#ليالي_شهادة_مولاتنا_السيده_زينب_ص_

مولاتنا زينب(ص) چانت تتمنى امها الزهراء(ص) حاضره من اجت ساعة الموت
وطيب خاطرها المكسور …لسان حال مولاتي الزهراء تحاچي مولاتي زينب بعد اقتراب لحضات الموت….



موتي يمُه...الموت راحه
وانتي تعبانه وغريبه...
ماكو واحد...من اخوتچ
كلها مذبوحه وسليبه...
ارتاحي يمُه..شگد تعبتي
خلص عمرچ بس مصيبه..


الشام يمه شخله بيچ
بلحبل چتفو اديچ
وانتي خمسين العمر
والنضر كله عليچ...

موتچ درب السبي
وصارت اتراب العبي
بديره متروسه غرب
الحادي شامت واجنبي...


موتي موتي...هوه ياهو الضل الچ
موتي موتي ...يلي ماتو كل هلچ
موتي موتي ...ارتاحي محد يوصلچ


يازينب يايمه....

________

ياهو مثلچ...يگضي عمره
لا اهل لا من عشيره...
يعيش غربه...يموت غربه
جنازه صارت كلها حيره...
حته من ماتت...غريبه
جنازه متعوبه وكسيره...


جنازه متروسه ضياع
يعني ميته بلا وداع
ينكسر خاطرها ليش
بلا خدرها وكلشي ضاع....


تريد واحد ما لگت
بل جنازه وتلتفت
لا اخوان ولا عمام
بلجنازه شگد بچت...


موتي موتي ...ونسي حبل الشد اديچ
موتي موتي...ونسي كلشي الصار بيچ
موتي موتي...دنيه وندارت عليچ

يازينب يايمه...

________

خلصي منها...الدنيه غربه
وخلصي من چلمة اسيره...
شگد تعبتي...من حچيهم
هايه زينب مو اميره...
ماكو رحمه...الشام يخنگ
ونتي متعوبه وچبيره...


الشام دربه لمدري وين
وعلرمح راس الحسين
ماكو اخوتچ يعني سوگ
يعني وادم كلها عين....


هيچ يبقه لماله اهل
يصعد اضهور الهزل
يسكت شما مره ضيم
ويصبح بچفه الحبل...


موتي موتي ...وخل يعيش الماله راي
موتي موتي...الما نطه احسينچ فياي
موتي موتي...ومات ضامي بلايه ماي


يازينب يايمه....

________

ماكو راحه...كلشي ضدچ
محد ايگلچ خطيه...
ضيم عشتي...كل حياتچ
وخلصت ايامچ سبيه...
ضيم عاشر...ضيم شامچ
كلهن التمن رزيه...


تمشي وتعاين رمح
وتذكر شسوه الذبح
يا مصايب تحتمل
لتنسبي بطرت لصبح...


ماكو راحه وتستريح
تگوم ضلت بس تطيح
تعبت اهواي العفاف
وتنضر لراس الذبيح...


موتي موتي...يلي حرگولچ خيام
موتي موتي...يلي جرحچ اسمه شام
موتي موتي...هايه دنيه بلا سلام


يازينب يايمه...

________

خادم الزهراء ص

✍️محسن الباوي

زينب نادهه العباس
هاي النوگ جابوها

رجعن ثاكــــــلات الحال بس شـــــلون ردتهن
وداهــن درب للشــام مهظـــومات رجعـــــهن
اول تالــــي علويات يمشــن دون ســـــادتهن
ماينـــــــدلن الميــــــتين درب الشام دوهنهن

زينب راجعه بياحال
يم حســــين نزلوها


ناگه اتقدمــت عالنـــــوگ مـن وصلـن لهاليهن
زينب تنشد اعله حســـــين گوم اگعد يواليهن
يبن امي البنات اوياي بـــــس رقيـه مـو بيهن
وشلت الدمع بالشـــــــام بيــش البيه ابچيهن

اختك عال بيهه الشام
بالديوان مــــــــروها


جايبنه لهلنه الشوگ شـــفنه المــــــوت بالغربه
هوه اليمشي وي اجـــــناب تاكل حسرته بگلبه
ضعن اشكبره چان وصار نسوان اشكثر صعبه
زينب وگفت اعله حسين وگفت حرمه متغربه

