ماشفت شخص اختار راحته وروحه عن أي شي ثاني واتبع عقله بكل امور حياته وعايش متأذي ..

‏احلامي كافيةٌ لأغلق هذا الباب
وانام
مياهي كافية، لأغرق .

-وديع سعاده

وسمعتُ وفكري شريد
وسكت وقلبي شهيد .

♥️"

أكو أشخاص بودي اگللهم أني احبكم بس ابقو بعيدين ولاتصيرون أبد مقربين مني ..

أني مو صالحة ميه بالميه ولا الأنسانه الكامله والكمال لله وحده ،
لكن أكثر شي يسعدني واتمناه انو اترك أثر حلو بكل شخص يعرفني واعرفه
اترك ذكرى لطيفه عني مو غصه بكل شخص يتذكرني لو اخطر بباله ،
كلنا فترات ومحد يعرف شنو يصيرلنا باجر لو بعد ساعة من هسه
ليش الأذيه؟ ليش كسرة الخاطر؟ ليش نزرع خذلان
ليش نترك ندبات ووجع بقلب شخص وأحنا بأمكانه نخلق بداخله شي حلو شي يخليه مُمتن لأنه عرفنا ،
كلنا نكدر نأذي ونجرح ونكسر وبنفس الوقت كلنا نكدر نكون حنونين ونزرع الحب بقلب أي شخص نمرله
وأنت بنفسك تختار منو تكون بينهم ..

قبل فتره حجالي شخص جان كاعد بكفتريه
وفجأة صارت عركه واحد من الزباين ويه نادل الكفتريه ،
الزبون جان يتعارك ويصيح ويغلط على النادل لسبب بس لأنه الطاوله الكاعد عليها مو نظيفه زين وسوه مشكله واعتقد انطرد النادل من شغله هم بسببه
المهم بعد هالموقف بيومين سمعنا هالزبون الي تعارك سوه حادث عالطريق ويه كومه ناس وكلهم طلعوا سالمين إلا هو مات!
ومادري هالموقف مايطلع من بالي ..

اويييييي🥺💙

مايطلع من راسي مقطع أحلام وهي تغني "كنت اعاند فيك گلبي وأجبره وهذا غلط" ..

لما جت عينك فعيني♥.

لاتبعدون فجأة وتجون تدورون بمكانكم بعدين بقلب الشخص،
البعد الزياده يصنع حواجز ويبني هواي طرق بينا ..

احنا محتاجين نعتذر لكل الناس
لكل شخص حبنا وماكدرنا وماعرفنا نحبه بشكل مثل مايريده ، لكل شخص ماكدرنا نحسسه بالأمان من صدك لأن ماعرفنا نحتويه بالشكل الصح ، لكل شخص مابادلناه نفس الشعور
لكل شخص ماحبيناه بس لأن قلبنا يحب الأشخاص الي ماجانت تحبه ..

٢٠٢٢.٨.١٢

مو غالبًا
كل مره ودائمًا الناس الي تطلع وياها هيّ الي تحكم الطلعه التطلعوها حلوة أو لا ،
"مو بالمكان ، بالناس وبس" ..

أحب نغم💙

الرسائل الي تجيني الصبح تصنع يومي وتخليه لنهايته حلو

الله ينطيني ثقة الي يخبروني ومن كل عقلهم راح ارد عليهم ..

ذنبك انك عميق بينما الكل يطفوا مِن السطحيه
عميق بينما الكل ينظر للأمور نظرةٍ عابرة وأنت تذوب بالتفاصيل .

إلى الأبد؟

مرات تمر علية فترات احتاج ابتعد
مو ابتعد حتى احصل بَعدين رسالة تفتقدني كد ما احتاج ابتعد حتى استرجع روحي ومشاعري الي بدّت تتلاشى وتختفي بهوسة الأيام لدرجة نسيت شون أحب شون افرح شون احزن !،
كلشي ديتراكم علية وأني ماحاسه بهالشي ،
نحتاج توقف عن كلشي ونفضي الوقت بس لروحنا شلون لمن توقف اشعارات فد برنامج مُعين تحس تريد توقف اشعارات الدنيا وكلشي بيها عنك لمدى ،
الي هوّ أي هاليوم وهالوقت هذا راح اگضي حتى ولو جان بس عالسرير وأني صافنه بالسقف المُهم انو ماخذه استراحه لوحدي ولنفسي ..

صَباح الخير لعيوني
صَباح الخير لنفسي اولاً ومن ثم العالم ..