((جرح منبر))
اريدن مــن ازور بهضمي اتحسر
وعلى الشباچ كون بدمعي اتحير
يامعنى الضليمه ويـــــاجرح منبر
يامولاي احبـك موسى ابن جعـفر
ميــــت لو عدل
بچفوفك الحبل .. هسه لو قبل
مــــولاي وتون
مرهون بسجن .. وللشيعه تحن
عشت بغربتك بـالراح والجاي
وبيام العطش أنته الچنت ماي
ياتاج أعــله راس الشيعه مولاي
يمولاي الحنين ...
"""""""""""""""""""""""""""""""""""''''''''''
أسافرلك گلب يم بابك وأرجع
وهاي الآه والويلات والـــمدمع
ليش الگيد بعده الهسه موجود
الله يعينك و مــن الجرح توگع
تـــوگع بالجرح
ماتدري الصبح .. مطعون برمح
خذلان البشر
لو هذا الدهر .. لو جرحك عبر
اجيلك والگلب بضلوعي ماهاد
يبــو طلبه التظل عطآي المراد
مـــــايرهم ابـــــد ويــاك الابعاد
مولاي الحنين ...
"""""""""""""""""""""""""""""""""""''''''''''
تظــل بحــــر العـطاء بهيبةّ أمواجه
ويـــــا كعبةّ عشگ والدنـيا حجاجه
وكل زاير يجيـــــــك مدلل بـزودك
شما تصعب وتگضي أبابك الحـاجه
حاضر بالوعد
گضاي الشدد .. نزورك وشبعد
نَحَنّ الحضرتك
ورحمةّ رايـــتك .. چبيره رحمتك
سبيل الحب أفضـه ويرجع يكون
أريد زيـــــارتك يـــــــابعد العيون
يالمسجون لجل الشيعه مسجون
مولاي الحنين ...
"""""""""""""""""""""""""""""""""""''''''''''
نجيلك كون نهتف سيدي أبابك
ونزفلك دمــع يـاحسرةّ أمصابك
يا اشرف مكــان الجامع احبابك
ويـــا اطيب عطر ياعنبر اعتابك
مـــوقف للعشگ
اليحب ومحترگ .. وينادي صدگ
عايش للابد
للشيعه سند .. وماضي بالوعد
لويرجع امس والكــان ماكان
چا لا مايظل حسين عطشان
ولا انته بسجـن مـولاي لهفان
مولاي الحنين ...
عبد زينب
محمد الابراهيمي
اريدن مــن ازور بهضمي اتحسر
وعلى الشباچ كون بدمعي اتحير
يامعنى الضليمه ويـــــاجرح منبر
يامولاي احبـك موسى ابن جعـفر
ميــــت لو عدل
بچفوفك الحبل .. هسه لو قبل
مــــولاي وتون
مرهون بسجن .. وللشيعه تحن
عشت بغربتك بـالراح والجاي
وبيام العطش أنته الچنت ماي
ياتاج أعــله راس الشيعه مولاي
يمولاي الحنين ...
"""""""""""""""""""""""""""""""""""''''''''''
أسافرلك گلب يم بابك وأرجع
وهاي الآه والويلات والـــمدمع
ليش الگيد بعده الهسه موجود
الله يعينك و مــن الجرح توگع
تـــوگع بالجرح
ماتدري الصبح .. مطعون برمح
خذلان البشر
لو هذا الدهر .. لو جرحك عبر
اجيلك والگلب بضلوعي ماهاد
يبــو طلبه التظل عطآي المراد
مـــــايرهم ابـــــد ويــاك الابعاد
مولاي الحنين ...
"""""""""""""""""""""""""""""""""""''''''''''
تظــل بحــــر العـطاء بهيبةّ أمواجه
ويـــــا كعبةّ عشگ والدنـيا حجاجه
وكل زاير يجيـــــــك مدلل بـزودك
شما تصعب وتگضي أبابك الحـاجه
حاضر بالوعد
گضاي الشدد .. نزورك وشبعد
نَحَنّ الحضرتك
ورحمةّ رايـــتك .. چبيره رحمتك
سبيل الحب أفضـه ويرجع يكون
أريد زيـــــارتك يـــــــابعد العيون
يالمسجون لجل الشيعه مسجون
مولاي الحنين ...
"""""""""""""""""""""""""""""""""""''''''''''
نجيلك كون نهتف سيدي أبابك
ونزفلك دمــع يـاحسرةّ أمصابك
يا اشرف مكــان الجامع احبابك
ويـــا اطيب عطر ياعنبر اعتابك
مـــوقف للعشگ
اليحب ومحترگ .. وينادي صدگ
عايش للابد
للشيعه سند .. وماضي بالوعد
لويرجع امس والكــان ماكان
چا لا مايظل حسين عطشان
ولا انته بسجـن مـولاي لهفان
مولاي الحنين ...