من الشوگ كلهه اتميل
يهل ام عون عينوها


كل وحده اعله ابنهه اتنوح ذيچ اتنوح لخوتهه
وزينـــب يـــم گبر عــباس ثگـــــــلانه عبايتهه
مره امـتربه امـن الشام مـــره الــــنار لاحــتهه
خويه الشــالتك بصــباك تـــدري الهزله شالتهه

هزله ونوخت بالسوگ
واهل الشام شافوها

خادم القصيده
#شاكر #الصيمري

المولد : سالفة هيل
الرادود : محمد الجنامي
الشاعر : فاضل مقدم
~~~~
عَلي عَلي    عَلي عَلي

عَلي نفحة هوانه وبيت اهلنه
عَلي اسمك العاشگ بي تهنه
عَلي يخله منك بيت اهلنه
عَلي ما أضيع وعيونك عليه

عَلي عَلي    عَلي عَلي

~~~~
حي در الرضع اسمك يحيدر
وانت بمرقدك صاير يحيدر
الف نعم الله بمحبتك يحيدر
صرت صاحب كرامه وقابليه

عَلي عَلي    عَلي عَلي

~~
عت بيه العشگ يمك و عت به
يعاتبني الدهر وأهجر  و عتبه
عندك باب يا حيدر  و عتبه
يمهن صارت اتصلي الوطيه

عَلي عَلي    عَلي عَلي

~

سالفة هيل مكتوبه
یوسف الزهراءع 💔
قناة أّئمًةّ أّلَبًقُيِّعٌ

ياعلي حبك نجاتي و أملي
✳✳✳✳✳
الكعبة بيك اتباركت هالليله
ويم محمد نزل جبرائيله
بمولدك ياحيدر يهنيله
يا الف مبروك ميلاد الولي
✳✳✳✳✳
علي يااطيب عطر شميته
ياهو مثلك گلبي صاير بيته
حرز حبك بالگلب ضميته
وعاشگ الكرار سموني هلي
✳✳✳✳✳
بمولدك حته الطيور اتبسمت
ياعلي والانس والجن هلهلت
بجيتك اصنام الظلاله اتهدمت
المايحبك طول عمره مبتلي
✳✳✳✳✳
الجنه انته ياعلي عنوانك
روحي ورده انزرعت ب بستانك
ومثل دله گاعد بديوانك
الدنيا من تجويني اصيحن ياعلي
✳✳✳✳✳
علي بأنفاسي الهوه ونسماته
گلبي بس بسمك يدگ دگاته
علي قرآن العشگ و آياته
ها يروحي بسورة الحب رتلي
✳✳✳✳✳
علي حسين المنصوري

ياوارث الغربه     .   يبنه ذوي القربه
هموم السجن صعبه     يا أيُها الغريب
،،،،،،،،،،،،،،،،،،،،،،،،،،،،
انته يا اول  ضوه  وبالغربه  مسجون
اتهون كل غربه وغربتك والله متهون
شلون يالعايش غريب بسجنك شلون
هم عشت جرح الخرابه بسجن هارون

وارث الغربه من  زينب  وحزنك
اهون من الخرايب صدكَ سجنك
لاشفت حرمه محتاره بالهيمه
ولاشفت واحد ايسلب ابضعنك

ماسلبو اعيالك  .  ولاطلعت اطفالك
ولاذبحو اخيالك     يأيُها الغريب
،،،،،،،،،،،،،،،،،،،،،،،،،،،،،
اه ياموسى ابنه جعفر يابو الجروح
ذكرت كَلبي بغربتك شخص مذبوح
جدك الفوكَ الرمال التجوي مطروح
احتارت بياطعنه منه تطلع الروح

ذكرتنه ابجرح  غربت  العاشر
ذكرتنه ابسبي ولجمه وبحافر
ذكرتنه  بألم محد ايكدره
ذكرتنه ابشخص ضل بلا ناصر

مالي اوناديكم  . روحي بقت بيكم
سكته امن حاجيكم     يأيُها الغريب
،،،،،،،،،،،،،،،،،،،،،،،،،،،
بالسجن خلصت حياتك ياضوه العين
يابو جرح المايطيب  ابليله  وسنين
شكد فرق بينك وبين العافت حسين
نسجنت وتدري الخرابه بلا حياطين

