‏اللي سواليفها عذبه وفيها عناد
‏ياحلوها كل ماقالت لي شعورها

‏حلوة نبأ طيّبة مبدأ وريثة شداد
‏اليا مشت فوق الأرض تطيّر طيورها

‏نشميّةٍ دونها اللي يحتمون البلاد
‏اللي على سرجها واللي على كورها

‏تستاهل العود الأزرق والبكار التلاد
‏والطرقة اللي توقفني على سورها

‏أنتي أصلاً من سلالة طيبين السيرة
‏من يردك دام جدّك كلمته مسموعه

‏الجمال العالمي يطغى على أهل الديرة
‏ كل ما تمشين من شافك لقى موضوعه

‏والشجاع اللي سرقتي فرحته ماغيره ؟
‏يوم
‏يومين
‏و تشوفينه يمّش دموعه

‏لا تقولين ؟ الحزن واضح عليّ تأثيرة
‏الحزن لا شاف وجهك غادر المجموعه

هلا مرحبا يـا بعد عمري وأنا مازلت
‏أشوف أنك انظف قلب وأرق مخلوقه
‏
‏يقولون لي ما تبتسم للعباد وقلت
‏وش يسوي اللي بسمة شفاه مسروقه

‏يقولون لي حاول وأنا أقول قد حاولت
‏يقولون قلبك ما هدى ؟ قلت من شوقه

‏عمومًا حبيبك لا لقاك ولقاك اقبلت
‏يحس إن مابه شخص فالأرض من فوقه

‏قولو لها شـــاء الزمن والا أبأ
‏حبيبتي رغم الظـروف الممكنه

‏عقدن من العفه تربـــع وأنتمأ
‏في عنقها كنه يداعــب مسكنه

‏يعني غرامـــك صابني حتئ نمأ
‏صار العشـق لجلك محبه مزمنه

‏لو الزمـــن يرجـع علئ الدنيا ورأ
‏لكتبك قصـة حب فيني معلنه .

‏انتي اختصرتي بالجمال المزايين
‏حتى كسبتي من طرفهن عداوه

‏يالورده اللي بين خضر البساتين
‏وتومي بك الهبه ليان وطراوه

‏مرت لك الدنيا على ماتحبين
‏واعطتك من فوق الملامح صفاوه

‏ياما اختلط ملحك على وجهك الزين
‏وزدتي على كثر الحلاوه حلاوه

‏لك أيام ما نمتي من الخوف والإرباك
‏تخيفك طواري الحرب لو ماهي بـ حولك

‏وأنا لي بـ حرب عيونك الناعسة دكّاك
‏مقاذيف عينك مع تثنّايك وطولك

‏ترى ما ضعفت إلّا لأن العدو فتّاك
‏لو إنه مهو فتّاك ما كان ذا زولك

‏تعالي بليّا سيوف رمشك وأنا أتحدّاك
‏إذا ما انتصرت بوقتها فـ أكّدي قولك

علموني ب آخر أخباره
لعنبوا حبّه لعب فيّه

أشهد إن النفس منهاره
وجمرةٍ بالكبد مكويّه

في خفوقي تشتعل ناره
ما رحمني لعنبوا حيّه

هو غلا عمري مع أسراره
هو هناي وكل ماليّه

ما ذبحني غير تذكاره
صورةٍ وإيديه في إيديّه

أشهد الأيام دوّااااااره
اخ يا وقتٍ مضى ليّيه

يوم عطل غادر دياره
سافروا يم السعودية

من يطمني عن اخباره
اشهد ان حبه لعب فيّه

‏المداهيل القديمه وحلو الذكريات
‏ماتوسع خاطري عقب غابوا ناسها

‏من كثر ما مرت العين بعض المغريات
‏اعرضت نفسي وشامت ومات احساسها

‏يا رفيقي ما نسيت العيون الناعسات
‏بس عنها دله النفس ولا واسها

‏حالفٍ ما اسلى ولا انسى السنين الماضيات
‏لو اذوق من الليالي مرارة كاسها .

