إليكَ أمدُّ يديَّ، و بيَّ كسرة الحرِّ
مولاي يا قابل التّائبينَ، تقبلُني؟

آه يحسين ومصابه
لجله العين سچابه
آه يحسين ومصابه
يحسين يلذچرك بطَرف لساني
آه يحسين ومصابه
حاشاك لليوم الوعد تنساني
آه يحسين ومصابه
وانه اعتقادي بدفترك عنواني
آه يحسين ومصابه
وناجح الصار بدفترك عنوانه
آه يحسين ومصابه
يحسين ريج الماي ما يحلاله
آه يحسين ومصابه
من اتصوره دموعي تضل هماله
آه يحسين ومصابه
أذكر رضيعك من يبس دلاله
بجمر العطش گلبه توج نيرانه
آه يحسين ومصابه
بمايي العذب يحسين ما نتهنه
آه يحسين ومصابه
يحرم على اطفالك متشرب منه
آه يحسين ومصابه
چم طفل ضل يجذب عليه الونه
آه يحسين ومصابه
چم طفلة ضلت ضاميه وعطشانه
آه يحسين ومصابه
يحسين عيني من تصد علشبان
آه يحسين ومصابه
اذكر علي الاكبر وشمعة عدنان
آه يحسين ومصابه
چني اشوفه معفر علتربان
آه يحسين ومصابه
والدارج اسمه مچفله بتربانة
آه يحسين ومصابه
يحسين لو عريس عيني تشوفة
آه يحسين ومصابه
اذكر لجاسم وانتحب عل حوفه
آه يحسين ومصابه
من دم وريده خضبوله چفوفه
آه يحسين ومصابه
وتسحگ على اطفاله خيل عدوانه
آه يحسين ومصابه
يحسين والله لو ذكر بمصابك
آه يحسين ومصابه
روحي توج بنار مثل اطنابك
آه يحسين ومصابه
وأهجس بگلبي صواب مثل صوابك
آه يحسين ومصابه
وسهم المثلث بالچبد نيشانه
آه يحسين ومصابه
لجله العين سچابه
آه يحسين ومصابه
زينب تون وتنادي
آه يحسين ومصابه
خوية و يا روح الهادي
ـــــــــــــــــــــــــــــــــــــــــــــــــــــــــــــــــــــــ
#اداء باسم الكربلائي
#كلمات كاظم منظور الكربلائي
اسم القصيدة اه يحسين ومصابه

كلما اشوفك بالطيف ㅤㅤلازم تهب نسمه صيف
من نومتي تصحيني

ما ادري يلغالي شصار ㅤㅤلا هدهد يجيب اخبار
وانه الهجر ماذيني
وانه الهجر ماذيني
ــــــــــــــــــــــــــــــــــــــــــــــــــــــــــــــــــــــــــــ
يلنايم بعيني حزن ㅤ ㅤبالصدفة يغمضلي چفن
واصرخ مثل گلب الجرحتة

ناحن حمامات السفر ㅤㅤوبناظري جمره ومطر
ليله بالف ليل السهرته

ارجع ولو ساعة ردت ㅤㅤ خاطر اگلك من رحت
چم خاطري بخاطر كسرته

يابو الوفه يل مبتعد ㅤㅤ تترك عليله وما ترد
ولا گلبك يحن على بنته

بلا شيصبرني عليك ㅤㅤ لا اندل واوصل ليك
وبغربتي مخليني

ضليت ادور تذكار ㅤ ㅤولا هدهد يجيب اخبار
وانه الهجر ماذيني
وانه الهجر ماذيني
ـــــــــــــــــــــــــــــــــــــــــــــــــــــــــــــــــــــــــ
ضل يدوي بضلوعي لهب ㅤㅤتتناثر بدموعي عتب
والورگه عل وّن علمته

اتعذب بجرحي ملح ㅤㅤكل ساعه اعدل وانذبح
چم ذبجه بغيابك شفته

مشتاگه ابوسك بالنحر ㅤㅤبوسة طفل گلبة انكسر
موته وعلى صدرك ردته

أمشي وادقق بالنظر ㅤㅤلجدماك تبين اثر
طحت على وجهي وقبلتها

من ينترس وجهي تراب ㅤازحف وانام على الباب
حر الهوه يغطيني

اطفي الجمر واشعل نار ㅤㅤولا هدهد يجيب اخبار
وانه الهجر ماذيني
وانه الهجر ماذيني
ــــــــــــــــــــــــــــــــــــــــــــــــــــــــــــــــــــــــــــ
افتر وادور كل كتب ㅤㅤلازم اله ذكرى وعطر
اذكر گبل منا يجينا

هنا اذكره لمن سجد ㅤㅤهنا مشه وهنا گعد
هنا گلي يبنيتي الحنينه

اهنا شبگني بلهفته ㅤㅤللحين احس بقبلته
وتشابگن عيني ويعينه

أهنا نشد عن صحتي ㅤㅤيفرح ابويه بضحكتي
گاودني ولزينب مشينه

راح واخذ كلشي وياه ㅤㅤضلت مدامع فرگاه
تجرحني وتواسيني

تاليها ما رد للدار ㅤㅤلا هدهد يجيب اخبار
وانه الهجر ماذيني
وانه الهجر ماذيني ــــــــــــــــــــــــــــــــــــــــــــــــــــــــــــــــــ ــــــــ

تحت التراب انظر هدم ㅤㅤبي ريحة الخوه اشم
هذا لعلي أكبر عرفته

الزمته من طرف وطرف ㅤㅤچنه علي گبالي وگف
ناديته يا خويه وشبگته

مرات امسكة من الردن ㅤㅤامشي مع الاكبر اظن
عفيه اخويه اليلزم اخته

يثگل قميصك يا علي ㅤㅤتراب ومدامع يمتلي
طين امتله بس ما غسلته

خوفي على عطره يروح ㅤㅤمن شمته ترد الروح
من المرض يشفيني

حكم الدهر والاقدار ㅤㅤلا هدهد يجيب اخبار
وانه الهجر ماذيني
وانه الهجر ماذيني ــــــــــــــــــــــــــــــــــــــــــــــــــــــــــــــــــ
انظر مهد مابي ضوه ㅤㅤخالي ويهز بي الهوه
گلبي انجفل مثل الحمامه

