በደቡብ ኢትዮጵያ ክልል የሚሰጠው የስድስተኛ ክፍል ክልላዊ ፈተና የጊዜ ሠሌዳ ላይ ለውጥ ተደረገ

ዕለተ ረቡዕ ግንቦት 28 - 2016 | ዙል ቀዕዳህ 28 – 1445 | ሚንበር ቲቪ

በደቡብ ኢትዮጵያ ክልል እስልምና ጉዳዮች ከፍተኛ ምክር ቤት ተቃውሞ የቀረበበት የስድስተኛ ክፍል ክልላዊ ፈተና የጊዜ ሠሌዳ ላይ ለውጥ መደረጉ ታወቀ፡፡ የክልሉ ትምህርት ቢሮ ፈተናው ከዒድ አል አድሐ በዓል ሁለት ቀናት በኋላ እንዲካሄድ ውሳኔ አሳልፏል፡፡

የደቡብ ኢትዮጵያ ክልል ትምህርት ቢሮ የፈተና ቀን ለውጥ ያደረገው፣ የክልሉ እስልምና ጉዳዮች ከፍተኛ ምክር ቤት ቀድሞ የተቀመጠው የፈተና የጊዜ ሠሌዳ ከዒድ አል አድሓ በዓል ጋር በመግጠሙ በተማሪዎች ላይ አሉታዊ ተጽዕኖ እንደሚያሳርፍ በመግለጽ የተቃውሞ ደብዳቤ ከጻፈ በኋላ ነው፡፡

የክልሉ እስልምና ጉዳዮ ከፍተኛ ምክር ቤት ለደቡብ ኢትዮጵያ ክልል ትምህርት ቢሮ ደብዳቤ የጻፈው ግንቦት 21/2016 ነበር፡፡ የደቡብ ኢትዮጵያ ክልል እስልምና ጉዳዮች ከፍተኛ ምክር ቤት፣ የፈተናው ቀን ከበዓሉ ጋር በአንድነት መሰጠቱን በሕገ መንግስሥቱ የተቀመጠውን “የሃይማኖትን እኩልነት የሚጥስ” እንደሆነም ጠቅሷል፡፡

ለክልሉ እስልምና ጉዳዮች ከፍተኛ ምክር ቤት የተቃውሞ ደብዳቤ ምላሽ የሰጠው የደቡብ ኢትዮጵያ ክልል ትምህርት ቢሮ፣ የጊዜ ሠሌዳው ላይ ማሻሻያ በማድረግ የስድስተኛ ክፍል ፈተና ሰኔ 12/2016 እንዲሰጥ ውሳኔ አሳልፏል፡፡ ትምህርት ቢሮው ውሳኔውን በደብዳቤ ማሳወቁን የደቡብ ኢትዮጵያ ክልል እስልምና ጉዳዮች ከፍተኛ ምክር ቤት ፕሬዝዳንት ሐጂ ያሲን ኸድር ለሚንበር ቲቪ ገልጸዋል፡፡ ከትምህርት ቢሮ ኃላፊዎች ጋር በጉዳዩ ላይ ውይይት መካሄዱን ያስታወሱት ፕሬዝዳንቱ፣ ቢሮው ውሳኔውን በክልሉ ለሚገኙ 12 ዞኖች እንዲደርስ ማድረጉንም ጠቁመዋል፡፡

የኢፌዴሪ ትምህርት ሚኒስቴር ከዚህ ቀደም ስምንተኛ ክፍል ላይ ብቻ ይሰጥ የነበረውን ክልል አቀፍ ፈተና ከባለፈው የ2015 ትምህርት ዘመን አንስቶ ለስድስተኛ ክፍል ተማሪዎች መስጠት መጀመሩ የሚታወቅ ነው፡፡ (ሚንበር ቲቪ)

በድረ ገጽ ለማንበብ ሊንኩን ይጫኑ፡- https://minbertv.com/?p=8311

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

🔴 የጥንቃቄ መልዕክት 🔴

የንግድና ቀጣናዊ ትስስር ሚኒስቴር ሁለት የወተት ምርቶች ላይ ባካሄደው የናሙና ምርመራ የጥራት መስፈርት ሳያሟሉ መገኘታቸውን አስታውቋል፡፡ ሚኒስቴሩ የጥራት መስፈርት አላሟሉም ያላቸው SULTAN INSTANT FULL CREAM MILK POWDER እና Nura Super Instant Full Cream Milk Powder የተባሉ የወተት ምርቶችን ነው፡፡

