#Xalqaro_hamkorlik

🏘 Kuni kecha Qurilish va uy-joy kommunal xo‘jaligi vazirligida markazlashgan issiqlik ta’minoti tizimini takomillashtirish yo‘nalishidagi  KSP, ya’ni  bilim almashish dasturiga bag‘ishlangan yig‘ilish o‘tkazildi. 

Vazirlikning ayni sohaga mas’ul mutasaddilari, Koreya savdo va investitsiyalarga ko‘maklashish (KOTRA) agentligi, Koreya markazlashtirilgan issiqlik ta’minoti korporatsiyasi (KDHC) va boshqa qator tashkilotlar ishtirok etgan tadbirda mamlakatimizda markazlashgan issiqlik ta‛minoti sohasini takomillashtirish loyihasi doirasidagi ishlarning yakuniy muhokamasi o'tkazildi.
Jumladan:

- Issiqlik ta‛minot tizimini takomillashtirish;
- Issiqlik yo‛qotishni minimallashtirish uchun issiqlik tarmoqlarini boshqarish;
- Markazlashgan issiqlik ta‛minot tarif tizimini takomillashtirish chora-tadbirlarini ishlab chiqish;
- Markazlashgan issiqlik ta‛minot sohasi uchun issiqxona gazlarini kamaytirish loyiha modelini ishlab chiqish yo'nalishlari shular jimlasidandir.

Tadbirda shuningdek, issiqlik energiyasini ishlab chiqishning iqtisodiy masalalari va atrof-muhitni asrashdagi ahamiyati haqida ham so‘z bordi.  Koreya markazlashtirilgan issiqlik ta’minoti korporatsiyasi o‘zining amaliyoti doirasida ishlab chiqilgan konsepsiya haqida batafsil ma’lumot berib o'tdi. 

Tadbir yakunida tomonlar loyiha asosidagi kelgusi reja va vazifalarni belgilab oldilar.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

☯️ Oʻzbekiston va Turkiya vakillari inson resurslarini boshqarish va rivojlantirishda raqamli dasturlar faoliyatini yanada rivojlantirish masalalarini muhokama qilmoqda

📌 Avval xabar berganimizdek, davlat xizmatchilaridan iborat delegatsiya ayni kunlarda Turkiya Respublikasida stajirovka oʻtamoqda. Ishtirokchilar orasida Qurilish va uy-joy kommunal xoʻjaligi vazirligi Inson resurslarini rivojlantirish va boshqarish boʻlimi bosh mutaxassisi Kamoliddin Xolmatov va Qurilish va uy-joy kommunal xo‘jaligi sohasida nazorat qilish inspeksiyasi bo‘lim boshlig‘i Gulbahor Mirzayevalar ham bor.

Xususan, Agentlik, Vazirlar Mahkamasi, vazirlik va idoralarning masʼul vakillari ishtirok etayotgan ushbu stajirovka inson resurslarini boshqarish va rivojlantirishda joriy qilingan raqamli dasturlar faoliyati bilan yaqindan tanishishga yoʻnaltirgan.

📌 O‘quv seminarlari doirasida ishtirokchilar Turkiya Respublikasi Qishloq va oʻrmon hoʻjaligi, Savdo, Gʻazna va moliya, Shaharsozlik va iqlim oʻzgarishi vazirliklarida boʻlishdi.

Uchrashuvlarda inson resurslarini boshqarishda joriy qilingan zamonaviy usullar va raqamli yechimlar, ishga kirgan yangi xodimlarni davlat xizmatiga moslashtirish masalalarida oʻzaro tajriba almashildi.

Shuningdek, Oʻzbekistonning Turkiyadagi elchixonasi hamda mamlakatning tarixiy va diqqatga sazovor joylariga tashriflar amalga oshirildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

❕Bugun Birlashgan Millatlar Tashkilotining Taraqqiyot Dasturi, Global Ekologik Jamg‘armasi va Qurilish va uy-joy kommunal xo‘jaligi vazirligi bilan hamkorlikda amalga oshirilayotgan "O‘zbekistonda energiya samarador qishloq turar joy binolari qurilishini rivojlantirishga ko‘maklashish" loyihasining yakuniy yig‘ilishi bo‘lib o‘tdi.