وتراول بمهده سهم ㅤㅤحتى الوساده بيها دم
سترك يرب من هل علامة

ناغيته ويصب مدمعي ㅤㅤوبلا شعور وبلا وعي
عبدالله ترجع بالسلامة

شتگله امه تذكرت ㅤㅤنام الحبيب وما نمت
چانت تناغي بأبتسامة

اتذكر امه شتگول ㅤㅤنام الولد دللول
غالي واعز من عيني

راح وصحت يا ستار ㅤㅤولا هدهد يجيب اخبار
وانه الهجر ماذيني
وانه الهجر ماذيني ــــــــــــــــــــــــــــــــــــــــــــــــــــــــــــــــــ
كل ما يجي وكت الظهر ㅤㅤيمي احس يصهي المهر
وينادي يا عالم هضيمه

واركض واباوع للسمه ㅤㅤلون احمر ويمطر دمه
حتى الهوه خايف نسيمة

ها يلمهر گلي شحصل ㅤㅤگلي بقيتي بلا اهل
زينب تره ما عدها خيمه

خصم الكلام تيسرت ㅤㅤوضلوع ابوچ تكسرت
يعني انت من هسه يتيمه

ضليت ادگ على الراس ㅤㅤلا والدي ولا عباس
حادي الحزن يحديني

شوف الزمن من يندار ㅤㅤلا هدهد يجيب اخبار
وانه الهجر ماذيني
وانه الهجر ماذيني ــــــــــــــــــــــــــــــــــــــــــــــــــــــــــــــــــ
ضليت اعاين علدرب ㅤㅤمهضومه ومكسورة گلب
لن صوت ابن حذلم اسمعه

ام بنين تعنته ㅤㅤواني ركضت وي صيحته
جاوب دليلي لا تصدعه

گلي هلچ راحو چتل ㅤㅤوالوالد بلايا غسل
مرمي ولا واحد يشيعة

گلي وبعد غير الذبح ㅤㅤالف وسبعمية جرح
جسمك توزع من يجمعه

ما شفنه غيره مچتول ㅤㅤعاري وتسحگه الخيول
وينادي من يرويني

والعليه صارت طشار ㅤㅤلا هدهد يجيب اخبار
وانه الهجر ماذيني
وانه الهجر ماذيني ــــــــــــــــــــــــــــــــــــــــــــــــــــــــــــــــــ
#اداء الملا باسم الكربلائي
#كلمات السيد عبد الخالف المحنه
اسم القصيدة كل ما اشوفك بالطيف

https://youtu.be/6mMf-rm-jdQ?si=BQ-0Ky3gc-731Mnu

غدًا النتائج بأذن الله
بحق هذه الليلة اللهم أجبر قلوبنا
خدام الحسين لا تنسونا من الدعاء 🩶

يُّمه أطمنج عليه...قطعتّهن ايديه

وفيتج بعيني...
جفيني...
و اسنيني...يم المشرعه

يا حره ربّيتي...
و ضحيتي...
و انطيتي...لحسين أربعة

اطمئني و آنا جايبلج خبر زين
أربعتنه يُّمه رحنه فدوه لحسين....

من تسألين اعله روحي و النفس وين
روحي يُّمه للأخوة وفّت الدين....

صوغتي من الطف ييُّمه دني الأثنين
خبر قطع اجفوف ايديه و نبلة العين...

يُّمه ولدج نِشامه...ما رجعنه بسلامه
آنا أوصي بخواني...
بإيماني...
و امتاني...ما واحد يظل

و الخاطر العِشرة...
و العترة...
و الزهرة...نتقطع وصل

و آنا آخر منية...قطعتّهن ايديه
ـــــــــــــــــــــــــــــــــــــــــــــــــــــــــــــــــــ
أحمد الله يُّمه صدري خلّص أنفاس
روح صعدت للسمه وياها حُراس....

انتي خليتي المنية عدنه مقياس
قلتي تنذبحون لازم و أرفع الراس...

جان راية أرواح اخوتي يوصل إحساس
لأمنه قالوا و اليوصله انت عباس....

حملّوني أمانة...رفعي راسج ورانه
شلتي الصبر راية...
و الغاية...
من هاية...دين المصطفه

بيه الجمر ضوّه...
للنخوة...
و الخوة...بعده ما طفه

من خذتني الحمية...قطعتّهن ايديه
ـــــــــــــــــــــــــــــــــــــــــــــــــــــــــــــــــــ
آنا أوصيج بوصية يالأصيلة
يُّمه ودي لي سلامي للعقيلة....

آنا أدور الصبرها عن مثيله
من سبوها ما كو واحد تشتكيله....
هي تدري بالكفالة مو قليلة
و آنا أدري عقبي هية هم كفيلة...

يُّمه لآخر عمرها...آنا حارس خدرها
آنا العرفوني...
وصفّوني...
سمّوني...سبع القنطرة

يا يُّمه واسيها...
طمنيها...
بلّغيها...عني المعذرة

عني راحت سبية... قطعتّهن ايديه
ــــــــــــــــــــــــــــــــــــــــــــــــــــــــــــــــــــ
من تلّقيت السهم و انطيته دمي
قلت له من تنذبح نظرتي آنا سمي....

قلت له راح أكتب خلودي و أجلي همي
يا سهم و الدم مدادي و انت قلمي...

السهم حيّر فضوله هذا عزمي
قلت له أريد بهذا موتي تفرح أمي...

اشلون أضيع رباها...الله يرضه الرضاها
هاي اللي بأفكاري...
بإصراري...
و الباري...إلها جنّته

و اشلون ابن حيدر...
يتعّذر...
ما يقدر...و أمه اتخنته

عالعهد يالأبية...قطعتّهن ايديه
ـــــــــــــــــــــــــــــــــــــــــــــــــــــــــــــــــــــــ
آنا عند ظنج ييُّمه شوفي قدري
حسين قلي من أتركه أحني ظهري....

عندي منزلته ييُّمه بيها يدري
هوه أخويه و هوه إمامي و هوه ذخري....

نحره من انحز ييُّمه قبله نحري
صدره من انرض ييُّمه قبله صدري....

صاح من طاحت ايدي...راح أخويه و عضيدي
شفته انخطف لونه...
و اعيونه...
واجفونه...غرقت بالدمع

و إقبال شمّاته...
آهاته...
حسراته...صارت تنسمع

ردت أدي التحية...قطعتّهن ايديه
ـــــــــــــــــــــــــــــــــــــــــــــــــــــــــــــــــــــــــ
إنتي مو بس امرأة و حيدر رضاها
جان نسّاب العرب يعرف أباها...

غيرتج محد عرف سرمحتواها
وين ا أكو مثلج مرة اتضحي بظناها...

