🎭Ўзбек Миллий Академик драма театрининг устоз санъаткори, Ўзбекистон ва Қорақалпоғистон халқ артисти Муҳаммадали Абдуқундузов ҳамда Ўзбекистонда хизмат кўрсатган артист Муяссар Бердиқулова.

“Оёқ кийимларим топ-тоза!”

@milliyteatr

#Архив
#Талабалик_саҳнаси

Ўзбекистон халқ шоири Усмон Азимнинг "Кундузсиз кечалар" пьесасини Ўзбекистон ва Қорақалпоғистон халқ артисти Муҳаммадали Абдуқундузов, ЎзДСМИ ўқув театрида саҳналаштирди.

@hududtv
@milliyteatr

#Қўшиқ

🎭Ўзбек Миллий Академик драма театрининг устоз санъаткори, Ўзбекистон ва Қорақалпоғистон халқ артисти Муҳаммадали Абдуқундузов:

– Аксар хонандаларнинг: "Клипимда суратга тушинг", – деган таклифларига рад жавобини бераман. Аммо саноқлиларига розилик берганман. Сабаби,  қўшиқнинг азбаройи  ёққанидан. Тақдим этаётганим, бир дам инсонни беғуборлик дунёсига – подшоҳлик даврига элтувчи тарона.

@milliyteatr

Шукрона кун!

Июлнинг 19-кунида, Ўзбек Миллий Академик драма театрининг "Кадрлар бўлими" бошлиғи Каромат Иргашеванинг таваллуд айёми.

Каромат опани шукрона куни билан табриклаб, аввало сиҳат-саломатлик, узоқ ва хосиятли умр, мўл-кўл ризқ-насиба, оилавий кўнгил хотиржамлик ҳамда касбий ютуқ-юксалишлар тилаймиз.

Фарзанду набиралар бахт-иқболини роҳатда кўриб юринг, деймиз.

Ҳикматли дунёда топганингиз ҳикмат, кўрганингиз саодат бўлсин!

@milliyteatr

#Фото

🎭Ўзбек Миллий Академик драма театрининг ижодкор ва ишчи ходимлари.

Ўнгдан: Актёрлар Авазхўжа Қодиров, Аҳрор Алижонов, Фурқат Ғофуров, Ўзбекистонда хизмат кўрсатган артист Қаҳрамон Абдураҳимов, "Кадрлар бўлими" бошлиғи Каромат Иргашева, Ўзбекистонда хизмат кўрсатган артист Тоҳир Саидов, актёрлар Шарофиддин Музропов, Умид Турсунов, Фирдавс Зияев.

Яхши кундан чиройли эсдалик.

@milliyteatr

#Таъзия

Устоз санъаткор, Ўзбекистон халқ артисти Толиб Каримов табаррук 83 ёшда бандаликни бажо келтирди.

Ўзбек Миллий Академик драма театри жамоаси марҳумнинг оила аъзоларига, барча яқинларига таъзия билдиради.

Аллоҳнинг иродаси экан, раҳматлининг ортидан қолувчиларга Ўзи чиройли сабр берсин. Марҳумни Ўз марҳаматига олиб, шоистаи жаннат қилсин.

@milliyteatr

Шукрона кун!

Бугун, 20-июль. Ўзбек Миллий Академик драма театрининг устоз санъаткори, Ўзбекистон халқ артисти Эркин Комиловнинг таваллуд айёми.

Устозга шукрона кун муборак бўлсин, дея аввало соғлик-омонлик, узоқ ва барокатли умр, улуғ ризқ-насиба, оилавий тинчлик-хотиржамлик ҳамда ижодий куч-қувват, кўтаринки кайфият тилаймиз.

Репертуарингиз янада бойиб, янада чирой очсин.

Ўзбек халқига ижодий туҳфалар армуғон этишда асло ҳорманг-чарчаманг!

@milliyteatr

#Фото

Устоз санъаткор, Ўзбекистон халқ артисти Эркин Комилов ҳамда унинг севимли шогирди, Ўзбекистонда хизмат кўрсатган артист Асадилло Набиев.

Яхши кундан чиройли эсдалик.

@milliyteatr

#Фото

Ўзбекистонда хизмат кўрсатган артист Асадилло Набиев:

– Устоз отангдек улуғ, деган нақл бежиз эмас. Устозим Эркин Комиловнинг суҳбатига ошиқаман. Актёрлик ҳам бир илм. Актёрлик илмида устозим чин маънода олим!

@milliyteatr

#Фото

Устоз Эркин Комилнинг қўлидан ош емабсиз, бу дунёга келмабсиз.

Кўнглингиз паловхонтўра тусаса, Миллий театрга марҳамат!

@milliyteatr

#Фото

Устоз-шогирд боғдорчилик ишларида ҳам ҳаммаслак ва ҳамфикр.

Тоза ҳавода бироз шамоллаб, яна ижодга шўнғийдилар.

@milliyteatr

#Фото

Устоз санъаткор Эркин Комилов:

– Репетиция тугади. Энди шогирдим Асадилло билан бир шаҳар айланиб келсак.

@milliyteatr

#Фото

Энг беғубор дунё – бола дунёси. Бу дунёга кирсангиз, қайтиб чиққингиз келмайди.

Бола – фаришта! Ҳаттоки, фаришталар ҳам болага таъзимда.

Эркин бобо, одатда болалар дунёсига тез-тез ташриф буюради. У болажонларнинг севимли эртакчи бобоси. Аниқроғи, эртакчи Қундуз бобоси.

Невара-чевараларга эртакларингиз бисёр бўлсин, Қундуз бобо!

@milliyteatr