شلّي بغيرك انته و ألگه مثلك وين
و تتعب تلگه غيري بهلتعب شلّك
دلّيني عليك أسنين تايه بيك
و امشي وياي ادورك خاطر أندلك
عرّفني اعله شخصك رايد احچي وياك
بس كلمه و بعد ما غيرهه انكلك
وحده من اثنين
أو وحده راح اختار
لو كلّك أحبّك
لو أحب كلّك
اسأل ليش احبك حته اگلك ليش
وليش شما تسوّي وياي أقبلّك
لحظة موت عمري اسنيني كلهن خوف
بس اوياك أأمّن لمّن أوصلّك
و انته آخر نفس واشگد عزيز أتصير
و بلحظة الموت تريدنه انملّك
خيط عله الجرح باللحم صرت اوياي
لو كلّ الجروح اتطيب ما افلّك
تعرف كلشي بيّه و ما اعرف اشبيك
لغز حلّك ، لغز من يگدر ايحلّك
_جبار رشيد
و تتعب تلگه غيري بهلتعب شلّك
دلّيني عليك أسنين تايه بيك
و امشي وياي ادورك خاطر أندلك
عرّفني اعله شخصك رايد احچي وياك
بس كلمه و بعد ما غيرهه انكلك
وحده من اثنين
أو وحده راح اختار
لو كلّك أحبّك
لو أحب كلّك
اسأل ليش احبك حته اگلك ليش
وليش شما تسوّي وياي أقبلّك
لحظة موت عمري اسنيني كلهن خوف
بس اوياك أأمّن لمّن أوصلّك
و انته آخر نفس واشگد عزيز أتصير
و بلحظة الموت تريدنه انملّك
خيط عله الجرح باللحم صرت اوياي
لو كلّ الجروح اتطيب ما افلّك
تعرف كلشي بيّه و ما اعرف اشبيك
لغز حلّك ، لغز من يگدر ايحلّك
_جبار رشيد
مصدوم من طبعي
ممفكر بشي ابد
ما مفتهم وضعي
منعزل عن البشر يمكن صرت گطعي
مشتاقلة المختفي
صار بحدود السنة ما ملتقي بدمعي
بهلحالة راح انحسب خسران لو رابح؟
متقوي لو منصدم
مجروح لو جارح
ليهسه ما واضح
اكثر بعد ما اضل
عن هلقلق رايح
_محمد صلاح
ممفكر بشي ابد
ما مفتهم وضعي
منعزل عن البشر يمكن صرت گطعي
مشتاقلة المختفي
صار بحدود السنة ما ملتقي بدمعي
بهلحالة راح انحسب خسران لو رابح؟
متقوي لو منصدم
مجروح لو جارح
ليهسه ما واضح
اكثر بعد ما اضل
عن هلقلق رايح
_محمد صلاح
صالحت الغنم وي خشبة الگصاب
وجاملت الصحاري لخاطر الرعيان
بعد ميغشني ناعم ناعمة المسحاة
وبحجة سواجي تفرگ البستان
ما يثبت نهر والخورة مغزل بي
شيرگد الحليب بشچوة المعدان
ساكتلك ولو سكتة الشمعة بروح
بس ادري الحچي غنوة بسلف طرشان
مو شرط السكت لازم رخيص يصير
ترا الحايط عزيز بديرة العميان
تحرگني وتجي تطفي الحرگ بلصوف
واوگع واليگع مو شرط خايف چان
شغلاتچ بلسجن يا طيحة المفتاح
تقلق نومة المسجون والسجان
_رفعت الصافي
وجاملت الصحاري لخاطر الرعيان
بعد ميغشني ناعم ناعمة المسحاة
وبحجة سواجي تفرگ البستان
ما يثبت نهر والخورة مغزل بي
شيرگد الحليب بشچوة المعدان
ساكتلك ولو سكتة الشمعة بروح
بس ادري الحچي غنوة بسلف طرشان
مو شرط السكت لازم رخيص يصير
ترا الحايط عزيز بديرة العميان
تحرگني وتجي تطفي الحرگ بلصوف
واوگع واليگع مو شرط خايف چان
شغلاتچ بلسجن يا طيحة المفتاح
