س/ يعني ايه جمع وقصر؟؟
ج/
القصر يعني تصلي الصلاة اللي المفروض تكون أربع ركعات ...إنت تصليهم ركعتين
يعني الظهر والعصر والعشاء تصليهم ركعتين بدل أربعة
أما الفجر والمغرب بيتصلوا زي ماهم
والقصر بيكون في السفر بس
**
س/طيب ايه هو الجمع؟
الجمع إنك تصلي الظهر والعصر مع بعض في وقت صلاة منهم
أو تصلي المغرب والعشاء جمع في وقت واحدة منهم
وده بيكون في حالات زي:
1️⃣ أشهر سبب هو السفر
2️⃣ دكتور داخل أوضة عمليات أو حد ملازم لمريض هيجمع الصلاة في حالة ضرورة قصوى هو مش قادر يصلي كل فرض في وقته
3️⃣ المطر الشديد وده للرجال بس
المطر اللي يمنعهم إنهم يقدروا يروحوا المسجد فساعتها ممكن يجمعوا المغرب والعشاء مثلا
**
س/يعني مش لازم لما أصلي جمع أصلي قصر كمان ؟
ج/ لا ...القصر في حالة السفر بس وهي دي الحالة اللي ممكن تصلي فيها جمع وقصر
باقي حالات الجمع ..هتصلي الظهر والعصر والعشاء أربع ركعات عادي بس هتجمعهم زي ماوضحنا

#رسايل

العقوبة الإلهية

هناك قناعة يعيش بها بعض المسلمين من أن العقوبة الإلهية لا تكون إلا في نقص الأموال و الأنفــس و الثمرات !

ولكن اعلم جيدا أن من أشد العقوبات الإلهية، (عدم التوفيق للطاعات).

هذا التساؤل لا بد للمسلم أن يطرحه على نفسه عندما:

📎- لا يوفق لقيام صلاة الفجر.
📎- أو لا يوفق للصلاة في جماعة.
📎- أو لا يوفق لطلب العلم الشرعي

ليتفقه ويعرف دينه ويجد في نفسه مللا من ذلك.

📎- أو لا يوفق لبر والديه.
📎- أو لا يوفق لغير ذلك من الفرائض.
- الخ ......

فإن لم يكن في برنامجك اليومي ركعتا الضحى، وحزب من القرآن، ووتر من الليل، وكلمة طيبة، وخبيئة لا يعلمها إلا الله، فأي طعم للحياة بقي.

"اغتنم الحياة فهي زادك الذي لن يتكرر لو فاتت عليك"

اللهم اعنا على طاعتك

- منقول

#رسايل

أنا نفسي أوي النبي صلي الله عليه وسلم يرضى عني 🥺
واكيد انت /انتِ نفسكم في كدة صح
هتقولولي النبي خلاص مات يرضى عننا ازاي ..؟!
يرضى عنك لما يقابلك يوم القيامة ..
يعرف إن تعبه علشانا مراحش 🥺
وإن الدين اللي هو جاهد علشان يوصلنا احنا متمسكين بيه لآخر لحظة في أعمارنا 🤝
يلاقيكي اتمسكتي بحجابك مهما اتقال عنه 👌
يلاقينا محافظين على صلاتنا 🌿
يلاقيك بتحافظ على بنات الناس وبتتقي الله فيهم 🤝
يلاقي أخلاقنا وتعاملاتنا مع بعض ترضيه 🫂
يلاقي اللي فُرضت عليه الزكاة مش مقصر فيها ولا مُتباطئ👌
يلاقينا في بيوتنا بنعلم ولادنا الحلال والحرام مش منساقين مع تقاليع المجتمع الغريبة اللي بتظهر🥺
يلاقينا بنتحرى الحلال في شغلنا 🤝
ساعتها هتقف قدامه وانت مش خايف يعاتبك
وهو فرحان بيك 🫶
ودي من علامات المحبة إنك نفسك يرضى عنك

#رسايل_في_حب_النبي

أن يقتنص منك شيطانك لحظة ضعف أو تسلط غفلة فيسقطك في براثن شهوة محرمة أو يغويك فتقترف خطيئة أو ترتكب هفوة وتستسلم لنزوة = فذلك نجاح له بلا شك

لكن هذا النجاح لا يساوي شيئا إذا قورن بذلك النصر المبين الذي سيحققه حين يجعل هذا الذنب أو تلك الخطيئة سبيلا لتيئيسك وتقنيطك من رحمة ربك

