ابيات ابو ذيه لمصيبة الصديقة الكبرى فاطمة الزهراء صلوات الله وسلامه عليها
،،،،،،،،،،،،،،،،،،،،،،،،،،،،،،،
همومـك ما أظـــن واحـد * حـمـلـهـه
عـلى الي تصرخ وطايــح * حـمـلـهـه
تـديـر الـعـيـن مـا واحــد * حـمـلـهـه
وعـلــي الـكـرار مـچـتوف ابــوصـيـه
***
الـيه ويـالـدهـر حسبـه     ولــعــتـــاب
ولـظن الظـالم بــغـيـه     ولــعــتــــاب
المهـد لتراب صايـرلـه     ولــعــــتــاب
الـمحـسـن والـتـلـولـيـلـه الــمـــنــيـــه
***
أولـيـدي الـنـوح يـالـتـنـشـد    ونــابــه
ونـشب بـيـه غــفـل ضـفـره    ونــابــه
يــلــوح الــبــاب بـسمــــارك    ونــابــه
تـــظـــل بــظــلـوع خــدام الــزچـــيــه
*
الدهر مايـوم مرنـه ابحلو     بــس مــر
وجرحـك لاتظـــن يالباب     بــس مـــر
يـــدي وكـل گلب مصيوب   بــس مــر
يسيــل ادمــوم وي ظلــــــع الزچيــــــه
*
عـــجب چـف الــرديــــه     مــاردتــهــا
وچـثيره ابـــطال چفــك     مــاردتــهــا
تـــون وتصــيح روحــي     مــاردتـــهــا
الـــزهـره ولاسـطرنــي ابـــن الـدعــيــه
***
الـهـمـنـه مــايــفــل غــيـرك    تـــرا هـا
يـغـايـب والـدهــر سـيـفــــه   تـــرا هـا
عـلـيـنـه ولـشـوكت عــيـنـك   تـــرا هـا
الـبـقـيــع أتــراب يـلـكـلــك حــمــيــــه
**
لـهـب روحـي فـلايـخـمــــد    يـمـرهـه
وغـصـه الـبـلحـلـگ يـگـطـع    يـمـرهـه
الـبـقـيـع اشـحـال كـل لـيـله   يـمـرهــه
الـمـهـدي ويـنـظـر اتـراب الـثـنـيــــــــه
****
روحـي الـظـيـم خـاواهــه     وســلـهـه
وجـمـر دمـعـات لـجـريـهـه     وســلـهـه
اريـد اگـصـد لـرض طـيـبه     وســلـهـه
بـقـيـعـچ ويــن وي گــبـر الـــزچـــيـــه
**
الـدمـع روجــات يلـزهـره     يـظـل عـاي
وعلينه الـكـون بـمـصابچ     يـظـل عـاي
نـــون اويـــاچ ونــــــادي     يـظـل عـاي
وكــتــب بـسـمـار ظـلـعــچ غـــاضــريــه
**
آنــه أم الــنـبــي فـــاطـــم    تــركــنــاي
ولاساعـه الـحـزن عـگـبـــه     تــركــنــاي
عـجـب بـالـبـاب عــدوانـــه    تــركــنــاي
وحــيــدر چـتـفـه الـهــادي بــوصـــيـــــه
****
وحــگ عــبــاس والـظـهــــره     تــحــنــه
حـــن فــاطــم ولا ثــكــلـــــه     تــحــنــه
عــجـيــبــه الــبــاب هـلـيـلـه     تــحــنــه
بــدمــه الـضـلـعـيـن والـمحسن ضحـيـــه
* 
حنـه ظهـري الحـزن طــاهـه     ويــــاراك
وسـعـيـد الــــزار شبــاچــــك    ويــــاراك
عجـيـبـه امـغـيـبـه الـزهـــره     ويــــاراك
عـتـــل والـچـان عــلـج أل أمـــيـــــــــــه
*
لخادم خدمة الحسين ع
ابو عمار الدراجي

((اغتيال الحب))


ســلمٌ لمن سالمكِ .. يازهراء
حربٌ لمن حاربكِ .. يازهراء

"""""""""""""""""""""""""""""""""""'''''''