تقلق نومة المسجون والسجان
_رفعت الصافي
الدنيا ضاكت والنفس
باقي على كد
الحسره
فرحان داويت الغصن ثاري المرض
بالشجره
مرت سنين من العطش
مو شفت روحي تفطرت ومتاني حبك كطره
وما كلت ليش تعذبت
جنت ادري اليحب من صدك يرتاح بس بكبره
وصار المعاتب والعرك بس
بالحجي
وبين الضجيج المرتفع
ميزت منك نبره
حنيت كمت اكتب شعر ديوان كامل بس غزل
كملته وانطيته الشخص لا يكتب ولا يقره
_مهند العزاوي
باقي على كد
الحسره
فرحان داويت الغصن ثاري المرض
بالشجره
مرت سنين من العطش
مو شفت روحي تفطرت ومتاني حبك كطره
وما كلت ليش تعذبت
جنت ادري اليحب من صدك يرتاح بس بكبره
وصار المعاتب والعرك بس
بالحجي
وبين الضجيج المرتفع
ميزت منك نبره
حنيت كمت اكتب شعر ديوان كامل بس غزل
كملته وانطيته الشخص لا يكتب ولا يقره
_مهند العزاوي
امس روحي اشتهت واحد مزعلها
وحنت والمحنة ما تطيحلها
امس جثة هنود الروح تالي الليل
گبال عيون اهلها تحترگ كلها
امس حطيتهن مرسال يم مرسال
وعاينت الردودك ما استاهلها
مثل حطت اسواع بحمل بنيامين
تتهمني بعمايل ماني عاملها
امس وي الفجر كلش حلم مو زين
حلمت جنازتي محد الشايلها
وشفت امي لطمها گبال المرايات
لان مامش مرا التلطم تجابلها
_سعد شميل
وحنت والمحنة ما تطيحلها
امس جثة هنود الروح تالي الليل
گبال عيون اهلها تحترگ كلها
امس حطيتهن مرسال يم مرسال
وعاينت الردودك ما استاهلها
مثل حطت اسواع بحمل بنيامين
تتهمني بعمايل ماني عاملها
امس وي الفجر كلش حلم مو زين
حلمت جنازتي محد الشايلها
وشفت امي لطمها گبال المرايات
لان مامش مرا التلطم تجابلها
_سعد شميل
مو ذنبك
حلاتك كل ذنب مابيك
ولكن صوچ گلبي الماعرف يصبر
شگد
ردت اكتفي بالنظره الاولى وياك
اغمض والفصوص من الجفن تطفر
يانظرة براءه
تظل براءه وياك
اذا نظراتي چانت بالجلد تحفر
مغير لونهن
بس شفت لون شفاك
اخذلك هيج واحد من بعد يخزر
اليسمع دفو صوتك يوگع بشده
وما اصدگ وراهه يظل صبر عنده
اكو گبلي نبي گالو مكلم الطير
واني اول انسان يكلم
الورده 🌻
_ايهاب المالكي
حلاتك كل ذنب مابيك
ولكن صوچ گلبي الماعرف يصبر
شگد
ردت اكتفي بالنظره الاولى وياك
اغمض والفصوص من الجفن تطفر
يانظرة براءه
تظل براءه وياك
اذا نظراتي چانت بالجلد تحفر
مغير لونهن
بس شفت لون شفاك
اخذلك هيج واحد من بعد يخزر
اليسمع دفو صوتك يوگع بشده
وما اصدگ وراهه يظل صبر عنده
اكو گبلي نبي گالو مكلم الطير
واني اول انسان يكلم
الورده 🌻
_ايهاب المالكي
يمعودين محد حاس
بحساسي
يمعودين ما ناسي
وكلت ناسي
وبراسي سوالف مالهن رداد
على يا ساعه افرغ
مخزن براسي
ابوي يخاف ربه وملتهي بربه
بس مايدري بأبنه شصاير
بگلبه
لو كايلي بويه شبيك مامرتاح
چا ما سولفت
مالاتي للغربه
_حسين السلطاني
بحساسي
يمعودين ما ناسي
وكلت ناسي