Yig‘ilishda vazirlik va idoralar, shuningdek, xalqaro tashkilotlar, hamkor tijorat banklari vakillari va Energetika vazirligi huzuridagi Budjetdan tashqari Tarmoqlararo energiyani tejash jamg‘armasi mutaxassislari ishtirok etdi.

Hozirgi kunda O‘zbekistonda qurilayotgan uy-joylarning 70 foizdan ortig‘i qishloq joylarga to‘g‘ri keladi. Shunga ko‘ra uy-joy sektoridagi tabiiy resurslarga bo‘lgan talab, ayniqsa, mamlakat aholisining deyarli yarmi yashaydigan qishloq hududlarida yaqqol namoyon bo‘lmoqda. UNDP/GEF loyihasi O‘zbekiston hududlarida jadal rivojlanayotgan uy-joy qurilishi sektorini energiya samarador texnologiyalar va qurilish materiallarini moliyalashtirish mexanizmini ishlab chiqishni nazarda tutadi. 

Davlatimiz rahbarining tegishli Farmoni asosida Qurilish va uy-joy kommunal xo‘jaligi vazirligi huzuridagi Texnik me’yorlash va standartlashtirish ilmiy-tadqiqot institutiga bino-inshootlarda energiya samaradorlikni amalga oshirish vazifasi yuklatilgan bo‘lib, unga ko‘ra 2023-yilning mart oyidan boshlab BMTTD bilan hamkorlikda qator ishlar amalga oshirilmoqda.

⏺Xususan:

“Turar joy binolarini energiya tekshiruvini o‘tkazish metodologiyasi” asosida Bino-inshootlarni energiya auditdan o‘tkazish tartibi to‘g‘risidagi nizom loyihasi ishlab chiqildi;
Turar joy binolarida energiya sarfini kamaytirish talablarini kuchaytirish uchun qurilish qoidalari qayta ko‘rib chiqildi;
Hududlarda quruvchilar, loyiha tashkilotlari hamda bir qator manfaatdor tashkilot xodimlariga energiya samaradorligi bo‘yicha seminar va treninglar tashkillashtirildi;
O‘zbekistonda deyarli nolga teng energiya iste’moli bo‘lgan birinchi ko‘rgazmali turar-joy binosi qurilishi Nurafshon shahrida yakunlanib, Institut balansiga o‘tkazib berildi.

Shuningdek, hozirda “Energiya tejamkor uy-joy qurilishi bo‘yicha raqamli resurs markazi”ni tashkil qilish hamda institut rasmiy saytiga energomarket.uz platformasini integratsiya qilish ishlari amalga oshirilmoqda.

Tadbirda qurilish va kommunal sohadagi ustuvor hisoblangan qurilish resurslari klassifikatorini xalqaro tajriba asosida rivojlantirish va axborot modellashtirish texnologiyalarini keng joriy etish masalalari muhokama qilindi.

Tadbir yakunida institutning bir qator vakillari  mazkur loyihaning tashkil etishdagi faolligi uchun taqdirlandi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

Qurilish sohasida xitoylik hamkorlar bilan standart va normalarni takomillashtirish bo'yicha hamkorlik qilinmoqda.

📆 Joriy yilning 7-14-may kunlari Qurilish va uy-joy kommunal xo'jaligi vazirligi huzuridagi Texnik me’yorlash va standartlashtirish ilmiy-tadqiqot instituti vakillari Xitoy davlatida bo'lib sohadagi ustuvor masalalarda kelishuvlarga erishgan edilar.

Kuni kecha vazirlikda mazkur kelishuv va memorandum doirasida zilzilabardosh bino va inshootlar hamda Xitoy qurilish materiallari standartlariga bogʻliq masalalar yuzasidan seminar o’tkazildi.

