من رواية الـ"لقيطة"

المكان الي جنت اشوف بي الحَمامات والعصافير وجان مكاني المفضل
وجنت اخليلهم أكل من الصبح صارلهم جم يوم ماكو والأكل ماجاي ينأكل ،
جديات نفسيتي احس مدري بس مو حلوه بسببهم:( ..

صرت اخذ قرارات ما أحبها ولا متفق عليها من المجتمع ولا ترضي أحد
بس تريحني وهذا الأهم ..

يامغرب شمسك لاتغيب

أول مره اسمع هيثم يوسف جانت هالأغنية
قبل سنين جنت طفله وجنا طالعين ويه بيت خالي وأني وبنت خالي كاعدين بصندوك السياره جان جبيره
وجنت داسمع بس اللحن لأن بعيده ولمن كبرت شوي شكد ردت الكيها ودورت عليها بس ماجنت اعرف اسمها
هسه سمعتها من بعد ذيج السنين وحسيت بنفس الشعور وكأنو رجعت لذاك اليوم ..

حبيتها حبيتها💕

لاول مره امزج رسمتين بفد رسمه وأول مره اخترع هيج شي من عندي

نتائج السادس قربت جملة " انت لو قاري زين وبتركيز جان نجحت وطلعت معدل " هاي احتفظ بيها لنفسك لان انت متعرف المقابيلك شكد درس وسهر وتعب ، انت متعرف شنو معنى الخوف ايام السادس اذا شي حافظة مثل اسمك وخفت وقت الامتحان راح تنساه اكيد يكون البي مكفي ومعايز تعليقاتك المالها داعي.

احس لو بيدي اكتبها واعلكها على باب بيتنا

قبل أمتحان الأنكليزي بيوم
جنت كاعده بالبلكون واراجع فـ صدفة شفت عرگه بين اطفال بالشارع ، واحد من الولد ضرب بنيه
محل ابوها يصير براس المنطقة
هي لحظات وماشوف إلا راحت ركض للمحل وشوية وطلعت هي وابوها ولازمه ايده ومتجهين عَ الولد الي ضربها ،
المهم ترزل الولد ورجعو للمحل وهي ايدها بيد ابوها ،

بس يربي شكد فرحت بحيث لو بيدي جنت اصورهم ،
حلوة ثقة البنت لمن راحت ركض للمحل وهي تعرف كلش زين وراها سند ووراها جيش راح يوكف بضد كلشي يأذيها
وراها شخص يشتري الدنيا علمود ضحكتها
ركضتها ولمن رجعت لازمه ايده جانت فرحانه بانُ اناخذ حقها
ارجع وأكول مستحيل يجي أحن على البنيه مثل الأب ..

لم أنسحب من العالم لأن لي فيه أعداء، وإنما أصدقاء. وليس لأنهم كانوا يسيئون إليّ -كما هي العادة- وإنما لأنهم كانوا يظنونني أفضل مما أنا عليه ، فهذي كذبة لم أستطع تحملها.
-ألبير كامو.

أحنه عايشين هسه
وسط عالم مُتوحش .

زيد لو اعرفه ببداية مراهقتي متأكده جان علگت صوره بغرفتي وبكل مكان بالبيت
بس الله ستر حبيته اني وواعيه شوي ..

منو يريد افسرله احلام لو اقراله فنجان؟
احجو احجو لاتستحون

أني مؤمنة جدًا بمقوله "رُبَ ضارةٍ نافِعة" ،
أي يعني كل المشاكل وكل المصايب الي يوكع بيها الأنسان وكلشي يصيبه بي منفعة اله راح يعرفها بعدين ،
كلشي يصيبه من ضرر راح يكتشف بي هواي شغلات فادته من هالضرر ،
المشكله الي نتعرضلها بحياتنا لو كلنا نباوعلها من جانب إيجابي راح نلگي بيها هواي دروس علمتنا وهواي حقائق انكشفت فادتنا ويمكن حمتنا من مصيبة أكبر
لذلك الحمدلله على كلشي
على السوء الي يصيبنا قبل الخير ..

اريح شي واحلى شي بهالدنيا الوضوح
اكره الأشخاص الي تضم وضوحها حتى تبين للناس انها مثالية لو غامضة وحياتها فد شي
مهما جان وضوحكم مو حلو ،
أحلى الف مره من الشي المزيف والي مو حقيقي الي جان تصطنعوه ..

__