សូមព្រះបរមរាជានុញ្ញាតក្រាបបង្គំថ្វាយព្រះពរ សម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៩០ ព្រះវស្សា យាងចូល ៩១ ព្រះវស្សា សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន និងគង់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរជានិច្ចនិរន្តរ៍ 🙏🏻

ក្រុមការងារបានចុះជួបកុមារចំណាកស្រុកដែលបានបោះបង់ការសិក្សា និងកំពុងធ្វើការនៅតាមតំបន់ឆ្នេរសមុទ្រ ដើម្បីរកចំណូលសម្រាប់ផ្គត់ផ្គង់ជីវភាពគ្រួសារ ព្រមទាំងធ្វើការវាយតម្លៃពីស្ថានភាពរស់នៅ និងតម្រូវការការពារកុមារ។

សាកជិះម៉ូតូជាមួយបុគ្គលិកសង្គមកិច្ចរបស់យើងមួយថ្ងៃ ដើម្បីមើលអ្វីដែលពួកយើងបានឃើញនិងធ្វើជាប្រចាំរាល់ថ្ងៃ។
គ្រប់ដងផ្លូវ និងគ្រប់ការឈប់សម្រាកតាមផ្លូវនិមួយៗ គឺជាផ្នែកមួយនៃការបំពេញការងារ ដើម្បីទៅដល់កន្លែងកុមារ និងគ្រួសាររបស់ពួកគេរស់នៅ។

ក្រុមការងាររបស់យើងបានផ្តល់ការបណ្តុះបណ្តាលដល់ភ្នាក់ងារសុវត្ថិភាពកុមារជិត ៩០០ នាក់ នៅទូទាំងខេត្តព្រះសីហនុ។ ក្នុងចំណោមនោះ មានទាំងអ្នកបើកបរ អ្នកលក់ដូរ គ្រូបង្រៀន ម្ចាស់អាជីវកម្ម និងបុគ្គលិកមកពីស្ថាប័ននានា។

ពួកគាត់ទាំងអស់គ្នាដើរតួនាទីជាភ្នែក និងត្រចៀកនៅក្នុងសហគមន៍ ដោយជួយសង្កេត កំណត់អត្តសញ្ញាណ និងរាយការណ៍អំពីករណីហានិភ័យផ្សេងៗ ដើម្បីរួមចំណែកការពារ និងលើកកម្ពស់សុវត្ថិភាពរបស់កុមារ។

ការរំលោភបំពានផ្លូវភេទលើក្មេងប្រុស កើតមានញឹកញាប់ជាងអ្វីដែលយើងគិត ប៉ុន្តែយើងកម្របាននិយាយ ឬឃើញការផ្សព្វផ្សាយអំពីបញ្ហានេះឱ្យបានទូលំទូលាយណាស់។

ការការពារកុមារ ចាប់ផ្តើមពីការយកចិត្តទុកដាក់របស់យើងទាំងអស់គ្នា 🫶

តើបងប្អូនធ្លាប់ឃើញអាកប្បកិរិយា ឬស្ថានភាពដែលធ្វើឱ្យយើងមានអារម្មណ៍ថា “មិនសូវប្រក្រតី” ចំពោះកុមារដែរឬទេ?
សូមអាន និងចែករំលែកព័ត៌មានក្នុងរូបភាពនេះ ដើម្បីជួយបង្កើនការយល់ដឹងនៅក្នុងសហគមន៍របស់យើង។

☎️ ប្រសិនបើបងប្អូនមានការព្រួយបារម្ភ ឬចង់រាយការណ៍អំពីករណីណាមួយ សូមទាក់ទងមកកាន់៖
012 478 100
016 478 100