وبراسي سوالف مالهن رداد
على يا ساعه افرغ
مخزن براسي
ابوي يخاف ربه وملتهي بربه
بس مايدري بأبنه شصاير
بگلبه
لو كايلي بويه شبيك مامرتاح
چا ما سولفت
مالاتي للغربه
_حسين السلطاني
مشكلتي نسيت الكة القريبات
جبت كل عمري اباوع للبعيدة
وهذا انه دورة سنه بس مادريت المن
يومية افز مخنوك وجروحي ينلچمن
حتى النستني ومشت وشفافهة ابتسمن سألوني عنهة وكلت ناسيهة
بس الصدك مرات توجعني
بليل اشكهة الصور بس من افز الصبح الكاهن بحضني
بلياها عايش جذب اضحك واشم الهوة
لكن وياها كبل جان الهوه يشمني
-احمد عاشور
جبت كل عمري اباوع للبعيدة
وهذا انه دورة سنه بس مادريت المن
يومية افز مخنوك وجروحي ينلچمن
حتى النستني ومشت وشفافهة ابتسمن سألوني عنهة وكلت ناسيهة
بس الصدك مرات توجعني
بليل اشكهة الصور بس من افز الصبح الكاهن بحضني
بلياها عايش جذب اضحك واشم الهوة
لكن وياها كبل جان الهوه يشمني
-احمد عاشور
يمتى الگالي نصيب اعلى المرام
واكتب حچاية فرح في دفتري
ويمتى يگعدلي البخت ساعة زمان
وينترس حملي بقناديل ومري
اني تعبني الصبر والانتظار
ومالگيت حچاية تجبر خاطري
_هاشم العربي
واكتب حچاية فرح في دفتري
ويمتى يگعدلي البخت ساعة زمان
وينترس حملي بقناديل ومري
اني تعبني الصبر والانتظار
ومالگيت حچاية تجبر خاطري
_هاشم العربي
دخن ولو چبد اليدخن يسل
واشرب مع البيگ التشربة جمر
اشرب ولو طبع اليدامن يذَل
اشرب ذليل الماسكر بلخمر
سم الشراب وعلتة ياهلي
هو اليداوي المبتلي بلعلل
مثلي بزماني ما شفت مبتلي
انة الغريج المايهمة البلل
_صاحب الضويري
واشرب مع البيگ التشربة جمر
اشرب ولو طبع اليدامن يذَل
اشرب ذليل الماسكر بلخمر
سم الشراب وعلتة ياهلي
هو اليداوي المبتلي بلعلل
مثلي بزماني ما شفت مبتلي
انة الغريج المايهمة البلل
_صاحب الضويري
بعد ما گال انة السبب بجروحة
شفت روحي حمامة بعشة مذبوحة
واذا عل ندم تحچي شلون بَين هيچ
طلع وبگاع صبخة شلون الملوحة
انة بنص الحرب چي منطي كلمة وياك
نمت وي الجثث بعيون مفتوحة
نمت وي الجثث ما خفت واهتزيت
خفت من گتلي كلمن يلتهي بروحة
_علي تالي
شفت روحي حمامة بعشة مذبوحة
واذا عل ندم تحچي شلون بَين هيچ
طلع وبگاع صبخة شلون الملوحة
انة بنص الحرب چي منطي كلمة وياك
نمت وي الجثث بعيون مفتوحة
نمت وي الجثث ما خفت واهتزيت
خفت من گتلي كلمن يلتهي بروحة
_علي تالي
يكتلني اليطفي الشمس حتى ينام
ويريد الصبح يطلع من الفانوس
يعرف قيمتة يكض الصگر يشوي
للصيد الصگر للمعرض الطاووس
من بير النفط حصلنة بس دخان
والمحصول كلة بجيب ابو المحروس
رايدني اطمئن وألامر بيد شعيط؟
باچر جاينة وحتى الهوى بفلوس
تاكل لگمتك ومگابلك جوعان
تغص بلماي اذا حسيت بي منفوس
كل عمرة بسجن غصبأ على السجان
ما محبوس بس مگابلة المحبوس