سيرتج من يدري بيها الما قراها
يقول ماتت فاطمه و الله حياها...

ما تُمرني الهزيمة...و أمي هاي العظيمة
انتي الوره أفعالي...
و ببالي...
للتالي...بسمج أفتخر

يا نور القلبي...
و بدربي...
من حربي...جايبلج نصر

هذا نصرج هدية...قطعتّهن ايديه
ــــــــــــــــــــــــــــــــــــــــــــــــــــــــــــــــــ
آنا ضامي ما تركته جمري يخمد
اشلون يم نيران زينب قلبي يبرد.....

روحي جفت بس ضميري شفته ورّد
و النهر من عاينت له بيه ما صد...

متت ضامي ما شربته ربي يشهد
آنا هسه يُّمه قاعد يم محمد...

قلي اخذ البشارة...صار جفج منارة
لمن تلقّاني...
ضمّاني...
كنّاني...راعي الأوله

شفته ابتسم قائل...
يا كافل...
تستاهل...قبة بكربله

هاية ثمرة قضية...قطعتّهن ايديه
ـــــــــــــــــــــــــــــــــــــــــــــــــــــــــــــــــــــــــ
#اداء الملا باسم الكربلائي
#كلمات أيهاب المالكي
أسم القصيدة يمه اطمنچ عليه گطعتهن ادية
https://youtu.be/VsxYo8jLMwQ?si=8FR7_q5pWsXnp2VS

يـا مـحـلـه الـوداع بـهالمسيه.. وعلوم المنيه .. بين الفاطمي والفاطميه
ـــــــــــــــــــــــــــــــــــــــــــــــــــــــــــــــــــــــ
طـب خـيـمـة الـحـره حـسـيـن واليها ..... ونادى هنا يا زينب
گعـد عـدهـا يـودعـهـا ويـسـليها ........... ونار الحزن تلهب
يـوصـيـهـا ويـسـلـم اطـفـاله بيديها ............ والخدر المرتب

الله شـمـصـيـبـه ... مـحـبـوب وحـبيبه... من تتحمس بنار الرزية
ــــــــــــــــــــــــــــــــــــــــــــــــــــــــــــــــــــــــــ
حـس گلـب الـعـقـيـلـه ودوت بـيـه النار ..... من جمر المصيبة
ونـادت يـبـن ابـويـه مـا تگلـلـي شصار ...... گلب إختك بريبه
چن الـفـلـك طـرنـه وبـالـعكس يندار ....... وچن إختك غريبه
يـابـن أمـي شـدهـانه ....
من دهر الجفانه ...

شتتها الشمل بالغاضريه
ــــــــــــــــــــــــــــــــــــــــــــــــــــــــــــــــــــــــــــ
صـد حـسـيـن لـخـتـه والگلـوب تلوب ........ وتغيرت الحاله
ونـاداهـا الـشـهـاده فـصـلـت لـي ثوب ...... من نسج الجلاله
إلچ ثـوب الـيـسـر مـن الـعـهـد مـكتوب ..... ولخدرچ حلاله
خـلـيـنـه نـتشارك...
بهالثوب المبارك...

حله لخدرچ وانه مفصل عليّه
ـــــــــــــــــــــــــــــــــــــــــــــــــــــــــــــــــــــ
نـادت يـبـن ابـويـه بـالـعـهـد راضـيـن .... والحگ لو رضينه
ولا عـزت عـلـيـك ارواحـنـه يـحـسـيـن ..... وإنت تعز علينه
تـهـيء لـلـشـهـاده وإحـنـه مـتهيئين .............. نتنطر سبينه
إحـنـا على السعاده ....
وإنت على الشهاده ...

نيتنه وعسن راشده النيه
ـــــــــــــــــــــــــــــــــــــــــــــــــــــــــــــــــــ
لاچن عگب عـيـنـك يـا ضـوى عـيـنـي .... خـدر إختك مماته
خـوفـي مـن الـشـمـاتـه بـسـهـم ترميني .... ولاشوف الشماته
خـلـيـنـي أرد امـوت ويـاك خـلـيـنـي ... ولاشـوف الشماته
والشامت إله سهام ....
تمضي بگلب لكرام ....

أمضى واشد من سهم المنية
ـــــــــــــــــــــــــــــــــــــــــــــــــــــــــــــــــــــــــ
إلـك عـنـدي أمـانـة مـن أمـك الـزهره .... هاك إسمع المضمون
لـخـوچ بـكـربـلا تـحـبـيـنـه بـصدره .... وسجيه ماي لعيون
ومـن تـجـدم مـنـيـتـه جـدمي مهره .... وخليه يجبل على الكون
هذي كربلا هاي .....
چيف البصر والراي....

وهاك إخذ الأمانه من الزجية
ــــــــــــــــــــــــــــــــــــــــــــــــــــــــــــــــــــــ
وصـلـتـنـي الأمـانـه يـا عـقـيـلـتـنـه .... وچني تسلمتها
وحگوگ الـوفـا وشـرط خـوتـنـه .... بـوجـودچ شـفـتـها
هـذي كـربـلا وهـذي شـهـادتـنـه ..... تـشـهـد وسـمعتها
ثـبـتـتـلچ إراده ....
وتشهد لچ شهاده ....

صبرج نصر دين الله ونبيه
ـــــــــــــــــــــــــــــــــــــــــــــــــــــــــــــــــــــــــــ
وتـدنـى حـسـيـن لـخـتـه وشـبگتـه وتنوح ...... والونه ثجيله
گبـل جـرح الـسـهـم خـلـت بگلـبه جروح ..... وتگطع دليله
يـخـويـه خـل أبـدل ويـاك روح بـروح ....وصـد عـلى العقيله
نــاداهــا الأمــر صــار....
لــو عــمــت الأخـطـار
ــــــــــــــــــــــــــــــــــــــــــــــــــــــــــــــــــ
#اداء الملا باسم الكربلائي
#كلمات الشيخ كاظم منظور الكربلائي
اسم القصيدة يا محله الوداع بهل مسيه
https://youtu.be/yNkqXhG6YJc?si=6xOadtG79FVFKDc2