የንግድና ቀጣናዊ ትስስር ሚኒስቴር በገበያ ላይ በመገኘት የገበያ ኢንስፔክሽን ሥራ በማከናወን ከገበያ ከተወሰደው ወካይ ናሙና ላይ በተደረገው የላቦራቶሪ ፍተሻ ውጤት መሠረት፣ የተደነገገውን የጥራት መስፈርት ሳያሟሉ የተገኙ ምርቶች በመሆናቸው ኅብረተሰቡ በ400 ግራም ባች ቁጥር የጠቀሰባቸውን ምርቶች እንዳይጠቀም ሲል አስታውቋል፡፡ ሚኒስቴሩ ኅብረተሰቡ እንዳይጠቀመው ያለው የSULTAN INSTANT FULL CREAM MILK POWDER ወተት የተመረተበት ጊዜ 19/02/2024፣ የሚያበቃበት ጊዜ ደግሞ 18/02/2015 ባች ቁጥሩ 56 ነው፡፡ በተመሳሳይ Nura Super Instant Full Cream Milk Powder የምርት ጊዜው 01/11/2023 እና የሚያበቃበት ጊዜ 31/10/2025 እንዲሁም የባች ቁጥሩ BT 23246006 የሆነውን ምርት ኅረተሰቡ እንዳይጠቀም ተብሏል፡፡

ሚኒስቴር መስሪያ ቤቱ ከላይ የተጠቀሱት ምርቶች በገበያ ቦታ እና ሱፐር ማርኬት ማንኛውም ነጋዴ ሆነ ግለሰብ ሲሸጥ ከተገኘ አስፈላጊው አስተዳደራዊ እና ሕጋዊ ርምጃዎች እንደሚወሰድ ገልጧል፡፡

የተጣለ ምግብ ታጥቦ ድጋሚ ለምግብነት የሚቀርብበት ቦታ! 🥲

ሙሉ ፕሮግራሙን የዩትዩብ ቻነላችን ላይ ያገኙታል።
🔗 https://youtu.be/72fFhkGP3Wg 🔗

#ድህነት #አሳዛኝ
#ዳር_እስከ_ዳር #መወዳ_መዝናኛ

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

ስቃዪ ከሚበዛብሽ እስልምና ቢቀርብሽስ? | በእምባ ያራጨን ጥያቄ! 😭

ሙሉ ፕሮግራሙን የዩትዩብ ቻነላችን ላይ ያገኙታል።
🔗 https://youtu.be/eOidvKsEgsY 🔗

#ሂዳያ #ኢስላም
#የኔ_መንገድ

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

ፍልስጤማዊው የቀድሞ የሜታ ባልደረባ በኩባንያው ላይ ክስ መሠረተ

ፍልስጤማዊው የቀድሞ የሜታ ባልደረባ በኩባንያው ላይ ክስ መሠረተ

ዕለተ ሐሙስ ግንቦት 29 - 2016 | ዙል ቀዕዳህ 29 – 1445 | ሚንበር ቲቪ

ግዙፎቹን የማኅበራዊ ትስስር መድረኮች ፌስቡክ፣ ዋትሳፕ እና ኢንስታግራምን የሚያስተዳድረው ሜታ ኩባንያ፣ በፍልስጤማዊ አሜሪካዊው የቀድሞ ባልደረባው ክስ ተመሠረተበት፡፡ የኩባንያው የቀድሞ ባልደረባ ሜታ ፍልስጤምን ከተመለከቱ ይዘቶች ጋር በተገናኘ አላግባብ እንዳሰናበተው ጠቅሷል፡፡

ፈራህ ሐማድ የተባለው የቀድሞው የሜታ ባልደረባ፣ ክሱን የመሠረተው በካሊፎርንያ ግዛት ነው፡፡ በኩባንያው ውስጥ እ.እ.አ ከ2021 አንስቶ ያገለገለው የምሕንድስና ባለሞያው ፈራህ ሐማድ፣ በኩባንያው ውስጥ በሚሠራበት ጊዜ በባልደረቦች መካከል ፍልስጤምን በተመለከተ የሚደረጉ የመልዕክት ልውውጦች ይሰረዙ እንደነበር ተናግሯል፡፡

የቀድሞው የሜታ ባልደረባ ይሰረዙብን ነበር ካላቸው መልዕክቶች ውስጥ በጋዛ የሚገኙ ዘመዶቻቸውን ኅልፈት የሚያረዱ ይገኙበታል፡፡ ሐማድ ከባልደረቦቹ ጋር በነበረው ልውውጥ የፍልስጤምን ሰንደቅ የያዘ ስሜት ገላጭ ምሥል (emoji) መጠቀማቸውም ምርመራ እንዲካሄድባቸው ማድረጉንም በክሱ ላይ አስቀምጧል፡፡ ሐማድ እንደገለጸው ከሆነ ኩባንያው ፍልስጤምን ለተመለከቱ የመልዕክት ልውውጦች እርምጃ ቢወስድም፣ ሌሎች ባልደረቦች በተመሳሳይ አውድ ውስጥ የእስራኤል አልያም የዩክሬንን ሰንደቅ ሲጠቀሙ በዝምታ አልፎታል፡፡