مـــــن ذاك الزمن والحب مُعانات
حرگ دار وعلى اليحچي اغتيالات
اغتيال الحـب بده من دفعو الباب
ومحــــسن للصدگ صار العلامات

مهضـــومه الزجيه
وبصمو عالهضيمه
لليــــوم الـــــدعيه
يغطون الجـــريمه

ســلمٌ لمن سالمكِ .. يازهراء
حربٌ لمن حاربكِ .. يازهراء

"""""""""""""""""""""""""""""""""""'''''''

لتســـد السجــل عــن الزجيه
ومفضوح السجل وهل الرزيه
الثــاني وبالحقد كاسر ضلعها
والاول ســـلب منـــــها الهديه

يبو اصل المصيبه
بـــاب الله ترفسه
يانــــذل الطوايف
خسه وفوگـ خسه

ســلمٌ لمن سالمكِ .. يازهراء
حربٌ لمن حاربكِ .. يازهراء

"""""""""""""""""""""""""""""""""""'''''''

وأحـــــنه الباب بوابةّ جرحنه
لَــحَد ماخضر الطف انذبحنه
يا أهل الفتاوي السود والزيف
زينب بــــالسبي ويمها رمحنه

مولاتي العـقيله
رســاله فاطميه
والكــافــر يويله
رايـــدها السبيه

ســلمٌ لمن سالمكِ .. يازهراء
حربٌ لمن حاربكِ .. يازهراء

"""""""""""""""""""""""""""""""""""'''''''

الزمن كله عواصف عاليه الريح
چَــــلب بالمجالس وانته مَطيح
ارفع رايةّ الحــــــب يــــا حسينا
بالزهراء ارفـــــع صوتك وصيح

ترى اصــل الكلافه
ابو الحسنين سامي
علي تـــاج الخلافه
وللشيــــعه محـامي

ســلمٌ لمن سالمكِ .. يازهراء
حربٌ لمن حاربكِ .. يازهراء

"""""""""""""""""""""""""""""""""""'''''''

الامر من السقيفه والحكم صار
بخيــام العقيله تــــاكل الـــــنار
وعـــلى نوگ الهزايل لازم تروح
ولازم ســـوط لازم رميّ الاحجار

ياحامي الشريعه
عجل يابو صالح
ويالضعنك سبايا
وهل للشام رايح

ســلمٌ لمن سالمكِ .. يازهراء
حربٌ لمن حاربكِ .. يازهراء

عبد زينب
محمد الابراهيمي

لسان حال زينب عليها السلام

‌فـاطـــم رايحه اودم الدمع سال
يبيـــــرغ دارنه هل حمل واشال
.................................................................
الحزن تــوه بــــــــده وي العقيله
أمـــي امـــسافره وسفره طويله
تظـــــل اخــــلافه روحي عـليله

انــــطر گلبي عليچ ورايح الحال
.................................................................
چانت گبل نظره مـرافگه النظره
وللمنخوگ صدره تـــــروح العبره
شلون العأف بيته اورايح الگبره

ولا يوم ابوجودچ هل حمل مال
.................................................................
اطب يمه الغرفتچ وبچي بهداي
اخاف حسين يمـه يســمع ابچاي
اظـــلن حــــــــايره ومتيه الراي

افـــــراگ الـوالده يكتل اوچتال
.................................................................
يـــــاظيم الــعليه يشيب الراس
اظيج الدنيا بيه اوگوه الانفاس
أگـطع ظـنـه مـنها أوبعد الياس

صار الظيم فوگي بوزن الجبال
.................................................................
اشم ابثوب أمــــــي مـا عوفنه
هوه ادواي صــــاير سكن الونه
ساعه آنـه البسه وساعه اشمنه

نار بگلب زينب هل وكت خـال
.................................................................
بـــــــيه النار شبت مـن يطفيها
كــــــون الـــوالده تنباع وشريها
لـــو ينجسم عمري حته انطيها

بـــس بسمار يمــــــه بلظلع نال
.................................................................
بقلم الشاعر ابو ماجد الشغانبي
١٧/٩/٢٠٢٦

