#ምርኩዝ33፡ በመድረኩ ላይ ንግግር ያደረጉት የሚንበር መልቲ ሚዲያ ፕሮዳክሽን ዋና ሥራ አስፈጻሚ አቶ አዩብ አደም፤ ከብዙ ጥበቃ እና መነፋፈቅ በኋላ ተወዳጁ የምርኩዝ መድረክ መዳረሻውን ከሚወደን እና ከምንወደው የሻሸመኔ ሕዝብ ጋር አድርጓል ሲሉ ገልፀዋል። ወደከተማዋ ለመምጣት ከታሰበበት ጊዜ አንስቶ እጅግ በሞቀ እና በቤተሰባዊ ስሜት ላደረጉት ውብ አቀባበል በራሳቸው እና በአጠቃላይ የሚንበር ቤተሰቦች ሥም ምሥጋና አቅርበዋል።

የከተማዋ ነዋሪዎች ሚንበር መልቲሚዲያ ፕሮዳክሽን ከሚያስተዳድራቸው መካከል አንደኛው ሚንበር ቲቪ ባለፉት አምስት ዓመታት ያቀረባቸውን ፕሮግራሞች እየተመለከቱ ለሰጡት ገንቢ አስተያየት እና ላሳዩት ያልተቋረጠ ቤተሰባዊነትም ምስጋና አቅርበዋል።

የረመዳን እንኳን አደረሳችሁ መልዕክት ያስተላለፉት አቶ አዩብ፤ ይህ ዝግጅት እንዲሳካ ደፋ ቀና ሲሉ የከረሙትን የጉረባ መድረክ አዘጋጆችን፣ የሚላን ሚዲያ ባልደረቦችን፣ እንዲሁም የ ኢንስፓየር ቻሪቲን አባላትን ከልብ አመስግነዋል። በተጨማሪም የከተማዋን የመጅሊስ ጽ/ቤት እና የፀጥታ አካላት እንዲሁም በአጠቃላይ ይህ ዝግጅት እንዲሳካ የበኩላችሁን አስተዋጽ ላበረከቱ አካላት ሁሉ ልባዊ ምስጋና አቅርበዋል።

💡 ህልም... 🏃‍♂️‍➡️ ትጋት... 🏅ስኬት...
ምርኩዝ!

#ምርኩዝ
#ምርኩዝ33
#የረመዳንቀለማት7