بالنسبة لي، فكره إنك تسأل حد
" هو أنا غالي عليك؟"

السؤال دا  في حد ذاتو إعتراف منك لنفسك بإنك ما غالي أو إنو ما قادر يحسسك بقيمتك.. وبجد مافي أسخف من إحساسك وإنت مستني إجابة مهما كانت حلوة  لإنها ما ح تريحك ولا ترضيك عشان السؤال كان مُجاوب علي نفسو أصلاً بس إنت من ضعفك سألت .

#ريما_عباس.

@Yakoziyat

صباحُ الخير حباً
تساؤل اليوم

إحساسك شنو لما تترفض من شخص انت كنت فاكرو بحبك ذي ما انت بتحبو وما متوقع منو الرفض ابداً ، كنت متوقع يبادلك نفس الشعور بس هو رفضك؟؟


نقطه وحده ح اعيدها تاني
" ما ترفع سقف توقعاتك "

لو الطرف التاني ما صرح ليك ب عضمه لسانو انو بحبك ما تتوقعها منو بناءاً على إحساس.
بالنسبه ل احساسي!

اتوقع حيكون شي حزين بالذات لما تكون باني احلام بانه ممكن الشخص دا حيكون مبادلك نفس الشعور عموما ما نهايه العالم وحتى احساس الزعل دا ما حيقعد وقت طويل
فتره وحتعدي، الجانب المشرق في الموضوع انك حتكون قدرت تحسم القصه واتكلمت بمشاعرك عشان ماتقعد تقول ياريت اتكلمت وياريت وياريت..

#ريما_عباس
#بودكاست_الصباح_البدري

نقول تاني

التمسُّك وقت الشدة أهم من الكلام الحلو، الجدية في العلاقة أهم من كلام الدلع اللطيف،
و تحمُّل العتاب من الطرف التاني أجمل من كلمة "إشتقت ليك " اللي بتتقال أوقات الود والدنيا لطيفة،
إعتذار صادق من القلب عن غلط أو تقصير أجمل من أجمل قصيدة،
الصِدق في الوعود والإلتزام بالكلمة وإحترام إنتظار الطرف التاني هم الحب نفسه ، إحنا بنكبر وبنشوف الدنيا بنظرة مختلفة،
نظرة بتمجِّد التعب والمجهود والأفعال، وبتبطَّل تنبهر بالكلام طالما ما إرتبط بفعل .

#بعض_من_اللطف
#ريما_عباس