حين تكون تلك الشهوة والنزوة والهفوة عوامل إحباط تفقدك ثقتك وتثنيك عن الإكمال في طريق الطاعة الذي لا بديل عنه
عصيت؟!
أخطأت؟!
غفلت ونسيت وسهوت؟!
إذا فهي معارك قد خسرتها
لكنك لم تخسر الحرب بعد
لن تخسرها إلا إذا استسلمت ولليأس والقنوط وركنت إلى الفشل
حينئذ فقط تكون ممن صدق عليهم إبليس ظنه
وأعيذك أن تكون منهم

- منقول

#رسايل

مش عيب والله...
👈إنك تصلي حتى وإنت بتعمل ذنوب ومعاصي
أصل الصلاة دي عمود الدين فلو بتعمل ذنب مهما كان كبير غلطان طبعا
بس تعمل ذنب وتعمل طاعة ولا يبقى كله ذنوب بس؟؟!!

🤚يعني أصلي حتى لو بشوف حاجات مش تمام؟؟!!
أيوة صلي حتى لو بتشوف أو بتعمل حاجات مش تمام
صلي وقول يارب أعني على نفسي إني أتخلص من الذنب ده
صلي وسيب آخر باب ليك مع ربنا مفتوووح يمكن ترجع تاني منه

#رسايل

أن يقتنص منك شيطانك لحظة ضعف أو تسلط غفلة فيسقطك في براثن شهوة محرمة أو يغويك فتقترف خطيئة أو ترتكب هفوة وتستسلم لنزوة = فذلك نجاح له بلا شك

لكن هذا النجاح لا يساوي شيئا إذا قورن بذلك النصر المبين الذي سيحققه حين يجعل هذا الذنب أو تلك الخطيئة سبيلا لتيئيسك وتقنيطك من رحمة ربك

حين تكون تلك الشهوة والنزوة والهفوة عوامل إحباط تفقدك ثقتك وتثنيك عن الإكمال في طريق الطاعة الذي لا بديل عنه
عصيت؟!
أخطأت؟!
غفلت ونسيت وسهوت؟!
إذا فهي معارك قد خسرتها
لكنك لم تخسر الحرب بعد
لن تخسرها إلا إذا استسلمت ولليأس والقنوط وركنت إلى الفشل
حينئذ فقط تكون ممن صدق عليهم إبليس ظنه
وأعيذك أن تكون منهم

- منقول

#رسايل

التربية مش أكل وشرب بس..
بنتك محتاجاكي تصاحبيها وتسمعي منها وترشديها..
تعلميها تحافظ على جسمها ومشاعرها..
ابنك محتاجك تعلمه الرجولة والأمانة وتاخده في ايدك للصلاة فالمسجد..
اوعى تسيب عيالك يتفرجوا على التليفزيون واليوتيوب بدون متابعة وتوجيه..
حدد أوقات للشاشات والموبايلات مش أي وقت ولا طول الوقت..
اعرف هي مصاحبة مين وهو ماشي مع مين..
صلاة عيالك من صلاتك..
وحجاب بنتك من حجابِك..
ابنك عنده ٧ سنين ابدأ علمه الصلاة.. ولا مستني يكبر مبيصليش..
بنتك عودها من صغرها على الستر بلاش القصير زيادة والعريان..
زي ما بتراعي دروسهم ومذاكرتهم راعي صلاتهم ودينهم..
بر ابنك عشان يبرك..
قال رسول الله ﷺ "أَلَا كُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ،... وَالرَّجُلُ رَاعٍ عَلَى أَهْلِ بَيْتِهِ، وَهُوَ مَسْئُولٌ عَنْهُمْ، وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ، وَهِيَ مَسْئُولَةٌ عَنْهُمْ"

#رسايل

لما تيجي تصلي الفجر، خد بالك من الكام سنة دول وحاول تطبقهم :

1- سنة الفجر : اقرأ فيها سورة الكافرون والإخلاص ..

عن ابن عمر رضي الله عنهما قال: (رمقتُ رسول الله صلى الله عليه وسلم عشرين مَرَّةً يقرأ في الركعتين بعد المغرب، وفي الركعتين قبل الفجر "قُلۡ یَـٰۤأَیُّهَا ٱلۡكَـٰفِرُونَ" و "قُلۡ هُوَ ٱللَّهُ أَحَدٌ".).