عبد زينب
محمد الابراهيمي
قصيدة لسيدي ومولاي موسى بن جعفر عليه السلام
اجيت وگلبي ملهوف عليك وعينك تشوف
ازورك يا امامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك يا امام الجعفريه
دخلت بدمعي لرض الكاظميه
يموسى الغالي يا روح الزجيه
وگفت ابّابك وعينك عليه
ترحّب بية مولاي أحسك واگف وياي
ألك ودّي وسلامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك ابچي يا موسى بن جعفر
على مصابك حزَن گلبي وتفسّر
بچيت هواي يم شباچك أكثر
ذكرت الصار بيك وبيّة اثّـر
السلاسل والسجن ذاك. يموسى هوايه اذّاك
اون وبچي بكلامي ازورك يا امامي
٠٠٠٠٠٠٠٠٠٠٠٠٠٠٠٠٠٠٠
السجن طاموره ظلمه وتخنگ الروح
گضيت ايام عمرك بيها مجروح
بسلاسل گيّدوك ودمك يفوح
بكلام الشامت السجان مذبوح
حقود السندي ملعون. يشتمك وانت مسجون
اظن سمّوك ضامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
شفت نعشك يشيلونه اليشيّعون
لطم عالروس كلها وتبچي العيون
ذكرتك من جنت مولاي مسجون
ولعنّت الظالم الأذّاك هارون
طلع نعشك بدينه. عليك شگد بچينه
صحت بيك اعتصامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
گعدنه بصحنك وحبك يلمنه
سمعنه المقتل وصحنه ولطمنه
يموسى الكاظم عليك انهضمنه
ونعرفك حاضر وموجود يمنه
على جروح السلاسل. بچينه وماكو فاصل
تعنّيت ابهيامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠٠٠
صحيح استشهدت مولاي مقتول
مصاب حسين أكثر وفجع انگول
علم عندك قتيل وداسته خيول
برمح راسه الشريف حسين مسئول
وبعد أعظم رزيه. خذوا زينب سبيه
بمصيبتهه ختتامي ازورك يا امامي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اجيت وگلبي ملهوف عليك وعينك تشوف
ازورك يا امامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك يا امام الجعفريه
دخلت بدمعي لرض الكاظميه
يموسى الغالي يا روح الزجيه
وگفت ابّابك وعينك عليه
ترحّب بية مولاي أحسك واگف وياي
ألك ودّي وسلامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك ابچي يا موسى بن جعفر
على مصابك حزَن گلبي وتفسّر
بچيت هواي يم شباچك أكثر
ذكرت الصار بيك وبيّة اثّـر
السلاسل والسجن ذاك. يموسى هوايه اذّاك
اون وبچي بكلامي ازورك يا امامي
٠٠٠٠٠٠٠٠٠٠٠٠٠٠٠٠٠٠٠
السجن طاموره ظلمه وتخنگ الروح
گضيت ايام عمرك بيها مجروح
بسلاسل گيّدوك ودمك يفوح
بكلام الشامت السجان مذبوح
حقود السندي ملعون. يشتمك وانت مسجون
اظن سمّوك ضامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
شفت نعشك يشيلونه اليشيّعون
لطم عالروس كلها وتبچي العيون
ذكرتك من جنت مولاي مسجون
ولعنّت الظالم الأذّاك هارون
طلع نعشك بدينه. عليك شگد بچينه
صحت بيك اعتصامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
گعدنه بصحنك وحبك يلمنه
سمعنه المقتل وصحنه ولطمنه
يموسى الكاظم عليك انهضمنه
ونعرفك حاضر وموجود يمنه
على جروح السلاسل. بچينه وماكو فاصل
تعنّيت ابهيامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠٠٠
صحيح استشهدت مولاي مقتول
مصاب حسين أكثر وفجع انگول
علم عندك قتيل وداسته خيول
برمح راسه الشريف حسين مسئول
وبعد أعظم رزيه. خذوا زينب سبيه
بمصيبتهه ختتامي ازورك يا امامي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نعش الغريب أعله الجسر ياناس محد شاله
مطروح ضل أبلا أهل وتصور أنت الحاله
يابو الجواد أمصيبتك ... تشبه مصيبة عمتك
وويلااا ....... وويلااا
.................................
يلكاظم وجرحك يضل جرح الغريب أشكبره
أعليك الأمام المنتظر الله اليساعد صبره
أعله الصار بيك بغربتك تنزل أدموعه أبعبره
ياثار جدي المنسجن عالرايه باچر نقره
الظلموك ماعدهم رحم والرحمه كلهه أنشالت
ودمع الأمام المنتظر عالنعش من دم سالت
الظلام أبد مارحمتك ... تشبه مصيبة عمتك
بالسجن مامهتم أبد يبچي المصايب زينب
يذكر سبيهه والهزل بالغربه من تتعذب
وبنت الحسين أتعذبه طفله بصغر تتسلب
ضيم السجن ماشيبه من جرح زينب شيب
عماته تسبيهن غرب أبجرح السجن مايهتم
الشايف مصيبة كربله دمعاته يجرن من دم
وين اليصور حالتك ... تشبه مصيبت عمتك
.........................
علطف والخيام التشب ماساعه أبطل نوحي
عالمنذبح فوگ الترب لا ماتطيب أجروحي
العاشر جروحه بلگلب يلچم أبگلبي وروحي
ياروحي والطف كربله بحزان گتلچ روحي
كربله هيه أكبر جرح وجروحنه ننساهه
بگلوبنه أكبر حزن من ننجرح نلگاهه
رقيه أبدمعهه نادتك ... تشبهه مصيبة عمتك
أمصايبنه ماتنعد أبد ياشيعه لاتنسوهه
وشمعات بدروب السبي النه أبجرح علگوهه
وكل طفله راحت بالسبي من تعثر أتشيلوهه
والضيعت أم الخدر بلهفه ودمع دلوهه
غربتي وكل سجن الظلم ماوصل غربت عمتي
وگفوهه بالسوگ أبجرح وعيون غربه أعله العبي
واسي بدموع أمحبتك ... تشبه مصيبة عمتك
سلام البهادلي
مطروح ضل أبلا أهل وتصور أنت الحاله
يابو الجواد أمصيبتك ... تشبه مصيبة عمتك
وويلااا ....... وويلااا
.................................
يلكاظم وجرحك يضل جرح الغريب أشكبره
أعليك الأمام المنتظر الله اليساعد صبره
أعله الصار بيك بغربتك تنزل أدموعه أبعبره
ياثار جدي المنسجن عالرايه باچر نقره
الظلموك ماعدهم رحم والرحمه كلهه أنشالت
ودمع الأمام المنتظر عالنعش من دم سالت
الظلام أبد مارحمتك ... تشبه مصيبة عمتك
بالسجن مامهتم أبد يبچي المصايب زينب
يذكر سبيهه والهزل بالغربه من تتعذب
وبنت الحسين أتعذبه طفله بصغر تتسلب
ضيم السجن ماشيبه من جرح زينب شيب
عماته تسبيهن غرب أبجرح السجن مايهتم
الشايف مصيبة كربله دمعاته يجرن من دم
وين اليصور حالتك ... تشبه مصيبت عمتك
.........................
