حتخجل من نفسك بعد البوست دا ...💔

صليت الصبح حاضر ولا لا ؟
ما تجاوبني وخلي إجابتك عندك ..

الإمام أحمد ... كان لما يجي يصلي في الحرم المكي ويسجد ...حمام الحرم المكي بعتقد إنو الإمام دا جزء من حجارة الحرم او حيطان الحرم بقعد عليه ✨💓

الحمام ما مفتكر إنو دا إنسان بسبب طول سجودو وعدم حركتو فبقعد عليه وبطير والإمام لسة ساجد✨🌸

كان لما يمشي البيت .. أولادو الصغار بحترموه .. فبمجرد ما يدخل ..بسكتو كلهم 💗 إحتراما ليه ...
ولما يبدا الصلاة ... ياداب بكوركو وبهظرو وبضحكو زي ما كانو ... عارفين ليه ؟

عشان عارفنو لما يكبر تكبيرة الإحرام ...بنفصل عن العالم الخارجي وبكون في رحاب ربنا سبحانه وتعالي 💓

سيدنا الحسن بن علي رضي الله عنه .... كان لما يجي يتوضي للصلاة .. لون بشرتو بتتغير وبيبقي لونو شاحب شدييد ..
لما الناس يسألوه .. مالك لونك بتغير لما تتوضي ؟

بقول ليهم : أو. لا تعلمون علي يدي من أريد أن أقف ؟

انتو ما عارفني ماشي أقيف قدام منو ؟

ربنا يا شااب ..ربنا سبحانه وتعالي 🌼🌸

كتيير مننا ..صعب يخشع في صلاتو .. ويركز فيها .. صعب يكون من الناس البكت في الصلاة .. وهو حاسس إنو بكلفتها ساي وما حاسس بطعمها 💔

حال السلف في الصلاة .. كان عجيب امرهم
أحد الصحابة .. عندو مرض في رجلو .. وعايزين يبتروها ليه .. ومخدر ماف ..طيب الحلل شنو ؟

قال ليهم خلوني أصلي وأثناء الصلاة أقطعوها لي 💗

الله لقلوبنا نحن .. كلما نحاول نربطها بالصلاة عشان نفوز وننجي من النار .. ترفض وتعاندنا

💔💔💔💔
الله لقلوبنا نحن الممكن تقيف في حفلة 5 ساعات وما بتقدر تقيف في صلاة ربع ساعة وبنقول للأمام صلاتك طويلة يااخ ...

أحد الأئمة بقول :
والله لو كانت قلوبكم نظيفة ما شبعت من كلام ربها ولكن قلوبكم متسخة بوسخ المعاصي والذنوب 💔

( قَدْ أَفْلَحَ الْمُؤْمِنُونَ )
المؤمنون وينم يا رب الأفلحو ؟
عندهم صفات ممكن نعرفهم بيها ولا لا ؟

وكأنوو ربنا برد علينا بنعم .. عندهم صفات وصفاتهم في الأية البعدها ...

{ الَّذِينَ هُمْ فِي صَلَاتِهِمْ خَاشِعُونَ}

لمتين حتفضل تقطع في صلاتك .. خلي الخشوع ..في مننا ناس ما قاعدين يصلو .. او صلاتهم مقطعة ..العشاء مع الصبح ..والضهر مع العصر ...💔

إنت عارف إنو حاليا في شاب زيك كدا ..في المقابر مات وهو بقطع صلاتو .. ومات وهو ما قادر يصلي النوافل عشان تقال عليه .. ومات وهو بقطع الصلاة وبأخرها عن وقتها ... شاب زيك كدا .. بتمني يرجع لحظة ..لحظة واحدة الحياة عشان يتوب وما يقطع ولا يأخر ولا صلاة تاني من هول الحاجات الشافها قدام💔
وإنت حي بتتنفس .. وواقف علي رجليك ولسة بتتمادي وبتأخر الصلاة عشان فلم او لحظة ونسة ما عايز تقطعها ..💔

أسي ممكن تبدا .. وتعاهد نفسك ..إذا ما بتصلي ..تبدا تصلي ..وإذا بتقطعها ..تواظب عليها وإذا بتأخرها تحاول تجاهد نفسك وتضبطها .. ونحن معاك...💗

ما حقول ليك شارك البوست .. إنت براك مفترض تشاركو إمكن يشوفو شاف ويلتزم بالصلاة 💗 ولو شفت زول مشارك البوست خش تابع معانا الصفحة وسجل إعجابك وأنضم لاكتر من 220 الف شاب وشابة همهم يتغيرو ويغيرو في المجتمع ولو بمشاركة بوست💗💗

#حذيفة_النعيم

الشيخ قال كلام جميل ومخيف في نفس الوقت .."

قال فينا ناس ما حيصومو معانا رمضان .. فكأننا بنرد ليه
وليه ما يصومو ؟

قال حيموتو .."
صراحة حسيت بالكلمة شديد 💔
جد في ناس حيموتو قبل رمضان يجي ورمضان بعد ستين
يوم بس 💔
إحتمال نكون منهم .. ونستنى رمضان في القبور 💔
وإحتمال إنت البتقرا دا تستنى رمضان وإنت في لحدك وبين
أكفانك 💔

الشيخ قال أفضل حاجة تعملوها هي إنكم تختو نية صادقة
في صوم رمضان من الأن .. وإنو حتجتهدو في رمضان لتحصيل الخير والعبادات وحتطلعو من رمضات وإنتو ناس تانين وناس قريبة من ربنا وما حتضيعو ثانية في رمضان دا بإذن الله 💜

قال ربنا حيثبت ليكم نيتكم دي بإذن الله ولو متنا حنكون كأننا صمناه 💜
وقد يغفر الله لنا بنية التوبة النصوحة دي 💜

والأيام بتجري يا جماعة بتجري شديد ولسة بتذكر
الفيديوهات البنعملها ونحن في رمضان وبتذكر الفيديو العملناه قبل رمضان بيوم كأنو كان امس .."

فالعمر جاري والدنيا غاشانا والله المستعان 💔

#حذيفة_النعيم