الوداع ياحبيبي حسين
للشاعر : سيد عبدالخالق المحنة

الوداع الوداع يا حبيبي حسين
ــــــــــــــــــــــــــــــــــــــــــــــــــــــــــــــــــــــــ
ليل الموادع اريده
كون ما يطلع صباحه
هي بس هالليله عندي
باجر يجينه بجراحه
أرد اودعكم ياخويه
براحه واعرف ماكو راحه
خلي املي عيني بيكم
والصبح صبح المناحه
ــــــــــــــــــــــــــــــــــــــــــــــــــــــــــــــــــــــ
عيني ما ترمش عسنها
ادري هالليله قصيره
راسك إلبيه نور الله
على الرمح باچر مصيره
صدرك إلبيه دمعة أمي
ينفرش باجر حصيره
ثغرك الكله ابتسامه
ينچوي بحر الظهيره
ـــــــــــــــــــــــــــــــــــــــــــــــــــــــــــــــــــــــــــ
ويلي يابن امي دخيلك
بالله هالخاتم انزعه
خنصرك خالي اريده
بلكي ما واحد يقطعه
جسمك تنثره الحوافر
خويه مدري شلون اجمعه
بالله خويه انطيني نحرك
خل اشمه خل اودعه
ــــــــــــــــــــــــــــــــــــــــــــــــــــــــــــــــــــ
عينك بعيني دخلها
ولا تباوع بس الييَ
اعرف شرايد توصي
لا توصيني برقية
باجر بيا حال اشوفك
قلي لا تخفي علييَ
من يحز الشمر نحرك
هم تجي امنا الزجية
ـــــــــــــــــــــــــــــــــــــــــــــــــــــــــــــــــ
شفنا عبدالله لوداعك
يرفض وهذه عجيبة
هالطفل يرفض يودعك
ما قبل يمك نجيبه
تحيرت يا خويه واشعر
هالطفل يحمل مصيبه
اعتقد عالنهر قبلك
ينتهي ويقطع نحيبه
https://youtu.be/upv-AbLESVU?si=S6tR2fgaU_I5YLQn

اوتار التكبير .. گطعوها گطعوها

وعيون التوحيد .. صابوها صابوها

آه محتار والوادم غريبــه

آه عطشان والماي اشيجيبه

*

ياصُبح قبل الصُبح

تنظر لأطول رمح

بابتسامة

وجهك ووجه الشمس

ياضوه الما ينحبس

للقيامة

ماكو داعي نلتفت

وانتَ من ظهرك شفت

كل علامة

منحني قرب الجرف

شجرة ضاربها العصف

يامه يامه

مو كل دمعة اتطيح

محسوبة.... محسوبة

بس الدمعة اعليك

مهيوبة..... مهيوبة

آه شنگول للذبحوا حبيبه

آه عطشان والماي اشيجيبه

*

وكر اعليك العطش

وانتَ جفنك مارمش

ظل يألمك

والتجأ ليك الضوه

والهوه يريدك هوه

خل يشمك

شفافك يريدن برد

والندى عاف الورد

ماكو يمك

مبتسم بس بزعل

مغضب وتنضح خجل

من يلمك

ليش اچفوف الخير

مبتوره.... مبتوره

ليش الگمرة اتغيب

منحوره.... منحوره

آه سلطان وخدودك تريبه

آه عطشان والماي اشيجيبه

*

طولك وطول الدهر

بانحنائك ع النهر

انحنالك

صدرك ايريده العدو

ظهرك ايدور اخو

مابگالك

سولف وياك السهم

قصة الچف والعلم

من اجالك

طيحتك فزعة شهم

نومتك وگفة زلم

من مثالك

مو خلوك اوصال

يموافي.... يموافي

حتى الحافر صاح

مو كافي.... مو كافي

آه مسلوب وتحشمك سليبه

آه عطشان والماي اشيجيبه

*

واضح ابگلبك حجي

تارس خيامك بچي

ماتبدت

شفتك ابأخر نبض

تضرب ايدك ع الارض

واستقرت

انتَ صليت الظهر

والعصر صلىٰ للعصر

دنيا سجدت

خيمة اختك أذنت

بالطفوف اتيممت

ماتوضت

ادري اضلوعك ليش

كسروها.... كسروها

بس اخيامك ليش

حرگوها..... حرگوها

آه حنيت واختك مو قريبه

آه عطشان والماي اشيجيبه

*

مطرت اسهام الحرب

وانتَ عينك عالدرب

عالشريعة

يابوفاضل مدلي چف

مدها لكن للأسف

چف گطيعة

ايست محد يرد

تهجم وعينك تصد

عالوديعة

والسؤال الينسأل

يعني زينب تحتمل

هالفجيعة

يدري الناس اتصيح

طلعوها.... طلعوها

هاي أخت العباس

شوفوها.... شوفوها

آه شمات وهوايه المصيبه

آه عطشان والماي اشيجيبه

*

اقسى انواع القتل

قتلوا ابحظنك طفل

مارويته

دمك ودمه انمزج

بالسمه السابع عرج

من رميته

ابيا لغة ادموعه حچت

من لوه الرگبة وسكت

ودعيته

گتله ياماي اشبعد

حتى هذا الـ بالمهد

ماحميته

حرگت وجه الماي

حسراتك.... حسراتك

خسفت صدر الگاع

دمعاتك.... دمعاتك

آه رديت ما تسمع نحيبه

آه عطشان والماي اشيجيبه

**
#اداء الملا باسم الكربلائي
#كلمات السيد عبد الخالق المحنه
اسم القصيدة اوتار التكبير

المستهل
ـــــــــــــــــــــــــــــــــــــــــــــــــــــــــــــــــــــــــــــــــــ
الچانو الي مونسين روحي
فارگوني
عزاز والما تعبتهم
تعبوني

الليلة بفراگ الحبايب ماهي ليله
راحو وگلبي وراهم راح حيله
تعبوني
ـــــــــــــــــــــــــــــــــــــــــــــــــــــــــــــــــــــــــــــــــــ
صار الما محسبه يصير
عشرة وفضت وياهم
چا غير العطش للماي
وانه المعطشني فرگاهم

الي يحبني عليه خل يدعي
اموتن كون بچفاهم
يروحي الحيل بعد بس موت
لان مو مال تنساهم

شموعي انطفت والدنية ضلمة
ما تخلص الدمعة ويه لطمة
الليله محد گلي يمه
ما هوه الحسين

هيه هاي الدنية هيچي تريد تعبير
الگلبي عدهم همه الي متعبين گلبي

تعبوني....
****

هسه استثضگلت عيني
والتم الدمع بيه
ياهو الي يرحم عيوني
صوركم ويسليها

من گد التعب روحي
صارت ينبچي عليها
كلمة الما يجون اهلي
اغصن لو ارد احچيها

فص عيني ليش لهسه ما طاح
ما ضل دمع لا ضل اكو صياح
يا من طلع الروح وارتاح
وتغمض العين

