ယောက္ခမလောင်းနဲ့ ချွေးမလောင်းအကြားကတင်းမာမှုတွေကို ပုံစံဆန်းဆန်းနဲ့ မြင်တွေ့ရမဲ့ Amazon prime ရဲ့ စီးရီးသစ်ပဲဖြစ်ပါတယ်။

ဒန်နီရယ်တို့မိသားစုဟာ ကျိကျိတက်ချမ်းသာတဲ့ လူချမ်းသာမိသားစုဖြစ်ပြီး ထိပ်တန်းဟိုတယ်ကြီးတွေ၊ ပန်းချီပြခန်းတွေပိုင်ဆိုင်တဲ့အပြင် ဒန်နီရယ်ကိုယ်တိုင်ကလည်း ဆေးကျောင်းသား ဆရာဝန်လောင်းတစ်ယောက်ပါ။

တစ်နေ့မှာ ဒန်နီရယ်ဟာ တိုက်ခန်းဝယ်ဖို့ အိမ်ခြံမြေအကျိုးဆောင် အေဂျင်စီတစ်ခုနဲ့ ချိတ်ဆက်ရာကနေ ချယ်ရီဆိုတဲ့ ကောင်မလေးနဲ့ ငြိစွန်းသွားခဲ့ပါတယ်။

ချယ်ရီကတော့ ဒန်နီရယ်နဲ့ အခြေအနေချင်းခြားနားလွန်းလှပြီး အဆင့်အတန်းမြင့်တဲ့ဘဝကိုပိုင်ဆိုင်လိုတာကြောင့်

လူချမ်းသာတစ်ယောက်ကို အပိုင်ဖမ်းဖို့ ကြံနေသူပါ။

ဒီအချိန်မှာ ကြားဝင်လာတာကတော့ ဒန်နီရယ်ကို သာမန်ထက်ပိုပြီး သည်းသည်းလှုပ်အောင်ချစ်တဲ့ မိခင် လော်ရာပဲဖြစ်ပါတယ်။

ဒန်နီရယ်က ချယ်ရီကိုသူ့မိဘတွေနဲ့ မိတ်ဆက်ပေးတဲ့အချိန်မှာ လော်ရာက ချယ်ရီရဲ့မူမမှန်မှုတွေကို သတိထားမိလို့ ‌

နောက်ကြောင်းစုံစမ်းတာတွေ စလုပ်ပါတော့တယ်။

ခေသူမဟုတ်တဲ့ ချယ်ရီကလည်း မားမားဘွိုင်းဒန်နီရယ်ကို သူ့ဘက်ပါလာအောင် အကွက်စုံသုံးပြီး အပိုင်ချုပ်ပါတော့တယ်။

အဲဒီမှာတင် လော်ရာနဲ့ ချယ်ရီတို့ အကြား တင်းမာမှုတွေဖြစ်ပေါ်လာပြီး တစ်ယောက်ကိုတစ်ယောက် လှည့်ကြ၊ပတ်ကြ၊

အားပြိုင်ကြပုံတွေကို မြိုင်မြိုင်ဆိုင်ဆိုင်ကြီး ကြည့်ရှုရမဲ့ စိတ်ဝင်စားဖွယ် စီးရီးတစ်ခုပဲဖြစ်ပါတယ်

ဇာတ်လမ်းကတော့ Andara (Naysilla Mirdad) ဆိုတဲ့ ဇာတ်ညွှန်းရေးဆရာမလေးနဲ့
သူ့ယောက္ခမဖြစ်သူ Mak Donda (Bunda Corla) တို့ကြားက အားပြိုင်မှုကို အဓိကထားရိုက်ကူးထားတာပါ။

Andara က သူ့ခင်ပွန်း Raja (Dimas Anggara) နဲ့ လက်ထပ်ပြီးတဲ့နောက်
ယောက္ခမကြီးနဲ့ အိမ်တစ်အိမ်ထဲမှာ အတူတူနေရပါတယ်။

ပြဿနာက ယောက္ခမဖြစ်သူ Mak Donda က သားအပေါ်မှာ အရမ်းကို ဩဇာလွှမ်းမိုးချင်တဲ့အပြင် အသုံးအဖြုန်းလည်း ကြီးပြီး လူမှုရေးမျက်နှာပွင့်ဖို့ပဲ ဂရုစိုက်တဲ့ Socialite တစ်ယောက် ဖြစ်နေတာပါ။

အိမ်မှုကိစ္စကအစ၊ ကလေးထိန်းတာအထိ ဝင်ရောက်စွက်ဖက်ပြီး အမြဲတမ်း အော်ဟစ်ဆူပူတတ်တဲ့ ယောက္ခမကြီးကြောင့် Andara တစ်ယောက် စိတ်ဆင်းရဲရပါတော့တယ်။

ဒါပေမဲ့ မမျှော်လင့်ဘဲ ဖြစ်လာတဲ့ အဖြစ်အပျက်တစ်ခုကြောင့် သူတို့နှစ်ယောက်ဟာ မာနတွေကို ဘေးဖယ်ပြီး မြေးလေးအတွက် ဘယ်လိုမျိုး ပြန်လည်သင့်မြတ်အောင် ကြိုးစားကြမလဲဆိုတာကို ရယ်ရယ်မောမောနဲ့ ကြည့်ရှုရမှာပါ။

သူ့ပုံစံအတိုင်း အော်ဟစ်ဆူပူနေပေမယ့် ချစ်ဖို့ကောင်းတဲ့ ယောက္ခမ နေရာကနေ ပရိသတ်တွေကို အစအဆုံး ရယ်မောအောင် လုပ်နိုင်ပါတယ်။ ယောက္ခမနဲ့ ချွေးမကြားက အားပြိုင်မှု၊ ခင်ပွန်းဖြစ်သူက ကြားညပ်နေတဲ့ အခြေအနေတွေကို လက်တွေ့ဘဝနဲ့ ထပ်တူကျအောင် ပုံဖော်ထားပါတယ်။

နာမည်ကြီး မင်းသမီး Naysilla Mirdad ရဲ့ အေးဆေးတဲ့ သရုပ်ဆောင်မှုနဲ့ Bunda Corla ရဲ့
ပေါက်ကွဲအားပြင်းတဲ့ သရုပ်ဆောင်မှုတွေက တော်တော်လေး လိုက်ဖက်ပါတယ်။

ဒီကားက မိသားစုနဲ့အတူတူ ကြည့်ရင် တဟားဟားနဲ့ ရယ်ရမယ့်ကားမျိုးပါ။ အထူးသဖြင့် အင်ဒိုနီးရှား Comedy ဇာတ်လမ်းတွေ ကြိုက်တတ်တဲ့သူဆိုရင်တော့ အကြိုက်တွေ့မှာ သေချာပါတယ်။