روسٍ رفعناها معزه وتقدير
‏و روسٍ نوطيها وناطا عليها

‏يزيدك دلالك تِيه وازيد فيك هْبال
‏أنا اللي يشوفك قِبلته وين ما وجّه

‏ألبّي وأفدّي كل ما جيتني تختال
‏وأشاهدك ْ وألقى في مشاهدتك السجّة

‏على بحر ْ جيدك قشّة الغارق السلسال
‏أدوّر نجاتي بعد ما صرت في لجّة

‏من يلوم طرف ٍ هام في عودك الميّال ؟
‏عيون ٍ فتنها الحسن هذا لها حجّة .

‏مرحبا قبل السؤال .. ومرحبا بعد الإجابه
‏يا هوى القلب العليل و بلسمه من كل علّه

‏ما بعد صوتك جمال ولا بعد شوفك رحابه
‏أنتي إللي تستحقين الغلا دقه ، و جلّه

‏من يشوفك يبتسم لو كان عايش في كئابه
‏كيف عاد .. إللي فـ قلبه لك مكانه مستقلّه

‏نبرتك في مطلبك تكفيك عن فن الخطابه
‏و نظرة عيونك .. على الواقع تزيد الطين بلّه

‏إن جلستي تشخص الأبصار من قدر و مهابه
‏و إن وقفتي قالو الحضّار .. وش ذا الزين كلّه

‏كل ليله تسألين الحسن وش حضرة جنابه
‏و كل ليله تتركين أهل الحسد من فوق ملّه

‏أقبلي مثل السعاده و إشمخي مثل السحابه
‏و إمطريني بـ الوصال .. و غلّي الناس المغلّه

‏عاشقك ما بين خلانه و يشعر بـ إغترابه
‏و في حراوي ديرتك ما كنّه إلا في محلّه

‏مقتنع بـ النسمه إللي عندكم تطرق ثيابه
‏خلي إللي طمعته .. في فرده و فنجال دلّه

‏الوصل لو صك بابه ، و الهجر لو فك بابه
‏أدري إن المعطي الله و أدري إن المانع الله

‏الوكاد إللي فـ حبك ما قطف زهرة شبابه
‏كان ما يقضي عليه الموت ولا جاه خلّه

‏فداك الجروح ودمعة البعد والتقصير
‏يا كل اسئلة دار المحبين واجوبتي

‏تحضنت حبك لين شفت النعم والخير
‏مثل ما احتضنتي عن هوى الغير موهبتي

‏تشيبين ولا ما تشيبين زينك غير
‏جمالك يزود ان زاد عمرك وشيبتي

‏عريبة نسب سمحة محيا وبنت امير
‏ولاني بـ راضي غيرك تصير فـ رقبتي

‏طيوفك لها الفضل ولها الشكر والتقدير
‏تجيبك بعد عن واقعي ما تهربتي

‏رحلتي بدون انذار يسبق ولا تبرير
‏انا اسب ولا امدح مع الناس تجربتي ؟
‏
‏سلامات غبتي ما اتفقنا الغياب يصير
‏انا ويش اسوي في غيابك بعد غبتي

تبادل إشتراك ثابت:- @iilISS1 💙

‏الله يا ليل اللقاء و المواصيل
‏و عزّاه ياجفنٍ من الحزن غارق

‏كنّا سوى بين السهر و التعاليل
‏و مرّ اللقاء فـ قلوبنا ومض بارق

‏و صرنا مثل نور الفجر و آخر الليل
‏ ما نلتقي إلا عشان نتفارق .

‏اذكرك يا قلبي قبل عدّة سنين
‏تعشق تفاصيل الحياة وصخبها

‏عايش بدون قيود وبدون روتين
‏تمشي ورا احلامك وتنسى تعبها

‏وش جاك متغيّر ولا ودك الحين
‏تسمع سواليف الهنوف وعتبها

‏هذا وتوّك ما وصلت الثلاثين
‏موتت شغفْك الغامضه وش سببها

‏قم غن وانسى الهم والدرب بيزين
‏قم واترك الأيام للي كتبها