شنهي ضلتِ الگلب عگب التارسينه
ثاري الي يودعه اليحبه تلچمه عينه

تعبوني....
****
مامش طير مر بسماي
نوكفة نشده ونحلفة
هم شايف ظعن وياك
شموس اهله وزلم كلفة

احسة يكلي طاح ابناس
ناس عيونهم صلفه
اسم الله على الجمر والشوك
بنات واجدامهن ترفة

ما عنديچاره الليلة حنيت
اوگف يگلبي شبيك تانيت
صار بچفاكم يطرد البيت
والكة الصبر وين

مدري اموتن مدري اضلن والله حيره
كون واحد جان فضت بس عشيرة

تعبوني.....
****
اذا ما بيك جيه حسين
حلم سير علي ليلة
ولو ما ضال ما حيل ادري
فگد عباس اخذ حيله

وحيد الله يصبر حسين
ياهو اهناك يشكيلة
الي يطيح بعيد عن اهله
چا ياهو الي يتچيله

هوه الغريب يموت مرتين
من تكضي روحك بهلك وين
وسبعين موته ميت حسين
خوه ونساوين

ضل يتلفت وحيد بلايه والي
والله دنيا الغالي ظاله بلايه غالي

تعبوني
ـــــــــــــــــــــــــــــــــــــــــــــــــــــــــــــــــــــــــــــــــــ
#اداء كرار الكربلائي
#كلمات جاسم العوادي
اسم القصيدة: فاركتهم
https://youtu.be/q3W6_wYgAVw?si=H8VwI0AP_sJPCTbX

غرب يطارش صوب اهلنه
وأوگف على گبر الكفلنه
و ونّ شكثر ما بيك ونّه
وگله يابو فاضل غريبه
-----------------------------------
گله غريبه بغير والي
مكسورة ومَغيب دلالي
بالضيم يا عباس حالي
ما انه الگبل چنت الحبيبه
----------------------------------
ما انه الأمس تبره لخدرها
مو الأولي ضايع گدرها
مثل السمة وغايب گمرها
غيابك جرح ما صحّ له طيبه
-----------------------------------
يا البيدي ربيتك بحضني
ومحسوب عندي مثل أبني
غيابك يبعد أختك كتلني
فراگك يا ابو فاضل نهيبه
---------------------------------
عباس يوم الفارگتني
خويه المصايب صاحبتني
هدتلي حيلي ودوهنتني
يا خوي يالطاهر حليبه
---------------------------------
يا خوي هاي الغربة تكتل
واختك تره بموخوش منزل
حلّ يا گمر فوك السمه حلّ
وهذا الگلب يرد لهيبه
-----------------------------------
مو زين خويه الخبر مو زين
الموت أجه وراح أغمض العين
يم السباني وچتل الحسين
وخلاه أمس جثة سليبه
------------------------------------
يم المغير بيده الارچاب
ونوم اخوتي فوك التراب
وخذنه اسارى بحدي الاجناب
ومشيي الأسارى بلايه هيبه
ـــــــــــــــــــــــــــــــــــــــــــــــــــــــــــــــ
#أداء سيد سلام الحُسيني
#كلمات عبد الله الفريجي
https://youtu.be/Bwjl9CQ0E7U?si=9ibiQ8_aNyUm8nSr

غربية …
واخو ماعندي اجيبه
نحنى ظهري برحيلة
ــــــــــــــــــــــــــــــــــــــ
أميرة انه ومن چف گمر للسبي تالي
عشيرة ولا ضل منها اثر يحمي دلالي

يويلي وماكو غيري انه … على وجه الدنيا عقيلة
ضعني يدلي بيه خولة … امس چان ابو فاضل دليلة

بعد ثمن طعش محامي... محامي اسيرة وعلى ناگه هزيلة

وحيدة وما فزعلي جار ....ومنين ابو فاضل اجيبة

أركض وبخيامي نار... هاي لوحدها مصيبة
واخت المذبوح اسمي صار... ومرة يسموني غريبة

غريبة ..غريبة ..غريبة

غربية …
واخو ماعندي اجيبه
نحنى ظهري برحيلة
-----------------------------------
بكربلا من طاح العلم چتفوا ادينا
يخوية ومن باب الخيم للسبي جينه

طلعنا بنص نهار امية... وكربلا يا وادم هيمة
سبية تشد حبل سبية ...وخيمة أطيح بصف خيمة
ومشي الليل أخذ عليه... واجت أيامه واجة ضيمة

واخوي الگلي انه جاي... حط ايدي ابن الوصي بيده
اصيح وما سمع نداي... وما رد وايتامه تريده
مشيت ولا طلع وراي... واحد والكوفة بعيده

بعيدة.. بعيدة.. بعيدة..

بعيدة
واخو ماعندي اجيبه
نحنى ظهري برحيلة
----------------------------------
غربية ومن عمري شفت وابقى غريبة
مصيبة شما گمت التفت الگه مصيبة

يهون بكربلاء الجرالي... لاچن ماخوذة سبية
غريبة وما عندي والي... مهضومة وحبلي بدية
ابحي الها وتبچي الليالي ...على ظهر الناگه رقية
رقية وكل خدرها شال... جانت بالخيمة اميرة
ما تتحمل الحبال... ياويلي وايديها زغيرة
واسمها يلوگ اله الدلال... تالي يسموها اسيرة
أسيرة.. أسيرة.. أسيرة..

أسيرة..
واخو ماعندي اجيبه
نحنى ظهري برحيلة
---------------------------------------
#أداء محمد باقر الخاقاني
#كلـمات أحمد الهلباوي
https://youtu.be/6ZBECm3cCG0?si=VZY-u_VRvPaDGf_z

من صرت بعيد على عيوني
لوحتلك أيد وطفه لوني
شلون صورة
طبعت بعين العليلة ..شلون صورة
چفها مرفوع برحيلة ..شلون صورة
تريد أبوها وماكو حيلة ..شلون صورة