علطف والخيام التشب ماساعه أبطل نوحي
عالمنذبح فوگ الترب لا ماتطيب أجروحي
العاشر جروحه بلگلب يلچم أبگلبي وروحي
ياروحي والطف كربله بحزان گتلچ روحي
كربله هيه أكبر جرح وجروحنه ننساهه
بگلوبنه أكبر حزن من ننجرح نلگاهه
رقيه أبدمعهه نادتك ... تشبهه مصيبة عمتك
أمصايبنه ماتنعد أبد ياشيعه لاتنسوهه
وشمعات بدروب السبي النه أبجرح علگوهه
وكل طفله راحت بالسبي من تعثر أتشيلوهه
والضيعت أم الخدر بلهفه ودمع دلوهه
غربتي وكل سجن الظلم ماوصل غربت عمتي
وگفوهه بالسوگ أبجرح وعيون غربه أعله العبي
واسي بدموع أمحبتك ... تشبه مصيبة عمتك
سلام البهادلي
قصيده نزله للامام موسى بن جعفر عليه السلام
موسى بن جعفر. عشگ الموالين
٠٠٠٠٠٠
شيعته وأحبابه. ما نسينه مصابه
نحضر بتشييعه وجتمعنه ابّابه
نقره دوم أخباره ونهتدي بانواره
ما نفارگ موسى. كل وكت زواره
باب للحاجات باب الكاظم
تعتنيه من كل مدينه الوادم
كل موالي وكل محب بي هايم
بحب موسى خدام. صارو مجانين
موسى بن جعفر. عشگ الموالين
٠٠٠٠٠٠٠٠٠٠٠٠
وينه ذاك الظالم. چان حاكم آثم
لا أثر لا رايه. خل يشوف الكاظم
گبره يضوي وعالي. ما يطخ للتالي
صار مأوى الشيعه. هذا موسى الغالي
حضرته جنة وتلم عشاگه
ما نعوفه ومانطيق فراگه
بحضرته شيعة علي تتلاگه
وين القصر ذاك. وين السجن وين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠
نعتني مشايه. رايه تتبع رايه
للامام الكاظم. نحيي أمره الغايه
بالمواكب جينه. والعشگ يحدينه
نلطم عله مصابه. بالصحن ظلينه
نعش موسى اروحنه نهديله
عالجسر ما يبقه لحظه انشيله
حتى ذاك الگيد عنه انزيله
والي اليتامه. كهف المساكين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠٠
موسى يشبه طه. ورث علمه وجاها
سابع أهل العصمه. حگنه بي نتباها
الله عَظّم شانه. خالد بعنوانه
باقي موسى الكاظم. ونتهت عدوانه
رغم انف الظالم وأحكامه
نزور موسى ونفتخر خدامه
ونحيي بدموع ولطم أيامه
للكاظم دموم خل تنزف العين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠
اي وحق عيونه وغترته ومتونه
ما نعوف الكاظم خلهم يسمعونه
يمشي حبه بدمنه. والخطر ميّهمنه
من زيارة گبره. الله لا يحرمنه
لاشك الكاظم يسجل بيده
كلمن يزوره يحبه يريده
آخره ودنيا أمامه يفيده
وارث كرامات من جده لحسين
موسى بن جعفر. عشگ الموالين
#سيد #زيد #الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
موسى بن جعفر. عشگ الموالين
٠٠٠٠٠٠
شيعته وأحبابه. ما نسينه مصابه
نحضر بتشييعه وجتمعنه ابّابه
نقره دوم أخباره ونهتدي بانواره
ما نفارگ موسى. كل وكت زواره
باب للحاجات باب الكاظم
تعتنيه من كل مدينه الوادم
كل موالي وكل محب بي هايم
بحب موسى خدام. صارو مجانين
موسى بن جعفر. عشگ الموالين
٠٠٠٠٠٠٠٠٠٠٠٠
وينه ذاك الظالم. چان حاكم آثم
لا أثر لا رايه. خل يشوف الكاظم
گبره يضوي وعالي. ما يطخ للتالي
صار مأوى الشيعه. هذا موسى الغالي
حضرته جنة وتلم عشاگه
ما نعوفه ومانطيق فراگه
بحضرته شيعة علي تتلاگه
وين القصر ذاك. وين السجن وين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠
نعتني مشايه. رايه تتبع رايه
للامام الكاظم. نحيي أمره الغايه
بالمواكب جينه. والعشگ يحدينه
نلطم عله مصابه. بالصحن ظلينه
نعش موسى اروحنه نهديله
عالجسر ما يبقه لحظه انشيله
حتى ذاك الگيد عنه انزيله
والي اليتامه. كهف المساكين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠٠
موسى يشبه طه. ورث علمه وجاها
سابع أهل العصمه. حگنه بي نتباها
الله عَظّم شانه. خالد بعنوانه
باقي موسى الكاظم. ونتهت عدوانه
رغم انف الظالم وأحكامه
نزور موسى ونفتخر خدامه
ونحيي بدموع ولطم أيامه
للكاظم دموم خل تنزف العين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠
اي وحق عيونه وغترته ومتونه
ما نعوف الكاظم خلهم يسمعونه
يمشي حبه بدمنه. والخطر ميّهمنه
من زيارة گبره. الله لا يحرمنه
لاشك الكاظم يسجل بيده
كلمن يزوره يحبه يريده
آخره ودنيا أمامه يفيده
وارث كرامات من جده لحسين
موسى بن جعفر. عشگ الموالين
#سيد #زيد #الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليش وياك اسولف ماتحاجيني
بويه الخاطري حط عينك بعيني
رقيه الدللتهه
ذبلت من عفتهه
شماله الموت فرگ بينك وبيني
..............
بنتك بس عرفتك بويه بالگوه
اگولن هوه ابوي حسين مو هوه
شنو ذنبه ابوي شعمل وشسوه
اروح الدم لحيتك يالابو فدوه
فك عينك ثواني
اشوفك جرح اذاني
شماله الموت فرگ بينك وبيني
بويه الخاطري حط عينك بعيني
..........
