حياتنا تستاهل المُحاولات بعد مننا
وروحنا تستحق الفرص النا
وفرحتنا تستحق السعي من عدنا مو ننتظرها من غيرنا ،
لهذا مهما مريت بمطبات انا قصتي بعدها مستمرة و داحاول علمودها وعلمود روحي ..

والله يعني جديات البيوت اللي بيها البنات مُزهرة
ولو تسألني عن الدليل
فـ شوف بليالي العيد البيوت اللي بيها البنات شون تصير بيها روح غريبة✨ ..

انا ماخوفي غير من عصريات العيد المُمله
وذاك العم اللي يكعد يسألني عن تخصصي حتى وراها يگلي مابي تعيينات لا اروح اسوي بي جريمة ..

جديات جديات جديات
كلما يشوفني يسألني
وراها يگلي حرامات مارحتي مجموعة طبية
ودائمًا اكله ماحب اي شي يخص الطب
تلعب روحي من شي اسمه طب
ما اتحمل اي شي ادرس منا

_

زعلانة زعلة
لو هسه الدنيا كلها تكعد تواسيني هم مايفيد
راحت علية تكبيرات العيد :( ..

تم تفعيل الخجل من اهلي والتفكير شون راح اعايدهم
ولا كأنوا عايشة وياهم صارلي سنين ..

والله هو عيد دائمًا
مادام العائلة بخير
الأحباب بخير
الأصدقاء بخير
ودائرتنا الصغيرة بخير،

كل عام ونحنا مُحاطين بيهم
وكل عيد ونحنا نشوفهم بخير💙 ..

"انتي تتحبي وهتتحبي من غير أي مجهود ولا فعل كبير منك ،تتحبي وهتتحبي كده من غير أي حاكة غير انك حقيقية
واللي بيشوفك بيحس بكده على طول" ..

فرحتنا المميزة والخاصة وانجازاتنا بس للناس اللي شهدوا على حزنا وزعلنا وجانوا موجودين خلف الكواليس واكفين ويانه بالوقت اللي جنا ذبلانين وماطايقين نفسنا وهما اصروا انو نعديها ونكون اقوى من قبل ،
لان من صدك هاللحظة محد يستاهل نتشاركها ويه غيرهم ..

احب المستوى العالي من الدلال
مثل دلال طلال المداح يوم قال:‎
✨ماتبينه من عيوني بس قولي وش تبين؟
كل غالي تطلبينه في موازيني يهون✨ ..

♥️.

في ضل ضروف العيد وهوسة أطفال العائلة ،
كوني انا أصغر وحده بالعائلة متمنية اخواني يتزوجون بسرعة ويجيبون أطفال ويكون بيتنا بيت الجد اللي يجتمعون بي الاولاد والاحفاد كلهم وتصير هوسه وانزعج واتذمر عليهم واشيل هم كلما تقرب المناسبات ويحضرون ومن يسألوني بيش ملتهيه اكللهم والله اخواني واطفالهم يمنا والبيت مكلوب كلاب كوني العمة العزباء اللي روحها بطارف خشمها بس مع هذا حتحب ولاد اخوانها مهما جانوا مزعجين ومكروهين وكلما تنزل للسوك تشتريلهم أغراض وهدايه ،
مادري بس حتى لو جان ازعاج فـ انا احب هالاجواء لو جانوا الأطفال احفادنا ..

:(

ارحب واحيي واحب واشجع واتمسك بالعلاقات الخفيفة اللي ماضطر أبرر بيها أي شي ،
انت تعرفني راح تعرف كل أسبابي اللي وصلتني لهالفعل اللي شايفه
وحتى لو ماعرفت راح تنطيني العذر ..

أسوء شي اللي ديصيرلك هسه
هو لا شيء عن اللي حماك منه رب العالمين وجان ممكن يصيرلك ويأذيك اضعاف وانت مالك علم بي،
بمرة قريت مقولة دگول بما معناه انو كل اللي انت بي هسه هو احسن شي وافضل حياة داتعيشها من بين الخفاية اللي ماتعرفها ،
لهذا الحمدلله دائمًا ..