للمره الألف
يبقى أخويه بنظري السوبر هيرو الي دائماً ينقذني مهما جنت بوضع بسيط
بس ابد ماصحته على شغله ماكدرتلها وعاصيه بيها فد يوم الا وهو اجا سوالي هيَ ..

اكره كلمة لتفكرين وانسي
لمن تنگال اليه
لأن ددگولهم لأكثر شخص يفكر ويدفق بالتفاصيل
واكثر شخص يموت وماينسى ..

كل أمر صَعد للسما وانترك لله
راح يرجعلنا وهوّ مليان خير وسعاده النا ..

احب اگول انُ فرحتها صنعت يومي

مقهوره على الأشخاص اللي يشوفون النسمات الهوى بالليل أو بالفجر مجرد هوى عادي
لو أختنكوا واحتركت روحهم وين يروحون؟ ..

ساعة مَتمشي عني
خُد معاك كل حاگه تخُصك
من ذكرياتك ، وصورتك ، وصوتك المعَلقين في قلبي ..

اذا متت قبل محد ممسويلي مزج اعرفوا انُ متت واني ماراضيه عن حياتي ولا عن الدنيا
ولا على كلشي :( ..

أحبهممممم💙💙💙💙

سويت وحده وخليتها ويه اقرب شي لقلبي

حرفياً نستني كئابة وضوجة الاسبوع الفات
من فرحتي بيها كل شوي اللزمها واباوعلها ..

الله باعو شنو مزج بيه كل الاغنيات الاحبها وكل الشعر الاحبه وكلام حلو هيج

عندي واهس اسولف هنا شوي قبل ماروح أقرا

لدي رغبة كبيره جداً
بأنُ من اخلص امتحاناتي اكعد اقرا واتفرج قصص الانبياء ..

الي محد يعرفة عني
انُ احب النبي سليمان بشكل
كل الانبياء احبهم وأمن بيهم
بس النبي سليمان قصته تشدني دائماً ورايده اقرا عنه هواي بعد ..

شوكت عرفته وحبيته؟
بمره لمن جنت طفله فـ من عادتي جنت انصب اللعابي وين ميكون وجنت اترزل لان اعوفهم وامشي من امل
فـ ماما سوتلي خلف القنفات بالصاله مجال حتى احطهم هناك وصدك حطيتهم بس جان ذاك المكان بي نمل هواي بشكل بحيث جنت ماكدر اللعب وضجت
ومابقى شي ماسويته حتى لايجوني
رجعت أمي گلتلي اگللهم فد مقوله تخص النبي سليمان لمن حجا ويه النمل يفوتون حتى لايحطموهم رجاله
وصدك گلتلهم اكثر من مره لحد ما اختفو من كبالي
فـ اي ..

وبامتحانات الثالث جان اخوية يوصلني والطريق بعيد فـ جان يشغل قراءن سورة النبي سليمان
والايات والقصه بالقراءن لحد هسه طابعه ببالي واذكر سالته عنها لمن سوه نفس عرش بلقيس ولمن اجتي عليه وحجالي هي بشكل مختصر وتعلقت بالقصه وبالنبي سليمان اكثر ..

فـ ان شاء الله اول مشروع اسويه من اخلص راح أقرا قصص الانبياء واتفرج على كل السلسله الي جان يرسموها ويعرضوها برمضان بصوت يحيى الفخراني ..