أعظمَ اللّٰه اجورنا واجوركم بمصابنا بالحسين (ع) وجعلنا الله واياكم من الطالبين بثأره مع وليه الامام المهدي (عج)

بس ما اجت نفسها !.

… من تصفن مرات و تسئل نفسك شلون عاشرت هيج ناس ما تعاشر ؟…

شلون ما كاعد افهم !.

الدُّنْيا لَيْسَتْ لَنا، فَأَحْسِنوا خاتِمَتَكُمْ؛ فَإِنَّها فانِيَةٌ.

💔.

أكو فرق كبير بين الإنسان اللي يرفع نفسه بأخلاقه، وبين الإنسان اللي يحاول يرفع نفسه عن طريق التقليل من غيره. لأن اللي واثق من نفسه يعرف قيمته، وما يحتاج كل ما شاف شخص ناجح أو محبوب أو مميز يحاول يقلل منه حتى يحس نفسه أفضل. بعض الناس للأسف ما يعرفون يثبتون نفسهم إلا إذا كسروا صورة غيرهم، فينتقدون، ويستهزؤون، ويقللون من إنجازات الناس، مو لأن الطرف الثاني فعلاً أقل، وإنما لأنهم ما يتحملون يشوفون أحد أعلى منهم أو متقدم عليهم.

بس بالنهاية، استنقاصك من غيرك ما راح يزيد من قيمتك، وتقليلك من نجاح شخص ما راح يخلي نجاحك أكبر، ومحاولتك تبين إنك أفضل من غيرك ما راح تخليك فعلاً أفضل. لأن الإنسان الراقي يعرف أن نجاح غيره ما ينقص من نجاحه، وجمال غيره ما يلغي جماله، وتميّز غيره ما يعني أنه أقل تميزاً.

واللي عنده قيمة حقيقية ما يحتاج يطعن بالناس حتى يبين نفسه، ولا يحتاج يشوه صورة أحد حتى يلمع صورته. لأن الشخص الواثق يترك أفعاله تحچي عنه، أما اللي ما عنده شي يقدمه، يحاول دائماً يقلل من غيره حتى يغطي على النقص اللي بداخله.

فلا تحاول ترفع نفسك على حساب أحد، لأنك مهما حاولت، ما راح تصير أعلى من غيرك بتقليلهم. الرفعة الحقيقية إنك تكون كبير بأخلاقك، بكلامك، بتصرفاتك، وبالطريقة اللي تعامل بيها الناس. لأن بالنهاية، الناس تنسى شكد حاولت تقلل من غيرك، بس ما تنسى شلون خليت نفسك تبين من خلال أخلاقك .

أحيانَّا
تستوعب إن الأشياء
ما تبقى مثل ما هي
لا الشعور ، ولا الناس ،ولاحتى انته تمشي الأيام
وتبدأ تتغير من غير ما تحس تصير تحب الهدوء اكثر
وتقلل أسئلتك ، وتكتفي باللي يكفي ..

بسم الله الرحمن الرحيم
وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ
أَمْوَاتًا بَلْ أَحْيَاءٌ عِندَ رَبِّهِمْ يُرْزَقُونَ

من سورة آل عمران - آية (169)

الحمدالله على كلشي ٫ لأن شنو كاتبه ربك يصير ٫و مو
كلشي نتمناه يكون صالح إلنا ولا كلشي نريده لازم يصير .
فمهما جان الي كاتبه ربك أرضى بي ٫ لأن اكيد بي حكمه
و خير حتى لو احنا ما نعرفه .

" وَ لَعَلَّ الله أَرادَهَا أَنْ تأتي "
"متأخره فَتَأتي اعظم و اكرم "

الدُّنْيَا مُو عَادِلَة 💔.

عشوائيات 🍓.

ما أحب اللي يكول: «كلشي كاتبه ربي». نعم بالله، وكلشي بيد ربنا، بس هم الإنسان مخيّر بأشياء كثيرة بحياته، وقراراته واختياراته إلها دور.

ماكو شي اسمه كلشي يصير بحياتك وتكول: «هذا نصيبي» وتظل تذم نصيبك. إنتَ اختاريت تخصصك، اختاريت وين تكون، اختاريت أصدقاءك، واختاريت تكون زين أو لا. كثير من الأشياء اللي تسويها هي من اختيارك، ولهذا أحسن الاختيار، وفكّر بعقل وحكمة.

مو كلشي نرميه على النصيب، وبعدين نكعد نذم نصيبنا. أكو أشياء ما إلنا اختيار بيها، نعم، بس أكو أشياء إحنا نختارها ونصنع جزء كبير من نتائجها. فأحسنوا الاختيار، وتحملوا مسؤولية اختياراتكم .