عزيزي الترزي الحريمي 🧔
حرام تاخد مقاس البنت.. وتلف المازورة على وسطها وكتفها.. ومحيط صدرها وووو...
حتى لو نيتك شريفة ولا.. حتى لو بتلمسها من فوق الهدوم أو مش بتلمسها أصلاً .. بس مجرد التقارب البدني اللي بيحصل وانت بتلف المازورة حوالين وسطها وووو حرام..
واكيد انت عارف شكة إبرة ماكينة الخياطة في الصوباع..
قال الرسولﷺ "لَأنْ يُطعَنَ في رأسِ رجلٍ بِمِخْيَطٍ (إبرة) من حديدٍ خيرٌ من أن يمَسَّ امرأةً لا تَحِلُّ له"
.....
بقى ربنا يأمرك بغض البصر.. وانت عمال تدقق في تفاصيل الملابس على البنت وهي بتعمل بروفه عشان تقولها رأيك!..
حقيقي انت مختار تخصص أشبه بفتح باب جهنم..
متقولش ده شغل وأكل عيش.. وفكر إزاي تاكل عيش بالحلال أحسن..
فتنة النساء أشد فتنة على الرجال كما قال النبي ﷺ.. وانت داخل فيها بصدرك..
تجيب بقى واحده تاخد المقاسات وتتابع التعديلات والبروفة وماله..
لكن اللي بيحصل ده حراااام عليك وع البنت اللي بتفصلها..
ولازم تعرف إن تفصيل الملابس الضيقة والقصيرة والمكشوفة حرام شرعاً.. ومفيش حاجة اسمها مليش دعوة هي اللي طلبت..

#رسايل_أصحاب_المهن
#رسايل