والخوف في قَلبي لمْا زاد قواني .

أحب الشخص الي لمن يجي يمدحني يگلي الله يحفظج لو ماشاء الله لو أي شي من هالكلام
يعني يعود وينسب الفضل كله اللي بيه لله ويذكر اسم الله هواي بالكلام اليمدحني بي ،
أحب الناس اللي أسم الله على لسانها من يمدحون ومن يواسون وحتى من يحجون حجي عادي ..

هواية حجي ...

يا لها من ورطة، أن تقولَ مرةً شيئا جميلًا،
فينصتونَ إليك للأبد!

‏-علي عكور .

أني أعرف كلما جاي تتعقد يمي وتبين انها صعبة ومستحيله !
جاي تنحل فوك بطريقة اعجز عن وصف فرحتها لمن راح تصير ،
ربي كريم وأني طول عمري واثقة بكل شي يجي منا ..

من أنواع الأبتلاء يجيج من رب العالمين انو يخليج الصغيرة بين أهلج وبدون خوات:( ..

هتفكر في نفسك وبس لما هتنضج
وتعرف ان الزحمة مابتكيبش إلا الصداع وهتجري لأي مكان يبقى مفيهوش حَد ،
وان مهما قلوا الناس في حياتك هتقدر تعيش حياتك
وحبك لنفسك وقيمتك مش الناس تحدده ، لاء
مش هتسمح لحد يقيمك ويحببك بنفسك
مش هتسمح لحد حتى انه يخرب راحتك ويزعجك مهما كان مقرب ليك ،
لما هتفم كل حاگه ودي معاها وجع كبير
ساعتها بس هتنضج ..

أحب هالفئه اللي تحفظ المواقف وتدقق بالتفاصيل لدرجة تخطف قلبي

"ارتكب من الأخطاء الفادحة ماشئت لكن لاتسرق يقين أحدهم تجاه صدق لحظة كانت السبب في طمأنينته، لاتفعل."

أنا أسفة لو مشاكلي مو بحجم نهاية العالم اللي أنتو واجهتوها ، بس هيّ صعبة بالنسبه اليه ..

دائماً اتعمد اگول ضايجة مو زعلانة من اي شخص ، لان كلمة زعلانة او موقع الزعل مالتي ما اگدر انطي لكل شخص ولو حتى چنت زعلانة صدگ اسميها ضايجة
بس مرات تحس الموضوع يوصل لخاطرك؟ فـ تحس مصطلح ضايجة مايوصل كسرة خاطرك فما يختصرها الا زعلانة .

__

اشرد من صدك مو بس تهديد

يوم جديد
يعني فرصة جديدة لكلشي ماكدرنا ننفذه بالأمس ،
بكد تعب البارحة نتفائل انو اليوم الجديد راح يكون حلو ..

مارايدين ومانحتاج حچي هوايه وغزل وكلام حلو ،
كد مانحتاج بس أفعال صادقه ومطمئنة
تخلينا أي نطمئن ويهدأ كل الخوف اللي بداخلنا أتجاه أي شي لأن عدنا جزء صادق وحقيقي محسسنه بالأمان بحياتنا ..

بين كل جم يوم ادخل للخاص مالتي واحذف الشغلات الزايده أو المحاضرات لو الاسئلة اللي ضامتها على أساس ادرسها
واشوف شغلات محولتها لو أني كاتبتها اگول شنو جان احساسي بذيج اللحظة حتى لمس قلبي هالأقتباس لو هالكلام؟
ويرجع ينعاد بيه كلشي واتذكر كل ذيج الأيام ،
واكو شغلات لا
مر عليها أشهر ولسه باقيه تمثلني ! ،
نتغير أي بس اكو أشياء يمكن راح تبقى بينا ودائمًا نلگيها بالأقتباسات ..

دخيل الله شچه بباله
لمن سوّالچ عيونچ!

-زيد الهاجري.

احتاج ريست من هالدنيا كلها
احتاج فد توقف عن كلشي هسه حتى لو ابقى بمكاني وبس صافنة بدون ما أسوي أي شي هم راضية ،
المهم اريد ريست من الأفكار من الحجي من التعامل مع الكل من الغصه من الخوف من هالاحاسيس المزعجه اللي متملكتني ،
اريد افصل فصل تام من كلشي واتجرد حتى من روحي لوقت لحد ما استرجع قوتي وطاقتي من جديد حتى اكدر اقاوم كلشي جاي يصير بيّه وضدي ،
أي بنفس نبرة هيثم يوسف لمن گال
"أريد أرتاح" ..

لحظة أدراك
انو صرنا نرجع للبيت ركض ونتمنى نبقى بي بعد ماجانت اقصى طموحاتنا طلعه ، صرنا ننتظر يصير وقت النوم حتى نروح ننام بعد ماجنا نضوج من أهلنا لأن يخلونا ننام من وقت ..