Boʻstonliqda “Tour of Bostonliq” musobaqasi oʻtkazildi

Toshkent viloyatining Boʻstonliq tumanida sportning veloshosse turi boʻyicha “Tour of Bostonliq” poygalari boʻlib oʻtdi.

Ikkinchi kun oʻtkazilgan bellashuvlarda erkaklar 162.8 km, ayollar 113 km masofada bellashishdi.

Dastlabki bosqichda katta tafovut bilan gʻalaba qozongan “7 Saber Uzbekistan Women Cycling Team” aʼzosi Shahnoza Abdullayeva yakunda musobaqa gʻolibligini qoʻlga kiritdi.

Ikkinchi bosqichda kuchli uchlikdan joy olmagan boʻlsa ham, peloton bilan finish chizigʻini bosib oʻtgani uning ayollar oʻrtasidagi poygalarni gʻalaba qozonishini taʼminladi.

Oʻzbekiston terma jamoasining yetakchisiga aylangan Sergey Rostovsev shiddatli kechgan 2-bosqichda ikkinchi natijani qayd etdi.

Web-Sayt | Telegram | Facebook | Instagram | Youtube

Termiz shahrida bir guruh faollarga sport formalari topshirildi

Termiz shahridagi “Surxon arena” sport majmuasida o’tkazilgan tadbirda 2025 yilda “Besh tashabbus olimpiadasi” doirasida o‘tkazilgan ommaviy sport musobaqalarda viloyatda faol ishtirok etgan mahalla raislari, yoshlar yetakchilari va trener-seleksionerlarning 392 nafariga sport formalari topshirildi.

Tadbir davomida so‘zga chiqqanlar sportni rivojlantirishda mahalla tizimining o‘rni beqiyos ekanini, ayniqsa yoshlar yetakchilari va murabbiylarning fidokorona mehnati alohida e’tiborga loyiq ekanini ta’kidladilar.

Ushbu tashabbus ularning faoliyatiga qo‘shimcha motivatsiya berishi, sport bilan shug‘ullanuvchi yoshlar safini yanada kengaytirishga xizmat qilishi qayd etildi.

Marosim yakunida ishtirokchilar, kelgusida ham sportni rivojlantirish borasida yanada faol bo‘lishlarini ma’lum qildilar.

Web-Sayt | Telegram | Facebook | Instagram | Youtube