✔️Unda oʻzaro hamkorlik aloqalarini takomillashtirish, doimiy muloqot va tajriba almashish, mutaxassislarni stajirovkaga yuborish, ishlarni tizimli monitoring qilish uchun onlayn platforma tashkil qilish masalalari muhokama qilindi.

Ma’lumot uchun, bugun 11-sentabr kuni mazkur seminarning ikkinchi qismi bo’lib o’tadi va unda tezyurar transport vositalari uchun koʻpriklar hamda tunnellar qurilishi normalariga oid masalalar ko'rib chiqiladi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

📌 SHNQlar xalqaro talablar asosida modernizatsiya qilinmoqda

Bugun vazirlik huzuridagi Texnik me’yorlash va standartlashtirish ilmiy-tadqiqot instituti rahbariyati Xalqaro moliya korporatsiyasi (IFC) ning moliya sektori katta mutaxassisi Sakshi Varma boshchiligidagi delegatsiya bilan uchrashuv o’tkazdi.

Unda respublikadagi tegishli manfaatdor vazirliklar bilan qilinayotgan “yashil binolar”ning loyihalari va mamlakatda shu kabi binolar uchun me’yoriy-huquqiy bazani rivojlantirishga qaratilgan harakatlar rejasi muhokama qilindi.

Uchrashuv so'nggida tomonlar “2.07.05-19 Yashil qurilish. Turar joy va jamoat binolari” SHNQlariga xalqaro talablar asosida o’zgartirish va qo’shimchalar kiritish, ushbu yo'nalishda ipotekaga yondashuvni rivojlantirish, EDGE, LEED, BREEAM sertifikatsiyalash tizimlari bo’yicha seminarlar tashkil etishga kelishib olishdi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

🏘 Qurilish va uy joy kommunal xoʻjaligi vaziri v.b Sh.Hidoyatov boshchiligidagi delegatsiya Rossiya Federatsiyasida

Shu kunlarda Qurilish va uy joy kommunal xoʻjaligi vaziri v.b Sherzod Hidoyatov boshchiligidagi delegatsiya Rossiya Federatsiyasida boʻlib turibdi.

Taʼkidlash kerakki, Oʻzbekiston-Rossiya keng qamrovli strategik sheriklik va ittifoqchilik munosabatlarini yanada mustahkamlash, shu jumladan, savdo-iqtisodiy hamkorlikni rivojlantirish masalalarida manfaatli aloqalarni rivojlantirib bormoqda. Bunda ikki davlat rahbarlarining oliy darajadagi uchrashuv va muzokaralarida erishilgan natijalar huquqiy asos boʻlib xizmat qilmoqda. Xususan, qurilish va kommunal sohalarda ham samarali aloqalar taraqqiy etib boryapti. Bu jihatlar Qurilish va uy joy kommunal xoʻjaligi vaziri boshchiligidagi delegatsiya ishtirokida boʻlib oʻtgan keng qamrovli uchrashuvlarda ham yaqqol namoyon boʻldi.

Kuni kecha delegatsiya aʼzolari Moskva shahridagi aholi turar joy binolarini koʻzdan kechirdilar. Tanishuvlar jarayonida Rossiya qurilish industriyasida keng qoʻllanilayotgan energotejamkor texnologiyalar, qurilish bozoriga raqamli tizimlarni joriy etishni takomillashtirish, IT konsalting xizmatlari kabi ustuvor vazifalarga eʼtibor qaratildi.

🔺 Sherzod Hidoyatov boshchiligidagi masʼullar “DOM.RF” jamiyati bosh direktori V.Mutko bilan uchrashib, qurilish va uni moliyalashtirish sohasida Rossiyaning ilgʻor tajribasi yuzasidan muhokama oʻtkazdilar. Unda hududlarni kompleks rivojlantirish standarti, shahar atrof-muhit sifatini oshirishning muhim yoʻnalishlari, lift mahsulotlarini eksport qilish hamda dispetcherlik xizmati, sohani IT texnologiyalar asosida rivojlantirish xususida fikr almashildi.

