فزاعيه للعلويه الشريفه (عليها السلام)

عمتهه عالناكه وتون.. من ماتت المهيوبه
ــــــــــــــــــــــــــــــــــــــــ
عمتهه عالناكه بجت
من الضعن راحت بنت
من الســــياط اتلوعت
مـــتيتمه ومـــــــسلوبه
ــــــــــــــــــــــــــــــــــــــــ
زينـــب على الناكه تون
ماتت يتيمه من الضعن
ومتــــوهن من دم جرن
وبـــــيا ذنــــب مضروبه
ــــــــــــــــــــــــــــــــــــــــ
وبــــــيا ذنب ياذوهه
وايــــــدينهه يشدوهه
بين الخــــــلك جروهه
ويهضم الحادي اسلوبه
ــــــــــــــــــــــــــــــــــــــــ
ماتت يتيمه ومتعبه
درب الحدي يامصعبه
من المصاب الي سده
مـــاتت تون مفجوعه
ـــــــــــــــــــــــــــــــــــــــــ
الشاعره معصومه العيداني
https://t.me/mm313g

‏- عن الإمام زين العابدين عليه السلام :

‏{{ الذنوب التي ترد الدعاء :
‏1- سوء النية
‏2- وخبث السريرة
‏3- والنفاق مع الإخوان
‏4- وترك التصديق بالإجابة
‏5- وتأخير الصلوات المفروضات حتى تذهب أوقاتها
‏6- وترك التقرب إلى الله عز وجل بالبر والصدقة
‏7- واستعمال البذاء والفحش في القول }}

‏📚- البحار ج 70 ص 376..

لطميه للسيده رقيه (عليها السلام)

عمه زينب..عمه شلي بالطشت حاجيني
عمه زينب..عمه اريد الوالدي توديني

شلي ياعمه بطشت جابولي
انه اريدن اهلي شو يرضولي
الخارجيه اسمي الغرب كلولي
بعدي ياعمه الطشت بعدولي

عمه زينب.. عمه ماريد الاكل تدريني
عمه زينب.. عمه اريد الوالدي توديني
ــــــــــــــــــــــــــــــــــــــــ
عمه ماريـــــد الاكل حاجيهم
عن ابوي حسين بس سأليهم
وينهم عنه اهلنه ويــــــنهم
متونه الزركه هلي نراويهم

عمه زينب..عمه ليش بخوفه وتحضنيني
عمه زينب.. عمه اريد الوالدي توديني
ــــــــــــــــــــــــــــــــــــــــ
بلا مروه وهيج سوو بينه
بالشتم وسياطهم تاذينه
رايده الوالد يلحك علينه
مادريت بطشت راس حسينه
عمه زينب. عمه اموت عل طشت عوفيني
عمه زينب. عمه اريد الوالدي توديني
ــــــــــــــــــــــــــــــــــــــــ
كون بس يسمعها هيه حجايه
ياهو ايتمني اصبحت شجايه
جانت علينه ترفرف رايه
صرنه بيد ايزيد وامشي برايه

عمه زينب...عمه تعبانه وهنا دفنيني
عمه زينب.. عمه اريد الوالدي توديني
ــــــــــــــــــــــــــــــــــــــــ
https://t.me/mm313g

لطميه للامام الحسن عليه السلام

ياخويه يامسموم.. انه بخرابه اليوم
انصب عزيه.......... انصب عزيه
ــــــــــــــــــــــــــــــــــــــــ
ياخويه ماانساك.. انصب عزه وانعاك
بغربه وأنه بذكراك.. هاي المسيه

خويه الگلب مالوم.. انه بخرابه اليوم
ــــــــــــــــــــــــــــــــــــــــ
وسط الخرايب هاي.. وتبجي الك عيناي
محد بقى ويــــــاي.. يبن الزجيه

بيتي علي مهدوم.. انه بخرابه اليوم
ــــــــــــــــــــــــــــــــــــــــ
انصب عزاك هنا.. يجبير اخوتي انعاه
بالحسره والويلاه.. وبالطم اديه

هواي اعالصدري هموم.. انه بخرابه اليوم
ــــــــــــــــــــــــــــــــــــــــ
تبجي عليك العين.. مدري لخوي حسين
لو خويه للجفين.. كلكم سويه

عني سمعتو علوم.. انه بخرابه اليوم
ــــــــــــــــــــــــــــــــــــــــ
ياخويه هم تدرون.. شنهو الجره وي ام عون
بيه الغرب يحدون.. جبيره الرزيه