2- بعد م تصلي وانت على نفس قعدتك قول "لا اله الا الله وحده لا شريك له له الملك وله الحمد يحيي ويميت وهو على كل شئ قدير" عشر مرات ..

قال رسول الله صلى الله عليه وسلم :

مَن قال في دُبرِ صلاةِ الفجرِ وهوَ ثانٍ رجلَيْهِ قبلَ أن يتكلمَ : لا إلهَ إلَّا اللهُ وحدَهُ لا شريكَ لهُ ، لهُ المُلكُ ، ولهُ الحمدُ ، يُحيي ويُميتُ ، وهوَ على كلِّ شيءٍ قديرٌ عشرَ مرَّاتٍ ..
كتبَ اللهُ لهُ عشرَ حسناتٍ، ومحا عنهُ عشرَ سَيئاتٍ، ورفعَ لهُ عشرَ درجاتٍ، وكان يومَهُ ذلكَ كلَّهُ في حرزٍ مِن كلِّ مَكروهٍ، وحُرِسَ من الشَّيطانِ، ولَم ينبغِ لذنبٍ أن يُدركَهُ في ذلكَ اليومِ، إلَّا الشِّركُ باللهِ"!...

#سنن_مهجورة
#رسايل_في_حب_النبي ﷺ


https://t.me/+5oESlWN2_0phMjU0

الحرام يُفسد الحلال ..
بقدر ما هتعمل الحرام هيفسد حلالك..
مين من كتر ما أطلق بصره على الجميلات.. مبقاش طايق يبص في وش زوجته مع إنها أجمل..
وسيادته من كتر ما اتفرج على أفلام إباحية من إنتاج هوليود بالخدع التمثيلية.. فقد الرغبة والقدرة على العلاقة الطبيعية الواقعية..
وماننساش إن سيدنا آدم فقد الجنة كلها .. بأكله من شجرة واحدة محرمة
الحرام هيفسد حلالك..
الحرام هيفسد حياتك..

#رسايل

اوعى تتأخر ...
لما تلاقي ربنا نورلك طريق طاعة وحببك فيها وفتح قلبك ليها...خد قرارك بسرعة واوعى تتأخر
ماتحسبلهاش وتعقد نفسك وتسيب نفسك للشيطان يشتغلك ويعطلك
أصلك لو أتاخرت ...في الغالب مش هتعملها
هو بس الشيطان بياخدك ع الهادي عشان يضحك عليك
يقولك هتبدأ تصلي ..طب تبدأ من بكرة مستعجل ليه وأهو تبدأ صح ؟؟
وتلاقي بكرة خد معاه شهر وراحت حماسة ونور الطاعة اللي كان في قلبك
تقولي هلبس حجاب أو خمار ...
يقولك ولزومه ايه الاستعجال ؟؟؟!اصبري نظبط لبسنا ونتعلم نلف الطرحة والخمار ونعمل دراسة جدوى للمشروع 😕
وبس خلاص ...راحت الحماسة وراحت الطاعة
طب والحل ؟؟؟!!
الحل أول مايتفتح لك باب طاعة... اجري بسرعة عليه وخليك أذكى من الشيطان
الحل هو "سارعوا ،سابقوا"..اللي ربنا قالنا عليها مع الطاعات والاعمال اللي تدخل الجنة بس
غير كده بقى خد قرارك براحتك واعمل دراسة جدوى وخطة خمسينية كمان 😁
اتفقنا ؟؟!!

#رسايل

{ هَٰذَا كِتَابُنَا يَنطِقُ عَلَيْكُم بِالْحَقِّ ۚ إِنَّا كُنَّا نَسْتَنسِخُ مَا كُنتُمْ تَعْمَلُونَ }

آية تملأ القلب خوفا ورعبا من ذلك الموقف
آية تخبرك أن أفعالك وأقوالك وإشاراتك وهمزاتك ولمزاتك كلها كلها تُنسخ صوتا وصورة
في البيت في الشارع في عملك وفي خلواتك، كلها تُنسخ وستُعرض عليك!!!
فتخيل حينها هول ذلك الموقف وأنت تفتح لك سجلاتك ليعرض كل ما أخفيته من أسرار ومالم يطلع عليه غيرك
......نستنسخ أي ننسخ ونكتب نسخة من أفعالك