Muloqot soʻngпida tomonlar bir qator yoʻnalishlarda hamkorlik qilishga kelishib oldilar.

🔗 Ikki tomon oʻrtasidagi manfaatli uchrashuvlar bugun ham davom etdi. Rossiya qurilish bozorida yetakchi oʻringa ega “Domklik” kompaniyasi bilan oʻtkazilgan muzokaralarda qurilish bosqichlari, “noldan-tayyorgacha” tizimi asosida yoʻlga qoʻyilgan amaliy tajribaga oid taqdimotlar ishtirokchilar eʼtiboriga havola etildi. Xususan, qurilish va koʻchmas mulkni rasmiylashtirish, kreditlash va oldi-sotdi shartnomalariga doir toʻplangan tajriba xususida oʻzaro fikr almashildi.

Eslatib oʻtamiz, delegatsiya tarkibida Qurilish va uy joy kommunal xoʻjaligi vazirligi mutasaddilari bilan bir qatorda boshqa manfaatdor vazirlik va tashkilotlar vakillari ham bor. Tashrif davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

🏘 Kuni kecha Qurilish va uy-joy kommunal xo'jaligi vazirligida Jahon banki vakolatxonasi hamda vazirlik mutaxassislari ishtirokida uchrashuv o‘tkazildi.

Mazkur tadbirdan maqsad sohada geofazoviy ma'lumotlarni tayyorlash va ularni milliy fazoviy ma'lumotlar infratuzilmasi platformasiga integratsiya qilishdan iborat.

Uchrashuvda mehmonlardan shaharsozlik sohasi bo'yicha mutaxassis Mohammed Nada, Jahon banki maslahatchilari Gerxard van ‘t Land hamda Habibullo Negmatullayevlar ishtirok etishdi. Vazirlikning Arxitektura va shaharsozlikni rivojlantirish boshqarmasi boshlig'i Aziz Usmonov, Loyiha faoliyatini muvofiqlashtirish bo'limi rahbari Sherzod Odilov boshchiligidagi mutasaddilar ular bilan fikr almashdilar.

🔵 Jarayonda manfaatli aloqalarni yanada rivojlantirish borasida mulohazalar bildirildi. Xususan, Jahon banki eksperti “Milliy fazoviy ma’lumotlar infratuzilmasi” yagona platformasini yaratishni nazarda tutuvchi loyiha haqida qisqacha ma’lumot berdi, buning uchun ma’lumotlar barcha manfaatdor vazirlik va idoralardan yig'ilishini hamda bir joyda integratsiya qilinishini ta'kidladi. Bundan tashqari ushbu platforma shaffof va barcha foydalanuvchilar uchun ochiq bo'lishi rejalashtirilayotgani aytildi.

Uchrashuv so'nggida Jahon banki, Kadastr agentligi va vazirlik mutaxassislari kelgusida ham ishlarni hamkorlikda davom ettirish bo'yicha kelishib olishdi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

🔴Texnik me’yorlash ilmiy-tadqiqot instituti xodimlari Germaniyada malaka oshiradi

Vazirlik huzuridagi Texnik me’yorlash va standartlashtirish ilmiy-tadqiqot instituti rahbariyati Germaniyaning Anhalt amaliy fanlar universiteti vakillari bilan uchrashuv o‘tkazdi.

Mazkur uchrashuvda bir qator yo‘nalishlarda hamkorlik masalalari muhokama qilindi. Jumladan,

– norma va standartlarni ishlab chiqish hamda laboratoriya ishlariga mutaxassislarni jalb qilish;
– magistratura, PhD mutaxassislarini tayyorlashni tashkil etish;
– qisqa muddatda stajirovka o‘tash va mutaxassislar uchun almashinuv dasturlarini ishlab chiqish hamda ularning malakasini oshirish;
– tegishli sohalarda qo'shma tadqiqotlar o'tkazish;
– o'zaro manfaatli mavzularda seminarlar, trening va konferensiyalar tashkil etish;
– tashkilotlar o‘rtasida laboratoriyalardan foydalanish imkoniyatlarini ta'minlash kabi masalalar ko'rib chiqildi.