گلبها نار ــ أبوها سار

مشو گفاه ــ عليهه دار

الضعن خذاه ــ وگلبها تاه

وچف زغير ــ أنرفع وراه

سلام ومن بعد صاير

أخير وداع اليسافر

بگلبك بويه وبگلبي

تكتل كسرة الخاطر

----------------------------------------------

بويه من مشيت ...رفعت أيدي

أيست جفيت.. مواعيدي

بعدت عني.. وأني دمعي وياك تمشي

بعدت عني.. وأني طير وشال عشي

بعدت عني.. وماتت أحلامي على رمشي

أطلعت وراك ــ أشم هواك

درتلي عين ــ شفت جفاك

ماردت أروح ــ ردتلي روح

ميته اعيش ــ وأيامي نوح

شعجب ماتسمع الصايح

تذبح شوفتك رايح

شعجب يا بلسم عيالك

عليه شو صرت جارح

سلام ومن بعد صاير

أخير وداع اليسافر

بگلبك بويه وبگلبي

تكتل كسرة الخاطر
----------------------------------------------
تبعد وأصيح..خذت روحي

أوكف وأطيح.. على جروحي

خطوه خطوة.. أنه أموت وياهه وعدل

خطوة خطوة.. وأحس ماي عيوني وشل

خطوة..خطوة..أمل گلبي وياهه يذبل

بده العذاب.... الأريده غاب

واثاره ذيچ... على التراب

گلب غريب... بلا حبيب

سره الضعون... بده التغيب

أمد طولي واشيل الأيد

گلت لحسين نظره يريد

ردت تل وعليه أصعد

حتى تشوفني من بعيد


سلام ومن بعد صاير

اخير وداع لليسافر

بكلبك بويه وبكلبي

تكتل كسرة الخاطر

----------------------------------------------

أخر الرحيل هدم حيلي

ما ألي كفيل تخليلي

وحدي أبقى ..المغرب من يحل شكلة

وحدي أبقى ..اليل جاي وأني طفله

وحدي أبقى .. وطولي چا ياهو يكفله

خوفه حمام ـــ بين الظلام

لو عشه راح ـــ صعب ينام

عاده اليشيل ــ يعين كفيل

أتوسل وأريد ـــ اتعوف الرحيل

ودمعه بعيني شاتلها

وأصعب حالتي كلها

بنتك لامشت وياك

لاعينت كافلها


سلام ومن بعد صاير

أخير وداع اليسافر

بگلبك بويه وبگلبي

تكتل كسرة الخاطر
ـــــــــــــــــــــــــــــــــــــــــــــــــــــــــــــــــــــــــ

#أداء سيد سلام الحسيني
#كلمات أحمد اللامي
https://youtu.be/HsKdW96ckM0?si=VxMYFypbkW3xAec7

غريبــاً أرى ... ( للسيد حيدر الحلّي )


غَريباً أرى يا غَريبَ الطُفوفِ - تَوَسُّدَ خَدَّيْكَ كُثْبانَها
مُصابٌ أطاشَ عُقولَ الأنامِ - جَميعاً وَحيَّرَ أذْهانَها

تَرَكْتُ حَشاكَ وسُلْوانَها - فَخَلّي حَشايَ وأحْزانَها
قَدْ إستَوْطَنَ الهَمُّ قَلْبي فَعْفْتُ - لَكَ الغانِياتِ وَأوْطانِها
أفِقْ لَسْتَ أوَّلَ مَنْ لامَني - عَلى وَصْلِ نَفْسِيَ تِحْنانَها
فَكَمْ لِيَ قَبْلَكَ لَوّاحَةٌ - تَشاغَلْتُ مُضْطَرِحاً شانَها
وَلَوْ وَجَدَتْ بَعْضَ ما قَدْ وَجَدْتُ - لَبَلّتْ مِنَ الدَمْعِ أرْدانَها
خَلا أنَّها مُذْ رَأتْني غَدَوءتُ - لَهيفَ الحَشاشَةِ حَرّانَها
فَقالَتْ أجدَّكَ مِن ذي حَشاً - جَوى الحُزْنِ لازَمَ إيطانَها
لِمَنْ حُرَقُ الوَجْدِ تُذْكي وَراءَ - حَنايا ضُلوعِكِ نيرانَها

تَسَلّى وَبِاللهِ لَمّا إغْتَنَمْتَ - مِنْ جِدَّةِ اللَهْوِ إبّانَها
فَقُلْتُ سَلَوْتُ إذاً مُهْجَتي - إذا أنا حاوَلْتُ سُلْوانَها
كَفاني ظَناً أنْ تُرى في الحُسَيْنِ - شَفَتْ آلُ مَرْوانَ أضْغانَها
فَأغْضَبَتْ اللهِ في قَتْلِهِ - وَأرْضَتْ بِذلِكَ شَيْطانَها
عَشِيَّةَ أنَهَضَها بَغْيُها - فَجاءَتْهُ تَرْكَبُ طُغْيانَها
وَحفَّتْ بِمَنْ حَيْثُ يَلْقى الجُموعَ - يُثَنّي بِماضيهِ وَحْدانَها
وَسامَتْهُ يَرْكَبُ إحْدى إثْنَتَيْنِ - وَقَدْ صَرَّتْ الحَرْبُ أسْنانَها
فَإمّا يُرى مُذْعِناً أو تَموتَ - نَفْسٌ أبى العِزُّ إذْعانَها

فَقالَ لَها إعْتَصِمي بِالإباءِ - فَنَفْسُ الأبِيِّ وَما زانَها
رَاى القَتْلَ صَبْراً شِعارَ الكِرامِ - وَفَخْراً يَزينُ لَها شانَها
رَكينٌ وَلِلأرْضِ تَحْتَ الكُماةِ - رَجيفٌ يُزَلْزِلُ ثَهْلانَها
أقَرُّ عَلى الأرْضِ مِنْ ظَهْرِها - إذا مَلْمَلَ الرُعْبُ أقْرانَها
تَزيدُ الطَلاقَةُ في وَجْهِهِ - إذا غَيَّرَ الخَوْفُ ألْوانَها
وَلَمّا قَضى لِلْعُلا حَقَّها - وَشَيَّدَ بِالسَيْفِ بُنْيانَها
تَرَجَّلَ لِلْمَوتِ عَنْ سابِقٍ - لَهُ أخْلّتْ الخَيْلُ مَيْدانَها
تَوازى إلى البِشْرِ في صَرْعَةٍ - لَهُ حَبَّبَ العِزُّ لُقْيانَها