هينه عند  العرب  ينسجن  زلمه
لاجن الحرمه من تنسجن زحمه
بالخرابه وعطش يكسر الخاطر
الجمت الساده مامنها ابد الجمه

حرمه بكَلب ضامي . تشوف الأخو دامي
ومحد بقه ايحامي        يأيُها الغريب
،،،،،،،،،،،،،،،،،،،،،،،،،،،
بكلشي بيك  تذكرينه  جروح  اليتام
ودمعت الضلت وحيده بغربت الشام
الزلمه يتحمل نعرفه املاكَه السهام
شلون حرمه بنص خرابه تكَدر اتنام

من جرح زينب وكل جرح يبده
ويذكر الغربه  كلمن بقه الوحده
هاذا انته خلص عمره بدموعه
وتالي فوكَ الحزن سممو جبده

وسفه وتضل وحدك .  والسم اكل جبدك
يكسر ضهر  فكَدك      يأيُها الغريب
،،،،،،،،،،،،،،،،،،،،،،،،،،،،
يابو خير و عله الوادم  خيرك  يفيض
العمر من يكَضي بمتاعب ماله تعويض
سيد  ونعرف  الساده  اكلوبهم  بيض
لكاضم وانته اعله اسمك كاضم لغيض

ابداعت المنذبح ضامي تقبلني
خادم الضعنك اليمشي تجعلني
كلشي ما اسوه لو ما عبد عدكم
ضايع وياهو غير انته  يندلني

ماتخلص ادموعك .  يل طفو شموعك
والغربه موضوعك    يأيُها الغريب

العبد   ابوفايز الرافضي

ماتت وباقي بگلبهه ٠٠ ذكريات
سايرتها بكــل دربها ٠٠ ذكريات
من كـــربله للشام
نار وسبي وخيام
ذكريات ٠٠ ذكريات

~
من خمسه العمر ٠٠ اول فاجعه
شافتهه العقيله
من كسر الضلع ٠٠ والباب احترگ
والدمعه الثگيله
ومحسن اتذكره اوتشم هندامه
الماله ميلاد وتعـــــــــرف ايامه
بعده ماشم الهــــــــوه وانسامه
طير ونذبحت يوسفه أحـــلامه

حتى مــــــا أذنّ بذانه ٠٠ ولا أقام
حيدره ولا خيمه دگله ۰۰ ولا أقام
ويا عين عدها اتنام
نار وسبــــي وخيام
ذكريات   ٠٠  ذكريات
~
لو عيد الفطر ٠٠ يگرب ينكسر
خاطرها اعله ابوها
الما تم الفرض ٠٠ بصيامه انجرح
وبصوابه أكتلوها
اتگلب بذيـــچ الصــور بعيونها
منظر بفيــض الدمه مضمونها
بغضاً الحيــــــدر تره يعذبونها
چن سمار المغرب اصبح لونها

عالفرح تقـــره العقيله ٠٠ الفاتحه
ونصبت الباقي عمرها ٠٠ الفاتحه
والزمن الها اشظام
نار وسبــي وخيام
ذكريات ٠٠ ذكريات
~
يافگد الاخو ۰۰ يصعب عالأخت
ويهيج البواچي
يايوم الحسن ٠٠ واسمه وهيبته
ياحلو المحاچي
شتذكر وتنسى ويهون بعينها
چبد ابــو محمد يزيد اونينها
بقت محــزونه تعيش سنينها
عالــــــرزايا زينب الله يعينها

الدمعه ماعافت جفنها ٠٠ والجروح
اتعذبت مــــن النوايب ٠٠ والجروح
وتمر عليها احلام
نار وسبي وخيام
ذكريات ٠٠ ذكريات
~
ياكسرة گلب ۰۰ زينب فاطمه
لحسين ومصابه
اعظم فاجعه ٠٠ مرت بالزمن
ومايرحم عذابه
ياشهر عـــــاشور عذب حالها
للمنيه حسين شـــــاغل بالها
وكافل الخّـــدر يصير اگبالها
والعده وسفه تشوف اخيالها