"إنّا كُنَّا نَسْتَنسِخُ" .. ذكّر بها نفسك مع كلمة تكتبها ومع كل منشور تنشره
"إنّا كُنَّا نَسْتَنسِخُ" .. تذكرها مع كل نظرة تختلسها في الحرام ،مع كل لمسة محرمة من تحرش أو زنا أوحتى سلام على غير محارمك
"إنّا كُنَّا نَسْتَنسِخُ" .. حدث بها نفسك حين تمتد يدك لتسرق أموالا من عملك ، أو لتهمس في هاتفك بكلمات محرمة أو بعلاقة جنسية عبر الهاتف لم يسمعها غيرك في ظنك ...لكنها نُسخت صوتا وصورة
"إنّا كُنَّا نَسْتَنسِخُ" اعرض ذلك المشهد أولا على قلبك وعقلك قبل أن تشاهد تلك المقاطع الإباحية أو تدل غيرك
"إنّا كُنَّا نَسْتَنسِخُ" تخبرك أن أعمالك كلها نُسخت وستعرض على رؤوس الأشهاد
في ذلك العرض المهيب عند العرض على الله
فراقب جميع أفعالك وافعل ماتحب أن تراه في ذلك اليوم بالصوت والصورة
راقب نفسك في الخلوات
وحدثها مع كل لحظة ضعف بذلك المشهد لتقوى على الصبر عن كل حرام

#رسايل_تدبر

الناس هتقول علينا ايه ؟؟!...
كم مرة سمعت الجملة دي ؟وكم مرة فكرت فيها؟..
كتير صح ؟! ..
عشان كده محطتنا النهاردة هي :
((الإخلاص ))
الإخلاص أهم عبادة لازم نحققها.....ليه أهم عبادة؟؟
💥لإن أي عمل من غير إخلاص كأنه مااتعملش
مش كده وبس ....
إنت عارف مين أول تلاتة هيسعر بهم النار ؟!
شهيد و قارئ قرآن ومنفق .......ليه ؟؟
لإنهم عملوا كل الخير ده بس مش عشان ربنا بس
عشان كمان الناس تتكلم عنهم ❌
💥الإخلاص هو سفينة النجاة ليك في الدنيا اللي كلها فتن زي ماكان سبب في نجاة سيدنا يوسف من الفتن الرهيبه اللي اتعرضلها

💥الإخلاص من أكبر أسباب تفريج همك وأكيد عارف قصة اصحاب الغار وازاي اتفتحتلهم صخرة كانت محتاجه آلات عشان نحركها اتحركت بسبب الأعمال اللي كان فيها اخلاص بس!!...

- والمفاجآة ‼
تعرف إن إبليس نفسه اعترف إن الوحيد اللي مش هيقدر يغويه هو المخلص "إِلَّا عِبَادَكَ مِنْهُمُ الْمُخْلَصِينَ"
عاوز تتحرر بجد من سجن إبليس
يبقى أول وأهم خطوة هي ((الاخلاص ))
💎طيب ازااااي أحقق الاخلاص ؟!
1️⃣ خلى دايما ليك طاعة في السر ماحدش خالص يعرفها زي ركعتين ماحدش يشوفك فيهم مثلا
2️⃣عود نفسك دايما ان لاتنتظر المدح من الناس وأن يكون مدحهم وذمهم واحد طالما انا على الطريق الذي يرضى الله
3️⃣ اجعل لنفسك عمل أجره الدنيوي قليل او معدوم لكن أجره الاخروي كبير
4️⃣جرب عمل أشياء لها وجاهه دون أن تنسب لك كمساعدات لمحتاجين أو مقطع دعوى مميز
5️⃣احذر من وسائل التواصل وخطرها في نشر صورك هنا وأنت توزع المساعدات وهناك وأنت تحرص على القيام
ليكن همك ماقيمتي عند الله وفقط
وأخيرًا ....
إن حاولت إخفاء عملك ومع ذلك عرف عنك فعل الخير
فأبشر !!!
تلك عاجل بشرى المؤمن❤

#أعمال_القلوب
#رسايل

تخيل ان واحد تايه في الصحرا ..
ولا اكل وشرب ولا عارف يعمل ايه !
وخلاص عارف انه بيموت بالبطيء..
وفجأة لقي بيت في الصحرا وعرف ان في حد قاعد فيه ..!
المفروض يقف من بعيد وينده عليه واذا فتح خير وبركة مفتحش خلاص ..!!!!!
ولا بيروح علي البيت ويخبط وينده باعلي صوت علي صاحب البيت ويستغيث بيه لحد ما يفتحله..!
ولله المثل الاعلي
كلنا تايهين في صحرا الدنيا ما بين ابتلاءات ومشاكل ومش لاقيين حل ..
يبقي المفروض نقف علي باب ربنا سبحانه القادر علي كل شيء ..🖤
ونستغيث بيه ونعيط له كمان ونقوله ملناش غيرك يارب هاتسيبنا لمين ..💜
مستني ايه ... ولا معندكش مشاكل !؟؟