_علاء الياسين
ويريد الصبح يطلع من الفانوس
يعرف قيمتة يكض الصگر يشوي
للصيد الصگر للمعرض الطاووس
من بير النفط حصلنة بس دخان
والمحصول كلة بجيب ابو المحروس
رايدني اطمئن وألامر بيد شعيط؟
باچر جاينة وحتى الهوى بفلوس
تاكل لگمتك ومگابلك جوعان
تغص بلماي اذا حسيت بي منفوس
كل عمرة بسجن غصبأ على السجان
ما محبوس بس مگابلة المحبوس
_علاء الياسين
حكايتنا
القدر بيها لعب دور
التقينا وبيها
شمل كلوبنا التم
جفينة اعيونة بنظرات الاحساس
وتغازلنة
بگلب مايعرف الهم
على عناد الزعل نتراضة مرات
ولملمنة الجروح الصعبة تلم
ندهتنا البلابل للمواعيد
وشردنة من النعاس البابة محكم
وتماشينة
رغم درب السهر خيط
من يفلت الليل بليل نلزم
الشمس سلمت النة بوكت الغروب
ومن مر الكمر فوگانة سلم
كتبت ذكرى بينه اعواد الاغصان
وحلف بينه الورد وبشوكنة اقسم
بحيث اتحاججت ويانة الاشجار
البهاي الحدايق ياهو الاقدم
تفاركنة وجرة بنهر ارواحنة الموت
وبياض كلوبنة اعلى الروح غيم
اتفقنا انموت لكن وحنة عدلين
نضحك بس اكو بخاطرنة مأتم
الهوة يلاگينة لكن ما مبينين
مختنكين بس انكول نشتم
_ايهاب المالكي
القدر بيها لعب دور
التقينا وبيها
شمل كلوبنا التم
جفينة اعيونة بنظرات الاحساس
وتغازلنة
بگلب مايعرف الهم
على عناد الزعل نتراضة مرات
ولملمنة الجروح الصعبة تلم
ندهتنا البلابل للمواعيد
وشردنة من النعاس البابة محكم
وتماشينة
رغم درب السهر خيط
من يفلت الليل بليل نلزم
الشمس سلمت النة بوكت الغروب
ومن مر الكمر فوگانة سلم
كتبت ذكرى بينه اعواد الاغصان
وحلف بينه الورد وبشوكنة اقسم
بحيث اتحاججت ويانة الاشجار
البهاي الحدايق ياهو الاقدم
تفاركنة وجرة بنهر ارواحنة الموت
وبياض كلوبنة اعلى الروح غيم
اتفقنا انموت لكن وحنة عدلين
نضحك بس اكو بخاطرنة مأتم
الهوة يلاگينة لكن ما مبينين
مختنكين بس انكول نشتم
_ايهاب المالكي
بلخير علناس الجديدة الوياك
يومية واحد يلة حِب تستاهل
خلگ السفينة اطول من انفاس الريح
وما عدها هاگد الخلگ صاعد نازل
الوفة هواي اعليك وادريك تخون
مثل اليأمن گطرة بيد الجاهل
اليشرد من الحرب گدام الناس
خم راسة تلگاة بلحلم متخاذل
واليترس عيون الحرب چف وعين
جيوبة خمهن تلگة صورة كافل
غالي الوفة بهذة الوكت لا تنجي
يتعب لسانك لا تضل اتعامل
يطگها طگ ب طگ اموت اعلى السيف
من يطلع من ايد الزلم ميجامل
_علي النجم
يومية واحد يلة حِب تستاهل
خلگ السفينة اطول من انفاس الريح
وما عدها هاگد الخلگ صاعد نازل
الوفة هواي اعليك وادريك تخون
مثل اليأمن گطرة بيد الجاهل
اليشرد من الحرب گدام الناس
خم راسة تلگاة بلحلم متخاذل
واليترس عيون الحرب چف وعين
جيوبة خمهن تلگة صورة كافل
غالي الوفة بهذة الوكت لا تنجي
يتعب لسانك لا تضل اتعامل