كربله مــــــــاخلت الها ٠٠ امنيات
بالطفوف الحره دفنت ٠٠ امنيات
ميته بفگد جسام
نار وسبي وخيام
ذكريات ٠٠ ذكريات
~
يادرب السبي ٠٠ وربات الخدر
وعيون الشماته
واطفال وحرم ٠٠ متعوبه ودرب
معروفه صفاته
ياجــــــــــرح چفينها من الحبل
ياهضيمتها وخذوها اعله الهزل
وما لگت فيّه وحـدرها تستظل
حـــايره بأيتام بت سيد الرسل

آه من ركـــض البراري ٠٠ واليسر
الشام آه الشام جرحه ٠٠ واليسر
محـــتاره بالايتام
نار وسبي وخيام
ذكريات ٠٠ ذكريات
~
زينب والحزن ٠٠ عِشره اتعاشرن
لحدود المنيه
ماتت بالغرب ٠٠ بفـــراگ الأهل
غريبه الهاشميه
عادة الميت يريــــــــد اعـــزازه
وحشه من غيـــر الاهل الجنازه
للگمر وكــــــــــت الدفن معتازه
يدفن اخته وحل وكت المجازه

وين اهـــلها والگرايب ٠٠ بت علي
وحشه دفنتها العقيله ٠٠ بت علي
وجروح مـا تلتام
نار وسبي وخيام
ذكريات  ٠٠   ذكريات
~

حيدر بشار الدراجي

موسى ابن جعفر اتعذب حالته
وتون حيطان السجن ماساكته
بالسجن والضلمه عاشت روحه
وتالي  ماتلي  غريبه  اجنازته

السجن اضلم ...   والغريب
حكمه خلص  ...  بس نحيب
وباگت اجروح السلاسل راحته
اويلاه اويلاه
،،،،،،،،،،،،،،،،،،،،،،،،،،،،،،
موسى ابن جعفر وحيد الليله
عالجسر تابوته  ياهو  ايشيله
السجن ماخذ كل حلم بعيونه
من التعب والحيره خلص حيله

عالجسر نعش  ... الحنان
والحيات ابلا   ...   أمان
وين اليشيعه ودمع يبجيله
اويلاه اويلاه
،،،،،،،،،،،،،،،،،،،،،،،،،،،،،،
الغربه  غربه  وماتهيد  احزانه
ايموت ملجوم البعيده اخوانه
ويلي ياسم  الجبد  والحيره
روحه من ضيم العمر ذبلانه

جرحه كلش  ... مايطيب
والله ياعالم ...  عجيب
ماكسر خاطرهم السجانه
اويلاه اويلاه
،،،،،،،،،،،،،،،،،،،،،،،،،،،،،،
الشيعه مايخلص حزنها وموتها
ويبقه مبحوح ابمصايب صوتها
الكاضم امن نشيعه نمشي الزينب
انشيله  من بين  الغرب  تابوتها

الشيعه مايگضي ... الونين
كل جرح اصله   ... الحُسين
وكل سنه هاذ الهضم ميفوتها
اويلاه اويلاه
،،،،،،،،،،،،،،،،،،،،،،،،،،،،،،
الكاضم وبالسجن طلعت روحه
نعمه  ماشاف  اخوته  مذبوحه
ولاخيم محروگه يوم العاشر
ويسمع اصوات الحرم مبحوحه

بحضن لاذبحو  ...  رضيع
ولانحر شايف   ...  گطيع
مثل جده المايهود نوحه
اويلاه اويلاه
ابوفايز الرافضي
......
الفاتحه على روح والدي