واصبر علي ملزوم.. انه بخرابه اليوم
ــــــــــــــــــــــــــــــــــــــــ
الشاعره معصومه العيداني
https://t.me/mm313g

لطميه للسيده رقيه عليها السلام

ليش بخرابه كعدتج وين
اهلي بسفر لو عمه ميتين
ــــــــــــــــــــــــــــــــــــــــ
ليش بخرابه نكعد شلون
وين الكمر حاجيني يم عون
عالخد دمعتج اهلي يدرون
مايدري بينه والدي حسين
ــــــــــــــــــــــــــــــــــــــــ
ليش بخرابه وبيهه حراس
احنه الحرسنه دوم عباس
ياعمه وينه ابين هالناس
انضر عساهه تنضره العين
ــــــــــــــــــــــــــــــــــــــــ
عمه الخرابه موش الينه
مايدري جن عباس بينه
عمه يزينب احجي وينه
بعده عدل لو راح الحنين
ــــــــــــــــــــــــــــــــــــــــ
ياعمه وينه حســــــين عني
يدري العده بسوط اضربتني
جني يتيــــــــــمه عمه جني
اهلي بسفر لو عمه مـــاشين
ــــــــــــــــــــــــــــــــــــــــ
الشاعره معصومه العيداني
https://t.me/mm313g

فزاعيه للسيده زينب عليها السلام


زينب ياهلي الطيبين... اباب الساعه وكفوهه

ثلث ســـاعات وكفوني
والوادم ينــــــضروني
عيد وطبل لاكـــــوني
عيوني شكثر بجوهه
ــــــــــــــــــــــــــــــــــــــــ
نضروني وأنه بيا حال
غرييه وامش وي جتال
يهلي وبالجفوف احبال
منــــــي الروح طلعوهه
ــــــــــــــــــــــــــــــــــــــــ
وكفــــونه وتعــاين ناس
خوّله وحرملـــه حراس
آه يـــاعــازة الـــــعباس
خويه الحرم ضــربوهه
ــــــــــــــــــــــــــــــــــــــــ
الحكني يــــداحي الباب
عبينه بس دمـــه وتراب
انه البيك جنت انــهاب
هسه بغــــرب مجتفوفه
ــــــــــــــــــــــــــــــــــــــــ
الشاعره معصومه العيداني
https://t.me/mm313g

فزاعيه للسيده رقيه السلام

بخربه وشام.. زينب تدفن بنيه
عوانه تريد تصيح مابيه
ــــــــــــــــــــــــــــــــــــــــ
شام وبالخرابه الموت وافاهه
بت حسين هاي الحيل حباهه
عمتهه تـــــون وحيل مبجاهه
((تون بت حيدر عينيهه))
ــــــــــــــــــــــــــــــــــــــــ
تون زينب تريد اليوم عوانه
شلون بدفنة الماتت وحزنانه
حيل من المصايب يهلي نحلانه
((جاوين اخواني يدفنوهه))
ــــــــــــــــــــــــــــــــــــــــ
جاوين اخوتي يعينوني بالدفنه
تناديهم باسمهم هيج تتــــــمنه
يردون وهلا يكولون يـــــاختنه
((يامحله اخواني يردولي))
ــــــــــــــــــــــــــــــــــــــــ
يمحلاهم لون اليوم ردولي
وكلولي يختنه آمري وكولي
بسكم من تراب الحار نضرولي
(( بالدفنه وحيده ومحتاره))
ــــــــــــــــــــــــــــــــــــــــ
الشاعره معصومه العيداني
https://t.me/mm313g

لطميه للامام الحسن عليه السلام

خويه الجبد ياذنيني
جيب الطشت تجيني
ياخويه يحسين.... ياخويه يحسين
ــــــــــــــــــــــــــــــــــــــــ
جبدي تكطع خويه جبدي
جيب الطشت يحسين عندي
ولو متت ياخويه واوصي
عنـــــدك امانه تبقى ولدي
ياخويه يحسين.. ياخويه يحسين
ــــــــــــــــــــــــــــــــــــــــ
جيب الطشت جبدي تكطع
ياخويه احس بالروح تطلع
تجيني لا اطيحن على الكاع
ماعندي قــــوه والگلب لاع
ياخويه يحسين... ياخويه يحسين
ــــــــــــــــــــــــــــــــــــــــ
شسوه بجبدتي خويه هالسم
والحيــــل مني انـــــهد تهدم
حــــــــتى بوريدي مابقى دم
ومنه ماضن خويه اســــــلم
ياخويه يحسين... ياخويه يحسين
ــــــــــــــــــــــــــــــــــــــــ
تجيلي راح النضر مــــاشوف
وجفك يخويه يكض الجفوف
خويه وصيتي بارض الطفوف
يروحلك فدوه الولد عـــــوف
ياخويه يحسين... ياخويه يحسين
ــــــــــــــــــــــــــــــــــــــــ
خويه وصيتي القاسم وياك
يطلع يــــحارب كون يفداك
شلي بعزيزي وانتــــه بلواك
يذبحونه عبدالله اعله يمناك
ياخويه يحسين.... ياخويه يحسين
ــــــــــــــــــــــــــــــــــــــــ
الشاعره معصومه العيداني
https://t.me/mm313g