ሐማድ ለፍርድ ቤት ባቀረበው ክስ የቀድሞ አሠሪው ሜታ ፍልስጤምን የተመለከቱ ቪድዮዎችን ከአውድ ውጪ በመተርጎም ፀያፍ ይዘት ካላቸው ምድብ ውስጥ እንደሚያካትት የገለጸ ሲሆን፣ ለዚህ በማሳያነት የጠቀሰው በፍልስጤማዊው የፎቶ ጋዜጠኛ ሞታዝ አዛይዛ የተቀረጸ በጋዛ የሚገኝ ሕንጻ ሲወድም የሚያሳይ ምሥልን ነው፡፡ ሐማድ በኩባንያው ይካሄዳሉ ያላቸውን ድርጊቶች ለማረም ሲንቀሳቀስ ሜታ እንዳሰናበተውም አስታውቋል፡፡

ግዙፉ ሜታ እስራኤል በጋዛ እየፈጸመች የምትገኘውን ጥቃት ተከትሎ ከባልደረቦቹ ተመሳሳይ ክስ የሚቀርብበት ነው፡፡ ኩባንያው በተደጋጋሚ ለፍልስጤም ድጋፍ የሚሰጡ ድምጾች እንዲታፈኑ ያደርጋል በሚል ነው ክሱ የሚሰማበት፡፡ ከዚሁ ጋር ተያይዞም ቁጥራቸው ወደ 200 የሚጠጋ የኩባንያው ሠራተኞች ለባለቤቱ ማርክ ዙከርበርግ የቅሬታ ደብዳቤ ጽፈዋል፡፡

እስራኤል ባለፉት ወራት በጋዛ እየፈጸመችው በሚገኘው ጥቃት ሕፃናት እና እናቶችን ጨምሮ ቢያንስ 35 ሺሕ ንጹሐን ተገድለዋል፡፡ እስራኤል የምትፈጽውን ጥቃት አሉታዊ ምሥል ለመስጠት በማኅበራዊ ትስስር መድረኮች ላይ ሐሰተኛ መልዕክት የሚያሠራጩ ቦቶችን እንደምትጠቀም በተደጋጋሚ ሲገለጽ ቆይቷል፡፡
★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

🗣 #እናስታውስዎ!

ምናልባት ዛሬ የወሩ መጨረሻ  ከሆነ:-
ከዛሬ ዕለተ ሐሙስ በኋላ «ኡዱሒያ» ማድረግ የፈለገ ሰው
ከፀጉሩም ይሁን ከጥፍሩ ምንም ነገር መንካት አይፈቀድለትም።

ስለዚህ...
   💇‍♂️ ፀጉሩን መቁረጥ፣
  ✂️ ጥፍሩን መቁረጥ፣
   ✂️ ቀድሞ ቀመሱን ማሳጠር፣
   ✂️ ሌላ አካሉ ላይ ያሉ ፀጉሮችን ማስወገድ
የፈለገ ሰው ከዛሬ ሐሙስ ማሳለፍ የለበትም።

ውዱ ነብያችን የአላህ ሰላትና ሰላም በእሳቸው ላይ ይሁንና እንዲህ ይሉናል፦
«إذا دخلت العشر، وأراد أحدكم أن يُضحي فلا يمس من شعره وبشره شيئًا»
«አስሩ ቀናት ሲገቡ ከእናንተ አንደኛችሁ ኡዱሒያ ማድረግ ከፈለገ ከፀጉሩም ይሁን ከሰውነቱ ምንም ነገር እንዳይነካ።»

ዕለተ ሐሙስ ግንቦት 29 - 2016 | ዙል ቀዕዳህ 29 - 1445
★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

የሰሃባን ትውልድ ማየት የፈለገ ፍልስጤምን ይመልከት!