اريدن بويه احضنك وين جا صدرك
شكد حاولت بس ماينحضن نحرك
نفسه البيدي بويه البالنحر عطرك
ردت ملكاك بويه حسين مو كبرك
دوخت الخرابه
كد ماصيح بابه
شماله الموت فرگ بينك وبيني
بويه الخاطري حط عينك بعيني
..........
تدري اشكد الك يابويه مشتاگه
بكثر شوگ العقيله الهودج الناگه
عليك بشيبتك هم بعد نتلاگه
العزيز البي محنه ايموت فراكه
يل كلك محنه
يل باجي من اهلنه
شماله الموت فرگ بينك وبيني
بويه الخاطري حط عينك بعيني
...........
عمت عيني الشمس شمسويه بالوانك
وين الكشخه ذيج بصدر ديوانك
تدري بيوم حركو بويه صيوانك
الحارگ خيمتك يبجي اعله نسوانك
كسرن خاطر اعداك
نسوانك بلياك
شماله الموت فرگ بينك وبيني
بويه الخاطري حط عينك بعيني
..........
بويه اليل للماعدهه ابو خنگه
حلات اليل اخلصه بحضنك الشبگه
ليش وياك صارت شحه بالملگه
ابريني الذمه ظلت بالنفس شهگه
ابريني الذمه يحسين
اشمك واغمض العين
شماله الموت فرق بينك وبيني
ليش وياك اسولف ماتحاجيني
.............
موسى البطلي
بويه الخاطري حط عينك بعيني
رقيه الدللتهه
ذبلت من عفتهه
شماله الموت فرگ بينك وبيني
..............
بنتك بس عرفتك بويه بالگوه
اگولن هوه ابوي حسين مو هوه
شنو ذنبه ابوي شعمل وشسوه
اروح الدم لحيتك يالابو فدوه
فك عينك ثواني
اشوفك جرح اذاني
شماله الموت فرگ بينك وبيني
بويه الخاطري حط عينك بعيني
..........
اريدن بويه احضنك وين جا صدرك
شكد حاولت بس ماينحضن نحرك
نفسه البيدي بويه البالنحر عطرك
ردت ملكاك بويه حسين مو كبرك
دوخت الخرابه
كد ماصيح بابه
شماله الموت فرگ بينك وبيني
بويه الخاطري حط عينك بعيني
..........
تدري اشكد الك يابويه مشتاگه
بكثر شوگ العقيله الهودج الناگه
عليك بشيبتك هم بعد نتلاگه
العزيز البي محنه ايموت فراكه
يل كلك محنه
يل باجي من اهلنه
شماله الموت فرگ بينك وبيني
بويه الخاطري حط عينك بعيني
...........
عمت عيني الشمس شمسويه بالوانك
وين الكشخه ذيج بصدر ديوانك
تدري بيوم حركو بويه صيوانك
الحارگ خيمتك يبجي اعله نسوانك
كسرن خاطر اعداك
نسوانك بلياك
شماله الموت فرگ بينك وبيني
بويه الخاطري حط عينك بعيني
..........
بويه اليل للماعدهه ابو خنگه
حلات اليل اخلصه بحضنك الشبگه
ليش وياك صارت شحه بالملگه
ابريني الذمه ظلت بالنفس شهگه
ابريني الذمه يحسين
اشمك واغمض العين
شماله الموت فرق بينك وبيني
ليش وياك اسولف ماتحاجيني
.............
موسى البطلي
يوم امن الايام
چنت ارسم احلام
بس غربة الشام
ذبحت احلامي
چِنَّه وچِنت يعني الأمس ألله يذيچ ايَّامي
عگب الأهل شفت اخوتي اتخفِّف عليه آلآمي
أبني ابحلم لاچن يضل يمشي الحزن جِدَّامي
وعكس الأريده دنيتي فرهدت كل أحلامي
ماكفَّت الروح
من ونهه والنُّوح
ربَّيت الاجروح
وصارن ايتامي
بسنيني الاوله امعذِّبه ومنهه الحزن دگ بابي
جرحتني دنياي ابكثر وَنِّي اعله فگد احبابي
چنت احساب اشكثر بس ماحسبت احسابي
لوحان موتي امن اخوتي محد يهيل اترابي
عالمايگدرون
الزينب يحظرون
دم تبچي العيون
والگلب دامي
راحت احلامي اويه الحسن وبكربله او واديهه
وراح الإسمهه امدلله وكل حيل ماضل بيهه
چان الگمر يمسح أثر خطواتي من امشيهه
زينب يهل زينب تره جارت الدنيا اعليهه
تالي الحبيبه
صارت غريبه
واشچم مصيبه
اتهيِّج آلآمي
ياناس تتمنَّه الاخت خُوَّانهه ابموتتهه
مهيوبه جِدَّام الخلگ يمشون بجنازتهه
وين اليروح الكربله واينادي يم اخوتهه
ماتت غريبه ام الحزن واندفنت ابحسرتهه
مانشفت العين
وتنادي كل حين
آنه اخت الحسين
المنذبح ضامي
من المحن أخلص ردت خليهه تطلع روحي
واشضال بيه امن الهظم ماعندي ضل بس نوحي
يم اهلي اروح ونلتقي ونبچي على مذبوحي
غاد امن اشوفهم گلت بلچن تهيد اجروحي
ضل گلبي مهظوم
لا ليله لا يوم
خلصن بالهموم
عمري وايامي
سيد علي الموسوي
چنت ارسم احلام
بس غربة الشام
ذبحت احلامي
چِنَّه وچِنت يعني الأمس ألله يذيچ ايَّامي
عگب الأهل شفت اخوتي اتخفِّف عليه آلآمي
أبني ابحلم لاچن يضل يمشي الحزن جِدَّامي
وعكس الأريده دنيتي فرهدت كل أحلامي
ماكفَّت الروح
من ونهه والنُّوح
ربَّيت الاجروح
وصارن ايتامي
بسنيني الاوله امعذِّبه ومنهه الحزن دگ بابي
جرحتني دنياي ابكثر وَنِّي اعله فگد احبابي
چنت احساب اشكثر بس ماحسبت احسابي
لوحان موتي امن اخوتي محد يهيل اترابي