جيبولي عباس جيبولي عباس
خل يحضر أيشيل النعش
جيبولي عباس
..................................................
زينب يخــو زينب تره ضلت غريبة
حرمة او وحيده بلا أهل والله مصيبة
تنعى وتون عباس أخوي أمنين أجيبه
صبح ومسه تهل الدمــع حالة رهيبة
موتها الفراك لخوتها تشتاك
خل يحضر أيشيل النعش
جيبولي عباس
.....................................................
ألــــــــــف هنيال التموت أبين أهلها
تحضر أخوتها الجنـــــازة وتفزعلها
هذا ينعاها اللـــــــــــي يتولى غسلها
لجن زينب لمن ماتت ياهــــــــو ألها
أخوتها يا ويل كلهم مجاتيل
خل يحضر أيشيل النعش
جيبولي عباس
.................................................
عدله زينب يا خلك هــا مدري ميته
رادت يجــــــي كافلها وتلوذ بحميته
لآخر نفس ويلي بقت منتضره جيته
ريته يجيها لـــــــو حلم عباس ريته
آخر حلم جان أيصيرلها دفان
خل يحضر أيشيل النعش
جيبولي عباس
...............................................
صورة خيم محتركه شابت وي عمرها
ميته وآثار اليــــــــسر كسرت ضهرها
ماتت غريبه والغرب حفروا كبرهــــــا
بديرة غرب يا ناس مـــا واحد حضرها
أمن الشام للشام ضلمتها الايــــــام
خل يحضر أيشيل النعش
جيبولي عباس
..............................................
ماتت ولا واحد حضر شيل الجنازة
ثاري التموت بلا أهل عازتها عازة
وادم غريبة يا خلــــــك بيمن تجازه
أيبين الدافن هلـــــــه ودافن أعزازه
من يشتري الموت بلا نايحه وصوت
خل يحضر أيشيل النعش
جيبولي عباس
..................................................
خادم خدمة الحسين
الشاعر
محمد الموالي

تمنيتك عدل عباس تحضرني
تشيل أجنازتـي وبيدك تنزلني
غريبة     غريبة
زينب عاشت وماتت غريبة
.................................................
شح حتــــــى الهوى من شحت أخبارك
ويبس غصن الوفه وموحش صفه دارك
لا أب لا أخـــــــــــــــو جا بيمن أتبارك
خلص عمري نواعــــــي وشوك ذابحني
تمنيتك عـــــــــــــــــدل عباس تحضرني
غريبة     غريبة
زينب عاشت وماتت غريبة
.....................................................
حفر خدي الدمـــــــــــــــع يا نبعة الخوة
وحنى ضهري الحزن كمت أمشي بالكوه
ويلي لــــــــــــــــو دريت أفاراكك شسوه
الما يعرفني زينب عنـــــــــــــــي يسألني
تمنيتك عــــــــــــــــــدل عباس تحضرني
غريبة     غريبة
زينب عاشت وماتت غريبة
.....................................................
من أيبان ليلــــــــــي وتنذبح شمسي
أوي الحيطان أسولف واكعد وأمسي
أرسم صورتك يا عزوتـــــي ونفسي
وأثوبلك دمـــــــــــع هلبت تصبحني
تمنيتك عــــــــــدل عباس تحضرني
غريبة     غريبة
زينب عاشت وماتت غريبة
.....................................................
وصل حـده النفس والموت شاريته
واحســـــب ليلة ليلة وأنتضر جيته
عشت مدري بغيابــك عدله لو ميته
غريبة بديرة غربة ودهري دولبنـي
تمنيتك عــــــــدل عباس تحضرني
غريبة     غريبة
زينب عاشت وماتت غريبة
.......................................................
بين الها أجه لا مـــــــا أجه وينه
يحضر كون عباس ويجي حسينه
سوالف طيـــف فاكد دمعته بعينه
لحد آخــــــر نفس طيفك يراودني
تمنيتك عـــــــدل عباس تحضرني
غريبة    غريبة
زينب عاشت وماتت غريبة
.......................................................
صدك عازتها عازة الخوة مريوده
وكت شيل الجنازة أحيود مشهوده
ويلــــــي وعالنهر عباس وأزنوده
عفتك خويه بيمن بعد تدفنـــــــــي
تمنيتك عـــــــدل عباس تحضرني
غريبة      غريبة
زينب عاشت وماتت غريبة
...................................................
خادم خدمة الحسين
الشاعر
محمد الموالي

انا الولهان وعرف قيمة الشوك
ويندلني العشك مابين ميه
وذا تسالني منهو العايش اوياك
اكلك حيدر وبس هاي هيه

ليش اعله الورد نلكه الفراشات
لئن عطر الورد بي جاذبيه
وخليني ازيد من الشعر بيت
وقراله معاجز واقعيه
علي كبل الخلق بالعرش موجود
معناها انخلق مو بس اليه
علي الماردله واحد ساعة العوز
وياهو بوكته جاع من البريه
امجد الشطري