ሙሉ ፕሮግራሙን የዩትዩብ ቻነላችን ላይ ያገኙታል።
🔗 https://youtu.be/fd5JHb4uXls 🔗

#ፍልስጤም
#ሰሞነ_ሐጅ

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

ልዩ ኸበር - ለሐጅ የሚደረገው ‘ሌላኛው ፍልሚያ’

ልዩ ኸበር - ለሐጅ የሚደረገው ‘ሌላኛው ፍልሚያ’

ዕለተ ሐሙስ ግንቦት 29 - 2016 | ዙል ቀዕዳህ 29 – 1445 | ሚንበር ቲቪ

ሳዑዲ ዐረቢያ በዘንድሮው የሐጅ ሥነ ሥርዐት ክንውን ለመሳተፍ ከመላው ዓለም ሀገራት የተነሱ ምዕመናንን መቀበሏን እንደቀጠለች ነው፡፡ የሀገሪቱ ባለሥልጣናት ይፋ ያደረጓቸው መረጃዎች እንደሚያሳዩት፣ እስካሁን ድረስ ሳዑዲ ዐረቢያ የገቡ ምዕመናን ቁጥር አንድ ሚሊዮን ደርሷል፡፡ ከአንድ ሳምንት በታች ለቀረው የሐጅ ክንውን፣ በቀጣይ ቀናት ሌሎች አንድ ሚሊዮን ምዕመናን ወደ ሀገሪቱ ይዘልቃሉ ተብሎ ይጠበቃል፡፡

ሳዑዲ ዐረቢያ እንግዶቹን የምታስተናግደው ለሥነ ሥርዐቱ ብቻ በሚል የተለየ ቪዛ አዘጋጅታ ነው፡፡ በዚህ ምክንያት የሐጅ ቪዛ ከያዙ ምዕመናን ውጪ ሌሎች እንግዶች ወደ ሀገሬ ቢገቡም ወደ ቅድስቲቱ መካ ከተማ እንዲዘልቁ አልፈቅድም በማለት የከተማዋን በሮች ቆልፋለች፡፡

ሀገሪቱ ከዚህ ቀደም እንዳስታወቀችው፣ የመካ በር ከተቆለፈ በኋላ ማንኛውም ምዕመን በየትኛውም ምክንያት በድንገት መካ ከተማ ውስጥ ያለ ሐጅ ቪዛ ቢገኝ ቅጣት ይጠብቀዋል፡፡ ሳዑዲ መቀጮ የሚያስከፍለውን ደንብ ያወጣችው በሥነ ሥርዐቱ ወቅት ሊከሰት የሚችለውን መጨናነቅ ለመቀነስ ነው፡፡ ሳዑዲ ዐረቢያ ይህን እርምጃ ይበልጥ ያጠናከረችው ከዘጠኝ ዓመታት በፊት ሚና ላይ አደጋ ከተከሰተ በኋላ ነው፡፡ ምዕመኑን ብቻ ሳይሆን የትራንስፖርት አገልግሎት የሰጡትንም ጭምር የሚያስቀጣውን ደንብ የጣሱ ምዕመናን፣ በፀጥታ ኃይሎች ቁጥጥር ስር መዋላቸውን የሳዑዲ ዐረቢያ ጋዜጦች መዘገብ ጀምረዋል፡፡

ሳዑዲ ቁጥጥሩን ጠበቅ ብታደርግም፣ የመጣውን ለመቀበል የቆረጡ ከመላው ዓለም የተለያዩ ሀገራት ቀደም ብለው የተነሱ ምዕመናን የሐጅ ቪዛ በእጃቸው ሳያስገቡ መካ ውስጥ እንደሚገኙ የሀገሪቱ መገናኛ ብዙኃን ዘግበዋል፡፡ እነዚህ ምዕመናን መካ ውስጥ የሚገኙት ሐጅ ሲጀመር ሥነ ሥርዐቱን ለመከወን ነው፡፡ ምዕመናኑ ይህን መንገድ የመረጡት በአብዛኛው ከገንዘብ ጋር በተገናኘ መሆኑን ይገልጻሉ፡፡

ከእነዚህ ውስጥ የሆነው መገናኛ ብዙኃኑ የአባቱን ሥም ያልጠቀሱት ግብጻዊው ሙሐመድ፣ በአሁኑ ወቅት መካ ውስጥ በሚገኝ አፓርታማ ውስጥ በመቀመጥ የሐጅ ሥነ ሥርዐት እስኪጀመር ድረስ እየተጠባበቀ መሆኑን ተናግሯል፡፡ ሙሐመድ ለምን ይህን እንዳደረገ ሲጠየቅ፣ ወጪ ቆጣቢ ሐጅ ለመፈጸም ነው ብሏል፡፡ የሙሐመድ ሀገር ግብጽ ለሐጅ ሥነ ሥርዐት 175 ሺሕ (የግብጽ) ፓዉንድ ታስከፍላለች፡፡ ሙሐመድ ከዚህ በተጨማሪም ሌላ ምክንያት ይጠቅሳል፤ ግብጽ በምከተለው የሐጅ አሠራር መሠረት ለአሥር ዓመት የሐጅ ዕድል ለማግኘት ዕጣ ይደርሰኛል ብሎ ቢጠባበቅም አልተሳለትም፡፡ ስለዚህ በቱሪስት ቪዛ መካ በመግባት ቀኑ እስኪደርስ ራሱን ከፀጥታ አካላት መሸሸግ መርጧል፡፡


