من ذبحتوا حسين بكيتوا الشمس
بس خيال حسين يشتم الهوى
ومن بكت عين الشمس ضوّة ظلام
وكلشي صار اخيال واحسين الضوى




_مظفر النواب

تراويني الشمر ودگلي هذا حسين
هذا حسينكم اني
اعرف حسيني



_عامر العيثاوي


الفاتحة والدعاء له الشاعر المرحوم

مرات اختنگ واشتم حسين ارتاح
الهوه تحس بوجوده لا تنفسته



_مصطفى العيساوي

محمد فهم المايعرف الدين
البنه تنظيم بأسمك كَله فلش
لو ناشر الدعوه بعبوه وحزام
ما جان الاسلام ويه الهوى يطش
لك دينك كَلت للمايسلمون
وابد ماسمعتهم كلمه تخدش
غلبوك بأحد مو قوة اسلاح
كلك مرجله وما تعرف الغش
محمد كَلهم اليتعشه وياي
مو اي واحد اني بصفي يفرش
كَلهم ما اكلت بس ويه ابو حسين
ومرات ابو طالب يمنه يطرش
محمد كَلهم ابخوة علي وياك
كَلهم ماكو مثله ابروحي كلش
كَلهم علي ماضل بس بالفراش
شلون ايروح اخيه وعينه ترمش
علي من الحمامه ايحرسك ايجوز
يمكن علي بايت حته بالعش




_ ايهاب المالكي

الرَسايل ما رضْن يرحن ووديهِن
يخافَن جفك الغايِب يأذيهن
ولك هِنه ورَق بيهن كَلام أنسان
عاد اقراهِن وبَعدين شَك بِيهن
بيض أوراقهن
بَس الحبر بِي لونٌ
مابِيهن مَشاكل مِثل راعِيهنّ
ورسايل منك لحَد هسه اداريهنٌ
مثلّ نومَة طفل بالليل
اهز بيهنّ






_علي طالب

كطعت لساني خاطر لا احاجيك
وخاطر ينتهي البينك وبيني

لكيت انوب عيني تسولف وياك
يعني شلون أكص السان عيني




_عامر العيثاوي

إلك للشوگ لحچاياتك الترفات
للشاطي العشگ ميه
و أرد بالتعب چف وفجر وگلوب
واتحمل واگومن بية مابية




_غازي ثجيل

ضل وياي
أريدك والبقن جم يوم
وهل جم يوم صارن حدك وحدي
خليني ارد أشوفك كمت أحسك طيف
ياعين ألتكض ألطيف أليعدي





_جبار رشيد

يجي يوم النوارس ذيج
ماتغفى بشواطينه
يجي يوم النحبه ايصير
يكره حتى طارينه




_علي الشيباني

كل الصار من إيدي
فُرغ عقلي وذبحت اخر حلم بالروح
وأصد لجروحي لا تُغفن بعد ، زيدي
شسّوي الـ دنيّتي الما ترضىٰ اعيش بخير
ما ارتاح .. لو حطولي سَم وگطعوا وريدي



_علي الباسل

باجر تموت المحطه ومحّد ايغنّي بغربتك
باجر يصير العشگ ذمّه برگبتك
توصل لباب الصدك وبروحي اجذبك
گمت من گد الحزن
ماعرف احبّك




_وسام سباهي

يا حبيبي وداعتك
للساع عيني وكلي
وي الساعه دكته
يا حبيبي وداعتك
كل ما تمر نسمة التفت
حسبالي انت




_كاظم خبط

ظل يمي أمن أيشيلون
اهل البيت تكبر سكتة البيبان
أحضني
المعاتب هان ، والفزه نهاية ليل
ألحلم والنوم للنعسان
وأنشدك يا عطش يا ماي
حظي وأنت
ما مره كعدتوا وياي




_احمد ملاذ

اسف ادري اخرتك ع الباب
ودري استغربت ع الشفته بيه
اسف بس قبل ماعايش احساس
سچينه تدك باب الضحيه
غرابة جيتك خلتني محتار
دمي بچفك وتسأل عليه





_صفاء الصمت

ومشهد غيابك خرابة
وصوتي مبحوح شيصح
الشوارع كلها مسكونة وصفير وصوت ريح
والهياكل والجماجم ملحمة والناس ميتة
ووحدي اعثر واطيح
ولو خبر منك يجيني
الناس تعدل من جديد ضوه يبين من بعيد مطر ينزل شمس تضحك
المشانق تنصب مرجوحه لطفال الشهيد
الورد يطلع بالجماجم
لو تجيني
واقدملك اعتذاري وانكساري وكل حنيني
ولو گلت هذا خطيه وياما كتلك من اديه تروح
بس مو من اديه وياما كلتلك شوفتني جنازة امي
من ثكل وجهك عليه
وأخيراً تريد تعرف بيه شلون جان جفاك جني مدد بسديه وهلي من حالتي ملو عدل واتعاملو وي راسي يم دفان
وعله الفاتحه أتفقو كلّ ذوني ولا فركاك أنه ما ردت اموت عليك
إموت وياك


_زيد السومري

أنفاس البشر خطوات للتابوت
بعد ماضل عمر يستاهل اتوسل

سمير صبيح

غمض عيونة الجرح يحلم يطيب
شاف روحة مراية گابلها جرح
وشاف شوكة الليل عافة بكل مكان
حضة عاثر جابها بعين الصبح
ابيض شراع السفينة شگد جبان
گبل لا يبحر رفع راية صلح

_ميثم فالح

يابو فاضل
انت وين
ردت تستر شوف دنيا
وغمضت وانطيت عين
وانت وين
ردت تحفض ماي وجه الريح
يمك كبرت وانطيت ادين
هاي كلها
وبعدك بطولك يمن طولك حسين



_عباس الغالبي

ملتمين لكن ماكوو أنت
ومنو اليترس مكانك يل تركته



_أحمد الغريب

الرحمة والمغفرة لجميع شهداء العراق في كل جيل وفي هذا الجيل ، ولعنة الله على المعتدين

يابو فاضل اسمك نشودة محبه
وضحكتك لمة عصافير الصبح
ليش ماكتبوك عاشك ياحبيبي
وكتبوا الدم والذبح
اني اعرفك فارس شضايف حجيهم
خل يشوفوك سلام تعيش بيهم
يابو فاضل حتى لاتتاذه زينب
ما اكتبك عالرمح
انت عالي وماتطيح شما كثر حجي النهر
شوكت ما اشتاك اذكرك
غشمه اليذكروك بس هذا الشهر
يابوفاضل هو مو ياهو اليجي يسموا كمر





_حيدر الطفيلي