لطميه للسيده فاطمه (عليها السلام)

فاكدينج ياهضيمه...وصار يمه اسمي اليتيمه
يمه يازهره ييمه
_
يمه هايم المحنه ويــــم الحنين
اسمي صار انه اليتيمه عني تدرين
فكدج الكاسرني يمه وعامي العين
الروح الج مشتاكه لــيه ماتحنين

يمه يازهره ييمه
يمه دارج بي صده صوتج تونين
يمه بابج جنه بي دمج لهلحين
عطرج بثوبج اشمه يم الحسين
ادري مانرجع الحضنج ماتردين

يمه يازهره ييمه
يمه هم حنيتي للكعده سويه
ابنيتج يالزهره ماحنيتي ليه
طفله وبعازتج يايمه الزجيه
طفله منج تنتضر يالزهره جيه

يمه يازهره ييمه
حيل متمنيه الكبر يمج يضمني
وارد باحضانج ييمه يغفه جفني
من جفيتي بيه كلشي يمه جفني
لافرح لاضحكه لاعيد اليمرني

يمه يازهره ييمه
....................................
الشاعره معصومه العيداني
https://t.me/mm313g

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://t.me/Abas747

لطميه للسيده فاطمه عليها السلام

يمه ياضي النضر ...ويالضلع گلبي انكسر
يمه لاتمشين عني ...يمه لاتمشين عني
&&&&&&&&
يمه ياضي العيون ويابصرهه
الكسر الضلعين بتج هم كسرهه
نايمه امي اواضح اعليهه كدرهه
امبين اعليهه التعب اا يا صبرهه
تصبر وهدهه الصبر... ويالضلع گلبي انكسر
يمه لاتمشين عني...يمه لاتمشين عني
&&&&&&&&&&
انضرج متمدده وبوسطة الدار
انه أخاف عليج يمه الموت غدار
خايفه تروحين عنه كون يندار
الم ضلعج بيه وانه اشعر الصار
ابدالج انزل للكبر...ويالضلع گلبي انكسر
يمه لاتمشين عني..يمه لاتمشين عني
&&&&&&&&&&&&&&
ابدالج انزل للكبر بس لاترحلين
دارنه يطفي ضواه لو عنه تمشين
انتي امنه يم حسن لا لا تكطعين
بعازتج انه وحسن يايمه وحسين
ويني يمه والهجر... ويالضلع گلبي انكسر
يمه لاتمشين عني... يمه لاتمشين عني
&&&&&&&&&&&&&
يمه ويني والهجر يالزهره تدرين
مو الي افراكج بلاج نروح لاوين
يمه لو حن الگلب واشتاكت العين
راح اشوفنج يزهره ابعين الحسين
يشبهج نفس الصور.. ويالضلع گلبي انكسر
يمه لاتمشين عني...يمه لاتمشين عني
&&&&&&&&&&&&&
الشاعره معصومه العيداني
https://t.me/mm313g

لطميه للسيده زينب (عليها السلام)

غرييه اختك يبوفاضل غريبه
الزاير لعد زينب من يجيبه
عليك يصير العتاب..الخلك من عندك تهاب
افزع لختك بهاي المصيبه
&&&&&&&
غريبه اختك ييوالنوماس بالشام
لاجار اليحبهه وناس ضلام
لازاير نعى ولا حضر لطام
ماجنه الضريح ابخربه وتنام
حارس جنه سلاب..الخلك من عندك تهاب
افزع لختك بهاي المصييه
&&&&&&&&&
الزاير الهه جا ياهو اليجيبه
ولحد دخل للحضره بنحيبه
غربة بت علي راسك تشيبه
زينب لشوكت تبقى غريبه
يخوهه طال المصاب..الخلك من عندك تهاب
افزع لختك بهاي المصيبه
&&&&&&&
حارس من بني اميه عليهه
مامسموع بس نسمع بجيهه
التهلي ولليجي تفتح اديهه
وحيده ولحد المنكم يجيهه
تتاني دكة الباب...الخلك من عندك تهاب
&&&&&&&&&
ماخلصت بعدهه بلايه اهلهه
بديرة غرب وادم ماتودهه
وحدهه يبوفاضل هم شفتهه
عن كلمن يحبهه هم زرتهه
تعذرنه اعله الغياب..الوادم منك تهاب
افزع لختك بهاي المصيبة
&&&&&&&&
الشاعره معصومه العيداني
https://t.me/mm313g