📌 Uchrashuv nihoyasida belgilangan vazifalar bo'yicha hamkorlikda anglashuv memorandumi imzolashga kelishib olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

🔠 Webster universiteti bilan hamkorlikda  qurilish sohasida yangi loyiha amalga oshirilmoqda

Vazirlik huzuridagi Texnik meʼyorlash va standartlashtirish ilmiy-tadqiqot instituti hamda poytaxtimizdagi AQSHning Webster universiteti rahbariyati ishtirokida  uchrashuv oʻtkazildi.

Unda qurilishda loyiha boshqaruvi, AQShning xalqaro qurilish kodlari (IBC)ni uyg‘unlashtirish, FIDIC - The International Federation of Consulting Engineers shartnomasi bo‘yicha mutaxassislarni o‘qitishga doir masalalar muhokama qilindi.

Shuningdek, ushbu yo‘nalishlar bo’yicha qo‘shma loyihani amalga oshirish va hamkorlikda shartnoma imzolashga kelishib olindi.

Ta'kidlash kerakki, yetakchi oliy ta'lim muassasalaridan hisoblangan Webster universiteti 1915-yilda tashkil etilgan bo'lib, uning Osiyo, Afrika va Yevropada filiallari mavjud. Toshkentdagi filiali AQSHning taʼlim standartlariga mos dasturlar orqali talaba va mutaxassislarni tayyorlaydi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

📌 “World Smart City Congress 2024" xalqaro kongressi o'tkazilmoqda

Xitoy davlatining Xangjou provinsiyasida  24-30-sentabr kunlari “World Smart City Congress” forumi bo’lib o’tmoqda. Unda vazirlik huzuridagi Texnik me’yorlash va standartlashtirish ilmiy-tadqiqot instituti direktor o‘rinbosari J.Saidov ham ishtirok etdi.

Ushbu nufuzli tadbirda dunyoning 50 dan ortiq mamlakatidan vakillar bor.

Kongress davomida shaharlarni raqamlashtirish, aqlli transport tizimlari, ekologik barqarorlik va fuqarolar farovonligini oshirish kabi dolzarb mavzular muhokama qilindi. Shuningdek, innovatsion texnologiyalar ko'rgazmasi ham tashkil etilib, unda yuzlab kompaniyalar o'z ishlanmalarini taqdim etdilar.

Tadbirda delegatsiya tomonidan ilg'or xalqaro tajribani o'rganish va yetakchi kompaniyalar bilan hamkorlik aloqalarini o'rnatish imkoniyatlari ko’rib chiqildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

📌 MDHning qurilish sohasi bo‘yicha 45-hukumatlararo kengashi Yekaterinburgda o‘tkazildi

Joriy yilning 1-4-oktabr kunlari Rossiya Federatsiyasining Yekaterinburg shahrida “Jahon qurilish haftaligi 2024” hamda MDHga a’zo davlatlarning qurilish sohasida hamkorlik bo‘yicha hukumatlararo kengashi yig’ilishi bo'lib o'tmoqda.

Unda Vazirlik huzuridagi Texnik me’yorlash va standartlashtirish ilmiy tadqiqot instituti hamda Shaharsozlik hujjatlarini ekspertiza qilish Respublika markazi rahbariyati ishtirok etmoqda.

Kuni kecha bo’lib o’tgan hukumatlararo kengashda quyidagi masalalar muhokama qilindi:

- 2021-2025-yillarda MDH davlatlari tomonidan tasdiqlangan strategiyalariga muvofiq amalga oshirilgan ishlari tahlili;
- 2026-2030-yillarda qurilish sohasida yangi texnologiyalarni joriy qilish, texnik me’yorlash tizmini takomillashtirish hamda qurilishda seysmik xavfsizlikni ta’minlash konsepsiyasi loyihasi;
- qurilish sohasida narxlarni shakllantirish.