عالمايگدرون
الزينب يحظرون
دم تبچي العيون
والگلب دامي
راحت احلامي اويه الحسن وبكربله او واديهه
وراح الإسمهه امدلله وكل حيل ماضل بيهه
چان الگمر يمسح أثر خطواتي من امشيهه
زينب يهل زينب تره جارت الدنيا اعليهه
تالي الحبيبه
صارت غريبه
واشچم مصيبه
اتهيِّج آلآمي
ياناس تتمنَّه الاخت خُوَّانهه ابموتتهه
مهيوبه جِدَّام الخلگ يمشون بجنازتهه
وين اليروح الكربله واينادي يم اخوتهه
ماتت غريبه ام الحزن واندفنت ابحسرتهه
مانشفت العين
وتنادي كل حين
آنه اخت الحسين
المنذبح ضامي
من المحن أخلص ردت خليهه تطلع روحي
واشضال بيه امن الهظم ماعندي ضل بس نوحي
يم اهلي اروح ونلتقي ونبچي على مذبوحي
غاد امن اشوفهم گلت بلچن تهيد اجروحي
ضل گلبي مهظوم
لا ليله لا يوم
خلصن بالهموم
عمري وايامي
سيد علي الموسوي
ماتت اليوم العندي اغله من الهوه
شكد تمنيت اتصير موتتنه سوه
ابنص الگبور دافن النور
وطفه بعيوني الضوه
ــــــــــــــــــــــــــــــــــــــــــــــــــ
خل تصب مــــــــــن دم دمعتي وتترك آثار عله خدي
ماتت ليله الأعــــــــــزهه ويتمــــــــــتني انه ويولدي
بروحي ناصب چادر لها وابجي سكته بليلي وحدي
مو لحدها اتمنه احفره ريت انا يحــــــــفرونه لحدي
ابجي ضليت مثل المضيعله ام
يخنگ البيت شما اطبله انلچم
كلبي مكسور دافن النور
وطفه بعيوني الضوه
ــــــــــــــــــــــــــــــــــــــــــــــــــ
انه كــــــــــل شده احلها وهسه انه ابشده طايح
شدتي افـــــــراگ الزجيه زرعت ابروحي النوايح
حكي اذا راسي ألطـــــمه واوكف وكل ساعه طايح
زهرتي مهضومه مـــــــاتت وبنعشها لوحدي رايح
انه جناز ودمعتي بخدي اتهلي
علي انه وللكــــبر ماخذ علي
وجبدي مطرور دافن النور
وطفه بعيوني الضوه
ــــــــــــــــــــــــــــــــــــــــــــــــــ
انه ذاك الأسمي يــــــــــرهب اكسر ومحد كسرني
بس رحيل الـــــــزهرة عني غير ارسومي وهدمني
من وره انگابي ويبــــــــــين مايظمه انگابي حزني
بيدي لازم ضهري وامشي بياوكت هيج انه محني
ماهي سهله فـــراكها يكسر ضهر
بروحي تاكل الذكره ظلت والصور
ودمعي منثور دافن النور
وطفه بعيوني الضوه
ــــــــــــــــــــــــــــــــــــــــــــــــــ
جانــــــت ايامــــــــي زهيه حلوه والأحله الزجيه
جنت افيـــضن بالمــــــــــحنه من تباوع هيه ليه
ربي احرس واحمي حيدر تدعي جانت كل مسيه
هسه راحت وانــــــــــه ادعي ربي عجل بالمنيه
مات كلشي ويه موتت فاطمه
حته داري مــــن بعدها مضلمه
خدها مسطور دافن النور
وطفه بعيوني الضوه
ــــــــــــــــــــــــــــــــــــــــــــــــــ
بين عله ارسومي حزني ودمعي فاضحني بجفاها
ابجي حـــــــد ماعيني تطفه عليها لو نشدو ضناها
بيتي اصبح كله مضــــــــلم شالت الزهره وضواها
وانه أدعي كــــــــــون اموتن عمري ماريده وراها
شنهي ضلتي وأم الحسين وحسن
شيعتها وطــــــــــولها بليل اندفن
من ابجي معذور دافن النور
وطفه بعيوني الضوه
ــــــــــــــــــــــــــــــــــــــــــــــــــ
ياعلي ويــــــــنك حبيبي حلوه جانت من لسانج
فاطمه رجـــــــــعي دخليج زينب ابعازت حنانج
انتي اميرت روحي انتي وعد الاهج عالي شانج
مــــــــــن تفاركنه ولهسه محد يعوض مجانج
يالحنينه فركتج تدريها صعبه
من مشيتي بعيني كل الناس غربه
تبجي الحور دافن النور
وطفه بعيوني الضوه
ــــــــــــــــــــــــــــــــــــــــــــــــــ
حسين عبد الزهرة الدراجي
شكد تمنيت اتصير موتتنه سوه
ابنص الگبور دافن النور
وطفه بعيوني الضوه
ــــــــــــــــــــــــــــــــــــــــــــــــــ
خل تصب مــــــــــن دم دمعتي وتترك آثار عله خدي
ماتت ليله الأعــــــــــزهه ويتمــــــــــتني انه ويولدي
بروحي ناصب چادر لها وابجي سكته بليلي وحدي
مو لحدها اتمنه احفره ريت انا يحــــــــفرونه لحدي
ابجي ضليت مثل المضيعله ام
يخنگ البيت شما اطبله انلچم
كلبي مكسور دافن النور
وطفه بعيوني الضوه
ــــــــــــــــــــــــــــــــــــــــــــــــــ
انه كــــــــــل شده احلها وهسه انه ابشده طايح
شدتي افـــــــراگ الزجيه زرعت ابروحي النوايح
حكي اذا راسي ألطـــــمه واوكف وكل ساعه طايح
زهرتي مهضومه مـــــــاتت وبنعشها لوحدي رايح
انه جناز ودمعتي بخدي اتهلي
