر

عشان كده فيه ناس شايفة اليومين دول سعر تحفة زي 129 جنيه للكورس

يودمي عمال يقلل على امل ان الناس تشتري

فده حاجة تفهمكم الالجورزمات شغالة ازاي معاكم
وليه الاسعار بتقل جامد كده الفترة الاخيرة مع كتير منكم

وهتفضل تقل لحد ما ييأسوا منكم :D

لو مثلا ازمة الدولار ده اتحلت هترجع اسعار الكورسات ده تزيد

ولو بطلت تشتري مني مباشر هترجع تزيد اكثر وهكذا


تنويه سعر الكورس بيدخل فيه عوامل كتير: مثلا
الكورس نفسه وتاريخه مع يودمي كأرباح
العميل نفسه ومكان اقامته وتاريخه مع الشراء
هل للكورس كوبونات تحفيض؟ هل للكورس لينكات ريفيرال؟ لينكات دخول عادي؟
الالجورزم المطبق: وارد يكون فيه اكتر من الاجورزم بيطبق حسب عوامل مختلفة
ووارد عوامل تانية يعرفها فريق الذكاء الاصطناعي

تنويه اخير بخصوص الخدمات الاجنبية مع مصر:
يودمي وغيره بيعتمد على سعر الصرف الرسمي
فمثلا لو هو عايز ياخد منك 7 دولار بيشوف السعر الرسمي اللي الدولة هتسدد بيه
فمثلا الرسمي 30 جنيه فيودمي يطلب من الفيزا بتاعتك 210 مصري

زمان مصر كانت بتسدد الفرق بين الرسمي (مثلا 30) والحقيقي في السوق السودة (مثلا 60). فالسعر الذي تراه ليس معبر عن السعر الحقيقي للكورس مع عجز مصر للسداد للخدمات الاجنبية. فمثلا السعر الحقيقي للكورس هيكون 60 * 7 = 420

زميل لكم بيسأل عن رأيكم في
أكاديمية route

نعلق بذوق

من اخطاء التفكير المشهورة التعويل على القصة

نوضح بمثال

منى اتسحب منها دم بسرنجة مستعملة ومجالهاش امراض

هل ينفع نقول للناس اعمل زي منى؟
الجواب لا
لازم احصائية محترمة تقول ان التصرف ده لن يأتي بأمراض
خاصة ان العلم والمنطق على غير ده

بالمثل المنطق يؤيد اهمية تعلم اساسيات مجالك وممكن نمشي الناس بمختصرات لو دعت حاجة واضحة لكن لا يجعل ده المسار الرئيسي للناس
بل يميز بين الاصل والاستثناء

فلو جت جهة عملت اعلان ان ٤ شهور يدخلوك فانج الاصل التشكك في ده بشدة لان الواقع والمنطق مغاير
ولا يصح الدليل بقصص فردية حدثت بل الاحصاء واجب هنا او ما يقوم كدليل بديل

من قواعد التفكير ان الادعاء الاستثنائي بحاجة لدليل أستثنائي

تنويه قلنا ان سمعنا وشوفنا وقائع مختلفة لناس اتعلمت في ٦ شهور ونزل فرونت او باك في شركات غير الفانج
وعندي دعوى بلا احصاء ان اكثر هؤلاء يعاني كسينيور

رغينا كتير زمان في موضوع الاساسيات فانا مش مهتم بالفرهدة يا خونا والله

بعلق بس عشان فيه ناس بعتت تطلب مني تعليق على النقطة ده

وان شاء الله افضى واتفرج على المناظرة لعلي انتبه لخطئي

س: اقصر وقت اقدر اخلص فيه دورة الماشين بتاعت حضرتك؟

الكورس حوالي 100 ساعة شرح اكثرهم نظري
وممكن تحتاج زيهم او ضعفهم مراحجعة للهضم

ولو شاطر برمجة ممكن تاخد يمكن 100 ساعة للواجبات؟
ويمكن 200 ساعة للمشاريع؟

انا بحاول اقدر هنا معنديش داتا
فمثلا 500 ساعة

بس فيه حاجتين بيغيبوا عن الناس:
- انت لو مش متفرغ فغالبا وراك حاجات تانية بتاكل من وقتك
- المهم الانسان صعب يعد ليل نهار مركز مع مادة واحدة خاصة لو النظري فيه مكثف...لكن سهل تركز في التطبيق فترات طويلة