كَأنَّ المَنِيَّةَ كانَتْ لَدَيْهِ - فَتاةٌ تُواصِلُ خِلْصانَها
جَلَتْها لَهُ البيضُ في مَوْقِفٍ - بِهِ أثْكَلَ السُمْرُ خِرْصانَها
فَباتَ بِها تَحْتَ لَيْلِ الكِفاحِ - طَروبَ النَقيبَةِ جَذْلانَها
وأصْبَحَ مُشْتَجَراً لِلْرِماحِ - تَحَلّي الدَما مِنْهُ مِرّانَها
عَفيراً مَتى عايَنَتْهُ الكُماةُ - يَخْتَطِفُ الرُعْبُ ألْوانَها
فَما أجْلَتْ الحَرْبُ عَنْ مِثْلِهِ - صَريهاً يُجَبِّنُ شُجْعانَها
تَريبَ المُحَيّا تَظُنُّ السَماءُ - بِأنَّ عَلى الأرْضِ كَيْوانَها

أتَقْضي فِداكَ حَشى العالَمينَ - خَميصَ الحَشاشَةِ ظَمْئانَها
ألَسْتَ زَعيمَ بَني غالِبٍ - ومِطْعانَ فِهْرٍ وَمِطْعامَها
فَلِمْ أغْفَلَتْ بِكَ أوْتارَها - وَلَيْسَتْ تُعاجِلُ إمْكانَها
أجُبْناً عَنْ الحَرْبِ يا مَن غَدَوْتَ - عَلى أوَّلِ الدَهْرِ أخْدانَها
وَإنْ هِيَ نامَتْ عَلى وِتْرِها - فَلا خالَطَ النَوْمُ أجْفانَها
تَنامُ وبِالطَفِّ عَلْياؤها - أمَيَّةُ تَنْقُضُ أرْكانَها
وَتِلكَ عَلى الأرْضِ مَن أُقْدِمَتْ - وَرَبِّ السَماواتِ سُكّانَها
ثَلاثاً قَدْ إنْتُبِذَتْ بِالعَراءِ - لَها تَنْسُجُ الريحُ أكْفانَها
ـــــــــــــــــــــــــــــــــــــــــــــــــــــــــــــــــــــــــ
#أداء باسم الكربلائي
#كلـمات السيد حيدر الحلّي
https://youtu.be/H-AdfFVozQU?si=tlUVK4e1_pt6WJ4e

هنـــا يالنازلين هنــا .... قبـر حسين دلوني
تــالي للمــسنــايــة .... لراعي الجود والراية
أريد اروح شجاية .... واكله يا بدر سعدي
رضــيت القوم يسبـوني

----------------------------------------------

طاحت من على الناقة .. تبعتها خوات حسين
تتعثر وهي تنادي .. يا خويه حسين قبرك وين
جيتك باليتامىٰ اقعد .. تلقانا يا نور العين

خويه يالمتت ضامي .. تقعد جيت بأيتامي
شوف انتحلت أعظامي .. تراني من السهر يا حسين
ماتشوف الدرب عيني

----------------------------------------------

ياخويه تقعد أحچيلك .. عن أحوالي بهالسفرة
مشينا على الهزل حسر.. ياخويا مشية الكشرة
لابن زياد بالكوفة .. جنايزكم على الغبرة

ولو شفت الظعن من راح .. حادينا بشتمنا صاح
كل ساع ويتيمِ طاح .. كل الروس منصوبة
عن شمالي وعن يميني

----------------------------------------------

وصلنا الشام آه يالشام .. ما ينحمل طاريها
ياريت موسدة بقبري .. ولا طبيت واديها
ياخويا يقصر لساني .. عن أهوال الشفت بيها

على بوابة الساعات .. تلوح قبالنا الرايات
ضليت اجذب الحسرات .. تمنيتك عدل ياحسين
وبلحدي تواريني

----------------------------------------------

خويا والخرابة شلون .. أوصف لك مصايبها
مهدومة وبليا فراش .. نتوسد ترايبها
وماتت فاطمة بيها .. محد من قرايبها

بكت ياحسين ممدودة .. عليها الجبد ممروده
وعلي مبهوظ بقيوده .. وانا انخاكم يا عز الجار
لكن ماتجيبوني

----------------------------------------------

يابو السجاد ما تنهض .. العيله وصلت بيها
محفوظة كرامتها .. دوم محافظة عليها
درب الوعر والغربة .. ياخويا من يقاسيها

شمر الرجس حادينا .. صوته يلتوي علينا
تقعد وصلت سكينة .. بهمة وحشم العباس
يابن امي وتلكوني

----------------------------------------------

وصلناكم يابو فاضل .. ولاجيتوا تنزلوني
هاي الروس جبناها .. ومنكم نطلب العونه
راس حسين سمحولي .. ترى هي مكسرة سنونة

مصيبة ماقدر احجيها .. روحي تمرمرت بيها
اسمع مني تاليها .. بطشت الذهب كسرهن
يزيد وتنظره عيوني
ـــــــــــــــــــــــــــــــــــــــــــــــــــــــــــــــــــــــــ
#أداء باسم الكربلائي
#كلمات ملا عطيه الجمري
https://youtu.be/7hoZWhOCzEQ?si=BId0jTIwg6K4Cmnq

آه يا حيرة حسين بهل الألم
خيمتة تجمعت أطفال وحرم
وين عمنة وين جودة والعلم
وين عاف العايلة بضماها

يصبرها حسين ينطيها الوعود
گمر هاشم للخيم ساعة ويعود
ساعة ويبين على العايلة الجود
تشوف كل وحدة أملها وياها

بين ما بالأمل مشبوح النظر
لن أبو اليمة توجه للنهر
وين راح تسائلن شهني الخبر
ليش ابونة المشرعة تعناها

تنتظرها العايلة ضلت ثنين
تنتظر عباس عمها والحسين
عين للعباس للمظلوم عين
شبحت لكتر النهر عيناها

شاعة لن يلفي أبن سيد البشر
وحدة واضع يمنتة فوگ الظهر
يصيح ظهر عگب عضيدي أنكسر
وآل هاشم طاح من الواها

ما حصلي يا گمر هاشم وكت
للنهر أوصل بيوم الي طحت
من أعلى الناگة يا خوية ودعت
وصحت يا عباس رحنة يسارى

ما أسولفلك على حالي شجرى
أدري ما تحمل يا سبع الگنطرة
الشمر چم سوط على متني كسرة
يألمك يوم السبي بأخبارة

فرصة ما شافت التوصل للنهر
لليسر راحت يبن فارس مظر
وصل للكوفة يعباس الخبر
أخت عباس بيسر جابوها

والشماتة أشد من جمر مصب
كام يسألنة يبن داحي الباب
ياهي زينب يا من عدنچن رباب
ياهي ذيج من بنات سكينة