علي انه وللكــــبر ماخذ علي
وجبدي مطرور دافن النور
وطفه بعيوني الضوه
ــــــــــــــــــــــــــــــــــــــــــــــــــ
انه ذاك الأسمي يــــــــــرهب اكسر ومحد كسرني
بس رحيل الـــــــزهرة عني غير ارسومي وهدمني
من وره انگابي ويبــــــــــين مايظمه انگابي حزني
بيدي لازم ضهري وامشي بياوكت هيج انه محني
ماهي سهله فـــراكها يكسر ضهر
بروحي تاكل الذكره ظلت والصور
ودمعي منثور دافن النور
وطفه بعيوني الضوه
ــــــــــــــــــــــــــــــــــــــــــــــــــ
جانــــــت ايامــــــــي زهيه حلوه والأحله الزجيه
جنت افيـــضن بالمــــــــــحنه من تباوع هيه ليه
ربي احرس واحمي حيدر تدعي جانت كل مسيه
هسه راحت وانــــــــــه ادعي ربي عجل بالمنيه
مات كلشي ويه موتت فاطمه
حته داري مــــن بعدها مضلمه
خدها مسطور دافن النور
وطفه بعيوني الضوه
ــــــــــــــــــــــــــــــــــــــــــــــــــ
بين عله ارسومي حزني ودمعي فاضحني بجفاها
ابجي حـــــــد ماعيني تطفه عليها لو نشدو ضناها
بيتي اصبح كله مضــــــــلم شالت الزهره وضواها
وانه أدعي كــــــــــون اموتن عمري ماريده وراها
شنهي ضلتي وأم الحسين وحسن
شيعتها وطــــــــــولها بليل اندفن
من ابجي معذور دافن النور
وطفه بعيوني الضوه
ــــــــــــــــــــــــــــــــــــــــــــــــــ
ياعلي ويــــــــنك حبيبي حلوه جانت من لسانج
فاطمه رجـــــــــعي دخليج زينب ابعازت حنانج
انتي اميرت روحي انتي وعد الاهج عالي شانج
مــــــــــن تفاركنه ولهسه محد يعوض مجانج
يالحنينه فركتج تدريها صعبه
من مشيتي بعيني كل الناس غربه
تبجي الحور دافن النور
وطفه بعيوني الضوه
ــــــــــــــــــــــــــــــــــــــــــــــــــ
حسين عبد الزهرة الدراجي
يالتشيعونه يالتشيعونه الكاظم غريب اعله الجسر يالتشيعونه
**
بالسجن يا ناس خلصت اسنينه
للفرج يدعي ودمعته بعينه
كافي يا دنيه لا تجرحينه
امن السلاسل ذيج الله اليعينه
لا تتانونه لا تتانونه بالسم ابن جعفر كضه لا تتانونه
***
امن الشمس محروم وحيرته حيره
والسجن غير كل تعابيره
راسه عالقبله ياهو اليديره
يصرخ الناعي راح ابو الغيره
غمض عيونه غمض عيونه الكاظم يشيعه بهل المسه غمض عيونه
**
كلهم الجمعه يم جسر بغداد
وضلت الشيعه تنطر الميعاد
كلها تتأمل والامل ما فاد
مات ابن جعفر واهله كلها ابعاد
يالتشيلونه يالتشيلونه بهادي بله ويالنعش يالتشيلونه
*
قصة الكاظم ما حملها انسان
جان يتمنه يلكه يمه اخوان
من كثر صبره حير السجان
وتصفن الحيطان لو قره القران
ما يشغلونه ما يشغلونه عن طاعة الباري ابد ما يشغلونه
**
ايده من الكيد ليش دمها ايسيل
امن الحديد اهواي جسمه ضل ايميل
والله ابن حعفر عنده ما ضل حيل
والنهار اشلون ايعرفه من الليل
ما يخلونه ما يخلونه لو راد يشتم الهوه ما يخلونه
****
اربع احماميل عالجسر خلوه
والطبيب يصيح بيا ذنب سموه
بالدمع والنوح شيعته اتلكوه
لطمو اعله الروس وبالحزن شالوه
وحشه من دونه وحشه من دونه بغداد والدنيه اصبحت وحشه من دونه
****
تمت
تحسين الخفاجي
**
بالسجن يا ناس خلصت اسنينه
للفرج يدعي ودمعته بعينه
كافي يا دنيه لا تجرحينه
امن السلاسل ذيج الله اليعينه
لا تتانونه لا تتانونه بالسم ابن جعفر كضه لا تتانونه
***
امن الشمس محروم وحيرته حيره
والسجن غير كل تعابيره
راسه عالقبله ياهو اليديره
يصرخ الناعي راح ابو الغيره
غمض عيونه غمض عيونه الكاظم يشيعه بهل المسه غمض عيونه
**
كلهم الجمعه يم جسر بغداد
وضلت الشيعه تنطر الميعاد
كلها تتأمل والامل ما فاد
مات ابن جعفر واهله كلها ابعاد
يالتشيلونه يالتشيلونه بهادي بله ويالنعش يالتشيلونه
*
قصة الكاظم ما حملها انسان
جان يتمنه يلكه يمه اخوان
من كثر صبره حير السجان
وتصفن الحيطان لو قره القران
ما يشغلونه ما يشغلونه عن طاعة الباري ابد ما يشغلونه
**
ايده من الكيد ليش دمها ايسيل
امن الحديد اهواي جسمه ضل ايميل
والله ابن حعفر عنده ما ضل حيل
والنهار اشلون ايعرفه من الليل
ما يخلونه ما يخلونه لو راد يشتم الهوه ما يخلونه
****
اربع احماميل عالجسر خلوه
والطبيب يصيح بيا ذنب سموه
بالدمع والنوح شيعته اتلكوه
لطمو اعله الروس وبالحزن شالوه
وحشه من دونه وحشه من دونه بغداد والدنيه اصبحت وحشه من دونه
****
تمت
تحسين الخفاجي