عله باب الصحن ريت انفرش. مده
وعليه تسحك الزوار. مده
جفك لو يمر ابعوز مده
العلي وحاشه يرد ايدك خليه

تاني يادفـــانــــهــــــا…. خل يجون اخوانــــهــــــا

هايه زينــب هايــــة…. ايچفنوهــــــا ابــــرايــــــة

خل يجون اخـــــــوانـــــــها

★★★★★★★★★

بلله يادفان تانــــــي ابگلب مكســـور

هسه ابو فاضل يجي ويجيب كافور

خَلصت زينـــب عمرها ابنص الگبور

وينتهي عاشور اخوها ويلفي عاشور


من تظيع لونـــها …. تلگه اثــر بمتونـــهـا

الأيدها امدمايه…. ايچفنوها ابرايه


خل يجون اخوانها

★★★★★★★★★


تالي هيچ ام المصايـــــــب وام الحجاب

زحمه اخت عباس تغفه جــوه التراب

هاي اخوها الظل ذبيح امسلب اثياب

وشمر شافاها الگبل ماشافــت البــاب


حسين ماخذ روحها … وماتطيب اجروها

على التل اهوايه…. ايچفنوها ابرايه

خل يجون اخوانها
★★★★★★★★★


بلله يادفان تاني وخل يجوها

اخوان زينب بالدموع ايغسلوها

عاشت ابسدهم أميرة ودللوها

لچن يوم الطف يويلي فارگوها


اتذبحوا جدامها….. ونار وسط اخيامها

والسبوها اسبايه…. ايچفنوها ابرايه


خل يجون اخوانها
★★★★★★★★★


تـــانـــــي يادفــــان لا تحفــــر گبرها

اخوتها ما يدرون اظنهم عن خَبَرها

الهسه أثــــــار الشمر بعــــد ابظهرها

الأخت لو ماتت ترة اخوتها اتحظرها


ايغمضون اعيونها…… گبل مَيدفنونها

اتعيش بيها احچايه…. ايچفنوها ابرايه


خل يجون اخوانها
★★★★★★★★★


ماتت وعاشَت احچايه ابنص گلبها

رايــــــــــده اتگل للگمر عن الظربها

اشتاگت أتــسَمـع لبو فاضـــل عتبها

حته الحسين ابدمعته ايرش تربها


من يهيل اترابها…. حسين يبچي ابابها

زينب امصلايه…. ايچفنوها ابرايه


خل يجون اخوانها
★★★★★★★★★


اشتاگت ام الخدر بس تسمــع حچيهم

وحـــيل تـــتألـــــم اذا تسمــع بچيــهم

رادت ايــــدفنونهـــا اخوتهـــا بــــأديهم

عَـتـــب زينـــب يكتل وتعتب علـيــهـم


حگها زاد اعتابها…. ما اجوا لمصابها

لو قرة مُــــلايـــه…. ايچفنوها ابرايه

خل يجون اخوانها
★★★★★★★★★


حگها من تبچي العقيله ومن تعـــــاتب

شافـــــت ابطــف كربله كـــل العجايب

الـــــوادم اتــگـــلـلــهـــا يا أم المصايب

اخوانچ المفروض الچ تنصب مواكــب


تجري دمعة عينها…. وما اجاها حسينها

ابكربله الوفايــــه…. .ايچفنوها ابرايه


خل يجون اخوانها
★★★★★★★★★







ــــــــــــــــــــــــــــــــــــــــــــــ
ماجد حبيب الخيگاني

ونسألكم الدعاء

‏مقطع صوتي من كَـاظُمٰ بن عَـلْٰـيّ 𖥔€

#ليالي_شهادة_مولاتنا_السيده_زينب_ص_ بحق_مولاتي_زينب_تقضى_حوائجنا_جميعاا_

نعي الى السيده زينب عليها السلام
****
ما جيت  ما جيت   تشيل اجنازتي جا ليش ما جيت
ونيت   ونيت    ثلث مرات خويه عليك ونيت

تكطعون  تكطعون    ليش وياي يحبابي تكطعون
يشيلون  يشيلون   اكبال عيوني شو كامو  يشيلون