Shuningdek, ushbu kengashda institut direktori Sh.Sodiqov "Yevrokodlarni har bir davlatning milliy manfaatlarni hisobga olgan holda implementatsiya qilish: ahamiyati va to‘siqlari" mavzusida ma'ruza qildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

🔗 Avval xabar berilganidek, vazirlik vakillari “Dunyo qurilish haftaligi 2024” doirasida Rossiya Federatsiyasining Yekaterinburg shahrida bo’lib, uchrashuv va muzokaralarda ishtirok etishdi.

Xususan, bino-inshootlarning energiya samaradorligi yuzasidan loyihalarni ekspertizadan o’tkazish, qurilish normalarini amaliyotda qo’llash, bino fasadlarida bazalt qoplamasidan foydalanish texnologiyalari yuzasidan amalga oshirilayotgan ishlar haqida o’zaro fikr almashildi.

Shuningdek, mutaxassislar Ural tog’-kon metallurgiya kompaniyasi tomonidan qurilayotgan Muz saroyi arenasida qo’llanilayotgan zamonaviy loyiha yechimlari, shuningdek, metal konstruksiyalardan oqilona foydalanib, binoning zamonaviy arxitektura ko’rinishini loyihalashtirish ishlari bilan tanishishdi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

Grant loyiha qo‘lga kiritildi

🔵 Vazirlik huzuridagi Texnik me’yorlash va standartlashtirish ilmiy-tadqiqot instituti rahbariyati Yevropa Ittifoqining grant loyihalar bilan ishlash boshqarmasi vakili Jana Kurpisa bilan uchrashdi.

Unda institut Yevropa Ittifoqining TAIEX INTPA - "Technical Assistance and Information Exchange Instrument for International Partnerships" grant loyihasida g‘olib deb topilgani e’lon qilindi.

Mazkur grant loyihasi O'zbekistonda Yevrokodlarni implementatsiya qilish doirasida Yevropa Ittifoqiga a’zo davlatlardan yurtimizga ekspertlar tashrif buyurib, seminar-treninglar o'tkazishi hamda mahalliy soha mutahassislarini Yevrokod implementatsiyasi bo'yicha o'qitib, qo'shimcha o'quv turlari tashkil qilish ishlari rejalashtirilgan.

🔺 Uchrashuv yakunida grant loyihada belgilangan seminar-treninglar kun tartibi hamda ushbu loyihani amalga oshirish bo'yicha tegishli reja-dasturlarni ishlab chiqishga kelishib olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

  💐 Xalqaro "Yil standartchisi" mukofoti qo‘lga kiritildi

    Joriy yilning 9-11-oktabr kunlari Rossiya Federatsiyasining Sankt Peterburg shahrida 5-Xalqaro Texnologiyalar Forumi o‘tkazildi.

Unda vazirlik huzuridagi Texnik me'yorlash va standartlashtirish ilmiy-tadqiqot instituti boshqarma boshlig'i Abdurauf Sultonxonov ishtirok etib, "Yil standartchisi" mukofotini qo‘lga kiritdi.

    Forum davomida Qurilish davlatlararo texnik qo‘mitasi mas'ul kotibi Sergey Xvoinskiy hamda Yevroosiyo Iqtisodiy Ittifoqi qurilish materiallari uyushmasi loyiha boshlig'i Larisa Lyaxovetskayalar bilan uchrashuv tashkil etildi.

  🫥 Tadbirlar davomida xalqaro miqyosda ishlab chiqilayotgan qurilish materiallari va buyumlari xavfsizligiga doir texnik reglament loyihasi hamda milliy qurilish materiallari uchun xalqaro standartlarni ishlab chiqish va eksport geografiyasini kengaytirish bo‘yicha hamkorlikda ishlash yuzasidan kelishib olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

15 nafardan iborat soha mutaxassislari Xitoyda

  🏘 Qurilish va uy-joy kommunal xo'jaligi vazirligi, uning huzuridagi Texnik me'yorlash va standartlashtirish ilmiy-tadqiqot instituti hamda Xitoy tadbirkorlar assotsiatsiyasi bilan hamkorlikda joriy yilning 9-16-oktabr kunlari uchrashuv bo‘lib o‘tmoqda.