نعي عن الامام موسى بن جعفر
الكاظم عليه السلام
هذا النعش المن علجسر جابوه
يحملونه أربعه وبأمرة السجّان
وين الناس راحوا وين اليشيعون
لامن ناس عنده ولااجت خوّان
جثه بلاچفن فوگ الجسر خلوه
لاله من عرف بالديره لاجيران
سلاسل بالرجل ومقيده الچفين
اسوه من ذنب وشقدموا برهان
بقعر السجن عايش وبسواد الليل
غير اللون الاسود ماتمره الوان
من سجن السجن عدوان تفتر بيه
والله يازمن باهل الرحم خوّان
ياموسى المحن مافاركت دنياك
مثل بلواك مامرت ببن عمران
ياريح التهزك ياجبل. ياريح
يمحيّر الرادك بالسجن حيران
وحيده جنازتك فوك الجسر مولاي
ابعمد عافوها متقصدين مونسيان
يلكلك وطن مالك وطن جاليش
ياموطن الدين ومجمع الايمان
وين اهلك يجون بساعة التوديع
يشيعونك صدگ ويحضرون اچفان
وين الحاربك ياسيدي چاوين
دنيا واخره بعد الحصل خسران
سلام الله على اسمك كل وكت مولاي
بكل مجلس ذكر وشماتمر بلسان
سلام الله عليك شمايمر ذكرك
ياباب الحوايج يافخر عدنان
الشاعر حسن لعيبي الحريشاوي
الكاظم عليه السلام
هذا النعش المن علجسر جابوه
يحملونه أربعه وبأمرة السجّان
وين الناس راحوا وين اليشيعون
لامن ناس عنده ولااجت خوّان
جثه بلاچفن فوگ الجسر خلوه
لاله من عرف بالديره لاجيران
سلاسل بالرجل ومقيده الچفين
اسوه من ذنب وشقدموا برهان
بقعر السجن عايش وبسواد الليل
غير اللون الاسود ماتمره الوان
من سجن السجن عدوان تفتر بيه
والله يازمن باهل الرحم خوّان
ياموسى المحن مافاركت دنياك
مثل بلواك مامرت ببن عمران
ياريح التهزك ياجبل. ياريح
يمحيّر الرادك بالسجن حيران
وحيده جنازتك فوك الجسر مولاي
ابعمد عافوها متقصدين مونسيان
يلكلك وطن مالك وطن جاليش
ياموطن الدين ومجمع الايمان
وين اهلك يجون بساعة التوديع
يشيعونك صدگ ويحضرون اچفان
وين الحاربك ياسيدي چاوين
دنيا واخره بعد الحصل خسران
سلام الله على اسمك كل وكت مولاي
بكل مجلس ذكر وشماتمر بلسان
سلام الله عليك شمايمر ذكرك
ياباب الحوايج يافخر عدنان
الشاعر حسن لعيبي الحريشاوي
قصيده للامام موسى الكاظم
الباب الحوائج كلنه مشايه
ويانه طلعت تهتف الرايه
لبيك لبيك ... يا موسى ابن جعفر
......
لبيك يا باب الحوائج صيحه تُسمع
لاخر نفس مشاية للمسموم نطلع
ما توكفنه المحن ..نعتنيله بالجفن ..هذا سلطان الزمن .. تحجي المنية
عالجدم نمشي اله ... مثل مشيت كربله ... خطوه خطوه مسجله ... للكاظمية
لبيك لبيك ... ياموسى ابن جعفر
......
بالراية نتعنه الضريحه نجري دمعه
وابونت ام حسين نكعد يمه ننعه
نلطم اعليه الصدر ... لاخر ايام العمر ... امصيبته اضل تنذكر ... موسى ابن جعفر
دمعة العين التصب ... يبقى اثرهه اعله الدرب ...
تنمحي كلش صعب .... بيهه الله يفخر
لبيك لبيك .... يا موسى ابن جعفر
......
شيب وشباب امحزمه الهاي الزياره
شي تلطم وشي تمشي حفاي المزاره
كل سنه ايزيد العدد .. اكثر واكثر بعد ... ابن جعفر جفه مد .... يستقبل الجاي
والمواكب عامره ... لليكصده امناطره ... تفدي كلشي الخاطره ... خادم كتب هاي
لبيك لبيك ... ياموسى ابن جعفر
.....
موسى ابنه جعفر شرّف ارض الكاظميه
وصارت محط أنضار كل الجعفرية
صار اسمهه الغالية ... كربلاء الثانية ... والمناره العالية ... صارت بالشهود
الهه كل شيعي انتمه ... بيها سلوة فاطمه والملائك بالسمه ... طافت بلورود
لبيك لبيك .. ياموسى ابن جعفر
.......
هارون وينه وملكه وينه ما نشوفه
بس كاظم الغيض الارض كلهه تطوفه
مو مئات ولا الف .... زحف مليوني الزحف
راية للكاظم ترف ... فوك المنارات
اللارشيد وسلطته ... انتهت وي موتته ... وموسى ذيجه قبتَّه ... منورة السماوات
لبيك لبيك ... يا موسى ابن جعفر
......
كلمات
موسى الخادم
الباب الحوائج كلنه مشايه
ويانه طلعت تهتف الرايه
لبيك لبيك ... يا موسى ابن جعفر
......
لبيك يا باب الحوائج صيحه تُسمع
لاخر نفس مشاية للمسموم نطلع
ما توكفنه المحن ..نعتنيله بالجفن ..هذا سلطان الزمن .. تحجي المنية
عالجدم نمشي اله ... مثل مشيت كربله ... خطوه خطوه مسجله ... للكاظمية
لبيك لبيك ... ياموسى ابن جعفر
......
بالراية نتعنه الضريحه نجري دمعه
وابونت ام حسين نكعد يمه ننعه
نلطم اعليه الصدر ... لاخر ايام العمر ... امصيبته اضل تنذكر ... موسى ابن جعفر
دمعة العين التصب ... يبقى اثرهه اعله الدرب ...
