ሂጅራ ባንክ የደንበኞች ወር መርሐ ግብር አስጀመረ

ሙሉ ለሙሉ ከወለድ ነጻ አገልግሎት የሚሰጠው ሂጅራ ባንክ፤ 'በሃላል መንገድ በላቀ አገልግሎት ወደ ስኬት' በሚል መሪ ቃል በመላው ኢትዮጵያ በሚገኙ 160 ገደማ ቅርንጫፎች የደንበኞች ወር መርሐ ግብር በይፋ አስጀምሯል፡፡

የባንኩ ዋና ሥራ አስፈፃሚ አቶ ዳዊት ቀኖ መርሃ ግብሩን በአዲስ አበባ ከተ ቦሌ አካባቢ በሚገኘው የሂጅራ ባንክ ነጃሺ ቅርንጫፍ በመገኘት አስጀምረዋል።

በመልዕክታቸው ባንኩ ቅርንጫፎችን በማስፋፋት፣ የዲጂታል ባንኪንግ እና ዋሌት አገልግሎት፣ ከአነስተኛ እና ጥቃቅን ኢንተርፕራይዞች እስከ የውጭ ንግድ ለተሰማሩ የባንኩ ደንበኞች የንግድ እንቅስቃሴ ላይ የተደረገውን አስተዋፆ እንዲሁም ማህበራዊ ሃላፊነትን ከመወጣት አኳያ የተሠሩ ሥራዎችን አንስተዋል።

አቶ ዳዊት እንደገለፁት ይህ መርሐ ግብር በአራት ምዕራፎች ተከፍሎ ለአንድ ወር ይካሄዳል።

የሂጅራ ባንክ ዐለም አቀፍ ባንኪንግ ቺፍ ኦፊሰር አቶ ጂሬን ሺስ በበኩላቸው፤ ባንክ ያለደንበኞች ትርጉም አልባ መሆኑን አፅንኦት በመስጠት ይህ ወር የደንበኞች ነው ሲሉ ተናግረዋል።

የባንኩ ሼር ሽያጭ እና ካፒታል ማርኬት ማናጅመንት ቺፍ አቶ ጅብሪል ኡስማን፤ ሂጅራ ባንክ ከ25 ሺህ በላይ ባለአክሲዮኖች ባለቤት እንዲሁም ከ1.2 ሚሊዮን በላይ ደንበኞችን ማፍራት የቻለው በደንበኞች ነው ብለዋል። መርሐ ግብሩ በመላ ኢትዮጵያ በ160 ገደማ የባንኩ ቅርንጫፎች በተለያዩ ኩነቶች ወሩን ሙሉ እንደሚከናወን ተገልጿል። (ሚንበር ቲቪ)

መገናኛ ብዙኃን የኢትዮጵያን ብዝኃነት ታሳቢ ባደረገ መልኩ የአካባቢ ድምፆችን በማጉላት፣ ለሀገር ግንባታና ለብሔራዊ ጥቅም መረጋገጥ ከመቼውም ጊዜ በላይ በትኩረት ሊሠሩ ይገባል - የኢትዮጵያ መገናኛ ብዙኃን ባለሥልጣን ቦርድ ሰብሳቢ ክቡር ሬድዋን ሑሴን

ለዝርዝሩ፦ https://t.me/minberkheber/4168

ሂጅራ ባንክ ከጠቅላይ ምክር ቤቱ ጋር የስትራቴጂካዊ አጋርነት ስምምነት ተፈራረመ

ለዝርዝሩ፦ https://t.me/minberkheber/4184