ሳዑዲ ዐረቢያ በየዓመቱ የሐጅ ቪዛ ሰጥታ ከምታስተናግዳቸው እንግዶች ውጪ ቢያንስ 100 ሺሕ ምዕመናን ሳይፈቀድላቸው በሥነ ሥርዐቱ ላይ እንደሚታደሙ ትገልጻለች፡፡ (ሚንበር ቲቪ)

በድረ ገጽ ያንብቡ፡- https://minbertv.com/?p=8329

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

ዱንያ ላይ ካሉ ቀናት ሁሉ በላጮቹና እጅግ ተወዳጆቹ የዙልሒጃ አስር ቀናት ደጅ ላይ ቆመን፤ ስለ ቀናቱ ትሩፋትና አጠቃላይ ስለ ሐጅ ዓላማና የአፈጻጸም ሥርዓት የተወያየንበት ተወዳጁ የኸሚስ ምሽት ፕሮግራማችን ምሽት ከ2፡00 ጀምሮ ወደናንተ ይደርሳል፡፡

ሸይኻችን በሰዓታቸው ለሐጅ ጉዞ የተመረጡ አማኞች የሐጅ ተግባራትን በአግባቡ አከናውነው ካጠናቀቁ በኋላ በተለይ በመዲና በሚኖራቸው የዚያራ ቆይታ ጨርሶ መዘንጋት የሌለባቸውን ስፍራዎችና አዳቦች እያወሱ የሚቆዩ ሲሆን፤ ተወዳጁ ኡስታዛችን ኡስታዝ በድር ሁሴን ደግሞ የአሥርቱን የዙልሒጃ ቀናት ደረጃና የሐጅን ዐቢይ ግብና ዓላማዎች ካለንበት ተጨባጭ ጋር እያስተሳረ ውብ ሃሳቦቹን ያካፍለናል፡፡

#ለይሉ_ጁምዓ_ነው!
#ፕሮግራሙ_ደግሞ_ኸሚስ_ምሽት!

ዕለተ ሐሙስ ግንቦት 29 - 2016 | ዙል ቀዕዳህ 29 - 1445
★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

ፆም ነፍሳችንን ያንጻል!
ነፍሳችን ከተስተካከለች ደግሞ ሙሉ ህይወታችን ይስተካከላል።

ሙሉ ፕሮግራሙን የዩትዩብ ቻነላችን ላይ ያገኙታል።
🔗 https://youtu.be/nnrG4c_CtPg 🔗

#ፆም #ነፍስያን_መግራት
#በይቱል_ሐቢብ

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

የዙልሒጃ ወር ነገ ጁመዓ እንደሚጀምር ታወቀ

በሂጅሪ አቆጣጠር 12ኛው የዙልሒጃ ወር የመጀመሪያ ቀን ነገ ጁመዓ እንደሚሆን የታወቀው በዛሬው እለት አዲስ ጨረቃ በመታየቱ ነው። በዚህም መሠረት ዛሬ ሐሙስ የዙልቀዕዳ ወር የመጨረሻ ቀን ይሆናል።

በሌላ በኩል የዘንድሮው ዓመት የዒድ አል አድሓ በዓል በወሩ አሥረኛው ቀን እሑድ ሰኔ 9/2016 ይከበራል።

ጁምዓ ሙባረክ!

إِنَّ ٱللَّهَ وَمَلَـٰٓئِكَتَهُۥ يُصَلُّونَ عَلَى ٱلنَّبِىِّ ۚ يَـٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا (56)
"አላህና መላእክቱ በነቢዩ ላይ የአክብሮት እዝነትን ያወርዳሉ። እናንተ ያመናችሁ ሆይ! በእርሱ ላይ የአክብሮት እዝነትን አውርዱ። የማክበርንም ሰላምታ ሰላም በሉ።" - (ሱረቱል አሕዛብ 33፡56)

የተከበሩት የዙልሒጃ አስቱ ቀናት መጀመርያ ላይ እንገኛለን። ቀኑም ጁምዓ ነው። ሶላዋት በማውረድ እና ኸይራት በማብዛት መልካም ምንዳ እንሸምት።