تم نشر مواليد وافراح شعبان المعظم تابعا على الرابط 👇👇👇👇
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

لطميه للامام علي (عليه السلام)

طبرة علي.طبرةعلي
ماتنسي ..طبرة علي
مو هين الوياه حصل..دمه عله جبينه نزل
ـــــ،،،،،،،،،،،،،،،،،،،،،،،ـــــ
نحيه ونموت ومأتمه يبقى يعيش ويانه
ماننسه طبرة حيدره من غدرته عدوانه
بهاي الليالي بهالوكت بالبيت خالي امجانه
ام عون تبجي الفكدته وعيونهه غركانه
آيا هلي...آياهلي
رايح علي ٱياهلي
مو هين الوياه حصل..دمه عله جبينه نزل
ــــــ،،،،،،،،،،،،،،،،،،،،ــــــ
رايح علي وايتام اله يونون يم محرابه
من سمعوا ادواه اللبن جابوا ودكو بابه
اشفه يبو الحسنين الك جبنه اللبن يايابه
المثله كل عمري اضل بس انتحب لمصابه
اعلي مدمعي ..اعلي مدمعي
ماينشف.... اعلي مدمعي
مو هين الوياه حصل..دمه عله جبينه نزل
ــــ،،،،،،،،،،،،،،،،،،،،،ــــــ
ماينّسه مصابك علي شيعتك تبقى تذكره
نبجيك نلطم بالعزه اعليك المدامع تجره
ياكون اروحلك فده منك علينه نضرة
هنياله ها يابو الحسن الختم بيكم عمره
لو ينتهي ..لو ينتهي
عمري بعلي..لو ينتهي
مو هين الوياه حصل..دمه عله جبينه نزل
ــــــ،،،،،،،،،،،،،،،،،،،،،،،ــــــ
لو اختم ايامي باعلي وبالموت اشوفه اكبالي
ياكون هيجي الخاتمه والردته الي يجرالي
هيه الشهاده بحبك تموت الخلك يالوالي
لهاي الشهاده ننتضر وندعي لأجلهه الباري
من نندعي ..من نندعي
نختمهه بي ..من نندعي
مو هين الوياه حصل..دمه عله جبينه نزل
ــــ،،،،،،،،،،،،،،،،،،،،،،،،،ــــ
الشاعرة معصومه العيداني
https://t.me/mm313g

لطميه للامام الجواد (عليه السلام)

سمه وعيناك... سمه وعيناك
وحدك عايش المحنة
..........................
تمددت بسطح دارك وتنضر للسمه عيونك
جبدك كطعاه السم هلك وين ويحضرونك
ذبل رسمك يبوالهادي وتغير وجهك ولونك
لاجت روحك من السم تحسب ما يذكرونك

يطر ذكراك..........يطر ذكراك
عسه واهله ويحضرونه

يطر ذكراك عالوادم وتحضر دارك تشوفك
منيتك وصلت اوحدك حمام الي اجه يطوفك
لحد يسمع اوصيتك ولحد يسبل اجفوفك
السم متوزع بجسمك وكوه تنطق احروفك

على يسراك........على يسراك
تنضر مره عاليمنه

وحيد بوحدتك عايش وحدة جدك وهمه
مدري تلوج من السم مدري الون لبواليمه
هم عطشان هم وحيد هم محد حضر يمه
تحضر فاطمة تحضر ابحضنهه فاطمه تلمه

تون وياك.......تون وياك
يبني يالعلي جنه


مصابك يفجع الزهره وگلبهه اعليك يتكسر
شبابك يــالجواد ابني يذكرني بعلي الاكبر
انجتل عطشان يايمه وجبدة هيجي متفطر
جبت الـــماي اشربنه الصور ويــــــاك تتكرر
اهنا وهناك............اهنا وهناك
علي وبجفوفي اشربنه
.....................
الشاعرة معصومه العيداني
https://t.me/mm313g

لطميه للسيدة العليلة(عليها السلام)