#رسايل

س/ هي الصلاة اللي من غير خشوع مش مقبولة يعني لو مش هصلي بخشوع مااصليش ؟؟
***
ج/ لا ....ماينفعش تسيب الصلاة خالص حتى لو مش بتخشع
لأن فيه فرق بين الصلاة الخاشعة، والصلاة الصحيحة :

•الصلاة الصحيحة هي كاملة الأركان، و دي يسقط بيها الواجب اللي عليك لإن الصلاة واجب عليك لازم تعمله وكمان صلاتك حتى لو من غير خشوع بترفع عنك ذنب وعقوبة ترك الصلاة خالص

•أما الصلاة الخاشعة فدي حاجة أعلى وهي دي اللي بتوصل المسلم بربه فعلا ، وتخلي روحه في مكان تاني خالص فتكون الصلاة بالنسبة له زي ماقال النبي : "وجُعلت قرة عيني في الصلاة"!

فالصلاة الصحيحة هي الواجبة عليك وهي دي اللي انت بتعملها وكتير بيعملوها أما الصلاة الخاشعة فدي حاجة اعلى المطلوب تفضل تحاول توصلها

#س_و_ج
#رسايل

[ ‏الطمع الحلال ]

• قال السحرة لما آمنوا ..

،، إِنَّا نَطْمَعُ أَن يَغْفِرَ لَنَا رَبُّنَا خَطَايَانَا أَن كُنَّا أَوَّلَ الْمُؤْمِنِينَ ،،

• وقال إبراهيم عن ربه ..
،، وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ ،،

اطمع في عفو الله ..
لأنه بلا حدود ..
وَخذ بأسباب العفو ..
من توبة وعودة ⁦❤️⁩
#لا_تيأس_واطمع

- د.رامي النحراوي

#رسايل

إياك أن تُعَرِّض نفسك لمواطن الفتن لإختبار إيمانك وثبات قلبك
سواء كانت فتن الشبهات أو فتن الشهوات

كم من إنسانٍ دخل على مواقع الإلحاد أو جالس أهل البدع والضلالات فلم يثبت وارتد عن دين الإسلام

وكم من إنسانٍ دخل على المواقع الخبيثة أو اختلط بالنساء ودعته نفسه إلى إرتكاب الفاحشة فانتكس وزاغ

فالعاقل المؤمن من يُغلق على نفسه أبواب الفتن ويبعد عن بواعث المعصية وأماكن الزلل ومثيرات الشهوة ونوازع الشر

فحدود الله تبارك وتعالى وحرماته جعل سبحانه عليها ستوراً من الممنوعات والمكروهات..ولا يتوصل الإنسان إلى انتهاك المحرم حتى يرفع هذه الستور..وعند ذلك يقع في الممنوع وينتهك المحظور..ومن رفع الستر وفتح الباب ولج ولابد..والمعصوم من عصمه الله

يقول الرسول ﷺ عن الفتن : [من تشرف لها تستشرفه]
وقد أمرنا رسول الله ﷺ: من التعوذ من الفتن ماظهر منها ومابطن.

- منقول

#رسايل

عملت ذنوب كتييييير ....
عملت كباااااائر ..أتوب ازاي ؟؟!!
طب ربنا هيقبلني ؟؟ هينفع اكون زي باقي الناس ؟؟
لو عاوز تعرف ربنا هيقبلك ولا لا ..اقرأ الاية دي كده :
《وَهُوَ الْغَفُورُ الْوَدُودُ》
الله الغفور اللي هيغفر لك كل ذنب ، يتمحي تماااااامًا كإنك ماعملتوش ...وبس كدة ؟؟!!
لا...ده كمان ودود ...يود التائبين عارف يعني ايه مودة ؟؟
المودة دي منزلة أعلى من الحب كمان ، انه سبحانه يتودد ليك بإحسانه وكرمه ، يتودد ليك بعطائه وفضله
يتودد ليك ويقولك (( أَلا تُحِبُّونَ أَنْ يَغْفِرَ اللَّهُ لَكُمْ))
مش بتحب يغفر ليك كل البلاوي والمصايب اللي فاتت ؟؟
يبقى مستني ايه عشان تتوب ؟؟ خايف من ايه؟
أقبل على الله الغفور الودود اللي بابه مفتوووح ليك دايما ..أقبل مهما كان ذنبك
واوعى يكون تعاملك مع الكرم ده بإنك تقول هعمل الذنب وابقى أتوب بعدييين...
لأنه سبحانه عليم خبير ..يعلم اللي في نيتك ده وهيحاسبك عليه
أقبل على الغفور الودود الذي يود عباده التائبين