يطگها طگ ب طگ اموت اعلى السيف
من يطلع من ايد الزلم ميجامل
_علي النجم
دوريتك لچمه لچمه وما لگيتك
ياحنيني وانت ذاك شما بچيتك
مرني لو لچمه اشتهيتك
واشتهيت بروحي اضيعك واشتكيلك
ارد اكلك ضيعتني
وانكت البيه بشليلك
وارد اكلك لا تعاتب انه شعرف بس اجيلك
ماهو ذنبي الليل ياخذني اعله بيتك
ماهو ذنبي شما هويتك
_فواز رشم
ياحنيني وانت ذاك شما بچيتك
مرني لو لچمه اشتهيتك
واشتهيت بروحي اضيعك واشتكيلك
ارد اكلك ضيعتني
وانكت البيه بشليلك
وارد اكلك لا تعاتب انه شعرف بس اجيلك
ماهو ذنبي الليل ياخذني اعله بيتك
ماهو ذنبي شما هويتك
_فواز رشم
دوريتك فرزنت كل النوايه وما لكيتك
دوريتك بين كل دربونه
جانت غافيه بمصباح بيتك
يلعرفت ابيا مجان ارتاح يمك
يلي مامش بشر مرسوم اعله رسمك
كونك اتعرف الحصل بجفاك
جاوشلت دمك
وتيهوني
وبين كل سالوفه من حانه مواعيدك لكوني
يلي من شامات خدك طرزوني
حيل بردان برحيلك
يااروزين السمه وشلال ليلك
دوريتك بين كل بيبان روحي
بين كل عثره جدم تشبه مشيتك مالكيتك
_حسن وصفي البيضاني
دوريتك بين كل دربونه
جانت غافيه بمصباح بيتك
يلعرفت ابيا مجان ارتاح يمك
يلي مامش بشر مرسوم اعله رسمك
كونك اتعرف الحصل بجفاك
جاوشلت دمك
وتيهوني
وبين كل سالوفه من حانه مواعيدك لكوني
يلي من شامات خدك طرزوني
حيل بردان برحيلك
يااروزين السمه وشلال ليلك
دوريتك بين كل بيبان روحي
بين كل عثره جدم تشبه مشيتك مالكيتك
_حسن وصفي البيضاني
منهو بحالنه
احنه المساكين
احنه المحد النه المدري آمنين
ومن يسأل علينا لمن انغيب
لو غيبة
دهر ونطول اسنين
خلصنه عمرنه بالمحطات
سفر وبيوتنه سطوح الفراكين
مرسومة بجلدنه وحشة أنياب
الجرح لو طاب
هم يترك نياشين
وين اهلي علي مادكوا الباب
شو صحتي عليلة او وضعي مو زين
خسارتنه جبيرة وغشمه
عالسوك
بعنه اعقولنه بسوك المجانين
من يستاهلج يادمعة العين
مسكين اليداين دمعة العين
تمنينه نموت
بغير تعذيب
على المذبح يطفنه صار له اسنين
فظ الازدحام وخفة الناس
وماكدامنه بس واحد اثنين
يوصلنه السرة ويتاجل الموت
يم اركابنه وتعمى
السجاجين
_كاظم اسماعيل الكاطع
احنه المساكين
احنه المحد النه المدري آمنين
ومن يسأل علينا لمن انغيب
لو غيبة
دهر ونطول اسنين
خلصنه عمرنه بالمحطات
سفر وبيوتنه سطوح الفراكين
مرسومة بجلدنه وحشة أنياب
الجرح لو طاب
هم يترك نياشين
وين اهلي علي مادكوا الباب
شو صحتي عليلة او وضعي مو زين
خسارتنه جبيرة وغشمه
عالسوك
بعنه اعقولنه بسوك المجانين
من يستاهلج يادمعة العين
مسكين اليداين دمعة العين
تمنينه نموت
بغير تعذيب
على المذبح يطفنه صار له اسنين
فظ الازدحام وخفة الناس
وماكدامنه بس واحد اثنين
يوصلنه السرة ويتاجل الموت
يم اركابنه وتعمى
السجاجين
_كاظم اسماعيل الكاطع