بيه محتار....... يبويه....... بيه محتار
وحدي بالدار.... اضلن....وحدي بالدار
///////////////////
بيه محتار وتناضر كل جهاتك
احجي يابوية الكلام الي بلهاتك
احجي گلي رايح وماخذ بناتك
وانه تتركني اعيش بذكرياتك
گلبي شب نار..يبويه...گلبي شب نار
وحدي بالدار...اضلن.... وحدي بالدار
///////////////////
بيه محــتار وتكلهم خبـروهه
ماتروح ويـــانه كلكم ودعوهه
رايح وتارك عليلة ابلايه ابوهه
كلــكم تــــردون بتكم طمنوهه
ازغار وأكبار ..مشيتو....ازغار وأكبار
وحدي بالدار....اضلن....وحدي بالدار
///////////////////
راح اروح واتركج بويه امانه
ماتحملين السفر حملي جفانه
المنــــايا تمشي يابـويه ويّانه
ادري صعبه نروح وتضلي ورانه
ردلي مرسال ...يبويه..ردلي مرسال
وحدي بالدار...اضلن... وحدي بالدار
///////////////
شيحمله جا كلي يابوية جفاكم
تعرف بگلبي يبواليمه غلاكم
تمشي بويه النوك وبنيتك وراكم
تبجي ماتدري بعد يمته لقاكم
وعلي تندار......يبوية....وعلي تندار
وحدي بالدار...اضلن.....وحدي بالدار
///////////////
بية لاتحتار بس ردلي بسلامه
ردلي وجهك ضاحك اعليك العمامه
وانه اكولن ردلي اليداوي بكلامه
صوتك يطيب الگلب بوية والآمه
احسب اشصار ...عليكم.....احسب اشصار
وحدي بالدار........اضلن.........وحدي بالدار
///////////////////////////
الشاعرة معصومه العيداني
https://t.me/mm313g

لطميه

هل محرم فاطمه تقبليني
اخدم وبالمجلس تشوفيني
ترضين يامولاتي ترضين
..هالسنه هم اخدم حسين
////////
هل محرم والسواد بثوبي
والمجالس هيه بس دروبي
ترضين اخدم يم حسن محبوبي
ادعي لا تحرمني منه ذنوبي

بالدعى يم الحسن ذكريني
أخدم وبالمجلس تشوفيني
تدعين ليه ارجوج تدعين
...هالسنه هم اخدم حسين
///////////
ارضي يم حسين بس اعلينه
احنه وين نروح لو عفتينه
ارضي حتى حسين يرضه اعلينه
نمشي نخدم نلطم تشوفينه

الكم الخدمتكم توفقيني
اخدم وبالمجلس تشوفيني
غيركم ماعدنه تدرين
...هالسنه هم اخدم حسين
///////////
ارد اواسيج بمدامع عيني
ارد انوح وياج تـتقبليني
مااشوفج وانتي التشوفيني
اندهج يم حسن وتسمعيني

ترضين يمه وباسمي تسجليني
اخدم وبالمجلس تشوفيني
بدفترج اسمي تخطين
...هالسنه هم اخدم حسين
/////////////
عايشين بخيرج احنه بجالج
فدوة كلنه نروح الج لترابج
كلنه نعرف بالمجالس حالج
نريد نبجي وياج نتعالج

ووجهي اللطمه الحركتي لحسيني
اخــــدم وبالمـــجلس تشوفيني
نبجي لو يازهره تبجين
...هالسنه هم اخدم حسين
////////////
الشاعرة معصومه العيداني
https://t.me/mm313g

فزاعيه

تسير اضعون..زينب تنتحب بيهه
تدري وي الهلال يروح واليهه
/////////
بالصحرى الضعون تسير بالونه
يمشي حسين والنسوان يبجنه
تحجي وي الهلال تكول ضيعنه
((هل علينه.. يهلال الشوم ))
//////////
تسير ضعون زينب بيهه تتحسر
تخاف اعالولي وبالكوه تتصبر
باجر تفكده العباس هالخدر
((وي اهلاله..تفكد عباس))
////////////
يهلال المصايب هل على الحره
تنضر للسمه ودمعاتهه تجره
تصيح اليوم وينج يمه يازهره
((هل هلاله ياشهر الهم))
////////////
وصلناهه الطفوف شلون يازهره
وين ابن امي اضمه من العلي يجره
يمه شلون باجر ينكسر ضهر
(( يهد حيله..باجر عباس))
/////////
يردون الخيم بالطف ينصبوهه
يخوتي اليوم خوتكم تفلوهه
باراضي كربله زينب تودعوهه
((لهل الشيمه..تندب وتون))
//////////////
الشاعرة معصومه العيداني
https://t.me/mm313g