ماحب العلاقة اللي ماتستثنيني عن الزحمة اللي بيها وتخليني احاول واحارب واستقتل علمود ابين نفسي
لان هيج هيج انا ماراح احارب اصلًا
راح اتركها بكلشي بيها وامشي ..

حتى انا
وفي عز الأمان ضاع مني الأمان!
وها انا احاول ادوره من جديد

هي قصتك
معركتك
رحلتك
كلشي بيها أنت المسؤول عنه
والباقي مجرد ركاب وشخصيات ثانوية مو مهمين بكد أهميتك أنت وتصرفك انت بهالقصة وهالمعركة ،
وصدك يعني أنت الراعي وأنت الرعية ..

انا راح اتعامل معاك بأصلي وطبيعتي اللي لطيفة دائمًا، بغض النظر عن قلة أصلك وانك ماتستاهل هالشي ..

بالمستقبل
اريد يكون عندي بيت بسيط
وهادئ ويعمه السكون لدرجة انه اللي يدخله كأنه داخل يستريح من هموم الدنيا ..

♥️.

أوقات مناسبة جدًا لتأجيل وانهاء كلشي حاليًا وكل المسؤوليات والمشاكل والقرارات والسوالف
للشتا والمطر ..

كُلما تكبر بعد
كُلما الطرق اللي رسمتها انت وصغير والخطط اللي خططت الها تحت مبدأ "من أكبر" بدت أصعب واعقد من ما جنت متخيلها ،
بس لاتستسلم أتمنالك تبقى بالروح الطفولية اللي راغبة بتحقيق هالخطط وتسلك هالطرق مهما جانت صعبة ..

..

اتمنالك الأنتصارات بالحروب اللي داتمر بيها بحياتك وماحاجيها لأحد ..

لا شنو انا أتعامل بأحسن معاملة ودلال من مقربيني:

محتاجة اكون بمزرعة بعيدة عن الدنيا كلها وكل هالعالم
واستبدل بيها التلفون بالكتب والزرع والناس اللي حولية بالحيوانات والماي يمي،
كـ نوع من أنواع العلاجات النفسية لحد ما اتحسن واحس نفسي قادرة أواجه هالدنيا من جديد ارجع ..

انا اعرف الأغاني ذنب
بس والله صوت أصالة واغانيها ماتتقاوم💕 ..

بكل هدوء ماتبالغ
اللي ينطيك كلمة حلوة ردله بكلمة حلوة،
اللي يطلب نصيحتك انطيها،
اللي يتقدملك خطوة تقدمله خطوة مثله،
اللي حابب وديحاول يكون وياك كون وياه وقدر محاولته،
واللي حابب يبعد ساعده،
تذكر أنك لاتنطي أي شي بشكل مبالغ عنه لأن دائمًا راح ينقلب هالشي ضدك بعدين ..

بس للأمانة
هالشي مايشمل مقربيني
لا دائمًا يكونون داخل دائرتي اللي ممكن اقدملهم روحي وعادي عندي
من اعرف بيهم يستاهلون طبعًا ..