Shayton keldi seni so'roqlab...

Xohlab qilmagandan, xohlamay qilgan yaxshi.

Ikki yil oldin ustozimiz Aziz Rahimov “Data analytics” bo’yicha qiymati $1000 ga teng kurs olib berdilar.

2 oy oldin yana bir ustozimiz Mirafzal Mirahmadov LinkedIn dan “Prompt engineering” bo’yicha pullik kurslarni bepulga ochib berdilar.

O’tgan yili 2-marotaba Turin Polytechnic University’ga 2-kursga Grantga qabul qilindim. Qiymati 3 yil uchun tahminan $8-9K.

Bularning hammasini nima bog’lab turadi bilasizmi?

Birontasidan foydalanmadim.

Men hozir dangasalik haqida gapirmoqchi emasman.

Minimal imkoniyatlar.

Hayotida nimadir qila olgan insonlarni kuzatib shunday xulosaga keldim:

Barchasi minimal imkoniyatlardan maksimal foydalanadi.

Shunchaki YouTube’dan tikishni o’rganib yarim million auditoriya yig’ishdi.

Jiyaniga Yahoo! Doodle Notepad orqali dars berishni boshlab dunyodagi eng katta bepul platformani yasashdi.

40 ta nashriyotdan rad javobini olib, o’zligi kitob nashr qilishdi.

Minimal imkoniyatdan maksimal foydalana olgan inson, maksimal imkoniyatni gigant natijalarga aylantira oladi.

Hozir qilmayapmanmi, imkoniyat berilsa ham qilmayman.

Bajarib qo’yaylik

Vokzalda perashki sotib oldi. Aynigan masalliq tufayli uyiga kelishi bilan qorni og’rishni boshladi.

Og’riqdan baqirib to’xtamay oshpazni so’kdi.

Ketidan oshpazni ishga olgan perashka xona egasini so’kdi.

Ketidan vokzal rahbariyatini.

Ketidan xokimni. Vo hokazo.

So’kkani bilan og’riq to’xtamadi, uxlay olmadi. Oxiri chiday olmay tez yordam chaqirdi.

Osma ukol olib 1 kunda o’ziga keldi.

Biz bilan sodir bo’lgan baxtsiz hodisalar, dunyodagi urushlar, “10 yildan keyin suv tugaydi” degan vahimalar, dollar oshishi, internetdagi qaysidir ahmoqning gapi (va hokazo) - bularga ta’sir o’tkaza olmaymiz.

Ta’sir o’tkaza olmaydigan ishlarga vaqt sarflar ekanmiz,

Ta’sir o’tkaza oladigan ishlarni qarovsiz qoldiryapmiz.

Avval ta’sir o’tkaza oladigan ishlarimizni zo’r bajarib qo’yaylik,

Keyin “boshqa ishlarga” burnimizni tiqsak yarashadi.

@mashrabov_aa

Insonlarga ular qanday ekanligidan kelib chiqib munosabat qilsangiz, ular yanada yomonlashadi.

Ularga qanday yaxshi bo’lishi mumkinligini hisobga olib munosabat bildirsangiz, ular yaxshilanadi.

@raimbaev_elmurod

1. O’zingizni ishga olarmidingiz?

2. O’zingizga qizingizni berarmidingiz? O’glingizga kelin qilarmidingiz o’zingizni?

3. Agar kimdir sizni bir hafta kuzatganida sizni maqsadi aniq va bu yo’lda tinmaydigan inson deb baholarmidi?

4. Hozirgi o’zingizdan 60 yoshli o’zingiz mamnun bo’larmidi?

5. Hozirgi holatingizga bolalikdagi o’zingiz havas bilan qarar edimi?

6. Agar hamma sizdek bo'lganida siz yashashni xohlagan jamiyat shakllanar edimi?

7. Hozirgi siz hurmatingizni chindan qozongan boshliq bo'larmidi?

8. O'zingiz maslahatingizga amal qilarmidingiz?

9. Asl siz boshqalar tasavvuridagi sizdan farqi bormi?


Qanday yashayotganimizni boshqalarga ko’rsatamiz.

Undanda qizig'i boshqalar qanday yashashi kerak ekanligini aytamiz (huddi shu postdagidek).


Baland aytiladigan fikrlardan ko’ra, sukutli savollar muhimroqdek.

Bek Olimjon
02.04.25
Norvegiya

Siz koʻrishingiz mumkin boʻlgan eng foydali videolardan biri

Nafsni qanday ishlashini ancha tushinib oldim videodan

🧠 Sizni baxtsiz qilayotgan narsa bu – buzilgan DOFAMIN tizimi!

Avvallari oddiy narsalar ham zavq berardi - kitob o'qish, tabiatga chiqish, yaqinlar bilan vaqt o'tkazish. Endi-chi? Endi hammasi zerikarli, hech narsa qiziq emas. Doim nimadir yetishmayotgandek. Bu holat sizga ham tanishmi?

Barcha muammolarning ildizi - dofamin retseptorlarining shikastlanishida! Telefon, ijtimoiy tarmoqlar, fastfud, haddan tashqari ko'p zavq beruvchi stimulyatorlar miyangizni ishdan chiqarmoqda. Endi sizga faqat kuchli va tezkor zavq beruvchi narsa kerak bo'lib qoldi, shu sababli odatiy hayot sizga zerikarli tuyulmoqda.