يركز على وجوهنا نظرة العين
يصيح يا ألي أسمها سكينة وين
چنت أسمع بيها ويحبها حسين
اليوم لن بمجلسي ألگاها

ولا الزهرة صارت بحكم اليسر
هاي زينب بن علي فارس بدر
على الناگة تمشي من قصر لقصر
يسروها من عگب ولياها

باب كلها جذوع وثجيلة وزن
لو هوت على الگاع ترجنها رجن
طبگت على أم الحسن طبگ الچفن
وگام يعصرها الزنيم بحيلة

گوم محد غيرك بهاي الوتر
أسأل على الباب يا هو الي جسر
انشد أمك يا ضلع منها انكسر
من غصب حگها وهاج أحزانها

يا هلال الغائب عن كل عين
وضياء ساطعاً في الخافقين
قمُ ونادي يالثاران الحسين
ـــــــــــــــــــــــــــــــــــــــــــــــــــــــــــــــــــــــــ

#أداء مرتضى الصافي النجفي
#كلمات عبد الحسين أبو شبع
https://youtu.be/lhMvoIGk0vk?si=lBWBtl0npgO9YWKF

كحل يوم العاشر اجوا لخيامه
مثل حنية ظهرا انحنوا كدامه
حبيب اتقدمهم نزل لجدامه
طلب من اترابه يحني الهامه
اجوا سوو مثله ودخيل السواه

ابا عبد الله يا ابا عبد الله

وهب سلم روحه لحياة اعيونه
شمر نصرانيته اعله درب اضعونه
زهير ويا مسلم طلب يردونه
اشتهو من انفاسه الهوى ايشمونه
وراهم طب نافع هواهم شماه

ابا عبد الله يا ابا عبد الله

شرگ عابس والحب غرام اتبده
وشكو حب العالم اخذ من عنده
وكف جون امدنك وفه ايصب خده
وگلب لونه وبانت رحمته بعبده
هتفله وذب روحه فده لچف مولاه

ابا عبد الله يا ابا عبد الله

اجه الكافل يمه وفرش خدينه
وكفله وباس ايده ودمعته ابعينه
رفع رايت حبه اعله راس سكينه
وبده ايصب افيايه وستر چفينه
بزغ لهل الغيره جمال ومحياه

ابا عبد الله يا ابا عبد الله

اجه الاكبر محتر دخيل الاكبر
طلب رخصه وناده مدد ياحيدر
من الخيام القاسم طلع يتعثر
فتح من ازنوده وصيته وكبر
الحسن شد حزامي وانا عد عيناه

ابا عبد الله يا ابا عبد الله

على اعتاب الخيمه ضحايه التموا
فرات استغربهم كثر ما ندوا
اعله چلمت ياضامي ضمايه اتبدوا
شواهين الحومه على الخيل صعدوا
بدو كلهم صاحوا مدد يازهراء

ابا عبد الله يا ابا عبد الله
ـــــــــــــــــــــــــــــــــــــــــــــــــــــــــــــــ
#أداء سيد سلام الحُسيني
#كلمات حيدر شايع
https://youtu.be/2l-Zm1brSag?si=iFKXOXK9C2Ggbbz6

ياروح أخيتك يا گمر زماني

گلبك مكاني وانا احب مكاني
----------------------------------------------
ياخوة صدگ

ياگلبي اليدگ

يامعنى العشگ

ياروح أخيتك يا گمر زماني

گلبك مكاني وانا احب مكاني

الاخو للأخت مأوى

لو رحل بينت فجوة

لو تغيب بيش اعوضك بعد

فدوة لا تروح اريدك سند

اطمئن لو صحت بسمي

انا احس كل هلي يمي

من ابوي مات لگيتك ابو

وين اروح لو خسرتك اخو

هذا المو سهل

لا يا ابوالفضل

فراگ الاخ كتل

مو سهلة عشرة تنتهي بثواني

گلبك مكاني وانا احب مكاني

لو صحت يا بعد ناسي

يرتفع للنجم راسي

عمري ليش هيچ يخويه انكسر

واني تاج فوگ روس البشر

بلا وعي زيدت نوحي

من گلت يابعد روحي

هاللكلام نار سمعته ومتت

للوداع جاي دخيلك خفت

هاي انا الچنت

بيك اسعد أخت

مو زينب صرت

چنت اني امدللة زماني

گلبك مكاني وانا احب مكاني

لو صدگ ما ردت ترجع

راح اظل لو نويت اسمع

حتى اصيح آخ لاخير العمر

ما تنام عين رمشها جمر

مابقه من العمر ليلة

والوكت مر علي چيلة

الله ريت لا يجيب الصبح


مو نهار موت اخلصه وذبح

ريت ادعي همس

لو يرجع أمس

ولا تطلع شمس

چنت أدعي لاجاني الصبح وأجاني

گلبك مكاني وانا احب مكاني

حاولت ما ردت ابچي

واتضح هالدمع يحچي

دمعي طاح فوگ اديك وكتب

لا تروح اريد اسمعك عتب

مو هوى كل نفس جمرة

من جرت دمعتي حمرة

گتلي جاي اسلمه اللوه

والحنان ذاك سجله انطوه

ياريحة هلي

يوگفلك علي

وانا الله الي

ماعندي غير الله بعد تراني

گلبك مكاني وانا احب مكاني

توجهت للتهر انته

والنفس مختنگ عغته

للفرات سار معاك النبض

يالعليك موت على الله العوض

عيوني يم رايتك تربي

ها وگع ما وگع گلبي

امگطعات اديك اجاني الخبر

والسهام عليك اينزلن مطر

مو روه الوفه

وشيخ العاطفه

عالشاطي اختفه

دروني گلبي وماكو ما لگاني

گلبك مكاني وانا احب مكاني

من اوصلت مصرعك وحدي

لا ولد لا اخو عندي

ما لگيت عين اخذها السهم

ما لگيت ايد تشيل العلم

بالعمد هشموا هامك

طشروا عالثرى عظامك

تحيرت بين المك وطن

بين اعود بدون كفيل الظعن

ما ادري السبي

من حالي شيبي

واني ابنت نبي

الوادي المقدس هيبتي وكياني

گلبك مكاني وانا احب مكاني
ـــــــــــــــــــــــــــــــــــــــــــــــــــــــــــــــــــــــــ
#أداء الملا باسم الكربلائي
#كلمات أحمد الذهبي
https://youtu.be/aQzNWzrqj1M?si=tVAmQETIsmeOQv9u

_

"بِعَليِّ؛ وضَمِنتَ لهم الإجابة".