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

የሬሜዲያል ፈተና የጊዜ ሠሌዳ ለውጥ ማድረጉን የትምህርት ሚኒስቴር አስታወቀ

• የኢትዮጵያ እስልምና ጉዳዮች ጠቅላይ ምክር ቤት የጊዜ ሠሌዳውን በተመለከተ ቅሬታ ማቅረቡ ተሰምቷል

የትምህርት ሚኒስቴር የሬሚዲያል (የማካካሻ) ትምህርት የማጠቃለያ ፈተና ላይ የጊዜ ሠሌዳ ለውጥ ማድረጉን ዛሬ ጁመዓ ግንቦት 30/2016 አስታወቀ፡፡ ሚኒስቴሩ የፈተና ቀን ለውጡን ያደረገው ከዒድ አል አድሓ በዓል ጋር በተመሣሣይ ቀን በመዋሉ ነው ብሏል፡፡

የትምህርት ሚኒስቴር ቀድሞ ባስቀመጠው ጊዜያዊ የጊዜ ሠሌዳ ላይ ፈተናው የሚሰጠው ከሰኔ 3 እስከ 10/2016 የነበረ ቢሆንም፣ በአዲሱ የጊዜ ሠሌዳ የአንድ ቀን ጭማሪ ተደርጓል፡፡ በዚህም መሠረት ሰኔ 9 ይሰጥ የነበረው ፈተና ወደ ሰኔ 11 ተዘዋውሯል፡፡ የትምህርት ሚኒስቴር የቀን ለውጥ ያደረገው ሰኔ 9/2016 የዒድ አል አድ በዓል ስለሚከበር መሆኑን ገልጧል፡፡

የትምህር ሚኒስቴር ቀድሞ ያወጣውን የጊዜ ሠሌዳ በተመለከተ ከዒድ አድሓ በዓል ጋር በተመሳሳይ ቀን ከመዋሉ ጋር በተገናኘ የኢትዮጵያ እስልምና ጉዳዮች ጠቅላይ ምክር ቅሬታ ማቅረቡን ሚንበር ቲቪ ከምክር ቤቱ ኃላፊዎች ሰምቷል፡፡

የትምህር ሚኒስቴር ከዚህ ቀደም ከእስልምና በዓላት ጋር በተመሳሳይ ጊዜ በሚያወጣው የፈተና የጊዜ ሠሌዳ ተደጋጋሚ ቅሬታ የሚቀርብበት ነው፡፡

ዝርዝሩን ለማንበብ ሊንኩን ይጫኑ፡- https://minbertv.com/?p=8346

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

የ2017 ረቂቅ በጀት አዋጅ ወደ ሕዝብ ተወካዮች ምክር ቤት እንዲመራ ተደረገ

ዕለተ ጁመዓ ግንቦት 30 - 2016 | ዙል ሒጃ 1 – 1445 | ሚንበር ቲቪ

የሚኒስትሮች ምክር ቤት የ2017 ረቂቅ በጀት አዋጅ ወደ ሕዝብ ተወካዮች ምክር ቤት እንዲመራ ያደረገው ዛሬ ጁመዓ ግንቦት 30/2016 ባካሄደው ስብሰባ ነው፡፡

ምክር ቤቱ የ2017 የፌደራል መንግሥት በጀት የተዘጋጀው የአሥር ዓመቱ መሪ የልማት ዕቅድ አካል የሆነውን የ2016-2018 የልማትና ኢንቨስትመንት እቅድ ላይ የተቀመጡ ግቦችንና የ2017-2021 የመካከለኛ ዘመን የማክሮ ኢኮኖሚና የፊስካል ማዕቀፍን ማስፈጸም እንዲቻል በሚያደርግ መልኩ ነው ተብሏል፡፡

በተጨማሪም የ2016 የፌደራል መንግሥትን የፕሮግራም በጀት አፈጻጸም መነሻ በማድረግ፤ የመንግሥት የፋይናንስ አቅም እና ተጠባቂ ገቢዎችን ታሳቢ በማድረግ እንዲሁም አስፈጻሚ መሥሪያ ቤቶች የተሰጣቸውን ተልዕኮና ኃላፊነት ለመወጣት የሚያስፈልጋቸውን ወጪ በመገምገም እንዲዘጋጅ መደረጉንም ምክር ቤቱ አስታውቋል፡፡

በዚሁ መሠረት ለፌዴራል መንግሥት መደበኛ ወጪዎች፣ ለካፒታል ወጪዎች፣ ለክልሎች የሚሰጥ ድጋፍ፣ ለዘላቂ የልማት ግቦች ማስፈጸሚያ ድጋፍ እና ተጠባባቂ ወጪን ጨምሮ ወደ አንድ ትሪሊዮን የሚጠጋ በጀት ለምክር ቤቱ መቅረቡ ተገልጧል፡፡

ምክር ቤቱም በቀረበው የፌዴራል መንግሥት የ2017 ረቂቅ በጀት አዋጅ ላይ ከተወያየ በኋላ ግብአቶችን በማከል ወደ ሕዝብ ተወካዮች ምክር ቤት እንዲተላለፍ በሙሉ ድምጽ ወስኗል ነው የተባለው፡፡ (ሚንበር ቲቪ)