"Sarchashma" loyihasining 2-sonida aynan shu muammo va uning ilmiy asoslari haqida gaplashdik: Dofamin qanday ishlaydi? Nega biz tabiiy zavqlanishdan mahrum bo‘lib qoldik? Va eng muhimi – bu tizimni qanday tiklash mumkin?

Videoni tomosha qiling va miyangiz qanday ishlashini tushunib, uni asl holatiga qaytaring!

📺 To'liq video YouTube kanalimizda!

👉 Havola: https://youtu.be/sbCAIFk1mlk

@Doniyor_Nasriddinov

Vaqt o’tyapti.
@birfoizbilim

5 yildan soʻng o'lishingiz mumkin boʻlsa, (5kunga ham kafolatimiz yoʻq aslida) soʻnggi lahzalarda hozir qil(m)ayotgan qaysi amallaringizdan koʻproq afsuslanasiz?

Eng katta o'zgarishlar xato ortidagi og'riqlardan keladi.

Haqiqiy mahorat

Tajribali o'g'ri - o'g'riga o'xshamaydi.
Tajribali aktyor - aktyorga o'xshamaydi.
Tajribali ustoz - ustozga o'xshamaydi.
Tajribali tadbirkor - tadbirkorga o'xshamaydi.
Tajribali shifokor - shifokorga o'xshamaydi.
Tajribali shpion - shpionga o'xshamaydi.
Tajribali jangchi - jangchiga o'xshamaydi.

Haqiqiy mahorat oddiylik niqobi ostida yashiriladi.

Shuning uchun,

Sohasi haqida “aqlli” gaplar ishlatib gapirganlarni eshitmaylik. O’zimiz ham bunday qilmaylik.

Chunki,

Haqiqiy mahorat gapirilmaydi. U ko’rsatiladi.

@mashrabov_aa

Lupa bilan bitta joyga yig’ilsa, quyosh nuri bilan olov yoqsa bo’ladi.

Tomchi bitta joyga tomaversa, toshni ham o’yib yuboradi.

Diqqat hozirgi zamonning eng qimmat valyutasi. Hammada kamayib ketayapti.

Ish/o’qishi paytida telegram ochib qo’yganlar, ikkita ish qilyapman deb o’ylayapti.

Aslida bittasini ham bitirmayapti.

Diqqat – bitta ish qilish emas, boshqa hamma ishdan voz kechish. Yarim soatga bo’lsa ham.

Qilishga sababi borlar, qilmaslikka bahonasi borlardan o‘tib ketadi.

Mehnat, mehnatning tagi rohat.

Bu eski yondashuv. Yangi yondashuv:

Mehnat, mehnatning tagi rohat olib keladigan mehnat.

Puldor do’stlarimiz bor.

Suhbatlashsak puli bo’lmagan davrini eslab o’sha paytdagi hotirjamligini hozir yo’qotganini aytadi. Afsuslangandek bo’ladi.

Ular ko’pchiligi puldor bo’lish hotirjamlikni yo’qolishiga sabab bo’ladi degan xulosaga kelishgan. Ammo puldan voz kechisha olmaydi. Qopqonga tushgandek.

Pul topgandan keyin halovati yo’qolganlar ko’p.

Aslida muammo puldor bo’lishda emas, balki xohishlarimizni tushuna olmasligimizda.

Hedonic treadmill degan tushuncha bor. Hedonism - hayotdan maqsad faqat rohatlanish, kayf qilish degani, treadmill esa - yugurish yo’lakchasi.

Bu ibora tarjimasi rohatlar tugallanmasligi, biri ortidan ikkinchisi kelishi deb tushunsak bo’ladi.

Halovat yo’qolishi sababi bu xohishlarimiz tugallanmasligi.

Bir narsa xohlaymiz, unga erishamiz, 2 haftadan keyin yana yangi narsa xohlaymiz.

Buni iPhone yoki mashina misolida ko’rish mumkin. Avval Matiz mashina olganimiz uchun qanchalik hursand bo’lgan bo’lsak, oradan ko’p o’tmay Nexia xohlaymiz, keyin Lacetti, keyin Tracker va hok.

Yoki iPhone 12 bor edi, 15 olgimiz keladi, keyin 16 ga o’tgimiz keladi va hok.

Bir qarashda bunday bo’lishda muammo yo’qdek. Chunki atrofimizda hamma shunday.

Muammo shuki xohishlarni upgrade qilishimiz bizdan umrimizni pulga sotishni talab etadi.

Ishlaymiz, pul topamiz, xohlagan narsamizni olamiz, yana qimmatroq narsa xohlaymiz, yana ko’proq ishlaymiz unga yetarli pul topish uchun.

Tinmay harakat qilamiz, charchaymiz, ammo bir joydan qimirlamaymiz, huddi yugurish yo’lakchasida yugurgandek.

Biz xayotda aslida nima xohlaymiz?

Xohishlarimizni anglab yetishimiz muhim.

Bek Olimjon
Andijon,
16.04.25