بسك وياي  بسك وياي   يدهري اشبيك خايب بسك وياي
فرفح اهواي  فرفح اهواي    تره كلبي عليهم فرفح اهواي

اتريد خوان  اتريد خوان     يهل الناس الجنازه اتريد خوان
كلكم احنان   كلكم احنان    اشعجب ما جيتو وانتم كلكم احنان

خاطر ارتاح   خاطر ارتاح    يمته الجفن يغمض خاطر ارتاح
اتلزمه الصفاح   اتلزمه الصفاح   تره الفاكد عزيزه اتلزمه الصفاح

لو اندلكم   لو اندلكم    انه اسكنها المكابر لو اندلكم
اتريد منكم   اتريد منكم    اختكم يالخوان اتريد منكم
وين ما وين    وين ما وين   صحت يهل المحنه وين ما وين
تهمل العين  تهمل العين    كل مغرب عليكم تهمل العين

ايعيل  بيه  ايعيل بيه      مر افراكم ويعيل بيه
وتموت اديه  وتموت اديه      ادكن بابكم وتموت اديه

وين اهلها  وين اهلها   تصيح الناس كامت وين اهلها
اشويه خلها   اشويه خلها   يشيل الجنازه اشويه خلها

جليلات جليلات   تره ايام المضن كلش جليلات
ما معودات   ما معودات    عيوني اعله البواجي ما معودات

والليل خلصان   واليل خلصان   اسايس بالدمع والليل خلصان
امنين ما جان   امنين ما جان   تولاني الزمان امنين ما جان


يعتبني الزمن يحسين   لو جار
ويصفن الناي كلبي اعليك    لو جار
حرت سهمك اطلعه سحل     لو جر
وعلي يحسين ماتت حته اديه
***
الشاعر
تحسين الخفاجي

مصايبكم مصايب صعبه تنكال
اولهن ذبح واخرهن احبال
غريبه زينب ___ غريبه زينب
//////////////////////////
البايع ليله للدخان _ شلون يغمض اعيونه
والساحك طريق الشام _ حكه ينكلب لونه
اليشمر شوفه يم الروس _ امن الناكه يشمرونه
الجابو يمه طاري السوط _ يضل يتفكد امتونه

اليخلص الليل يحجي ويه الرماح
بعد لا مستحيل تشوفه مرتاح
غريبه زينب ___ غريبه زينب
//////////////////////////
الميهمه القصر والبيه _ ظايك لذة الخيمه
رسايلهن شرف للناس _ العبي من طرن الهيمه
عدكم بالشمس كاروك _ ما مطرت عليه غيمه
حاير بينه يبن حسين _ المثلك حاير ابظيمه

طفل مسبي وسحك بجدامه سعدان
صرخ من الالم لو جين عطشان
غريبه زينب ___ غريبه زينب
//////////////////////////
بزينب دارت الايام _ وعلى الناكه بواجيهه
ردنه الدنيه لو بس يوم _ مجال شويه تنطيهه
طرو بيهه نص السوك _ ورقيه التفتت اعليهه
السالبهه اعله اهل الشام _ طلع بايع تراجيهه

وكل ساعه عليهن جاي شراي
تراجيهه التحبهن كلش اهواي
غريبه زينب ___ غريبه زينب
//////////////////////////
بنادم دنيته امن تميل _ يسلم للحزن روحه
اليدفنونه بغرب مهظوم _ بعد شيطيب اجروحه
التركب عالهزل للشام _ هم نحسبهه مذبوحه
اليموت وما اجا جناز _ يموت وعينه مفتوحه

تره زينب بقت منتظره جناز
ولا واحد اجاهه من العزاز
غريبه زينب ___ غريبه زينب
//////////////////////////
فاتحتك ثجيله اليوم _ الله يساعد اعيونك
اعله زينب سيدي الخدام _ اجو كلهم يعزونك
من كثر اللطم والااه _ يمهدي هدلن متونك
كالولي الرمح والسوط _ اكثر شي ياأذونك

يبو ادموع الحمر والله حرامات
زينب تندفن دايرهه شمات
غريبه زينب ___ غريبه زينب
//////////////////////////
تمت ____ علاء الزيدي