በድረ ገጽ ያንብቡ፡- https://minbertv.com/?p=8343

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

የጁመዓ ልዩ ኸበር- የሸይኽ ዐብዱረሕማን ሱደይስ የጁመዓ መመርያ

የጁመዓ ልዩ ኸበር- የሸይኽ ዐብዱረሕማን ሱደይስ የጁመዓ መመርያ

ዕለተ ጁመዓ ግንቦት 30 - 2016 | ዙል ሒጃ 1 – 1445 | ሚንበር ቲቪ

ከአዲሷ ጨረቃ ጋር ዛሬ ጁመዓ የዙልሒጃ ወር ጅማሬ ሆኗል፡፡ የሐጅ ሥነ ሥርዐት መጀመሪያ እና መጨረሻ ቀናትም ይፋ ተደርገዋል፡፡ ከመላው ዓለም ለሐጅ የሚሰባሰቡ ምዕመናንን የምታስተናግደው ሳዑዲ ዐረቢያ፣ ኢትዮጵያውያንን ጨምሮ የተቀበለቻቸው የአላህ እንግዶች ብዛት 1.2 ሚሊዮን ደርሰዋል፡፡ ቀሪ እንግዶች በቀጣይ ቀናት ወደ መዲና እና መካ ከተሞች መጓዝ ይቀጥላሉ፡፡

የእንግዶቹ መዳረሻ ሳዑዲ ዐረቢያ ቀድሞም የአየር ንብረቷ ግለት የሚወቅ ቢሆንም፣ ሑጃጆቹ በደረሱበት በዚህ ወቅት ይበልጥ ከፍ ማለቱ ባለሥልጣናቱን ያሳሰባቸው ይመስላል፡፡ የሳዑዲ ዐረቢያ የሜትሮሎጂ መሥሪያ ቤት በዚህ ሳምንት መጀመሪያ ላይ ባወጣው መረጃ፣ በተያዘው ዓመት የሐጅ ሥነ ሥርዐት በሚከናወንበት በዚህ ወቅት ከእኩለ ቀን በኋላ በመካ የሚጠበቀው የሙቀት መጠን ከ45 እስከ 48 ዲግሪ ሴንቲ ግሬድ ሊደርስ የሚችል ነው፡፡

የመሥሪያ ቤቱ ኃላፊ አይመን ቢን ሳሊም ጉላም ሙቀቱ እጅግ የበረታ እንደሚሆን ገልጸዋል፡፡ ጉላም በዚህ የሐጅ ወቅት ዝናብ የመፈጠር ዕድል ይኖር ይሆን ወይ በሚል ተጠይቀው፣ አነስተኛ መሆኑን በመጥቀስ ምናልባት ደመና ሊመዘገብ የሚችለው በጣኢፍ አካባቢ ነው የሚል ትንበያ መኖሩን ጠቁመዋል፡፡

ባለሥልጣናቱ ምዕመናንን ከፀሓይ ግለት ለመከላከል ዓለም የደረሰትን ከፍተኛ ቴክኖሎጂ አዘጋጅተናል ብለዋል፡፡ የሐጅ እና ዑምራ ሚኒስቴር መረጃ እንደሚያሳየው፣ ምዕመናኑ በብዛት በሚገኙባቸው ሥፍራዎች ላይ አየር ማቀዝቀዣ ተከላ እየተከናወነ ነው፡፡

ሳዑዲ ዐረቢያ ምዕመናኑን ከፀሓዩ ግለት ለመከላከል ሌላም ርምጃ ያስፈልጋል በሚል ወስናለች፡፡ ለዚህ እንዲያግዝ የሁለቱ ቅዱሳን ሥፍራ መስጅዶች ፕሬዝዳንት እና የመስጅድ አል-ሐረም ኢማም የሆኑት ሸይኽ ዐብዱረሕማን ሱደይስ ትናንት ሐሙስ አዲስ መመሪያ አስተላልፈዋል፡፡ ሸይኽ ሱደይስ ያስተላለፉት መመሪያ በዛሬው ጁመዓ የሚደረገው ኹጥባ እና የሰላት ርዝማኔ እንዲያጥር የሚል ነው፡፡ ይህ በመካም ሆነ በመዲና መስጂዶች የሚተገበር ይሆናል ተብሏል፡፡

የዛሬው ጁመዓ የመስጂድ አል ሐረም ኹጥባ የሚደረገው በሸይኽ ያሲር ደውሰሪ ሲሆን፣ የመዲናው መስጂድ አል ነበዊ ኻጢብ ሸይኽ ዓብደላህ አል ቡዓይጃን ይሆናሉ ተብሎ ተጠብቋል፡፡ (ሚንበር ቲቪ)
በድረ ገጽ ያንብቡ፡- https://minbertv.com/?p=8338