فاطمه ألمحد عـرف مكنونها
الله خالق كلشي لجل أعيونها

لولا فاطم ماخلق ربنا الفلك
ولا سمه مبنيه يخلق لا مَلَك
ألما يوالي فاطمه حتماً هلك
فاطمه سر مستتر مضمونها

لا أرض مدحيه يخلق لا شمس
ولا گمر يضوي ولا جن وأنس
اليوم هيه وباچر وهيه الأمس
بمعرفتها أتدور خلي أقرونها

نعم يرضى الله الرضاها أم الحسن
والغضبها يغضب الله بـكـل زمـن
صـار حـالـه حـال عُــبـاد الـوثن
ألـمـا نـصرهـا مـن اليظلمونها

بـاب الله بـابـهـا أيدفعه الـنـذل
وتنعصر ويطيح من عدها الحمل
ويلي مـن كسر الظلع ظلت تون
بـيـا ديـانه ويـا شـرع ياذونها

بغضاً بـحـيـدر علي هـذا الجره
حـالها أشلون العقل يـتـصـوره
أتخيل أنته جيش فازع ضد مره
وبين باب وحايط أيعصرونها

بين باب وحايط المحسن وگع
گوة گام تجر نفس من الوجع
وسوط قنفذ بيدها ويلي أنطبع
وركد من العصره حيل أمتونها

لحد ما ماتت بقت تبچي وتون
بليل وبسر وصت يصير الدفن
حيدر أعله أفراگها عاش بحزن
مايطيب العيش اله من دونها


حسين حمدان الدلفي

اقفل يتاريخ السجل وختمهه
شيعه علي محد كدر يهزمهه
طول الزمن منتصرين
جا غير خدام حسين
شيعه علي محد كدر يهزمهه

       *
خذناهه من حيدر علي قوتنه
كل الدول مرعوبه من رايتنه
مايسلم العايل تره ابصولتنه
اسباع او زلم نشميه
وكت الحرب حربيه
اهل المجالس والنوح
كلهم زلم ثوريه

اشما حاربوهه الشيعةابد ميهمهه
شيعه علي محد كدر يهزمهه

          ***
منشد درع للحرب نلبس غتره
جي بيهه ريحه من العزه والزهره
شيعه علي دوم او علي منتصره

يازلمه يندك بيهم
حيدر علي امربيهم
ما خضعو الواحد يوم
كل المراجل بيهم

والمافهم بل القوه خل يفهمهه 
شيعه علي محد كدر يهزمهه

       *

لو كلهه ضدنه اصير هم عاديه
شيعه علي اسباع الكره الارضيه
اشما تصعب اعلينه الحرب مكضيه

كل الدول والقاده
فدوه العلي وا ولاده
هاي الارض ياها الناس
والكلشي همه اسياده

حب حيدر الكرار يمشي بدمهه
شيعه علي محد كدر يهزمهه
      
       *

محجوزه للشيعه المراجل ياناس
هاي الشجاعه اخذوهه من العباس
والشيعه بل الطك ياخلك رفعه راس

خادم يكل الخادم
للشيعه نصرا قادم
مابقي للغيابه اهواي
يضهر امامي القائم


محد على الشيعي انتصر دونهه
شيعه علي محد كدر يهزمهه

          *
للشيعه مكتوب النصر حصري الهم
وكل الدول والدنيه ما كدرتهم
كل انبياء الله او ائمته اتحبهم

