အမျိုးသားညီညွတ်ရေးအစိုးရနှင့် မဟာမိတ်အဖွဲ့အစည်းများ စိုးမိုးနယ်မြေများအတွင်းရှိ ဆင်များထိန်းသိမ်း‌စောင့်ရှောက်ရေး ရန်ပုံငွေလိုအပ်ချက်နှင့်ရရှိမှု
=========

ဆင်တကောင်အတွက် ဖြည့်စွက်စာ ဆား၊ မန်ကျည်းသီးနှင့် ကာကွယ်ဆေး တနှစ်စာ ပျမ်းမျှလိုအပ်ချက် - 174,500 Kyats

ဆင်ကောင်ရေ စုစုပေါင်း ၃၁၃ ကောင်အတွက် (174,500 x 313) = 54,618,500 Kyats

“မိုမိုတို့ရဲ့အိမ်ပြန်လမ်း” ကမ်းပိန်းမှရရှိရန်ပုံငွေ 20,529,513 Kyats

ဆင်များစောင့်ရှောက်ရေးအတွက် အများပြည်သူဝိုင်းဝန်းပံ့ပိုးမှုဖြင့် ရန်ပုံငွေလိုအပ်ချက်၏ 37.6 % ခန့်ရရှိခဲ့ပါသည်။

※ ဆင်များအတွက် ရိက္ခာဆေးဝါးလိုအပ်ချက်အား တနှစ်လျှင် ၂ ကြိမ်ခွဲဝေပံ့ပိုးပေးလျက်ရှိပါသည်။

※ လိုအပ်ချက်နှင့် ရန်ပုံငွေရရှိမှု မမျှတနိုင်သေးသောကြောင့် CDM ဆင်ဝိုင်းများ၊ ကျန်းမာရေးနှင့် ထူးခြားဖြစ်စဉ်လိုအပ်ချက်ရှိနေသည့် ဆင်ဝိုင်းများ၊ မြို့နယ်အုပ်ချုပ်ရေးမှ အထောက်အပံ့ မရရှိနိုင်သည့် ဆင်ဝိုင်းများကို ဦးစားပေးလျက် အလှည့်ကျစီစဉ်ထောက်ပံ့လျက်ရှိပါသည်။

※ ကမ်းပိန်းရန်ပုံငွေအပြင် ဝန်ကြီးဌာနသို့ ဆက်သွယ်လှူဒါန်းမှုများမှလည်း ပံ့ပိုးမှုအချို့ရှိပါသည်။

※ ရန်ပုံငွေရရှိမှုနှင့် လိုအပ်ချက်၊ ဆင်ဝိုင်းများ၏အခြေအနေနှင့် လုံခြုံရေးတို့ကို ထည့်သွင်းစဉ်းစားလျက် ထောက်ပံ့မှုများကို ဝန်ကြီးဌာန၊ စီမံခန့်ခွဲမှုကော်မတီဆုံးဖြတ်ချက်ဖြင့် စီစဉ်ဆောင်ရွက်ပေးလျက် ရှိပါသည်။

“မိုမိုတို့ရဲ့အိမ်ပြန်လမ်း” ကမ်းပိန်းမှ ပထမဆုံး ထောက်ပံ့မှုအဖြစ် ဆင် ၃၇ ကောင်အတွက် ဖြည့်စွက်စာ ၆ လစာ 3,052,500 Kyats ကို ထောက်ပံ့ပေးခဲ့ပြီးဖြစ်ပါသည်။

"တော်လှန်ရေးကာလမှာ လိုအပ်ချက်များ၊ ထူးခြားဖြစ်စဉ်များ များမြောင်လှတဲ့ကိစ္စများအတွက် အခုထောက်ပံ့ကြေးဟာ ဆင်ပါးစပ်အတွက် နှမ်းတစေ့ ဖြစ်ကောင်းဖြစ်မယ်၊ သို့သော် မွှေးကြိုင်နေမှာတော့အမှန်ပါ။"

ဒေါက်တာတူးခေါင်
ပြည်ထောင်စုဝန်ကြီး
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန

#မိုမိုတို့ရဲ့အိမ်ပြန်လမ်း
#WayHome
#SpringCrowdFund