أحب الأفكار الي زارعتها بعقلنا أمي لمن جنا صغار
مثل لمن إذا أكلنا الخبزه المحروگه الله يرزقنا وينطينا فلوس ، وجنا دائمًا ناكلها وراه شويه نلگي جوا مخدتنا الف دينار لو خمسميه ونركض عليها فرحانين دگللنا "هاي الله دزها لأن اكلتوا الخبزه المحروگه وماذبيتوها"

كبرنا وعرفنا انو هيّ الي جانت داتخليلنا هالفلوس جوا المخده بس لساتنا لمن نشوف خبزه محروگه نتعارك عليها منو ياكلها ..

شاركوني الأفكار الي زرعوها اهلكم بعقلكم ولحد هسه تصدكون بيها

مارايده يوم حلو ومليان مفاجأة وشغلات تفرحني
ولا رايده حدث بي يخليني سعيده ،
كل الي رايدته أعيش يوم عادي
عادي الي هوّ مابي تفكير زياده مابي صداع مابي شرود مابي مغثات مابي خوف
مابي هالنغزه الي بالقلب ،
ولا أي شي يوم عادي أعيشه وأكون راضيه بنهايته ..

__

كارهه الدنيا وعلى تكه وابچي
أخويه بالغرفة الي يمي:

"‏أعدِّي لي الأرضَ كي أستريحَ فإني أحبّكِ حتى التعبْ."

- محمود درويش

عشان تقدر تكمل
سيب امبارحه في امبارح وسيب بُكره على ربنا ..

من رواية الـ"لقيطة"

المكان الي جنت اشوف بي الحَمامات والعصافير وجان مكاني المفضل
وجنت اخليلهم أكل من الصبح صارلهم جم يوم ماكو والأكل ماجاي ينأكل ،
جديات نفسيتي احس مدري بس مو حلوه بسببهم:( ..

صرت اخذ قرارات ما أحبها ولا متفق عليها من المجتمع ولا ترضي أحد
بس تريحني وهذا الأهم ..

يامغرب شمسك لاتغيب

أول مره اسمع هيثم يوسف جانت هالأغنية
قبل سنين جنت طفله وجنا طالعين ويه بيت خالي وأني وبنت خالي كاعدين بصندوك السياره جان جبيره
وجنت داسمع بس اللحن لأن بعيده ولمن كبرت شوي شكد ردت الكيها ودورت عليها بس ماجنت اعرف اسمها
هسه سمعتها من بعد ذيج السنين وحسيت بنفس الشعور وكأنو رجعت لذاك اليوم ..

حبيتها حبيتها💕

لاول مره امزج رسمتين بفد رسمه وأول مره اخترع هيج شي من عندي

نتائج السادس قربت جملة " انت لو قاري زين وبتركيز جان نجحت وطلعت معدل " هاي احتفظ بيها لنفسك لان انت متعرف المقابيلك شكد درس وسهر وتعب ، انت متعرف شنو معنى الخوف ايام السادس اذا شي حافظة مثل اسمك وخفت وقت الامتحان راح تنساه اكيد يكون البي مكفي ومعايز تعليقاتك المالها داعي.

احس لو بيدي اكتبها واعلكها على باب بيتنا

قبل أمتحان الأنكليزي بيوم
جنت كاعده بالبلكون واراجع فـ صدفة شفت عرگه بين اطفال بالشارع ، واحد من الولد ضرب بنيه
محل ابوها يصير براس المنطقة
هي لحظات وماشوف إلا راحت ركض للمحل وشوية وطلعت هي وابوها ولازمه ايده ومتجهين عَ الولد الي ضربها ،
المهم ترزل الولد ورجعو للمحل وهي ايدها بيد ابوها ،

بس يربي شكد فرحت بحيث لو بيدي جنت اصورهم ،
حلوة ثقة البنت لمن راحت ركض للمحل وهي تعرف كلش زين وراها سند ووراها جيش راح يوكف بضد كلشي يأذيها
وراها شخص يشتري الدنيا علمود ضحكتها
ركضتها ولمن رجعت لازمه ايده جانت فرحانه بانُ اناخذ حقها
ارجع وأكول مستحيل يجي أحن على البنيه مثل الأب ..