عاجل خبرنه انذيعه
مرفوعه راس الشيعه
تسمعنه خل كل الناس
حبه حيدره منبيعه

كل دوله الشر احنه الي اندبهه
شيعه علي محد كدر يهزمهه


مرتضى محمد الموسوي

خدامج احنه وهيهات. ننسه الظلع وصوابه
٠٠٠٠٠
يا فاطمة من مجلسج صحنه بصوت
منعوفج ولا ننسه ثارج للموت
ونلعن بكل صبح ومسية الطاغوت
هو الدفع باب الدار. سَنّ الظلم وسبابه
٠٠٠٠٠
مولاتي احنه بخدمتج ليل انهار
لمصيبتج ننصب عزانه بكل دار
ما ننسه يوم مصابج وكلّ الصار
نعرف الهجموا عالبيت. ونعرف الحرگوا بابه
٠٠٠٠٠
يم الحسن مولاتي عندج خدام
طول الوكت ويّاج مو بس ايام
ما ننسه ثارج والظلع والآلام
والكسر ظلعج معروف هو وجميع اصحابه
٠٠٠٠٠٠٠
گد العهد مولاتي من عاهدناج
ننسه المصايب كلها بس ما ننساج
بضعة محمد فاطمه ما عفناج
وكل شيعي انتي تحضريه. من يدفن بترابه
٠٠٠٠٠٠٠
لابد يجي اليوم ونكشفه المستور
وتتضح للناس الحقيقة بعاشور
منهو بسبب اطماعه ظلعج مكسور
ومنهو الحرگ باب الدار. وغاظ النبي بغيابه
٠٠٠٠٠٠٠٠٠
يظهر المهدي بثورة ضد العدوان
وياخذ بثارج فاطمه منّ فلان
قبة وصحن يبنيلج الغايب چان
هيبة علي وجده وياه. كلّ الملوك تهابه

سيد زيد الفحام

موشح للزهراء عليها السلام

ياعظُم صبرك يحمّاي الحمه
تصبر وياحيف عصرو فاطمه
........

تصبر وام بيتك الزهره انولت
اباب دارك مو بعيده تصوبَت
فاطمه عندك امانه تسلّمَت
دُرّة المختار من رب السمه
........

انت قالع باب خيبر بالحرب
ياعلي ومايصعب عليك الصعب
شلون خلّيت العدو لدارك يطب
وانت صگّار العده بالموزمه
.........

ياعلي بحق فاطمه مُر الصبُر
هاكثُر گلبك تحمّل هاكثُر
عصرت الزهره وضلعها المنكسُر
وطيحت المحسن السابح بالدمه
..........

ليش بگرابه تچتّف ذوالفقار
وبالمعارك چان صيته الانتصار
ليش ماشلته وركنّته عله الجدار
وچان بيدك يصنع اكبر ملحمه
.........

گالو المختار وصّاك ومضه
وانت نفّذت الامر يالمرتضه
صابر وگلبك جمر مثل اللضه
ياعلي وبيك المحن متراكمه
............

فاطمه المعصومه مكسورة ضلع
شگال گلبك من شفتها بهالوضع
من ألمها تنوح وتهل الدمع
عاشت ايام العمر متألّمه
..............

بالوصية اتچتّفت وانت الأسد
صابر بأمر النبي وأمر الصمد
صرت ياحيدر امير عله الشدد
وصبرت وياك الزچيه العالمه

سيد زيد الفحام
________

للهِ أَيُّ رَزيّةٍ نَزَلَتْ بِآلِ مُحَمَّدٍ
يوماً على دارِ النّبوةِ أُضرِمَتْ نارُ
بَيتٌ على أعتابِهِ الأملاكُ قَدْ سَجَدوا
وَمِنْ دُونِهِ حُجُباً ضُرِبَتْ لَهُ أستارُ
دارُ الزَّكِيةِ فاطِمٍ وَبِنتِ رَسولِها
داروا عَلَيها بنارِ الحِقدِ فُجّارُ
للهِ ماراعوا لَها أيَّ قُربَةٍ
وَبِالبابِ تُعصَرُ أيُّها المُختارُ
وَلِضِلعِها كَسَروا وأسقَطوا مُحسِناً
وَبِصَدرِها اللهُ ما صَنَعَ المِسمارُ
مابَينَ أحشائِها كَالجَمرِ كانَ لَضى
قَتَلَ الجَنينَ وَمِنها غابَتْ أنوارُ
سَقَطَتْ وَكَفُّ العَبدِ رامَ لِعَينِها
وَمَضَتْ عَلى خَدِّها المَسطورُ آثارُ
عاشَتْ قَليلاً مِنَ الأيّامِ عاصِبةً
أوجاعَها مِمّا عَلَيها ساقَتِ الأقدارُ
عَجَبَاً لِصَبرِكَ ياعَليُّ لِما جَرى في الورى
وَمِنْ غِمدِهِ لَمْ يُشحَذُ الفَقارُ
فَبإيّ قَلبٍ قُمتَ في تَجهيزها
غُسلاً وَتَكفيناً بِلَيلٍ لا نَهارُ
وأيتامُها يَبكونَ حُزنَاً لِفَقدِها
وَلِمِثلِهِم ألَمَاً بَكَتها الدّارُ