#وقفة_مع_آية
#جعلناه_نورًا
#رسايل_القرآن

بنتك مغتربة في سكن طالبات أو مدينة جامعية؟
الله يسترك تسأل عنها وتتابعها كويس..
ومتقعدهاش مع أي حد في السكن إلا أما تعرفهم وتسأل عنهم كويس.. وبرضه خلي عينك وسط راسك..
ويفضل تقعدها في بيت أهالي له بوابه بتتقفل وناس أمينة مش العمارات المشهور أنها بتتأجر مساكن طلبة عشان بتبقى وكالة بدون بواب وريحتها طالعة ومفيش أمان بنتك تسكن هناك..
حتى لو بنتك متربية أحسن تربية والله ما في أمان والفتن ملهاش كبير.. وتاني بقولك عينك وسط راسك..
الوضع بقى خطير ومرعب.. وفي بنات فاسدة كتير بتجر صاحبتها للضياع وللعلاقات المحرمه وللشقق المشبوهة وللشرب كمان..
بنتك معادتش صغيرة يا حاج.. بنتك كبرت وفيها الطمع وربنا..
أيوه عوزين البنت تروح تتعلم وماله محدش قال حاجة.. بس تروح وترجع زي ما هي بحيائها وبعفتها مش ناقصة حاجة تزيد متنقصش..
قال رسول الله ﷺ "كفى بالمرء إثماً أن يضيع من يعول"

#رسايل

{ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ }

لسه مش ناوي ؟! 🤔
كم رسالة جاتلك من ربنا عشان ترجعله ؟
كم مرة اتأكدت ان الفرح والطمأنينة والراحة الحقيقية هي بالرجوع ليه
بعبادته .. بالتوكل عليه .. بطاعته
كم مرة قلت : خلاص المرادي لازم أرجع .. ومارجعتش ❗
ولسه ما أخدتش خطوة ❗
الله عزوجل يعاتبك عتاب جميل منه 💚
بقوله "أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ "
يقول ابن عباس - رضي الله عنهما - " إن الله استبطأ قلوب المؤمنين .. فعاتبهم "
يا الله 💟
استبطأ قلوب المؤمنين !
مع ان لو كلنا كنا على أتقى قلب رجل واحد ..
ما زاد ذلك في ملكه شيء ✖️
ولو كنا كلنا على أفجر قلب رجل واحد ..
ما نقص ذلك من ملكه شيء ✖️
لكنه رحيم بيك ..
كريم ..
يريد لك الخير ..
لا يريد أن يعذبك ..
يريد لك الحياة الطيبة ..
والآخرة خير وأبقى
لسه مصر انك تتباطأ عنه ؟

#رسايل_تدبر

تعبت ويأست من كتر ماتتوب من الذنب وترجع تعمله تاني ..؟!
أنا عارف إن الأمر صعب وشاق ..
وإنك كل مرة تتوب بيبقي نفسك ماترجعش تاني ..
وأول مارجلك بتقع تاني الدنيا بتضلم في وشك وبتحس إن مفيش فيك أمل 😔

بس أنا جاي أبشرك 💜
قال [ عمر بن عبد العزيز ] :
" أيها الناس مَن ألمَّ بذنبٍ فليستغفر الله وليتب ، فإن عاد فليستغفر الله وليتب ، فإن عاد فليستغفر وليتب ، فإنما هي خطايا مطوَّقة في أعناق الرجال ، وإن الهلاك في الإصرار عليها " .

وقيل للحسن :
"ألا يستحي أحدنا من ربّه يستغفر من ذنوبه ثمّ يعود ثمّ يستغفر ثمّ يعود، فقال: ودّ الشّيطان لو ظفر منكم بهذه، فلا تملّوا من الاستغفار "

اوعى تيأس من نفسك ..
عافر وجاهد ..
صدقني هتوصل
قال تعالي : ( وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ )

#رسايل