   Bunda Qurilish va uy-joy kommunal xo'jaligi vazirligi, Bosh prokuratura, Adliya vazirligi, Avtomobil yo'llari qo'mitasi mas'ullaridan iborat delegatsiya Xitoyning yetakchi kompaniyalariga tashrif buyurib, bir qator yo'nalishlarda tajriba almashishmoqda.

 💠 Xususan, jarayonda shaharsozlik faoliyati, loyiha va рudrаt xizmatlari bozori, shuningdek, qurilish mаtеriаllаri ishlab chiqarish, zamonaviy shaharsozlik uslublari, uning nоrmа vа qoidalarini keng joriy qilish, innovatsion g'оуаlаr hamda ishlanmalarni o'rganish maqsadida Tyankay fan va texnologiya innovatsion parki,  Xitoy-Singapur ekoshahari hamda boshqa bir qator loyiha va pudrat tashkilotlariga tashrif amalga amalga oshirilyapti.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Xalqaro_hamkorlik

☯️ Bugun Xitoyning Tianszin shahrida  Qurilish va uy-joy kommunal xoʻjaligi vazirligi hamda  Tianjin Urban Construction Group Holding  va Tianjin Haihe Design Group kompaniyalari oʻrtasida memorandum imzolandi.

Mazkur hujjatga muvofiq tomonlar hamkorligi quyidagi yoʻnalishlarda amalga oshiriladi.

Jumladan:

-qurilish sohasida yoʻnalishlar kesimida huquqiy va texnik tartibga solish va meʼyoriy hujjatlar boʻyicha  oʻzaro tajriba almashish;
-tegishli sohalar boʻyicha mutaxassis kadrlarni muddatli oʻqitish va malaka oshirishlarini yoʻlga qoʻyish;
-ilmiy-texnik masalalarni muhokama qilish uchun oʻquv dasturlari, konferensiyalar, simpozium va uchrashuvlarni tashkil qilish;
-muayyan (pilot) qurilish obyekti loyihalarini oʻzaro hamkorlik asosida amalga oshirish imkoniyatlarini oʻrganish;
-shaharsozlik norma va qoidalarini takomillashtirishda hamkorlik qilish;
-shaharsozlik norma va qoidalarini uygʻunlashtirgan holda yangi normativ bazani shakllantirish kabi yo‘nalishlarda manfaatli aloqalar yoʻlga qoʻyilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#Xalqaro_hamkorlik

Poytaxtimizda “Davlat xizmatchilarining salohiyatini oshirish dasturi”ning ochilish marosimi boʻlib oʻtdi

🟡 Loyiha Oʻzbekiston va Koreya hamkorligida ishlab chiqilgan boʻlib, u mamlakatimizda davlat xizmatini modernizatsiya qilishga koʻmaklashish, davlat xizmatchilarining kadrlar salohiyatini boshqarish hamda rivojlantirish (HRM) boʻyicha tavsiyalar ishlab chiqish, pilot vazirliklarda biznes jarayonlarining reinjiniringini (BPR) oʻtkazishga yoʻnaltirilgan.

Marosimda Oʻzbekiston Respublikasi Prezidenti huzuridagi Davlat xizmatini rivojlantirish agentligi, Koreya Davlat boshqaruvi instituti (KIPA) masʼullari, Koreya xalqaro hamkorlik agentligi (KOICA)ning Oʻzbekistondagi ofisi va Koreyaning Oʻzbekistondagi elchixonasi vakillari, “Davlat xizmatchilarining salohiyatini oshirish dasturi” nomli Q-DEEP loyihasi ishtirokchilari, Qurilish va uy-joy kommunal xo'jaligi mutasaddilari va boshqa vazirlik hamda idoralarning inson resurslarini boshqarish boʻlinmalari rahbarlari ishtirok etishdi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|