تنمحي كلش صعب .... بيهه الله يفخر
لبيك لبيك .... يا موسى ابن جعفر
......
شيب وشباب امحزمه الهاي الزياره
شي تلطم وشي تمشي حفاي المزاره
كل سنه ايزيد العدد .. اكثر واكثر بعد ... ابن جعفر جفه مد .... يستقبل الجاي
والمواكب عامره ... لليكصده امناطره ... تفدي كلشي الخاطره ... خادم كتب هاي
لبيك لبيك ... ياموسى ابن جعفر
.....
موسى ابنه جعفر شرّف ارض الكاظميه
وصارت محط أنضار كل الجعفرية
صار اسمهه الغالية ... كربلاء الثانية ... والمناره العالية ... صارت بالشهود
الهه كل شيعي انتمه ... بيها سلوة فاطمه والملائك بالسمه ... طافت بلورود
لبيك لبيك .. ياموسى ابن جعفر
.......
هارون وينه وملكه وينه ما نشوفه
بس كاظم الغيض الارض كلهه تطوفه
مو مئات ولا الف .... زحف مليوني الزحف
راية للكاظم ترف ... فوك المنارات
اللارشيد وسلطته ... انتهت وي موتته ... وموسى ذيجه قبتَّه ... منورة السماوات
لبيك لبيك ... يا موسى ابن جعفر
......
كلمات
موسى الخادم
يا مولاتي يا ام عون
بيش ابچيلچ ام عون
ماتكفيچ الاعيون
++++++++
وين يتحصل دمع گــد مستواچ
وهاي ياعين الجروحچ تتســع
صار مألوف الدمع وبكل مكان
يختلف عن كلها رايــدلچ دمــع
دمعه سمره توگع ابلون الرمــاد
ودمعه خرسه الصوتچ المامنسمع
بچفي ولطمة الراس
اكبر منها لحساس
كون انزفلچ امتون
ماتكفيچ الاعيون
+++++++++++
ودمعه بيضه بلون نيتچ بالدعاء
ربي اقبل مني نحره المنگطع
ودمع تلزم بالرمش عن لاتطيح
الفوگ هزله ابلاوطاء بيا وضع
تشبگ بظهر الهزيله من تميل
من اقل هويه الضعيفه تندفع
الهاي ادموعي شتفيد
فزعت كافل اتريد
واخوانچ يسمعون
ماتكفيچ الاعيون
+++++++++
رايد ابگد مستحاتچ ابچي حيــل
الرادو ايچتفون اديها وتمتــنع
اب آه كافل والهزل مرت عليه
حسره وبصدر الگمر من تنجمع
الزينب انه اوّيني اوين الونين
الغــربتِچ ياقابلــيه التــتسع
ميته ابحرگ الاخيام
وميته بطبة الشام
والعنچ يسألون
ماتكفيچ الاعيون
+++++++++++
گد حجم منزلتچ ابگلب الحسين
هيچي كون ابعيني دمعه تنجمع
من علي الاكبر اعز خدرچ علــيه
وشقّت الجيب اغله من كسر الضلع
ماكو هظمه امن الطم ابخدي عليچ
مو غريبه ابچفي خدي منصــفع
الطم ما اكو آثار
ابراسي من الاحجار
بالشام اشيشمرون
ماتكفيچ الاعيون
++++++++++
لابقت دمعت اخو توگــع وراچ
لا ولد ناصبله ماتــم منفجــع
ونعشج الكزبر خجل من شيعوه
مستحي اعله امتون غربه ينرفع
وين يتحصل دمع گد مستواچ
وهاي ياعين الجروحچ تتــسع
انه ادموعي بس ماي
وانتي جروحج اهواي
ابگدهن انجرح كون
ماتكفيچ الاعيون
ثائر الربيعي
بيش ابچيلچ ام عون
ماتكفيچ الاعيون
++++++++
وين يتحصل دمع گــد مستواچ
وهاي ياعين الجروحچ تتســع
صار مألوف الدمع وبكل مكان
يختلف عن كلها رايــدلچ دمــع
دمعه سمره توگع ابلون الرمــاد
ودمعه خرسه الصوتچ المامنسمع
بچفي ولطمة الراس
اكبر منها لحساس
كون انزفلچ امتون
ماتكفيچ الاعيون
+++++++++++
ودمعه بيضه بلون نيتچ بالدعاء
ربي اقبل مني نحره المنگطع
ودمع تلزم بالرمش عن لاتطيح
الفوگ هزله ابلاوطاء بيا وضع
تشبگ بظهر الهزيله من تميل
من اقل هويه الضعيفه تندفع
الهاي ادموعي شتفيد
فزعت كافل اتريد
واخوانچ يسمعون
ماتكفيچ الاعيون
+++++++++
رايد ابگد مستحاتچ ابچي حيــل
الرادو ايچتفون اديها وتمتــنع
اب آه كافل والهزل مرت عليه
حسره وبصدر الگمر من تنجمع
الزينب انه اوّيني اوين الونين
الغــربتِچ ياقابلــيه التــتسع
ميته ابحرگ الاخيام
وميته بطبة الشام
والعنچ يسألون
ماتكفيچ الاعيون
+++++++++++
گد حجم منزلتچ ابگلب الحسين
هيچي كون ابعيني دمعه تنجمع
من علي الاكبر اعز خدرچ علــيه
وشقّت الجيب اغله من كسر الضلع
ماكو هظمه امن الطم ابخدي عليچ
مو غريبه ابچفي خدي منصــفع
الطم ما اكو آثار
ابراسي من الاحجار
بالشام اشيشمرون
ماتكفيچ الاعيون
++++++++++
لابقت دمعت اخو توگــع وراچ
لا ولد ناصبله ماتــم منفجــع
ونعشج الكزبر خجل من شيعوه
مستحي اعله امتون غربه ينرفع
وين يتحصل دمع گد مستواچ
وهاي ياعين الجروحچ تتــسع
انه ادموعي بس ماي
وانتي جروحج اهواي
ابگدهن انجرح كون
ماتكفيچ الاعيون
ثائر الربيعي