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

በሕይወት በኑሮና በጊዜያት ሽግግር የሰው ልጆችን በየዘመናቱ የሚፈታተኑና ከእምነቱ መርህ ጋር የሚጣረሱ አዳዲስ ግኝቶችና ሙከራዎች ይኖራሉ። ይህ መልኩን እየቀያየረ የሚኖር እንጂ ፈፅሞ የማይከስም ሂደት፤ ጉዳዩን በቅርበት በሚያውቁና ተዛማጅ የኾነ ጥልቅ ንባብ ባላቸው ዓሊሞችና ምሁራን መፍትሄ ካልተበጀለት መዘዙ ከባድ እንደሚኾን አያጠያይቅም።

በዛሬው የ"ጥያቄ አለኝ" ዝግጅታችን በትዳር ሕይወት ዙሪያ ካነሳናቸው የተለያዩ ንዑስ ጉዳዮች አንዱ ኾኖ የቀረበው "መህሬ ቁርኣን ነበር! ወደ ገንዘብ ብቀይረውስ?" በሚል ርዕስ በሸሪዓችን ከተሰጠው ብይን በመነሳትና የተለያዩ ዑለሞችን ምላሾች መሠረት በማድረግ ተወዳጁ ዐሊም ሸይኽ አህመድ አወሉ ዛሬ ምሽት ከ3:00 ጀምሮ በሚንበር ቲቪ በሚቀርበው "ጥያቄ አለኝ" ፕሮግራም ላይ ምላሽ የሚሰጡበት ይኾናል።

ያላችሁን ጥያቄዎች በፅሁፍ በ 0948992121 ወይም በ9282 ላይ YS ን በማስቀደም ልታደርሱን ትችላላችሁ!!

#ጥያቄ_አለኝ
#መህሬ_ቁርኣን_ነበር!
#በገንዘብ_ብቀይረውስ?

ዕለተ ዓርብ ግንቦት 30 - 2016 | ዙል ሒጃ 1 – 1445 | ሚንበር ቲቪ

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV

ዘመን የማይሽረውን የቁርኣንን ልቅና በተለያዩ ማዕዘናት እያሳየና፤ የተከበረውን የአላህ (ሱ.ወ) ቃል በልባቸው ላይ አትመው ከሚኖሩ በርካታ እንግዶቹ ጋር ቆይታ እያደረገ ዘወትር ጁሙዓ ምሽት ከ 2፡00 ጀምሮ ሲቀርብ የቆየው መዓል ቁርኣን ፕሮግራማችን፤ እነሆ በአዲስ ቅርፅና ይዘት ተመልሷል፡፡ በአዲሱ ምዕራፋችን ቁርኣን የሚነበብ ብቻ ሳይሆን ለሁለት ዓለም ስኬት የሚያበቃ የህይወት መንገድ መሆኑን ከንባብና ኑሯቸው እየመዘዙና፤ እንደ ሙስሊም ከቁርኣን ጋር ስላላቸው ትይይዝ ሃሳብ እየሰጡ የሚቆዩ የተለያዩ እንግዶችን እየጋበዘ እንደዚሁም የአዘጋጁን ተወዳጅ ምጥን ቁርኣናዊ መልዕክት አካቶ ዘወትር ጁሙዓ ምሽት ከ 2፡00 ጀምሮ በሚንበር ቲቪ ወደናንተ መድረሱን ጀምሮዋል፡፡

በዛሬው መዓል ቁርኣን ዝግጅታችን ለየት ባለ የአቀራር ስልቱ ከምናውቀው ከዶ/ር ሚስባህ ጋር ቆይታ የምናደርግ ሲሆን፤ ከቁርኣን ጋር የነበረውን ጉዞና ይህን የሀበሻ ዜማ የሚባለውን አቀራር ከየት እንደተማረ አውግቶናል። በተጨማሪም መድረሳዎች ላይ የምንመለከተውን ክፍተት ምንጭ እና መፍትሄው ላይ አውርተናል።

ዛሬ ምሽት ከ02፡00 ጀምሮ በሚንበር ቲቪ ይቀርብላችኋል፡፡

#ከሂፍዝ_በኃላስ?
#ከቁርአን_ጋር

ዕለተ ዓርብ ግንቦት 23 - 2016 | ዙል ሒጃ 1 – 1445

★ ★ ★
Minber TV | EthioSat | 11545 | H | 45000
#ሚንበር_ቲቪ #ሁለንተናዊ_ከፍታ! #Minber_TV