أبو سجّاد الجعفري

أُمّاهْ قَدْ ذَهَبَ الحنانُ وما بَقِيْ
مِنكِ التّذَكُرُ إلّا بينَ أوجاعي
اللهُ يايَومَ الرّحيلِ وَحْزنُهُ
نارٌ كَوتْ وَتلاهبَتْ مابينَ أضلاعي
يامَنْ مَلأتِ فُؤادي بَهجةً وَمَحَبّةً
لا زالَ صَوتُكِ أنغاماً بأسماعي
تَبكي عَلَيكِ رُبُوعُ الدّارِ والِهةً
وَالشّجوُ يَستَعِرُ لمّا نَعاكِ النّاعي
أُمّاهُ يالَيتني مِنْ قَبلِ هذا مَيّتاً
وَقبلَ وَداعكِ حانَ مِنّي وَداعي
مالَذّةُ العَيشِ وَالأجفانُ مُطبِقَةٌ
تَحتَ الثّرى مِنكِ وَجُفني ساهرٌ واعي
الشّاعر // أبو سجّاد الجعفري

يخويه حسين من عدنه أُمنه راحت
و من كســـر الضّلع چنها استراحت
زينب ســـمعته و للگــــــــاع طاحت
وعله بچاها الشّداد السّــــبعه ناحت
****
راحت والأجل غمّض جفـــــــــــــها
وأخذها الموت منّه وگطـــــــع ونها
چــــــنها ما ترد للــــــــدّار چــــــنها
أُمــــــــنّه الماشـــــــبعنه وداع منها
****
بظهر مكسور أهوى اعليها الحسين
يحاچيها ويقـــــــــــبل أجدامها بلين
شلون بســـــاع من عدنه تروحين
وتخلّينه يتامــــه ياضــــــوه العين
****
بعـــــــــدنه ازغار وبعازت حنانچ
يراحتنه المشت و نريد أمـــــــانچ
بعـــــد بالــــدّار ما نســــمع أذانچ
تروحـــــــين ويظل خالـــي مكانچ
****
من أعمارنه ريت اعلـــــه عُمرچ
و تگومين بسلامه و نشم عطرچ
يشـــــــــمعة بيتنه ويطيب كسرچ
ولا عــــــــنّه يظمّـــــچ لحد گبرچ



الشّاعر // أبو سجّاد الجعفري

نعي


شظل بالدّار بعـــــد وشلّي بالدّار
ونعش أُمّي أشـــوفه للگبر سار
اعله عُمر أُمي يريته العُمر يندار
شمعة بيتنه و مضـــويه الأكتار
*
اخذني للگــــبر ودفنّي يمــــــها
وظمني ياعلي بلحد اليظمــــــها
هذاك الطّابع اعله الباب دمــــها
يعين الله المثلي فاگدها أمـــــــها
*
بهيده ويه الضّعن يالبيه ماشين
تراها مكسّره ضلوع أُم الحسين
أخافن ينلّچم جــــرح و تشوغين
المن آلامــــــــهن چنتي تلوجين
*
بين الباب و الحــــــايط عصرلچ
الشّب النّار بيده وضلـــع طگلچ
و علــه عينچ بچف ايده سطرلچ
و رفس بابچ بحيله وطاح حَملچ
*
ياجرح اليهون وياهو الأنســـيه
وبابچ كل وكت بعيوني أصد ليه
أشم ثوبچ وأشم ريحة حرگ بيه
خنگه البيت يُمّــــه و انتي مابيه
*
الشّاعر // أبو سجّاد الجعفري

لأجل حب الزهراء وطاعة الزهراء
الصلاة على محمد وآل محمد
اللهم صل على محمد وآل محمد
وعجل فرجهم والعن عدوهم